ཁ་སང་ཕྱི་ལོ་ ༢༠༢༦ ཟླ་ ༢ ཚེས་ ༡༨ གནམ་སྒང་ཉིན་གྱི་ཕྱི་དྲོ་ཚོུད་ ༥ པའི་ཐོག་༸སྐུའི་གཅུང་པོ་༧སྐྱབས་རྗེ་མངའ་རིས་རིན་པོ་ཆེ་རྗེ་བཙུན་བསྟན་འཛིན་ཆོས་རྒྱལ་དཔལ་བཟང་པོ་མཆོག་དགུང་གྲངས་བརྒྱད་བཅུའི་ཐོག་བཞུགས་སྒར་རྡ་རམ་ས་ལའི་གཟིམས་ཤག་ཏུ་དགོངས་པ་ཆོས་དབྱིངས་སུ་ཐིམ་ཚུལ་བསྟན་པའི་ཡིད་སྐྱོའི་གནས་ཚུལ་བྱུང་བ་ལྟར། དེ་རིང་ལོ་གསར་ཚེས་པ་ ༢ པའི་སྔ་དྲོར་ཞིང་གཤེགས་དེ་ཉིད་ཀྱི་སྐུ་ཕུང་བཞུགས་སྒར་མེག་གྡན་གྱི་དུར་ཁྲོད་དུ་གདན་ཞུས་ཀྱིས་ཞུགས་འབུལ་གནང་སོང་བ་མ་ཟད། ལ་དྭགས་ནང་ཁ་སང་ནས་རིན་པོ་ཆེ་དམ་པའི་སླད་དུ་གདུང་ཤུགས་དྲག་པོས་གདུང་སེམས་མཉམ་སྐྱེད་ཀྱི་མཆོད་འབུལ་སྨོན་ལམ་གནང་བཞིན་འདུག  ༸སྐུའི་གཅུང་པོ་མངའ་རིས་རིན་པོ་ཆེ་མཆོག་ནི། བོད་ཀྱི་རྒྱལ་ས་ལྷ་སར་ཕྱི་ལོ་ ༡༩༤༦ ལོར་འཁྲུངས་ཤིང་། ༧གོང་ས་སྐུ་ཕྲེང་བཅུ་བཞི་པ་ཆེན་པོ་མཆོག་གིས་བསྟན་འཛིན་ཆོས་རྒྱལ་ཞེས་མཚན་གསོལ་བ་དང་ཁོང་དགུང་ལོ་བཞི་ལ་སོན་སྐབས་མངའ་རིས་རིན་པོ་ཆེ་སྐུ་ཕྲེང་བཅུ་དྲུག་པར་ངོས་འཛིན་མཛད་ཡོད། དེ་ནས་ཁོང་ཉིད་ལྷ་ས་ཉེ་འཁྲིས་སུ་ཆགས་པའི་མངའ་རིེས་རིན་པོ་ཆེ་སྐུ་ཕྲེང་དང་པོས་ཕྱག་བཏབ་པའི་དགོན་པའི་ནང་གསེར་ཁྲི་མངའ་གསོལ་གྱི་ཆེད་དུ་རེ་ཞིག་བཞུགས་མྱོང་ཡོད་ཀྱང་དགུང་ལོ་དྲུག་མ་སོན་བར་ཁྱིམ་དུ་བཞུགས་པ་དང་དེ་རྗེས་དགོན་པ་དེ་རང་དུ་ཆོས་ཞུགས་གནང་བ་མ་ཟད། ཕྱིས་སུ་གྲགས་ཅན་འབྲས་སྤུངས་དགོན་ཆེན་དུ་སློབ་གཉེར་མུ་མཐུད་གནང་ཡོད།  ཕྱི་ལོ་ ༡༩༥༩ ལོའི་ཟླ་ ༣ པར་རིན་པོ་ཆེ་དགུང་ལོ་ ༡༢ སོན་སྐབས་རྒྱ་ནག་གིས་བོད་ལ་བཙན་འཛུལ་དང་བཙན་བཟུང་བྱས་པའི་རྗེས་སུ་༸གོང་ས་མཆོག་གི་སྐུ་འཁོར་གྱི་ཆ་ཤས་སུ་བོད་ནས་རྒྱ་གར་ལ་བྲོས་བྱོལ་དུ་ཕེབས་པ་དང་།  རྒྱ་གར་དུ་འབྱོར་ནས་བདུན་ཕྲག་ཁ་ཤས་རྗེས་སུ་ཁོང་རྒྱ་གར་ཤར་ཕྱོགས་ཀྱི་རྡོ་རྗེ་གླིང་དུ་ཡོད་པའི་སློབ་གྲྭ་ཞིག་ཏུ་ཕེབས་ནས་དེར་དེང་རབས་ཀྱི་སློབ་གསོ་ཐོག་མ་དེ་ཐོབ་ཡོད། དེ་རྗེས་ཁོང་གིས་ཨ་རི་དང་རྒྱ་གར་ནང་མུ་མཐུད་སློབ་སྦྱོང་གནང་སྟེ་སྐུ་ཚེའི་ལྷག་མ་རྒྱ་གར་དུ་བཞུགས་ཡོད། མངའ་རིས་རིན་པོ་ཆེ་མཆོག་ནི་༧གོང་ས་མཆོག་དང་འབྲེལ་བ་ཧ་ཅང་ཟབ་ཅིང་། ༧གོང་ས་མཆོག་ལ་ཞབས་ཞུ་ཧ་ཅང་མང་པོ་གནང་ཡོད། དཔེར་ན་རིན་པོ་ཆེ་མཆོག་ནས་༧གོང་ས་མཆོག་དང་ལྷན་རྒྱས་ཕྱི་ལོ་ ༡༩༥༤ ལོར་རྒྱ་ནག་དང་ ༡༩༥༦ ལོར་རྒྱ་གར་ཙམ་མ་ཟད་དེ་བཞིན་ ༡༩༥༩ རྗེས་མགོན་པོ་༸གང་ཉིད་མཆོག་དང་ལྷན་རྒྱས་རྒྱལ་ཁབ་མང་པོའི་འགྲུལ་བཞུད་ལ་ཆེད་ཕེབས་གནང་མྱོང་ཡོད།  རིན་པོ་ཆེ་མཆོག་གིས་བཙན་བྱོལ་དུ་བོད་ཕྲུག་ཁྱིམ་སྡེ་དང་བོད་མིའི་སྒྲིག་འཛུགས་བདེ་སྲུང་ལས་ཁུངས་སུ་ཕྱག་ལས་གནང་མྱོང་ཡོད་པ་མ་ཟད། བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་གནང་མྱོང་ཡོད་ལ།...

རྒྱ་ནག་གི་བཙོན་འོག་ཏུ་ཚེ་བཙོན་གྱི་ཁྲིམས་ཆད་མྱོང་བཞིན་པ་རྡོ་རྗེ་བཀྲ་ཤིས་ལགས་ཀྱི་ནང་མི་ནས་རྒྱ་ནག་ཉེན་རྟོག་པས་སུན་གཙེར་དང་དམ་དྲག་འཇིགས་སྐུལ་ལ་མ་ལྟོས་པར་རྡོ་རྗེ་བཀྲ་ཤིས་ལགས་ཀྱི་ཁྲིམས་ཆད་དྲང་བདེན་དང་ཁོང་གློད་བཀྲོལ་དགོས་པའི་ཞི་རྒོལ་ལས་འགུལ་རྒྱུན་ཆད་མེད་པར་སྤེལ་བཞིན་པའི་ཁྲོད། ཉེ་ལམ་བོད་རང་སྐྱོང་ལྗོངས་ཟེར་བའི་མི་དམངས་འཐུས་མི་ཚོགས་ཆེན་གྱི་འཐུས་མི་ཁག་གཅིག་གིས་ཁོང་གི་ནང་མིར་འབྲེལ་བ་བྱས་ཏེ་རྡོ་རྗེ་བཀྲ་ཤིས་ལགས་ཀྱི་གྱོད་དོན་གྱི་ཞིབ་ཕྲ་དྲིས་པ་དང་། ད་དུང་གྱོད་དོན་དེ་བོད་རང་སྐྱོང་ལྗོངས་ཟེར་བའི་མཐོ་རིམ་མི་དམངས་ཁྲིམས་ཁང་གི་ཁྲིམས་དཔོན་ལ་སྙན་སེང་ཞུས་པའི་གནས་ཚུལ་ཐོན་འདུག དེ་ཡང་རྒྱུན་དུ་བོད་ནང་གི་གནས་ཚུལ་མཁོ་སྤྲོད་གནང་མཁན་ Belguim གནས་བཞུགས་ས་དཀར་བཀྲ་ཤིས་ལགས་ཀྱིས་རང་གི་སྤྱི་ཚོགས་དྲྭ་ལམ་ x ཐོག་དེ་འབྲེལ་གནས་ཚུལ་སྤེལ་ཡོད་པ་དང་། འདི་ག་རླུང་འཕྲིན་ཁང་གིས་ཁོང་ལ་དེ་འབྲེལ་ཞལ་པར་བརྒྱུད་བཀའ་འདྲི་ཞུ་སྐབས་ཁོང་གིས།  ཉེ་ལམ་ཕྱི་ཟླ་དང་པོའི་ཚེས་ ༣༡ ནས་ཕྱི་ཟླ་ ༢ ཚེས་ ༣ དབར་བོད་རང་སྐྱོང་ལྗོངས་ཟེར་བའི་མི་དམངས་འཐུས་མི་ཚོགས་ཆེན་སྐབས་བཅུ་གཉིས་པའི་ཚོགས་འདུ་ཐེངས་བཞི་པ་དེ་ལྷ་སར་འཚོགས་ཡོད་པ་དང་། ཚོགས་འདུ་དེ་ཉིད་མ་འཚོག་གོང་ཚེ་བཙོན་གྱི་ཁྲིམས་ཆད་མྱོང་བཞིན་པ་རྡོ་རྗེ་བཀྲ་ཤིས་ལགས་ཀྱི་ནང་མི་ནས་བོད་རང་སྐྱོང་ལྗོངས་ཟེར་བའི་མི་དམངས་འཐུས་མིའི་ཚོགས་ཆེན་གྱི་འཐུས་མིར་རྒྱ་ནག་གིས་རྡོ་རྗེ་བཀྲ་ཤིས་ལགས་ཕྱི་ལོ་ ༢༠༠༨ ལོར་བུ་ལོན་གཡོ་ལེན་བྱས་པའི་ཉེས་བཙུགས་འོག་འཛིན་བཟུང་བྱས་ཏེ་ཚེ་བཙོན་གྱི་ཁྲིམས་ཐག་བཅད་ཡོད་པ་དང་། འདི་ནི་ལྷ་ས་མི་དམངས་ཁྲིམས་ཁང་གིས་མི་དཀར་པོར་ཞྭ་མོ་ནག་པོ་གཡོགས་ནས་འདས་པའི་ལོ་ངོ་ ༡༧ རིང་རྡོ་རྗེ་བཀྲ་ཤིས་ལགས་ཀྱི་གནད་དོན་ལ་དྲང་བདེན་གྱིས་ཁྲིམས་ཞིབ་མ་བྱས་པ་དང་། ནང་མིར་ཐུག་འཕྲད་བྱེད་མ་བཅུག་པར་འགོར་འགྱངས་བཏང་ནས་བཞག་ཡོད་སྐོར་ཙམ་མ་ཟད། རྒྱལ་ཁབ་ཀྱི་རྩ་ཁྲིམས་ནང་གསལ་ལྟར། རྡོ་རྗེ་བཀྲ་ཤིས་ཀྱི་གནད་དོན་ལ་དྲང་བདེན་གྱིས་ཐག་གཅོད་ལེན་དགོས་པའི་ཞུ་སྐུལ་གྱི་སྙན་ཞུ་ཕུལ་ཡོད་སྐོར་རྒྱ་ནག་གི་ནང་ཁུལ་བསམ་འཆར་དྲྭ་རྒྱར་ Public Opinion Network གྱིས་གནས་ཚུལ་སྤེལ་ཡོད་ཀྱང་། གནས་ཚུལ་དེ་ཉིད་ད་ཆ་ཕྱིར་འཐེན་བྱས་ཡོད་པ་གསུངས་སོང་། མ་ཟད། ཉེ་ལམ་བོད་རང་སྐྱོང་ལྗོངས་ཟེར་བའི་མི་དམངས་འཐུས་མི་ཚོགས་ཆེན་གྱི་འཐུས་མི་ཁག་གཅིག་གིས་ཁོང་གི་ནང་མིར་འབྲེལ་བ་བྱས་ཏེ་རྡོ་རྗེ་བཀྲ་ཤིས་ལགས་ཀྱི་གྱོད་དོན་གྱི་ཞིབ་ཕྲ་དྲིས་པ་དང་། ད་དུང་གྱོད་དོན་དེ་བོད་རང་སྐྱོང་ལྗོངས་ཟེར་བའི་མཐོ་རིམ་མི་དམངས་ཁྲིམས་ཁང་གི་ཁྲིམས་དཔོན་ལ་སྙན་སེང་ཞུས་ཡོད་པ་ལུང་འདྲེན་དང་འབྲེལ། གནས་སྟངས་དེ་ནི་ཆེས་དཀོན་པ་ཞིག་ཡིན་སྐོར་འགྲེལ་བརྗོད་དང་ཆབས་ཅིག  དེ་ནི་མི་ལོ་ ༡༧ རྗེས་རྡོ་རྗེ་བཀྲ་ཤིས་ལགས་ཀྱི་བཙོན་འཇུག་གནས་སྟངས་ལ་བཟང་ཕྱོགས་ཀྱི་འགྱུར་བ་ཞིག་སླེབས་སྲིད་པ་རེད་ཅེས་གསུངས་སོང་། རྩ་བའི་རྡོ་རྗེ་བཀྲིས་ལགས་ནི་གཞན་ཕན་ལ་འབད་མཁན་གྱི་བོད་མི་ཚོང་པ་གྲགས་ཅན་ཞིག་ཡིན་པ་དང་། ཕྱི་ལོ་...

