༸གོང་ས་ཏཱ་ལའི་བླ་མའི་དགེ་རྩ་ཚོགས་པའི་འཛིན་སྐྱོང་ལྷན་ཚོགས་ཐེངས་ ༡༢༢ བསྐོང་ཚོགས་གནང་བ།

2 months ago

༄༅། །ཕྱི་ལོ་ ༢༠༢༦ ཟླ་བ་ ༠༢ ཚེས་ ༢༥ ཉིན་བོད་མིའི་སྒྲིག་འཛུགས་ཀྱི་དཔལ་འབྱོར་ལས་ཁུངས་སུ་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་དབུ་བཞུགས་ཐོག་༸གོང་ས་ཏཱ་ལའི་བླ་མའི་དགེ་རྩ་ཚོགས་པའི་འཛིན་སྐྱོང་ལྷན་ཚོགས་ཐེངས་ ༡༢༢ བསྐོང་ཚོགས་གནང་ཡོད། སྐབས་དེར་འཛིན་སྐྱོང་ལྷན་ཚོགས་ཀྱི་ཚོགས་མི་དཔལ་འབྱོར་དྲུང་ཆེ་གྱང་གསར་ཚེ་རིང་དོན་གྲུབ་ལགས་དང་། དགེ་བཤེས་ལྷག་རྡོར་ལགས། དགེ་བཤེས་ངག་དབང་བསམ་གཏན་ལགས་བཅས་ཕེབས་ཞུགས་གནང་ཡོད།

ཚོགས་འདུའི་སྐབས་དཔལ་འབྱོར་དང་འཛིན་སྐྱོང་དང་འབྲེལ་བའི་གནད་དོན་དང་། སྔ་ལོའི་ཚོགས་འདུའི་ཐོག་ཐག་ཆོད་བྱུང་བའི་ཐོག་བསྐྱར་ཞིབ། རྩིས་ལོ་ ༢༠༢༤་་་༢༠༢༥ ལོའི་དགེ་རྩ་ཚོགས་པའི་དངུལ་རྩིས། རྩིས་ལོ་ ༢༠༢༥་་༢༦ ལོའི་སྔོན་རྩིས་བསྐྱར་ཞིབ་དང་བཀའ་འཁྲོལ། དེ་བཞིན་རྩིས་ལོ་ ༢༠༢༦་་༢༧ ལོའི་སྔོན་རྩིས་འཆར་གཞི་བཅས་ཀྱི་ཐོག་བཀའ་སྡུར་གནང་ཡོད། གཞན་ཡང་བུ་ལོན་སྤྲོད་འཇལ་དང་རྩིས་གསལ་སྤྲོད་བསྡད་ཀྱི་གནད་དོན་ཐད་ཀྱང་བཀའ་མོལ་གནང་ཡོད་པ་བཅས།།