ཨ་མདོ་རྔ་བ་རུ་རྟེན་གཞི་བྱས་པའི་ཀིརྟི་དགོན་གྱི་གྲྭ་འཕྲིན་ལས་རྒྱ་མཚོ་ལགས་ལོ་ལྔའི་བཙོན་འཇུག་གི་ལོ་ཡུན་མ་ཚང་གོང་གློད་བཀྲོལ་བཏང་ཡོད་ཀྱང་།  ད་ལྟའི་ཆར་ཆེས་དམ་དྲག་འོག་གནས་བཞིན་ཡོད་པ་རེད་འདུག གྲྭ་འཕྲིན་ལས་རྒྱ་མཚོ་ལགས་ནི་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་སློབ་སོགས་འཁོད་པའི་ཡིག་ཆ་འགྲེམས་སྤེལ་བྱས་པའི་ནག་ཉེས་འོག་ཕྱི་ལོ་ ༢༠༢༡ ཟླ་ ༧ ཚེས་ ༡ ཉིན་ཐོག་མར་འཛིན་བཟུང་བྱས་པ་དང་འབྲེལ། ལོ་ལྔའི་རིང་གི་བཙོན་འཇུག་ཁྲིམས་ཐག་བཅད་ཡོད་ཀྱང་། ཁྲེན་ཏུའི་བཙོན་ཁང་དུ་བཞུགས་པའི་སྐབས་གྲྭ་འཕྲིན་ལས་རྒྱ་མཚོ་ལགས་ཀྱིས་བཟང་སྤྱོད་ཀྱི་རྣམ་པ་བསྟན་པ་ལ་བརྟེན་ནས་ཁོ་པའི་བཙོན་འཇུག་ཟླ་བ་ཁ་ཤས་སྔ་སྣུར་གྱིས་གློད་བཀྲོལ་བཏང་ཡོད་པ་རེད། ཨ་རིར་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གིས་ཟླ་བ་འདི་ཚེས་ ༡༢ ཉིན་དེ་གའི་དྲྭ་གནས་ཐོག་གནས་ཚུལ་སྤེལ་བར་གཞིགས་ན། རྒྱ་གཞུང་གིས་གྲྭ་འཕྲིན་ལས་རྒྱ་མཚོ་ལགས་གློད་བཀྲོལ་བཏང་ཡང་རང་ཉིད་ཀྱི་དགོན་པར་ཕྱིར་ལོག་མ་བཅུག་པར་ཁྱིམ་ཚང་དུ་བཟང་བཙོན་ལྟ་བུ་ལྟ་ཞིབ་དང་དམ་དྲག་ཤུགས་ཆེ་འོག་བཀག་ཉར་བྱེད་བཞིན་པ་རེད་འདུག  ལས་འགུལ་ཁང་གིས་ད་ལྟའི་ཆར་ཁོང་གི་སྐུ་གཟུགས་གནས་སྟངས་སོགས་ཀྱི་སྐོར་ལ་གནས་ཚུལ་རྒྱུས་ལོན་ཐུབ་མེད་པ་དང་། ཁོང་བཙོན་ཁང་ནས་གྲོད་བཀྲོལ་མ་ཐོབ་གོང་དུ་ཁོང་གི་ཕ་འདས་གྲོངས་ཕྱིན་ཡོད་པ་གསུངས་འདུག རྩ་བའི་གྲྭ་འཕྲིན་ལས་རྒྱ་མཚོ་ལགས་རྔ་བ་རྫོང་རྨེའུ་རུ་མ་ཡུལ་ཚོ་ནས་ཡིན་པ་དང་། རྒྱ་ནག་གཞུང་གིས་འཛིན་བཟུང་མ་བྱས་པའི་གོང་། ཀིརྟི་དགོན་དུ་སློབ་གཉེར་གནང་བཞིན་ཡོད་པ་དང་། རྒྱ་ནག་གཞུང་གིས་དེ་སྔ་ཁོང་ལ་ཆབ་སྲིད་ཀྱི་ལས་འགུལ་མང་དག་ཅིག་དང་འབྲེལ་ནས་འཛིན་བཟུང་དང་འདྲི་རྩད་ཐེངས་ཁ་ཤས་བྱས་མྱོང་ཡོད་པ་རེད་འདུག The post གྲྭ་འཕྲིན་ལས་རྒྱ་མཚོ་ལགས་གློད་བཀྲོལ་བཏང་ཡང་ཆེས་དམ་དྲག་འོག་གནས་འདུག appeared first on vot.

ཕྱི་ལོ་ ༢༠༢༦ ནས་བཟུང་བོད་ལྗོངས་མལ་གྲོ་གུང་དཀར་སློབ་ཆུང་དུ་(ན་ཆུང་གི་སྟོབས་ཤུགས་ནི་ཀྲུང་ཀོའི་སྟོབས་ཤུགས་ཡིན་)ཟེར་བའི་འབོད་ཚིག་འོག་ནས་བདུན་ཕྲག་གཅིག་རིང་གཞུང་གིས་དམག་མི་ཆེད་མངགས་ཐོག་སློབ་ཆུང་ལོ་ན་ ༦-༡༢ བར་གྱི་སློབ་མ་ཚོ་ལ་དམག་སྦྱོང་གི་འཛིན་གྲྭ་འཚོགས་ཡོད་འདུག དེ་བཞིན་བོད་རང་སྐྱོང་ལྗོངས་ནག་ཆུ་གྲོང་ཁྱེར་གསེར་རྙེད་རྗོང་གི་སློབ་ཆུང་ཁག་ཏུ་“བཅའ་སྡོད་སློབ་གྲྭའི་དམག་དཔོན་སློབ་ཕྲུག”ཞེས་པའི་བྱ་འགུལ་ཞིག་སྤེལ་ཡོད་འདུག འདི་ག་གསར་ཁང་གིས་རྒྱུས་ལོན་བྱས་པ་ལྟར་ན་རྒྱ་གཞུང་གི་དམག་མི་བཅུ་གྲངས་ཤིག་རྒྱུན་དུ་སློབ་གྲྭར་བཅའ་སྡོད་བྱེད་བཞིན་ཡོད་པ་དང་། རྒྱུན་དུ་སློབ་མའི་བྱ་སྤྱོད་ལ་དོ་དམ་དང་། དམག་སྦྱོང་སྣེ་འཁྲིད། སློབ་མ་ཚོའི་རྒྱུད་ལ་དམག་སྦྱོང་གི་འཚོ་བའི་གོམས་གཤིས་འཇོག་ཐབས་བྱེད་བཞིན་ཡོད་པ་མ་ཟད། རྒྱལ་སྲུང་སློབ་གསོ་དང་། ཏང་གི་མཛུབ་སྟོན་སོགས་ལ་སློབ་སྦྱོང་ནན་ཏན་བྱ་དགོས་པའི་སློབ་གསོ་གཏོང་བཞིན་པ་རེད་འདུག དེ་བཞིན་ཉེ་བའི་ཆར་གཅིག་སྒྲིལ་རྫོང་སོག་རུ་མ་སློབ་ཆུང་གི་ལོ་རིམ་དང་པོ་ནས་གཉིས་པ། ལོ་ན་ ༩ ནས ༡༡ བར་གྱི་སློབ་མ་ཚོ་ལ་གཞུང་ངོས་ནས་བཀོད་སྒྲིག་བྱས་ནས་ཏང་གི་བཀའ་དྲིན་དང་། གཙོ་འཛིན་ཞི་ཅིན་ཕེན་གྱི་རླབས་ཆེ་བའི་བསམ་བློ་ཞེས་པ་བརྗོད་གཞིར་བདམ་ནས་རྩོམ་ཡིག་འགྲན་བསྡུར་རྒྱས་པ་ཞིག་སྤེལ་ཡོད་པ་དང་། ཕྱི་ལོ་ ༢༠༢༥ ལོའི་ཟླ་ ༢ ནང་དུ་བོད་རང་སྐྱོང་ལྗོངས་མངའ་རིས་ས་ཁུལ་གྱི་སྒར་རྫོང་དང་། རྩྭ་མདའ་རྫོང་། སྤུ་ཧྲེང་རྫོང་། རུ་ཐོག་རྫོང་བཅས་མཐའ་མཚམས་རྫོང་ཁག་ ༤ ནས་ཡོང་བའི་སློབ་འབྲིང་གི་སློབ་མ་ ༢༦ དང་། སྣེ་ཁྲིད་དགེ་རྒན་ ༥ མངའ་རིས་ཀྱི་སེང་གེ་ཁ་འབབ་ནས་པེ་ཅིང་དུ་ལྟ་སྐོར་དང་། ཏང་འབྲེལ་དྲིལ་བསྒྲགས་ལ་སློབ་སྦྱོང་བྱེད་དུ་གཞུང་ངོས་ནས་ཁྲིད་ཡོད་འདུག སློབ་ཆུང་སློབ་མའི་ནང་དུ་རྒྱུན་དུ་གཏན་སྡོད་བྱེད་མཁན་གྱི་རྒྱའི་དམག་མི་ཚོའི་ལས་འགན་ནི་བོད་ཀྱི་སློབ་ཕྲུག་ཚོ་ལ་རྒྱ་རིགས་ཀྱི་འཚོ་བའི་གོམས་གཤིས་དང་། བསམ་བློ། ཀུན་སྤྱོད་སོགས་བརྒྱུད་སྤེལ་བྱེད་རྒྱུ་དེ་རེད་འདུག The...

ཟླ་བ་འདིའི་ཚེས་ ༡༠ ཉིན་བོད་མིའི་སྒྲིག་འཛུགས་ཀྱི་ཤེས་རིགས་ལས་ཁུངས་ཚོགས་ཁང་དུ། བཙན་བྱོལ་བོད་མིའི་ཤེས་ཡོན་ལྷན་ཚོགས་དང་། ཤེས་ཡོན་སློབ་སྟོན་ཚོགས་ཆུང་གཅིག་ལྕོགས་ཀྱི་ལྷན་ཚོགས་ཐེངས་ ༡༣ པ་བསྐོང་ཚོགས་གནང་འདུག་པ་དང་། སྐབས་དེར་ཤེས་ཡོན་སློབ་སྟོན་ཚོགས་ཆུང་གིས་ཚོགས་གཙོས་སློབ་མ་རྣམས་ལ་འཕྲོད་བསྟེན་གྱི་གོ་རྟོགས་དང་། བཟང་སྤྱོད་ཀྱི་སློབ་གསོ་སྤྲོད་དགོས་པའི་གལ་གནད་སྐོར་ངོ་སྤྲོད་གནང་འདུག  མ་ཟད་ཁ་པར་དང་སྤྱི་ཚོགས་དྲ་རྒྱ་བདེ་སྤྱོད་བྱེད་རྐྱེན་སློབ་གྲྭ་དང་དགོན་སྡེ་ཁག་ནང་གི་སློབ་མའི་སློབ་སྦྱོང་ལ་ཤུགས་རྐྱེན་ངན་པ་ཐེབས་ཚད་ཆེ་རུ་འགྲོ་བཞིན་པའི་ཐད་སེམས་འཚབ་གསལ་སྟོན་གནང་འདུག དེ་ཡང་ལྷན་ཚོགས་དེའི་ཐོག་བཙན་བྱོལ་བོད་མིའི་ཤེས་ཡོན་ལྷན་ཚོགས་དང་། ཤེས་ཡོན་སློབ་སྟོན་ཚོགས་ཆུང་གི་ཚོགས་གཙོ་དགེ་བཤེས་མཁན་ཟུར་བཀྲ་ཤིས་ཚེ་རིང་ལགས་དང་། ཤེས་རིག་ལས་ཁུངས་ཀྱི་དྲུང་ཆེ་འཇིགས་མེད་རྣམ་རྒྱལ་ལགས། ཤེས་ལྷན་འགན་འཛིན་དྲུང་འཕར་བསྟན་འཛིན་པདྨ་ལགས། ཤེས་རིག་ཤེས་ཡོན་ཚན་པའི་འགན་འཛིན་དྲུང་འཕར་བསྟན་འཛིན་རྡོ་རྗེ་ལགས། དྷ་ས་བོད་ཁྱིམ་གྱི་སྤྱི་ཁྱབ་ཤེས་ཡོན་ངེས་སྟོན་པ་ངག་དབང་ལྷ་མོ་ལགས་སོགས་མི་གྲངས་ ༡༢ ལྷན་ཞུགས་གནང་འདུག སྐབས་དེར་ཚོགས་གཙོ་དགེ་བཤེས་མཁན་ཟུར་བཀྲ་ཤིས་ཚེ་རིང་ལགས་ཀྱིས། བོད་པའི་རིག་གཞུང་དང་ངོ་བོ་སྲུང་སྐྱོབ་བྱེད་པར་གཙོ་བོ་བོད་པའི་སྐད་ཡིག་གི་སློབ་ཁྲིད་ཀྱི་ནུས་པ་གང་ལེགས་གཏོང་དགོས་པའི་གལ་གནད་སྐོར་ནན་བརྗོད་གནང་བ་དང་། བཙན་བྱོལ་དུ་གནས་པའི་བོད་པའི་སློབ་ཕྲུག་ཚོའི་ཤེས་ཡོན་གྱི་ཆུ་ཚད་ཡར་རྒྱས་གཏོང་རྒྱུ་ནི་གལ་གནད་ཆེ་ཤོས་སུ་འཛིན་དགོས་པའི་སྐོར་གསུངས་འདུག མ་ཟད་ཁོང་གིས་ཤེས་ཡོན་ནི་འབྲི་ཀློག་ཁོ་ན་མིན་པར་སློབ་མ་རྣམས་ལ་འཕྲོད་བསྟེན་གྱི་གོ་རྟོགས་དང་། བཟང་སྤྱོད་ཀྱི་སློབ་གསོ་སྤྲོད་དགོས་པའི་གལ་གནད་སྐོར།  དེ་བཞིན་ཁ་པར་དང་སྤྱི་ཚོགས་དྲ་རྒྱ་བདེ་སྤྱོད་བྱེད་རྐྱེན་སློབ་གྲྭ་དང་དགོན་སྡེ་ཁག་ནང་གི་སློབ་མའི་སློབ་སྦྱོང་ལ་ཤུགས་རྐྱེན་ངན་པ་ཐེབས་ཚད་ཆེ་རུ་འགྲོ་བཞིན་པར་སེམས་འཚབ་ཙམ་མ་ཟད།  དེ་སྔོན་བསྐོང་ཚོགས་གནང་བའི་ལྷན་ཚོགས་ཀྱི་གྲོས་ཆོད་ལ་བསྐྱར་ཞིབ་སྐབས། བོད་པའི་སློབ་གྲྭ་ཁག་གི་ནང་སློབ་ཕྲུག་སློབ་འཇུག་བྱེད་མཁན་ཉུང་དུ་འགྲོ་བཞིན་པས་སློབ་གྲྭའི་འཛིན་སྐྱོང་གི་འགྲོ་ལུགས་དང་། ཤེས་ཡོན་གྱི་ཐབས་ལམ་ལ་བསྐྱར་ཞིབ་གནང་དགོས་པའི་སྐོར། ཕྱོགས་མཚུངས་དགོན་སྡེ་ཁག་གི་ནང་དུའང་བོད་པའི་དགེ་འདུན་པ་འཛུལ་ཞུགས་བྱེད་མཁན་ཉུང་དུ་འགྲོ་བཞིན་པ་སོགས་འགྲེལ་བརྗོད་གནང་ཡོད་པ་རེད་འདུག དེ་བཞིན་ཤེས་རིག་དྲུང་ཆེ་འཇིགས་མེད་རྣམ་རྒྱལ་ལགས་ཀྱིས། ཤེས་ཡོན་ལྷན་ཚོགས་འདི་ཉིད་རང་དབང་ཅན་གྱི་སྡེ་ཚན་ཞིག་ཏུ་བཟོ་རྒྱུའི་འབད་བརྩོན་རིམ་པ་གནང་བའི་སྐོར་གསུངས་པ་འབྲེལ། བོད་པའི་སློབ་ཕྲུག་རྣམས་ཀྱི་ཤེས་ཡོན་ཆུ་ཚད་ཡར་རྒྱས་གཏོང་ཐབས་སླད་འགུལ་རིས་བརྒྱུད་སློབ་འཁྲིད་གནང་བ་དང་། རྩོམ་དེབ་གྲངས་ ༢༠ པར་སྐྲུན་གནང་བ། བྱིས་པ་རྣམས་ཀྱི་ཆེད་དུ་དཔེ་དབེ་བསྐྱར་དུ་པར་སྐྲུན་གནང་བ། དེ་བཞིན་གཞི་རིམ་འོག་མའི་སློབ་མའི་ཆེད་ཤེས་ཡོན་སློབ་ཚན་ཁག་བོད་ཡིག་ཐོག་བཟོས་ཡོད་པ་སོགས་ཚུད་པའི་ཐབས་ལམ་སྣ་མང་ལག་བསྟར་གནང་བཞིན་པ་དང་། ཁོང་གིས་སློབ་མ་རྣམས་ལ་གཞི་རིམ་འོག་མ་ནས་བཟུང་བོད་ཀྱི་སྐད་ཡིག་གནས་ཚད་དང་བརྡ་སྤྲོད་ཀྱི་ནུས་པ་སྲ་བརྟན་གཏོང་དགོས་པ་ནི་གལ་འགངས་ཆེན་པོ་ཡིན་པའི་སྐོར་ནན་བརྗོད་གནང་བ་མ་ཟད། སྤྱི་ཡོངས་ཀྱི་བོད་ཡིག་གི་གནས་ཚད་མཐོ་རུ་གཏོང་སླད་རྒྱུན་མཐུད་འབད་བརྩོན་གནང་དགོས་པའི་འབོད་སྐུལ་ཞུས་འདུག འདི་ག་རླུང་འཕྲིན་ཁང་གིས་ཤེས་ལྷན་འགན་འཛིན་དྲུང་འཕར་བསྟན་འཛིན་པདྨ་ལགས་སུ་ཚོགས་འདུ་དེའི་སྐོར་བཀའ་འདྲི་ཞུས་སྐབས་ཁོང་གིས།...

འཛམ་གླིང་ཞི་བདིའི་སླད་ཨ་རིའི་ནང་གོམ་བགྲོད་གནང་མཁན་གནས་བརྟན་སྡེ་པའི་དགེ་སློང་རྣམས་ཀྱིས་ཁ་སང་ཚེས་ ༡༡ ཉིན། ཨ་རིའི་རྒྱལ་ས་ Washington DC ཝ་ཤིང་ཊོན་ཌི་སི་ནང་རྟེན་གཞི་བྱས་པའི་ Lincoln ལེན་ཁོན་དྲན་རྟེན་གྱི་མདུན་དུ་མཛད་སྒོ་ཞིག་གི་ཐོག་ནས་ཉིན་ ༡༠༨ ཀྱི་ཞི་བའི་གོམ་བགྲོས་མཇུག་བསྒྲིལ་གནང་བ་དང་འབྲེལ། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དགེ་སློང་རྣམས་ལ་གདུང་སེམས་མཉམ་བསྐྱེད་མཛད་པ་དང་ཆབས་གཅིག གོམ་བགྲོས་ཀྱི་ལས་འགུལ་དེའི་བརྒྱུད་ཆོས་ཉམས་ལེན་པ་རྣམས་ཀྱིས་སྤྱི་ཚོགས་ཀྱི་མཐུན་སྒྲིལ་དང་མང་ཚོགས་ཀྱི་བགྲོ་གླེང་ནང་ཕན་ཐོགས་དང་ལག་ལེན་དངོས་ཀྱི་ཐོག་ནས་མཉམ་ཞུགས་བྱེད་ཐུབ་པ་གསལ་འདོན་གནང་གི་ཡོད་ཅེས་བཀའ་བསྩལ་འདུག དེའང་ཨ་རིའི་ Texas ཀྲེཀ་སིས་མངའ་སྡེའི་ Fort Worth ཁུལ་དུ་རྟེན་གཞི་བྱས་པའི་ Huong Dao Vipassana Bhavana Center ཞེས་ Vietnam ཝེཊ་ནམ་གྱི་གནས་བརྟན་སྡེ་པའི་ཆོས་ཚོགས་ཀྱི་དགེ་སློང་ Bhikkhu Pannakara པཱ་ནྣཱ་ཀཱ་རཱ་ལགས་ཀྱིས་སྣེ་ཁྲིད་གནང་པའི་ཞི་བའི་གོམ་བགྲོས་དེ་ནི་སྔ་ལོའི་ཕྱི་ཟླ་ ༡༠ ཚེས་ ༢༦ ཉིན་ Fort Worth ནས་འགོ་འཛུགས་ཀྱིས། ད་བར་ཉིན་ ༡༠༨...

ཉེ་ཆར་ཨ་རིའི་གྲོས་ཚོགས་གོང་འོག་གཉིས་ཀྱིས་རྒྱབ་སྐྱོར་དང་ཟླ་བ་འདིའི་ཟླ་འགོར་སྲིད་འཛིན་ Trump གྱི་མཚན་རྟགས་བཀོད་པའི་ཨ་རི་གཞུང་གིས་རྩིས་ལོ་ ༢༠༢༦ ལོའི་སྔོན་རྩིས་ཁྲིམས་ཡིག་གི་ནང་དུ། ཐེངས་དང་པོར་བོད་མིའི་སྒྲིག་འཛུགས་དེ་བཞིན་ Tibetan Exile Government འམ་བཙན་བྱོལ་བོད་གཞུང་ལ་ངོས་འཛིན་གནང་རྒྱུ་ཡིན་པ་འཁོད་འདུག དེ་ཡང་ཁ་ཉིན་ཚེས་ ༩ ཉིན་སུད་སིའི་གྲོང་ཁྱེར་ཇི་ནི་ཝ་ནང་དུ་ཕྱི་ལོ་ ༢༠༢༦ ལོའི་ཇི་ནི་ཝ་བོད་དོན་གླེང་སྟེགས་ཀྱི་དབུ་འབྱེད་མཛད་སྒོའི་ཐོག་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་གསུངས་བཤད་གནང་བའི་ནང་དུ། ཉེ་ཆར་ཨ་རི་གཞུང་གིས་གཏན་འབེབས་གནང་བའི་ཡུལ་དེའི་ཕྱི་ལོ་ ༢༠༢༦ ལོའི་སྔོན་རྩིས་ཁྲིམས་ཡིག་ནང་དུ། ཨ་རི་གཞུང་གིས་ཆེས་ཐོག་མར་ Central Tibetan Administration འམ་བོད་མིའི་སྒྲིག་འཛུགས་དེ་བཞིན་བཙན་བྱོལ་བོད་གཞུང་ལ་ངོས་འཛིན་གནང་རྒྱུ་ཡིན་པའི་ཚིག་བརྗོད་འཁོད་ཡོད་པར་དགའ་ཚོར་ཆེན་པོའི་ཐོག་ཡོངས་གྲགས་གནང་བ་དང་སྦྲགས། ང་ཚོའི་ངོས་ནས་བོད་མིའི་སྒྲིག་འཛུགས་ལ་གཞུང་འབྲེལ་ངོས་འཛིན་ཐོབ་པར་ད་དུང་ལས་ཀ་བྱེད་རྒྱུ་མང་པོ་ཡོད་པའི་ཐོག་འབད་བརྩོན་གནང་མུས་དང་། མུ་མཐུད་ད་རེས་དེར་ཕེབས་པའི་བོད་དོན་རྒྱབ་སྐྱོར་བ་ཚོས་ཡུ་རོབ་ཀྱི་ནང་དུ་དེ་མཚུངས་ཀྱི་ངོས་འཛིན་ཐོབ་ཐབས་ཐོག་ཕྱག་ལས་གནང་དགོས་པ་གསུངས་འདུག རྩ་བའི་ཕྱི་ལོ་ ༡༩༨༨ ལོར་ཨ་རིའི་བོད་མིའི་སློབ་ཡོན་ལས་གཞི་ནས་འགོ་བཙུགས་རྗེས་རིམ་པས་ཨ་རི་གཞུང་གིས་བོད་ཕྱི་ནང་གཉིས་སུ་ཡོད་པའི་བོད་མི་རྣམས་ཀྱི་ཆོས་དང་རིག་གཞུང་སྲུང་སྐྱོབ་དང་དཔལ་འབྱོར་ཡར་རྒྱས། དེ་བཞིན་ཁོར་ཡུག་དང་ཆོས་རིག་སྲུང་སྐྱོབ། ཤེས་ཡོན་དང་འཕྲོད་བསྟེན་བཅས་ཀྱི་སླད་དུ་རོགས་དངུལ་གནང་རྒྱུ་དབུ་འཛུགས་གནང་བ་དང་། ཕྱི་ལོ་ ༢༠༠༢ ལོའི་བོད་དོན་རྒྱབ་སྐྱོར་གྱི་ཁྲིམས་འཆར་གཏན་འབེབས་གནང་བ་དང་འབྲེལ་ནས་ལོ་ལྟར་ཡུལ་དེའི་སྔོན་རྩིས་ནང་དུ་བོད་མིར་རོགས་དངུལ་གཏན་འབེབས་གནང་གི་ཡོད་པ་ལྟར། ཐེངས་འདིའི་སྔོན་རྩིས་གཏན་འཏེབས་ཁྲིམས་ཡིག་གི་ནང་དུའང་བོད་ཕྱི་ནང་གཉིས་ཀྱི་བོད་མི་རྣམས་ཀྱི་ཆོས་དང་རིག་གཞུང་། ཁོར་ཡུག སྐད་ཡིག་དང་འཚོ་གནས་སོགས་སྲུང་སྐྱོབ་སླད་ཨ་རི་གཞུང་གིས་ཁྱོན་ཨ་སྒོར་ས་ཡ་ ༢༣ ཞིག་གནང་གཏན་ཁེལ་བའི་ནང་ནས་ཨ་སྒོར་ས་ཡ་ ༡༣...

ཇི་ནི་ཝའི་གླེང་སྟེགས་ཐེངས་ ༦ པའི་མཇུག་བསྡོམས་མཛད་སྒོའི་ཐོག་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་༸གོང་ས་མཆོག་དང་ཇེ་ཧྥི་རི་ཨེབ་སི་ཊིན་བར་འབྲེལ་བ་ཡོད་ལུགས་ཀྱི་འཁྱོག་བཤད་དེ་རྒྱ་ནག་གིས་བྱས་པ་ཞིག་ཡིན་པ་ཐེར་འདོན་གནང་འདུག དེ་ཡང་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་དང་སུད་སི་བོད་ཀྱི་སྐུ་ཚབ་དོན་ཁང་གཉིས་ཀྱི་གོ་སྒྲིག་འོག་སུད་སི་ཇི་ནི་ཝ་གྲོང་ཁྱེར་ནང་དུ། འདི་ཚེས་ ༩ དང་ ༡༠ བཅས་ཉིན་གྲངས་གཉིས་རིང་ཇི་ནི་ཝ་གླེང་སྟེགས་ཐེངས་དྲུག་པ་དེ་བསྐོང་ཚོགས་གནང་ཡོད་ཅིང་། ཉིན་གྲངས་གཉིས་རིང་གི་གླེང་སྟེངས་ཐོག་དྲག་གནོན་དང་གདོང་ལེན། རྒྱ་ནག་གི་བཙན་གནོན་འོག་ཡོད་པའི་བོད་སོགས་ཀྱི་འགྲོ་བ་མིའི་ཐོབ་ཐང་གི་གནས་བབ་ཞེས་པའི་བརྗོད་གཞིའི་ཐོག་བགྲོ་གླེང་ལྷུག་པོ་གནང་ཡོད་པ་མ་ཟད། ཁ་སང་ཇི་ནི་ཝའི་གླེང་སྟེགས་ཐེངས་ ༦ པའི་མཇུག་བསྡོམས་མཛད་སྒོའི་ཐོག་སྲིད་སྐྱོང་སྤེན་པ་ཚེ་རིང་མཆོག་གིས། ༸གོང་ས་མཆོག་དང་ཇེ་ཧྥི་རི་ཨེབ་སི་ཊིན་བར་འབྲེལ་བ་ཡོད་ལུགས་ཀྱི་འཁྱོག་བཤད་དེ་རྒྱ་ནག་གིས་བྱས་པ་ཞིག་ཡིན་པ་ཐེར་འདོན་གནང་འདུག  བོད་མིའི་སྒྲིག་འཛུགས་ཀྱིས་རྒྱ་ནག་གི་རྩ་ཁྲིམས་ཀྱི་སྒྲོམ་གཞིའི་འོག་དབུ་མའི་ལམ་གྱི་སྲིད་བྱུས་བརྒྱུད་བོད་ལ་མིང་དོན་མཚུངས་པའི་རང་སྲིད་རང་སྐྱོང་གི་གནས་བབ་རྩོད་བཞིན་པས་ཞི་བའི་དབུ་མའི་ལམ་གྱི་ཐབས་ལམ་ལ་རྒྱབ་སྐྱོར་གནང་དགོས་པའི་སྐུལ་མ་གནང་འདུག མ་ཟད་སྲིད་སྐྱོང་མཆོག་གིས་བོད་མིའི་སྒྲིག་འཛུགས་ནས་གཉིས་སྨན་དབུ་མའི་ལམ་གྱི་སྲིད་བྱུས་བརྒྱུད་བོད་རྒྱའི་དཀའ་རྙོག་ཞི་འགྲིག་ཡོང་རྒྱུར་འབད་བརྩོན་གནང་བཞིན་ཡོད་ཀྱང་། རྒྱ་ནག་གཞུང་ཕྱོགས་ནས་དབུ་མའི་ལམ་གྱི་ཐབས་བྱུས་ཐོག་གྲོས་མོལ་སླར་གསོ་ཡོང་བར་འབད་བརྩོན་གང་ཡང་བྱེད་ཀྱི་མེད་སྟབས།  གླེང་སྟེགས་དེ་ཉིད་ནང་མཉམ་ཞུགས་གནང་མཁན་རྒྱལ་ཁབ་ཁག་ ༢༦ གི་གཞུང་ཁག་ནས་བོད་རྒྱ་གྲོས་མོལ་སླར་གསོ་ཡོང་བར་རྒྱ་གཞུང་ལ་གནོན་ཤུགས་སྤྲོད་དགོས་པའི་ཞུ་སྐུལ་གནང་འདུག དེ་བཞིན་རྒྱལ་ཁབ་ ༢༦ གྱི་གཞུང་ཁག་ངོས་ནས་ལོ་རྒྱུས་དངོས་ལ་རྒྱབ་སྐྱོར་གྱིས། རྒྱ་ནག་མི་མང་སྤྱི་མཐུན་རྒྱལ་ཁབ་ཀྱིས་ཕྱི་ལོ་ ༡༩༥༡ ལོར་ཁྲིམས་འགལ་གྱིས་བོད་ནང་བཙན་འཛུལ་བྱས་པ་ལས་དེའི་སྔོན་ལ་བོད་དེ་རང་བཙན་གཙང་མའི་རྒྱལ་ཁབ་ཅིག་ཡིན་པར་ངོས་འཛིན་གནང་གལ་ཆེ་བ་ཡིན་པ་དང་། བོད་དོན་ལ་མུ་མཐུད་སྔར་ལྷག་རྒྱབ་སྐྱོར་གནང་སྐྱོང་ཡོང་བའི་ཞུ་སྐུལ་གནང་འདུག སྲིད་སྐྱོང་མཆོག་གིས་ད་དུང་། ཉེ་ལམ་རྒྱ་ནག་གཞུང་གི་རྒྱབ་སྐྱོར་ཡོད་པའི་གསར་འགྱུར་བརྒྱུད་ལམ་ཁག་གིས་དམིགས་ཡུལ་ངན་པ་འཛིན་ཏེ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་། ཇེ་ཕི་རི་ཨེབ་སི་ཊིན་བར་འབྲེལ་བ་ཡོད་ལུགས་ཀྱི་གཞི་མེད་ཀྱི་བསྙོན་འཛུགས་བྱས་ཏེ་གནས་ཚུལ་སྤེལ་བཞིན་པ་གསལ་སྟོན་དང་འབྲེལ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ད་བར་ཇེ་ཧྥེ་རི་ཨེབ་སི་ཊིན་དང་མཇལ་འཕྲད་གནང་མྱོང་མེད་པ་མ་ཟད། ༸གོང་ས་མཆོག་གི་མཚན་ཐོག་ནས་ཀྱང་ཁོང་དང་མཇལ་འཕྲད་དམ་བཀའ་མོལ་གནང་རྒྱུ་རིགས་གཏན་ནས་བྱུང་མྱོང་མེད་ཅེས་ནན་བརྗོད་གནང་འདུག དེ་འབྲེལ་དགའ་ལྡན་ཕོ་བྲང་ཡིག་ཚང་ནས་ཡོངས་ཁྱབ་གསལ་བསྒྲགས་ཞིག་སྤེལ་ཟིན་ཡོད་པ་ལུང་འདྲེན་དང་འབྲེལ། བོད་མིའི་སྒྲིག་འཛུགས་ཀྱི་དཀའ་ཉེན་གདོང་ལེན་ཚོགས་ཆུང་དང་བཀའ་ཤག་ལྷན་རྒྱས་གྲོས་བསྡུར་གྱིས། ཨ་རི་ཁྲིམས་དོན་ལྷན་ཁང་ནས་སྤེལ་བའི་ཡིག་ཚགས་ལ་ཞིབ་འཇུག་ནན་པོ་གནང་འབྲས་སུ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་སྐུ་དངོས་དང་༸གང་ཉིད་མཆོག་གི་མཚན་ཐོག་ནས་ཇེ་ཕི་རི་ཨེབ་སི་ཊིན་དང་ཐད་ཀར་མཇལ་འཕྲད་དམ་བཀའ་མོལ་བཅས་གནང་མྱོང་བའི་དཔང་རྟགས་གང་ཡང་རྙེད་སོན་བྱུང་མེད་པ་དང་།  ལྷག་དོན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་ཇེ་ཕི་རི་ཨིབ་སི་ཊིན་བར་མཇལ་འཕྲད་དང་འབྲེལ་ལམ་ཡོད་པའི་གནས་ཚུལ་སྤེལ་བ་རྣམས་གཞི་མེད་རྫུན་བཟོ་བྱས་པ་ཤ་སྟག་ཡིིན་པ་གསུངས་འདུག...

བཞུགས་སྒར་རྡ་རམ་ས་ལའི་བོད་ཀྱི་དཔེ་མཛོད་ཁང་གི་ངེས་སྟོན་པ་དགེ་བཤེས་ལྷག་རྡོར་ལགས་ཀྱིས། འདི་ཚེས་ ༡༠ ཉིན་རྒྱ་གར་གྱི་རྒྱལ་ས་ལྡི་ལིར་གསུང་བཤད་གནང་སྐབས།  Universal Ethics འམ་ཀུན་ཁྱབ་བཟང་སྤྱོད་ནི་འགྲོ་བ་མིའི་འཚོ་གནས་ཀྱི་ཆུ་དང་ཁ་རླུང་ལྟ་བུ་ཞིག་རེད་ཅེས་གསུངས་སོང་། དེ་ཡང་འདི་ལོའི་༸རྒྱལ་བའི་གོ་སྟོན་དང་འབྲེལ་ལོ་འཁོར་མོའི་རིང་བྱམས་བརྩེའི་ལོ་སྲུང་བརྩི་ཞུ་བཞིན་ཡོད་པ་ལྟར།  ལྡི་ལི་ས་གནས་ཀྱི་གོ་སྟོན་གོ་སྒྲིག་ཚོགས་ཆུང་དང་། ལྡི་ལི་གཙུག་ལག་སློབ་གྲྭ་ཆེན་མོ་ཐུན་མོང་ནས་གཙུག་ལག་སློབ་གྲྭ་དེ་གའི་ལྷོ་ཕྱོགས་ཁྱབ་ཁོངས་ཀྱི་  Sri Venkateswar མཐོ་རིམ་སློབ་གྲྭར། ༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་བསྐྱེད་དམ་བཅའ་བཞིའི་སྐོར་མཁས་པའི་གཏམ་བཤད་ཀྱི་ལས་རིམ་ཞིག་གོ་སྒྲིག་ཞུས་སོང་།   སྐབས་དེར་གཏམ་བཤད་གནང་མཁན་གཙོ་བོ་བོད་ཀྱི་དཔེ་མཛོད་ཁང་གི་ངེས་སྟོན་པ་དགེ་བཤེས་ལྷག་རྡོར་ལགས་ཀྱིས།    ང་ཚོས་༸རྒྱལ་བའི་གོ་སྟོན་དང་འབྲེལ་ལོ་འཁོར་མོའི་རིང་བྱམས་བརྩེའི་ལོ་སྲུང་བརྩི་ཞུ་བཞིན་ཡོད་པ་དེ་ནི།   མི་གཞན་ནས་རེ་བ་དང་ཆ་རྐྱེན་གང་ཡང་མེད་པའི་བྱམས་བརྩེའི་སྐོར་བཤད་ཀྱི་ཡོད་ཅིང་།   ༸གོང་ས་༸སྐྱབས་མགོན་ཆེན་པོ་མཆོག་ནས་འགྲོ་བ་མིའི་རིགས་ཚང་མ་བདེ་སྐྱིད་འདོད་པ་དང་སྡུག་བསྔལ་མི་འདོད་པ་གཅིག་མཚུངས་ཡིན་པ་མ་ཟད།   ང་ཚོར་མ་རིག་པའི་དབང་གིས་དཀའ་ངལ་མང་པོ་ཞིག་འཕྲད་བཞིན་པ་དེ་ལ་གཟིགས་ཏེ་ཐུགས་བསྐྱེད་དམ་བཅའ་བཞི་བཀའ་གནང་ཡོད་པ་སོགས་འགྲེལ་བརྗོད་གནང་ཡོད། ཁ་སང་གི་གཏམ་བཤད་ལས་རིམ་དེའི་ཐོག མཐོ་རིམ་སློབ་གྲྭ་དེ་ཉིད་ཀྱི་དགེ་རྒན་དང་སློབ་ཕྲུག་ཙམ་མ་ཟད།  གཞན་ཡང་ལྡི་ལི་གཙུག་ལག་སློབ་གྲྭའི་ཕྱི་རྒྱལ་སློབ་ཕྲུག་ཁག་གཅིག་བཅས་མི་གྲངས་བརྒྱ་སྐོར་ཞིག་འདུ་འཛོམས་གནང་སོང་།  སྐབས་དེར་དགེ་བཤེས་ལྷག་རྡོར་ལགས་ཀྱི་ད་དུང་།        ༸གོང་ས་༸སྐྱབས་མགོན་ཆེན་པོ་མཆོག་ནས་བཟང་སྤྱོད་ཀྱི་རིན་ཐང་སྐོར་བཀའ་གནང་སྐབས།   ཆོས་ལུགས་བྱེ་བྲག་པ་ཞིག་གི་བཟང་སྤྱོད་སྐོར་བཀའ་གནང་གི་མེད་པར།   སྤྱི་ལ་ཁྱབ་པའི་བཟང་སྤྱོད་སྐོར་ལམ་སྟོན་གནང་གི་ཡོད་པ་དང་།   དེ་ཡང་ཆོས་ཁས་ལེན་མཁན་ནམ་མི་ལེན་མཁན་ཚང་མར་དགོས་ངེས་ཤིག་ཡིན་པ་གསུངས་ཏེ།   བཟང་སྤྱོད་ནི་ཆུ་དང་ཁ་རླུང་ལྟ་བུ་འགྲོ་བ་མའི་རིགས་ཀྱི་འཚོ་གནས་མེད་དུ་མི་རུང་བའི་ཞིག་རེད་ཅེས་འགྲེལ་བརྗོད་གནང་སོང་།    མ་ཟད་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་བསྐྱེད་དམ་བཅའ་དེ་དག་གཙོ་བོ་སེམས་དང་གཏན་ཚིག་རིག་པར་གཞི་བཞག་སྟེ་ལམ་སྟོན་སྩལ་གནང་གི་ཡོད་པ་དང་།  དེ་ཡང་རིག་གནས་དེ་དག་རྒྱ་གར་གྱི་གནའ་བོའི་རིག་གནས་ཤིག་ཡིན་སྟབས།   རྒྱ་གར་བ་ཚོས་ཀྱང་སོ་སོའི་རྩ་ཆེའི་རིག་གནས་དེ་དག་ལ་དོ་སྣང་ཆེ་ཙམ་གནང་སྟེ།  མི་རིགས་གཞན་ལ་ཡང་ཞབས་འདེགས་འགྲུབ་ཐབས་བྱ་དགོས་པའི་སྐུལ་མ་བཅས་ཀྱང་གནང་ཡོད། གཞི་རྩའི་ལས་རིམ་དེའི་སྐབས།   ལྡི་ལི་གཙུག་ལག་སློབ་གྲྭ་ཆེན་མོའི་ལོ་རྒྱུས་སློབ་དཔོན་ Professor Amar Jiva Lochan  མཆོག་དང་། ...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཁ་སང་ཕྱི་ཚེས་ ༩  ཉིན་རྒྱ་གར་ལྷོ་ཕྱོགས་ཁུལ་ནས་རྒྱལ་ས་ལྡི་ལིར་ཞབས་སོར་བདེ་བར་འཁོད་ཡོད་པ་དང་།  ལྡི་ལི་སྐུ་ཚབ་དོན་གཅོད་བརྒྱུད་ཤེས་རྟོགས་བྱུང་བར་གཞིགས་ན།   མགོན་པོ་༸གང་ཉིད་མཆོག་ཕྱིར་བཞུགས་སྒར་༸རྒྱལ་བའི་ཕོ་བྲང་དུ་ཞབས་སོར་མ་འཁོད་པའི་ལམ་ཞོར་དེར།   རྒྱལ་ས་ལྡི་ལིའི་ནང་དེ་རིང་དང་སང་ཉིན་བཅས་ཉིན་གྲངས་གཉིས་ཀྱི་རིང་༸སྐུའི་འཕྲོད་བཞེས་དང་འབྲེལ།  ཚེམས་དང་སྤྱན་བཅས་ཀྱི་རྟགས་དཔྱད་གནང་རྒྱུ་མ་ཟད།  དེ་ནས་ཕྱི་ཚེས་ ༡༢ ཉིན་མགོན་པོ་༸གང་ཉིད་མཆོག་ནས་ཁུལ་འདིར་ཆེས་མཐོའི་གནད་ཀྱི་ཡོད་མི་སྣ་ཁག་གཅིག་མཇལ་འཕྲད་གནང་རྒྱུའི་མཛད་འཆར་ཡོད་པ་རེད་འདུག འདི་ག་རླུང་འཕྲིན་ཁང་ནས་ལྡི་ལི་སྐུ་ཚབ་དོན་གཅོད་འཇིགས་མེད་འབྱུང་གནས་ལགས་སུ་ཞིབ་ཕྲའི་བཀའ་འདྲི་ཞུ་ཐབས་བྱས་ཀྱང་།   ཁོང་ནས་ཐུགས་གཏན་འཁེལ་བའི་མཛད་འཆར་དེ་དག་ལས་ཆེས་མཐོའི་མི་སྣ་སུ་དང་སུ་མཇལ་འཕྲད་གནང་གི་ཡོད་མེད་ཀྱི་ཞིབ་ཕྲའི་གནས་ཚུལ་གང་ཡང་གསུངས་མ་སོང་། གཞི་རྩའི་བོད་མི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རྒྱ་གར་ལྷོ་ཕྱོགས་མོན་གྷོཊ་འདོད་རྒུ་གླིང་ཁུལ་དུ་ཟླ་བ་གཉིས་ཙམ་རིང་སྐུ་བཞུགས་མཛད་དེ།   ཁ་སང་རྒྱལ་ས་ལྡི་ལིར་ཞབས་སོར་འཁོད་པ་ཞིག་ཡིན་པ་དང་།   འདི་ཚེས་  ༡༣  ཉིན་བཞུགས་སྒར་རྡ་རམ་ས་ལའི་༸རྒྱལ་བའི་ཕོ་བྲང་དུ་ཆིབས་བསྒྱུར་སྩལ་གནང་རྒྱུ་རེད་འདུག The post རྒྱལ་ས་ལྡི་ལིར་ཆེས་མཐོའི་མི་སྣ་ཁག་གཅིག་གིས་༸གོང་ས་མཆོག་མཇལ་འཕྲད་གནང་རྒྱུ། appeared first on vot.

དེ་རིང་ཕྱི་ལོ་ ༢༠༢༦ ཟླ་ ༢ ཚེས་ ༩ ཉིན་གྱི་སྔ་དྲོ་ཆུ་ཚོད་ ༦:༣༠ ཡོལ་ཙམ་ལ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རྒྱ་གར་ལྷོ་ཕྱོགས་མོན་གྷོ་རུ་བྱེས་ཀྱི་གདན་ས་འབྲས་སྤུངས་སྒོ་མང་གྲྭ་ཚང་ནས་ཆིབས་ཐོན་གྱིས་རྒྱལ་ས་ལྡི་ལིར་ཞབས་སོར་བདེ་བར་འཁོད་གནང་མཛད་འདུག དེ་ཡང་༸གོང་ས་༸སྐྱབས་མགོན་ཆེན་པོ་མཆོག་ཐེངས་འདིར་མོན་གྷོ་རུ་ཕྱི་ལོ་ ༢༠༢༥ ཟླ་ ༡༢ ཚེས་ ༡༢ ནས་དེ་རིང་ཕྱི་ལོ་ ༢༠༢༦ ཟླ་ ༢ ཚེས་ ༩ བར་ཟླ་གཉིས་ཙམ་སྐུ་བཞུགས་མཛད་རིང་རེས་གཟའ་ཉི་མ་དང་བསྙེན་རྫོགས་ཀྱི་མཛད་ཞག་ཁག་གཅིག་ཕུད་པའི་ཉིན་ལྟར་རྒྱ་གར་དབུས་ས་གཉིས་ཀྱི་གནད་ཡོད་མི་སྣ་གཙོས་ཕྱི་རྒྱལ་ཡུལ་གྲུ་ཁག་དང་། ཧི་མ་ལ་ཡའི་རི་རྒྱུད། ས་གནས་ཡུལ་མི། དེ་བཞིན་རྒྱ་གར་ལྷོ་ཕྱོགས་གཞིས་ཆགས་ཁག་གི་བོད་མི་སོགས་དད་ལྡན་མང་ཚོགས་ཆིག་ཁྲི་ལྔ་སྟོང་ལྷག་ལ་མང་མཇལ་བཀའ་དྲིན་སྩལ་ཡོད་པ་མ་ཟད། གདན་ས་དགོན་སྡེ་ཁག་གི་གྲྭ་བཙུན་མང་དག་ཅིག་ལ་དགེ་སློང་གི་སྡོམ་པ་འབོག་ཆོག་མཛད་ཡོད་པ་རེད།  དེ་བཞིན་ཉིན་ཞག་ ༥༩ ཁྲོད་མགོན་པོ་༸གང་ཉིད་མཆོག་ནས་དགའ་ལྡན་ལྔ་མཆོད་ཆེན་མོ་དང་། འབྲས་སྤུངས་ཁྲི་པའི་གསེར་ཁྲི་མངའ་གསོལ། འཇང་དགུན་ཆོས་ཀྱི་རྣམ་འགྲེལ་དམ་བཅའ་ཆེན་མོ། བྱམས་ཆོས་དང་རིགས་ཚོགས་དགུན་ཆོས་ཆེན་མོ། རྣམ་འགྲེལ་མཚན་ཕུད་དམ་བཅའ་ཆེན་མོ།  རྟེན་དང་བརྟེན་པ་ལེགས་པར་གྲུབ་པ་དབུ་འབྱེད་དང་རབ་གནས། སེར་སྐྱ་མི་མང་གིས་བརྟན་བཞུགས་བཅས་ཆོས་ཕྱོགས་ཀྱི་མཛད་རིམ་དུ་མར་དབུ་བཞུགས་ཀྱང་མཛད་ཡོད་པ་རེད།  ལྷག་པར་དུ་ཐེངས་འདིར་མོན་གྷོ་རུ་གོང་ས་༸སྐྱབས་མགོན་ཆེན་པོ་མཆོག་ནས་དད་ལྡན་ཆོས་མཇལ་བ་ཚོར་མང་མཇལ་ཁྲོད། སངས་རྒྱས་པའི་ཆོས་རྒྱུན་གནས་ཐུབ་ཆེད་ཤེས་ནས་དད་པ་ཐོབ་དགོས་པ་དང་། བོད་ལ་འཆད་རྩོད་རྩོམ་གསུམ་གྱི་སློབ་གཉེར་གནང་རྒྱུ་ཡོད་པ་དེ་ཧ་ཅང་ཡག་པོ་ཡིན་པ།  མ་ཟད་ཨ་ར་པ་ཙ་ན་དྷི་ཞེས་པ་དེ་བཞིན་༸གང་ཉིད་མཆོག་ནས་ཉིན་ལྟར་བགྲང་གི་ཡོད་པ་དེས་ཤེས་རབ་འཕེལ་བ་དང་རིག་པ་གསལ་པོ་ཆགས་ཀྱི་ཡོད་སྐོར་དང་།  ང་ཚོས་རང་བཙན་གྱི་སྐད་ཆ་མེད་པ་བྱས་ཏེ་མི་རིགས་རང་སྐྱོང་གི་སྐད་ཆ་བཤད་ནས་ཕྱིན་ན། རྒྱ་མིས་བདག་པོ་རྒྱག་ཀྱི་ཡོད་པ་དང་།...

ཉེ་ལམ་གསར་འགྱུར་བརྒྱུད་ལམ་དང་སྤྱི་ཚོགས་དྲྭ་ལམ་ཁག་གཅིག་གི་ནང་དུ། ཨེབ་སི་ཊིན་གྱི་ཡིག་ཚགས་དང་འབྲེལ་གནས་ཚུལ་ཐད། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་ཇེ་ཧྥི་རི་ཨེབ་སི་ཊིན་བར་འབྲེལ་བ་བྱུང་བའི་སྐོར་གནས་ཚུལ་སྤེལ་བཞིན་འདུག་ཀྱང་། ཁ་སང་ཚེས་ ༨ ཉིན་དགའ་ལྡན་ཕོ་བྲང་ཡིག་ཚང་ནས་ཡོངས་ཁྱབ་གསལ་བསྒྲགས་ཞིག་སྤེལ་ཏེ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ད་བར་ཇེ་ཧྥེ་རི་ཨེབ་སི་ཊིན་དང་མཇལ་འཕྲད་གནང་མྱོང་མེད་པ་མ་ཟད། ༸གོང་ས་མཆོག་གི་མཚན་ཐོག་ནས་ཀྱང་ཁོང་དང་མཇལ་འཕྲད་དམ་བཀའ་མོལ་གནང་རྒྱུ་བཀོད་མངགས་གནང་རིགས་གཏན་ནས་བྱུང་མྱོང་མེད་ཅེས་གསུངས་འདུག དེ་ཡང་གསར་དུ་ཕྱིར་བསྒྲགས་བྱས་པའི་བྱིས་པར་ཆགས་སྲེད་བརྙས་བཅོས་ཀྱི་ཉེས་ཅན་པ་ཇེ་ཧྥི་ཨེབ་སི་ཊེན་དང་འབྲེལ་བའི་ཡིག་ཚགས་ཁག་གིས་རྒྱལ་སྤྱིའི་ཁྲོད་གླེང་སློང་ཤུགས་ཆེ་བྱུང་དང་འབྱུང་བཞིན་ཡོད་པ་དང་།  ལྷག་པར་དུ་ཡིག་ཚགས་དེ་དག་ནང་འཁོད་པའི་མི་སྣ་ཁག་གི་ཐོག་ཚུལ་མིན་ཆགས་སྲེད་དང་འབྲེལ་བའི་དོགས་གཞི་མང་པོ་བྱུང་བཞིན་པའི་ཁྲོད་འདིར། The Daily Beast བརྒྱུད་ལམ་དང་ཨ་རིའི་གསར་འགོད་པ་ Michael Wolff དེ་བཞིན་རྒྱ་རིགས་ཁག་གཅིག་གིས་སྤྱི་ཚོགས་དྲ་ལམ་ཐོག་ཡིག་ཚགས་དེ་དག་གི་ཁྲོད་དུ་༸གོང་ས་མཆོག་ཀྱང་ཐེངས་མང་པོར་འཁོད་ཡོད་ཚུལ་བཤད་ཡོད། ལྷག་པར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་ཇེ་ཧྥི་རི་ཨེབ་སི་ཊིན་བར་འབྲེལ་བ་བྱུང་གནས་སྐོར་གནས་ཚུལ་སྤེལ་བཞིན་པར། ཁ་སང་ཚེས་ ༨ ཉིན་དགའ་ལྡན་ཕོ་བྲང་ཡིག་ཚང་ནས་ཡོངས་ཁྱབ་གསལ་བསྒྲགས་ཞིག་སྤེལ་ཏེ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ད་བར་ཇེ་ཧྥེ་རི་ཨེབ་སི་ཊིན་དང་མཇལ་འཕྲད་གནང་མྱོང་མེད་པ་མ་ཟད། ༸གོང་ས་མཆོག་གི་མཚན་ཐོག་ནས་ཀྱང་ཁོང་དང་མཇལ་འཕྲད་དམ་བཀའ་མོལ་གནང་རྒྱུ་བཀོད་མངགས་གནང་རིགས་གཏན་ནས་བྱུང་མྱོང་མེད་ཅེས་གསལ་བཤད་གནང་ཡོད་པ་རེད། རྒྱལ་སྤྱིའི་བོད་དོན་ལས་འགུལ་ཁང་གི་ཉམས་ཞིབ་འགན་འཛིན་བུ་ཆུང་ཚེ་རིང་ལགས་ཀྱིས། ཇེ་ཧྥི་ཨེབ་སི་ཊེན་དང་འབྲེལ་བའི་ཡིག་ཚགས་ཁག་གི་ནང་། རྒྱ་ནག་གི་སྲིད་འཛིན་ཞི་ཅིན་ཕིང་ཐེངས་ ༡༣༨  དང་ཨ་རིའི་སྙན་གྲགས་ཅན་གྱི་སྤྱི་དམངས་ཐོབ་ཐང་རྩོད་ལེན་པ་དང་ནོ་ཝེལ་ཞི་བདེའི་གཟེངས་རྟགས་བཞེས་མྱོང་མཁན་ Dr. Martin Luther King Jr དམ་པ་ཁོང་ཐེངས་ ༡༩༦། བདག་ཉིད་ཆེན་པོ་གན་དྷི་མཆོག་གི་མཚན་ཐེངས་ ༡༥། ཡེ་ཤུའི་བླ་ཆེན་ Pope...

རྒྱ་ནག་གི་བཙོན་ཁང་ནང་དུ་ལོ་ ༧ ཁྲིམས་ཆད་མྱོང་བཞིན་པའི་བོད་ཀྱི་ཁོར་ཡུག་སྲུང་སྐྱོབ་པ་དང་ལྐོག་ཟ་རུལ་སུངས་ཐེར་འདོན་གནང་མཁན་ཨ་ཉག་སེང་སྒྲ་ལགས་ཁ་སང་གློད་བཀྲོལ་བཏང་འདུག་པ་དང་། ད་ལྟའི་ཆར་ཁོང་ཕ་ཡུལ་རྐྱང་ཆད་ཡུལ་ཚོའི་རང་ཁྱིམ་དུ་འབྱོར་ཡོད་པ་ལས་འགྲོ་འདུག་གི་རང་དབང་དང་། འཕྲོད་བསྟེན་སོགས་ཀྱི་གནས་སྟངས་སྐོར་ལ་གསལ་ཁ་གང་ཡང་མི་འདུག སྤྱིར་ ༢༠༢༥ ལོའི་ཕྱི་ཟླ་ ༩ པའི་ནང་ཨ་ཉག་སེང་སྒྲ་ལགས་ཀྱི་བཙོན་འཇུག་གི་དུས་ཡུན་ཟིན་ཡང་། རྒྱ་གཞུང་གིས་བཙོན་ཁང་ནང་ཁྲིམས་འགལ་བྱས་པའི་ཉེས་འཛུགས་བྱས་ཏེ། ཕྱི་ལོ་ ༢༠༢༦ ཕྱི་ཟླ་ ༢ པའི་བར་བཙོན་འཇུག་གི་དུས་ཡུན་ཕར་འགྱངས་བྱས་ཡོད་པ་ལྟར། ཁ་སང་ཚེས་ ༨ ཉིན་གློད་བཀྲོལ་བཏང་ཡོད་པ་རེད། རྩ་བའི་ཁོང་ནི་བོད་ཀྱི་ཁོར་ཡུག་སྲུང་སྐྱོབ་པ་དང་ལྐོག་ཟ་རུལ་སུངས་ཐེར་འདོན་གནང་མཁན་ཞིག་ཡིན་པ་མ་ཟད། ཕྱི་ལོ་ ༢༠༡༨ ལོར་སྤྱི་ཚོགས་བརྟན་ལྷིང་དཀྲུག་པའི་ཉེས་མིང་འོག་འཛིན་བཟུང་གིས།  ༢༠༡༩ ལོར་ལོ་བདུན་གྱི་བཙོན་འཇུག་ཁྲིམས་ཐག་བཅད་ཡོད་པ་རེད། དེ་རིང་བོད་ཀྱི་དུས་བབ་གསར་ཁང་གི་དེ་འབྲེལ་གནས་ཚུལ་སྤེལ་བར་གཞིགས་ན། ཨ་ཉག་སེང་སྒྲ་ལགས་ཀྱི་ལོ་བདུན་གྱི་བཙོན་འཇུག་དུས་ཡུན་ཚང་སྟེ་མེན་ཡཱང་བཙོན་ཁང་ནས་གློད་བཀྲོལ་བཏང་ཡོད་པ་དང་། ད་ལྟའི་ཆར་ཁོང་ཕ་ཡུལ་མགོ་ལོག་དགའ་བདེ་རྫོང་རྐྱང་ཆད་ཡུལ་ཚོའི་རང་ཁྱིམ་དུ་འབྱོར་ཡོད་ཀྱང་། འཕྲོད་བསྟེན་གནས་སྟངས་དང་འགྲོ་འདུག་གི་རང་དབང་ཡོད་མེད་སོགས་ཀྱི་སྐོར་ལ་གནས་ཚུལ་ཤེས་རྟོགས་གང་ཡང་ཐུབ་ཀྱི་མེད་པ་འཁོད་འདུག ཨ་ཉག་སེང་སྒྲ་ལགས་གློད་བཀྲོལ་བཏང་བའི་གནས་ཚུལ་ཐོན་འཕྲལ་ཁོང་གི་གནད་དོན་ཐོག་ཡུན་རིང་ནས་ལས་འགུལ་སྤེལ་མཁན་བོད་རང་བཙན་སློབ་ཕྲུག་ཚོགས་པས་དྲ་ཐོག་ནས་བརྙན་ཐུང་ཞིག་བརྒྱུད་སྤེལ་གནང་བའི་ནང་དུ།  ཨ་ཉག་སེང་སྒྲ་ལགས་གློད་བཀྲོལ་གཏང་བར་དགའ་བསུ་ཡོད་པ་དེ་ལྟར་ཡང་། ཨ་ཉ་སེང་སྒྲ་ལགས་བཙོན་གྲོལ་ཐོབ་པ་ནི་གསར་འགྱུར་ཞིག་མིན་ལ། ཁོང་ཐོག་མ་ནས་བཙོན་འཇུག་བྱེད་དགོས་པའི་རྒྱུ་མཚན་གང་ཡང་མེད། འདི་ནི་ཁོང་གཅིག་པུའི་ལོ་རྒྱུས་མ་ཡིན་པར། ཨ་ཉ་སེང་སྒྲ་ལགས་ཀྱི་གནས་སྟངས་འདིས་བོད་ནང་གི་དངོས་ཡོད་གནས་ཚུལ་གསལ་པོར་མཚོན་ཡོད། བོད་རང་བཙན་སློབ་ཕྲུག་ཚོགས་པས་མུ་མཐུད་ནས་ཨ་ཉ་སེང་སྒྲ་ལགས་ཀྱི་གནས་སྟངས་ལ་ལྟ་ཞིབ་དང་། བོད་ནང་གི་བོད་མིའི་འབོད་སྒྲ་མུ་མཐུད་ནས་སྒྲོག་རྒྱུ་ཡིན་ཞེས་གསུངས་འདུག གཞི་རྩའི་རྒྱལ་ཚོགས་ཀྱི་དམིགས་བསལ་ཆེད་མཁས་མི་སྣ་དང་། རྒྱལ་སྤྱིའི་ཁྲོད་བོད་དོན་རྒྱབ་སྐྱོར་བ།...

༸གོང་ས་༸སྐྱབས་མགོན་ཆེན་པོ་མཆོག་གི་གཅེན་པོ་དམ་པ་བཀའ་བློན་ཁྲི་ཟུར་རྒྱལ་ལོ་དོན་གྲུབ་མཆོག་སྐུ་གཤེགས་ནས་ལོ་གཅིག་འཁོར་བ་དང་བསྟུན། ཁ་སང་བཞུགས་སྒར་ཁུལ་དུ་མཆོད་འབུལ་སྨོན་ལམ་དང་། དཔེ་དེབ་དབུ་འབྱེད། དེ་བཞིན་མཁས་པའི་བགྲོ་གླེང་བཅས་ཀྱི་ཐོག་ནས་དུས་དྲན་སྲུང་བརྩི་ཞུས་སོང་། དེ་ཡང་ཁ་སང་ཚེས་ ༨ ཉིན་གྱི་སྔ་དྲོ་ཆུ་ཚོད་ ༩ ཐོག་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་ཆོལ་ཁ་གསུམ་གྱི་དབུས་སྤྱི་ཁྱབ་རྒྱུན་ལས་ཁང་སོགས་རྡ་རམ་ས་ལར་རྟེན་གཞི་བྱས་པའི་གཞུང་འབྲེལ་མ་ཡིན་པའི་ཚོགས་པ་དྲུག་གི་གོ་སྒྲིག་འོག བོད་བསྟན་སྲིད་མི་རིགས་ཆེད་བཀྲིན་ཅན་གྱི་༸སྐུའི་གཅེན་པོ་རྒྱལ་ལོ་དོན་གྲུབ་མཆོག་གི་དགོངས་རྫོགས་མཆོད་འབུལ་སྨོན་ལམ་དང་། གསུངས་ཚོགས་བཅས་ཚོགས་ཡོད་པ་དང་འབྲེལ། སྐབས་དེར་གམ་བཅར་རྣམ་གྲྭ་ཕན་བདེ་ལེགས་བཤད་གླིང་གི་དགེ་འདུན་རྣམ་པ་དང་། ས་གནས་ཀྱི་མི་མང་སོགས་མཉམ་ཞུགས་གནང་སོང་། དེ་བཞིན་སྔ་དྲོ་ཆུ་ཚོད་ ༡༠ ཐོག་༸སྐུའི་གཅེན་པོ་དམ་པ་རྒྱལ་ལོ་དོན་གྲུབ་མཆོག་གི་རྗེས་དྲན་གོ་སྒྲིག་ཚོགས་ཆུང་ནས། གངས་ཅན་སྐྱིད་གཤོངས་ཀྱི་སྤྱི་ཐབ་ཚོགས་ཁང་དུ། སྐུ་མགྲོན་གཙོ་བོ་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་དབུས་པའི་ཚོགས་གཞོན་སྒྲོལ་མ་ཚེ་རིང་མཆོག བདེ་སྲུང་བཀའ་བློན་རྒྱ་རི་སྒྲོལ་མ་མཆོག དགའ་ལྡན་ཕོ་བྲང་གི་༸སྐུའི་གསུང་འབུམ་ཞུ་སྒྲིག་པ་དགེ་བཤེས་རོང་པོ་བློ་བཟང་སྙན་གྲགས་ལགས། དེ་བཞིན་ཁྲིམས་ཞིབ་པ་གཞན་གཉིས། སྐུ་མགྲོན་གཞན་དང་མང་ཚོགས་བཅས་ལྷན་ཞུགས་ཐོག་སྒང་པ་བོད་ཀྱི་རྒྱལ་གཅེས་དཔའ་བོ་ཆེན་པོ་ལྷ་སྲས་རྒྱལ་ལོ་དོན་གྲུབ་ཅེས་པའི་དཔེ་དེབ་དབུ་འབྱེད་གནང་སོང་། སྐབས་དེར་བོད་མིའི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས། ༸སྐུའི་གཅེན་པ་རྒྱལ་ལོ་དོན་གྲུབ་མཆོག་གིས་བོད་ས་མ་ཤོར་བའི་གོང་ར་སྒྲེང་རིན་པོ་ཆེ་དང་། སྟག་བྲག་རིན་པོ་ཆེ་གཉིས་ཀྱི་རྩོད་རྙོག་སྡུག་རུ་མ་འགྲོ་བའི་ཆེད་དུ་ཕྱག་ལས་ཡག་པོ་གནང་ཡོད་པ་མ་ཟད། ཕྱིས་སུ་བཙན་བྱོལ་དུ་བོད་མིའི་སྒྲིག་འཛུགས་གཙོས་པའི་ཕྱི་འབྲེལ་གྱི་ལས་དོན་སོགས་ལ་བྱས་རྗེས་ལྡན་པའི་ཕྱག་ལས་གནང་ཡོད་པ་རེད་ཅེས་སོགས་གསུངས་སོང་། གནད་དོན་དེ་འབྲེལ་འདི་ག་རླུང་འཕྲིན་ཁང་གིས་སྒང་པ་བོད་ཀྱི་རྒྱལ་གཅེས་དཔའ་བོ་ཆེན་པ་ལྷ་སྲས་རྒྱལ་ལོ་དོན་གྲུབ་ཅེས་པའི་དཔེ་དེབ་ཀྱི་རྩོམ་སྒྲིག་འགན་འཁུར་བ་རྩོམ་པ་པོ་ཤེས་རབ་དར་རྒྱས་ལགས་སུ་བཀའ་འདྲི་ཞུས་པར་ཁོང་གིས། ད་ལན་གྱི་དཔེ་དེབ་འདི་གཙོ་བོ་༸སྐུའི་གཅེན་པོ་དམ་པ་རྒྱལ་ལོ་དོན་གྲུབ་མཆོག་སྐུ་གཤེགས་ནས་ལོ་ངོ་ཧྲིལ་པོ་གཅིག་འཁོར་བའི་རྗེས་དྲན་གྱི་ཆེད་དུ་པར་སྐྲུན་གནང་བ་ཞིག་ཡིན་པ་མ་ཟད། དུས་རྒྱུན་གྱི་དཔེ་དེབ་དང་མི་འདྲ་བར་རྩོམ་པ་པོ་དང་ཉམས་ཞིབ་པ་ཁག་ཅིག་གིས་མཉམ་རུབ་ཐོག་ནས་བརྩམས་པ་ཞིག་རེད་ཅེས་གསུངས་སོང་། དེ་བཞིན་ཉིན་རྒྱབ་ཕྱག་ཚོད་ ༢ པའི་ཐོག་༸སྐུའི་གཅེན་པོ་དམ་པ་རྒྱལ་ལོ་དོན་གྲུབ་མཆོག་དང་འབྲེལ་བའི་མཁས་པའི་བགྲོ་གླེང་ཞིག་བསྐོང་ཚོགས་གནང་སོང་བ་དང་སྦྲགས། སྐབས་དེར་ཝཱ་ཎ་དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་གི་ལོ་རྒྱུས་སློབ་དཔོན་ཆེན་མོ་བྱམས་པ་བསམ་གཏན་ལགས་དང་། བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་ཟུར་པ་ཟླ་བ་ཚེ་རིང་ལགས་གཉིས་གཙོས་པའི་དོན་གཉེར་ཅན་རྣམས་ནས་མཉམ་ཞུགས་གནང་ཡོད་པ་རེད། སྐབས་དེར་ཟླ་བ་ཚེ་རིང་ལགས་ཀྱིས་བོད་ས་ཤོར་བའི་རྗེས་སུ་རྒྱ་གར་ནང་བོད་ཀྱི་སྐུ་དྲག་དང་འབྱོར་ལྡན་པ་མང་པོ་ཡོད་ཀྱང་། བོད་ཀྱི་ཆེད་དུ་ཡར་རྒྱུགས་མར་རྒྱུགས་གནང་མཁན་ནི་༸སྐུའི་གཅེན་པོ་རྒྱལ་ལོ་དོན་གྲུབ་ཁོ་ན་རེད་ཅེས་གསུངས་སོང་། རྩ་བའི་ཕྱི་ལོ་ ༢༠༢༥ ཟླ་...

འདི་ལོ་རྒྱ་གཞུང་གིས་བོད་རང་སྐྱོང་ལྗོངས་ཟེར་བའི་ས་ཁུལ་ཁག་གི་ནང་དུ་མང་ཚོགས་ཀྱི་འཚོ་བ་ཡར་རྒྱས་ལས་གཞིར་ཁ་གཡར་ཏེ། བོད་མིའི་ཁྱིམ་ཚང་ནང་དུ་ཟུང་སྐར་འཁོར་སྡེར་དང་སྙན་འཕྲིན་རིན་མེད་ཐོག་བགོ་འགྲེམ་བྱ་རྒྱུའི་ལས་གཞི་སྤེལ་བཞིན་འདུག་པ་དང་། ཨ་རིའི་ནང་དུ་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གིས་ལས་གཞི་འདི་ནི་བོད་ནང་དུ་རྒྱ་གཞུང་གིས་སྟངས་འཛིན་མེད་པའི་ཕྱི་ཕྱོགས་ཀྱི་གནས་ཚུལ་ལྟ་ཀློག་ཐོས་གསུམ་བཀག་སྡོམ་བྱ་རྒྱུར་དམིགས་བཞིན་པ་གསལ་པོ་མངོན་རྒྱུ་ཡོད་པ་གསུངས་འདུག དེ་ཡང་ཁ་སང་རྒྱལ་སྤྱི་བོད་དོན་ལས་འགུལ་ཁང་གི་དྲྭ་གནས་ཐོག་དེ་འབྲེལ་སྙན་ཐོ་ཞིག་འདོན་སྤེལ་གནང་བའི་ནང་དུ། རྒྱ་གཞུང་གིས་མང་ཚོགས་ཀྱི་འཚོ་བ་ཡར་རྒྱས་ལས་གཞི་ཟེར་བའི་འོག་ནས་ཆབ་མདོ་ཁུལ་དུ་བོད་པའི་ཁྱིམ་ཚང་ཁག་གི་ནང་ཟུང་སྐར་བརྙན་འཕྲིན་ཁྲི་ ༨ ཙམ་བགོ་འགྲེམས་བྱས་ཟིན་ཡོད་པ་མ་ཟད། རྒྱ་ནག་གི་ཟུང་སྐར་ཐད་གཏོང་རླུང་འཕྲིན་དང་བརྙན་འཕྲིན་ལས་ཁུངས་ཀྱི་གནས་ཚུལ་སྤེལ་བའི་ནང་དུ་ཟུང་སྐར་བརྙན་འཕྲིན་བགོ་འགྲེམ་གྱི་ལས་གཞི་དེ་འདི་ལོའི་ཕྱི་ཟླ་ ༦ པའི་ཟླ་དཀྱིལ་བར་ཡོངས་སུ་མཇུག་སྒྲིལ་བྱེད་ཐུབ་རྒྱུ་ཡིན་སྐོར་འཁོད་པ་ལུང་འདྲེན་གྱིས། གནས་ཚུལ་རང་དབང་ལ་དམ་བསྒྲགས་ཀྱི་སྲིད་བྱུས་དེར་གཞིགས་ན། རྒྱ་ནག་གིས་གཞུང་གིས་སྟངས་འཛིན་དང་ཆོག་མཆན་ཡོད་པའི་བརྒྱུད་ལམ་དང་གནས་ཚུལ་གཅིག་པོ་མ་གཏོགས་རྒྱང་སྲིང་བྱ་རྒྱུ་མིན་པ་ཚོད་དཔག་གནང་ཐུབ་རྒྱུ་ཡོད་སྟབས། ལས་གཞི་འདི་བོད་མི་རྣམས་ལ་ཕྱི་ཕྱོགས་ཀྱི་གནས་ཚུལ་རྒྱུས་ལོན་བཀག་སྡོམ་ཆེད་དུ་སྤེལ་བ་ཞིག་ཡིན་པ་གསལ་པོ་རྟོགས་ཐུབ་རྒྱུ་ཡོད་པ་གསུངས་འདུག སྙན་ཐོའི་ནང་རྒྱ་གཞུང་གིས་བོད་རང་སྐྱོང་ལྗོངས་ཟེར་བའི་ཆབ་མདོ་གྲོང་ཁྱེར་ནང་དུ། ཕྱི་ལོ་ ༢༠༢༤ ལོའི་ཕྱི་ཟླ་ ༡༢ ནང་ཟུང་སྐར་བརྙན་འཕྲིན་ཁྲི་ ༨ བགོ་འགྲེམས་བྱས་ཡོད་པ་མ་ཟད། གཞི་ཀ་རྩེ་ནང་དུ་ཕྱི་ལོ་ ༢༠༢༤ ལོའི་ཕྱི་ཟླ་ ༥ པ་ནས་འགོ་བཙུགས་ཏེ་ཞིང་འབྲོག་ཁྱིམ་ཚང་འབུམ་གཅིག་དང་ཕྱེད་ཀ་ལྷག་གི་ཁྱིམ་དུ་ཟུང་སྐར་བརྙན་ཆས་བགོ་འགྲེམ་བྱེད་བཞིན་པ། དེ་བཞིན་ ༢༠༢༥ ལོའི་ལོ་འཇུག་ནང་ལྷོ་ཁ་དང་ནག་ཆུ། དེ་བཞིན་ཉིང་ཁྲི་ཁུལ་དུ་ཕྱི་ལོ་ ༢༠༢༣ ནས་ལས་གཞི་འདི་འགོ་བཙུགས་ཟིན་ཡོད་པ་མངོན་གསལ་གནང་འདུག་པ་མ་ཟད། འདི་ག་རླུང་འཕྲིན་ཁང་གིས་ཟླ་བ་སྔོན་མའི་ཚེས་ ༢༡ ཉིན་གནས་ཚུལ་སྤེལ་བའི་ནང་དུ་རྒྱ་གཞུང་གིས་བོད་མངའ་རི་ཁུལ་མཚོ་ཆེན་རྫོང་གི་གྲོང་སྡེ་ ༡༧ ནང་དུ་གཞུང་གི་འཁོར་སྡེར་བགོ་འགྲེམས་ཀྱིས་ལས་གཞི་ལག་བསྟར་བྱས་ཟིན་ཡོད་པ་དང་། ད་བར་ཁྱོན་བསྡོམས་འཁོར་སྡེར་ ༣༥༠༠...

བཙན་བྱོལ་བོད་མི་རྣམས་ཀྱིས་ཟླ་བ་འདིའི་ཚེས་ ༡ ཉིན་རྒྱལ་ཁབ་ ༢༧ ནང་། ༢༠༢༦ ལོའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུ་ཆེན་མོ་གནང་བ་དང་འབྲེལ། ད་ཆ་ས་གནས་འོས་བསྡུ་ལས་ཁང་མང་ཆེ་བས་ཁུལ་སོ་སོའི་འོས་བསྡུའི་གྲུབ་འབྲས་མང་ཚོགས་ལ་གསལ་བསྒྲགས་ཟིན་པ་ཁག་ལ་གཞིགས་ན། རྒྱ་བལ་འབྲུག་གསུམ་ཕུད་པའི་ཨེ་ཤི་ཡ་དང་ཨོསྟྲེ་ལི་ཡའི་ནང་ནས་སྤྱི་འཐུས་ཀྱི་འོས་གྲངས་མང་ཤོས་ཐོབ་མཁན་ནི་སྐལ་བཟང་ཚེ་རིང་ལགས་དང་། དེ་བཞིན་ཡུ་རོབ་མངའ་ཁུལ་ནས་སྤྱི་འཐུས་ཀྱི་འོས་གྲངས་མང་ཤོས་ཐོབ་མཁན་བསྟན་འཛིན་གཡང་དཀར་ལགས་དང་གཉིས་པ་ཐུབ་བསྟན་རྒྱ་མཚོ་ལགས་ཡིན་པ་རེད་འདུག རྩ་བའི་དབུས་འོས་བསྡུ་ལས་ཁང་གིས་སྔོན་འགྲོའི་འོས་གཞི་གསལ་བསྒྲགས་ཕྱི་ཟླ་ ༢ ཚེས་ ༢༥ ལ་མ་གཏོགས་གནང་གི་མེད་པ་དང་། འདི་ག་རླུང་འཕྲིན་ཁང་གིས་ཉིན་རེ་བཞིན་འདོན་སྤེལ་གནང་བའི་འོས་བསྡུའི་གྲངས་ཐོ་དེ་ཉིད་གཞུང་འབྲེལ་མིན་པ་རེད།  འདི་ག་རླུང་འཕྲིན་ཁང་གིས་ད་བར་རྒྱུས་ལོན་ཞུས་པའི་གྲངས་ཐོར་གཞིགས་ན། རྒྱ་བལ་འབྲུག་གསུམ་ཕུད་པའི་ཨེ་ཤི་ཡ་དང་ཨོསྟྲེ་ལི་ཡའི་རྒྱལ་ཁབ་ཁག་གི་ཁོངས་ནས་ཨོ་གླིང་དང་། ནིའུ་རྫི་ལན། ཐའེ་ཝན་བཅས་ལས་སྲིད་སྐྱོང་ཀྱི་འོས་བསྡུའི་ནང་ད་ལྟའི་སྲིད་སྐྱོང་ལས་ཐོག་སྤེན་པ་ཚེ་རིང་མཆོག་ལ་འོས་གྲངས་མང་ཤོས་དང་། དེ་བཞིན་མངའ་ཁུལ་དེའི་ཁོངས་སྤྱི་འཐུས་ཀྱི་ས་མིག་གཉིས་ཡོད་པ་ལྟར། ཨང་དང་པོར་ཨོ་གླིང་བོད་མིའི་སྒྲིག་འཛུགས་ཀྱི་གཞུང་ཞབས་ཟུར་པ་སྐལ་བཟང་ཚེ་རིང་ལགས་དང་། གཉིས་པ་ཨོ་གླིང་ New Castle ནང་གནས་སྡོད་རྒྱལ་ཡོངས་བོད་རིགས་སྤྱི་མཐུན་ཚོགས་པའི་ཚོགས་གཙོ་བློ་བཟང་ལུང་རྟོགས་ལགས། གསུམ་པ་ཨོ་གླིང་ Melbourne ནང་གནས་བཞུགས་བསོད་ནམས་རྡོ་རྗེ་ལགས་དང་། བཞི་པ་སྤྱི་འཐུས་ལས་ཐོག་རྡོ་རིང་བསྟན་འཛིན་ཕུན་ཚོགས་ལགས་བཅས་ཆགས་ཀྱི་འདུག འོན་ཀྱང་དེའི་ནང་ཉི་ཧོང་དང་ལྷོ་ཀོ་རི་ཡའི་གྲངས་འབོར་ཚུད་མེད། ཡང་ཡུ་རོབ་དང་ཨ་ཕི་རི་ཀའི་ཆེད་བོད་མི་མང་སྤྱི་འཐུས་ལྷན་ཚོགས་ནང་ས་མིག་གཉིས་ཡོད་པ་ལྟར། སུད་སི་ཁྱབ་ཁོངས་རྒྱལ་ཁབ་བཞི་དང་། དབྱིན་ཡུལ་ཁྱབ་ཁོངས་རྒྱལ་ཁབ་དྲུག དེ་བཞིན་ Brussels ཁྱབ་ཁོངས་རྒྱལ་ཁབ་བཞི་བཅས་ལས། ཨང་དང་པོར་ཧྥ་རན་སི་རྒྱལ་སྤྱིའི་དབུ་མའི་ལམ་དང་གཞི་རིམ་མི་མང་རེ་འབོད་ཚོགས་པའི་རྒྱུན་ལས་བསྟན་འཛིན་གཡང་དཀར་ལགས་དང་། གཉིས་པ་སྤྱི་འཐུས་ལས་ཐོག་ཐུབ་བསྟན་རྒྱ་མཚོ་ལགས།...

ཉེ་ཆར་བོད་པའི་དགོན་པ་ཞིག་ཏུ་རྒྱ་མོ་ཞིག་གིས་སྦྱིན་བདག་གི་མིང་ཁུར་ནས། དགོན་པའི་ལས་སྣེ་ཚོ་ལ་རྒྱ་སྒོར་འབོར་ཆེན་སྤྲད་རྗེས་མཁའ་འགྲོ་མའི་མིང་བཏགས་ནས་དགོན་པས་ཁྲི་འདོན་མཛད་སྒོ་སྤེལ་ཡོད་པ་དང་། སྤྱི་ཚོགས་དྲ་ལམ་དུ་ཁྲི་འདོན་པར་རིས་ཁྱབ་རྗེས་བོད་པ་ཚོས་ངོ་རྒོལ་ཤུགས་ཆེན་བྱས་འདུག འདི་ག་རླུང་འཕྲིན་ཁང་གིས་གནས་ཚུལ་རྒྱུས་ལོན་བྱས་པ་ལྟར་ན། ཐེངས་འདིར་རྒྱ་མོ་ཁྲི་འདོན་གྱི་གནས་ཚུལ་གཅིག་པུ་མིན་པར། བོད་ནང་གི་དགོན་པ་ཚོའི་ནང་དུ་རྒྱ་རིགས་སྦྱིན་བདག་རྣམས་ཀྱིས་དངུལ་འབོར་ཆེན་སྤྲད་རྗེས་རང་གི་ཁེ་ཕན་གྱི་ཆེད་དུ་ཁྲི་འདོན་མཛད་སྒོ་ཚོགས་པ་དང་། སྦྱིན་བདག་གི་དབང་ཤེད་བྱས་ནས་དགོན་པའི་ཁ་ཕྱོགས་སྒྱུར་བཞིན་པའི་གནས་ཚུལ་མང་པོ་འབྱུང་བཞིན་པ་འགྲེལ་བརྗོད་གནང་ཡོད། དྲ་ལམ་དུ་མི་ཁ་ཤས་ཀྱིས་བཤད་པ་ལྟར་ན། རྒྱ་མོ་དེ་ནི་རྒྱ་མི་དངོས་མིང་ལ་ 王兴夫 ཝང་ཤིང་ཧྥུ་ཟེར་བ་བོད་པའི་སྤྲུལ་སྐུ་ཡིན་ཁུལ་བྱེད་མཁན་དེའི་སྲིང་མོ་ཆུང་བ་རེད་ཟེར་ཞིང་།  ཝང་ཤིང་ཧྥུ་ནི་ལོ་བཅུ་ལྷག་རིང་མི་གཞན་ལ་མགོ་སྐོར་བཏང་ཏེ། རྒྱ་སྒོར་དུང་ཕྱུར་ ༢ མ་ཟིན་ཙམ་གྱི་དངུལ་དངོས་གཡོ་ལེན་དང་། སློབ་ཚོགས་ལ་འཇིགས་སྐུལ་དང་བུད་མེད་ལ་བཙན་གཡེམ་བྱས་པ། ཆོས་ལོག་རྩ་འཛུགས་བྱས་པ་སོགས་ཀྱི་ནག་ཉེས་འོག  ཕྱི་ལོ་ ༢༠༢༡ ལོར་ཤན་ཏོང་ཞིང་ཆེན་ནང་གི་ཅི་ནན་འབྲིང་རིམ་མི་མང་ཁྲིམས་ཁང་གིས། ཝང་ཤིང་ཧྥུ་ལ་ལོ་ ༢༥ ཡི་བཙོན་འཇུག་ཁྲིམས་ཆད་དང་། དེ་བཞིན་བོ་རོད་དགོན་གྱི་དགོན་བདག་ཨ་སྤྲུལ་རིན་པོ་ཆེས་ཝང་ཤིང་ཧྥུ་ཡི་ལག་ནས་ལྐོག་དངུལ་རྒྱ་སྒོར་ས་ཡ་ ༥༠ ལྷག་བླངས་ཡོད་པའི་གནས་ཚུལ་ར་སྤྲོད་བྱུང་རྗེས་ཁོ་པར་ལོ་ ༥ ཡི་བཙོན་འཇུག་ཁྲིམས་ཐག་བཅད་ཡོད་འདུག རྩ་བའི་ ༢༠༡༥ ལོར་རྒྱ་རིགས་ཚོང་པ་བོའུ་ཏ་རོང་འམ་བོད་མིང་པདྨ་འོད་གསལ་ཟེར་བ་དེས་ཧོང་ཀོང་གི་གློག་བརྙན་འཁྲབ་སྟོན་པ་ཀྲང་ཐེ་ལེན་ཟེར་བ་ཞིག་བོད་ཀྱི་སྤྲུལ་སྐུར་ངོས་འཛིན་བྱས་ནས་ཁྲི་འདོན་མཛད་སྒོ་ཧོང་ཀོང་གི་སྐར་མ་ལྔ་ཅན་མགྲོན་ཁང་ཞིག་ནང་སྤེལ་ཡོད་པ་དང་། གནས་ཚུལ་དེར་བོད་ཕྱི་ནང་གི་བླ་ཆེན་དང་དགོན་སྡེ་མང་པོས་ངོ་རྒོལ་དང་གནོན་ཤུགས་སྤྲད་རྐྱེན། ཀྲང་ཐེ་ལེན་ཟེར་བ་སྤྲུལ་སྐུར་ངོས་འཛིན་བྱས་པ་ཕྱིར་འཐེན་བྱེད་དགོས་བྱུང་བ་མ་ཟད།  སྐབས་དེར་ཁྲི་འདོན་མཛད་སྒོའི་གནས་ཚུལ་དེ་འཛམ་གླིང་གི་གསར་ཁང་གང་སར་སྤྲུལ་རྫུན་བྱ་སྤྱོད་ངན་པའི་གནས་ཚུལ་ཆེ་ཤོས་ཆགས་ཡོད། དེ་མ་ཟད་རྒྱ་ནག་གི་དཔོན་རིགས་ཚོས་བོད་བརྒྱུད་ནང་བསྟན་ཆོས་ལུགས་སྤྲུལ་སྐུ་ངོས་འཛིན་དོ་དམ་བྱེད་ཐབས་ཟེར་བ་གཏན་འབེབས་བྱས་ཡོད་པ་དང་། བོད་ཀྱི་ཐུན་མོང་མ་ཡིན་པའི་སྤྲུལ་སྐུའི་ལམ་སྲོལ་དེ་སྒེར་གྱི་ཚོང་རྫས་སུ་བཏང་སྟེ། སྐུ་སྤྲུལ་ངོས་འཛིན་བྱ་རྒྱུ་ནི་ཁེ་ཕན་ཡོད་པའི་བྱ་སྤྱོད་ཞིག་ཏུ་བསྒྱུར་བཞིན་པ་རེད་འདུག The post...

ཕྱི་ལོ་ ༢༠༢༥ ཕྱི་ཟླ་ ༡༠ པའི་ནང་ཨ་རིའི་ཕྱི་སྲིད་ལས་ཁུངས་ཀྱི་ཁྱབ་ཁོངས་དམངས་གཙོ་དང་འགྲོ་བ་མིའི་ཐོབ་ཐང་། ངལ་རྩོལ་སྡེ་ཚན་གྱི་དྲུང་ཆེའི་ཕྱག་རོགས་ཏུ་བསྐོ་བཞག་བྱུང་བའི་སྐུ་ཞབས་ Riley M. Barnes ལགས་ཨ་རིའི་བོད་དོན་དམིགས་བསལ་འབྲེལ་མཐུད་པར་བསྐོ་བཞག་གནང་ཡོད་པ་རེད་འདུག འོན་ཀྱང་ད་ལྟའི་ཆར་ཨ་རི་གཞུང་གི་ངོས་ནས་དེ་འབྲེལ་གཞུང་འབྲེལ་གྱི་གསལ་བསྒྲགས་གང་ཡང་གནང་མིན་འདུག རྩ་བའི་སྐུ་ཞབས་ Riley Barnes ལགས་ནི་ Texas མངའ་ཁོངས་ཀྱི་ Uvalde ས་ཁུལ་ནས་ཡིན་པ་དང་། ཁོང་ནས་ Washington and Lee གཙུག་ལག་སློབ་གཉེར་ཁང་ནས་ཆབ་སྲིད་ཐོག་ཉེ་བའི་བཙུག་ལག་རབ་བྱམས་པ་དང་། Texas A&M གཙུག་ལག་སློབ་གཉེར་ཁང་གི་ Bush གཞུང་ཞབས་སྦྱོང་བརྡར་ཁང་ནས་རྒྱལ་སྤྱིའི་འབྲེལ་བའི་ཐོག་གཙུག་ལག་རབ་བྱམས་པའི་སློབ་ཐོན་གནང་རྗེས། གྲོས་ཚོགས་གོང་མའི་ Texas འཐུས་མི་ John Cornyn ལགས་ཀྱི་གཏམ་བཤད་རྩོམ་སྒྲིག་པ་རྒན་པའི་ཕྱག་ལས་གནང་འདུག དེ་རྗེས་ཁོང་ནས་ཨ་རིའི་ཕྱི་སྲིད་ལས་ཁུངས་ཀྱི་ནང་དུ་ཕྱག་ལས་གནང་འགོ་བཙུགས་པའི་ཁྲོད། ཕྱི་སྲིད་ལས་ཁུངས་ཀྱི་སྲིད་བྱུས་འཆར་འགོད་དྲུང་ཆེའི་གཏམ་བཤད་རྩོམ་སྒྲིག་པ་དང་། ཨ་རིའི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱི་འགྲིན་ཚབ་པའི་སློབ་སྟོན་པ། ཨ་རིའི་དམངས་གཙོ་དང་འགྲོ་བ་མིའི་ཐོབ་ཐང་།...

འགྲོ་བ་མིའི་ཐོབ་ཐང་ལྟ་ཞིབ་ཚོགས་པས་རྒྱ་ནག་གཞུང་གིས་ཕྱི་ལོ་ ༢༠༢༥ ལོར་རྒྱ་ནག་རྒྱལ་ཡོངས་སུ་དམ་དྲག་ཇེ་ཤུགས་ཆེ་རུ་བཏང་ཡོད་པ་མ་ཟད། བོད་ནང་དུ་མཚོན་ན་བོད་ཀྱི་སྐད་ཡིག་དང་རིག་གཞུང་སྲུང་སྐྱོབ་ཐད་ལས་འགུལ་སྤེལ་མཁན་རྣམས་འཛིན་བཟུང་དང་སློབ་གྲྭ་ཁག་སྒོ་བརྒྱབ་ཏུ་བཅུག་པ་སོགས་དྲག་གནོན་གྱི་སྲིད་བྱུས་མུ་མཐུད་སྤེལ་དང་སྤེལ་མུས་ཡིན་པ་མངོན་གསལ་གནང་འདུག དེ་ཡང་ཁ་སང་ Human Rights Watch ཞེས་འགྲོ་བ་མིའི་ཐོབ་ཐང་ལྟ་ཞིབ་ཚོགས་པས་ཕྱི་ལོ་ ༢༠༢༦ ལོའི་འགྲོ་བ་མིའི་ཐོབ་ཐང་དང་འབྲེལ་བའི་སྙན་ཐོ་འདོན་སྤེལ་གནང་བའི་ནང་། སྲིད་འཛིན་ཞི་ཅིན་ཕིང་གིས་སྲིད་གཞུང་གི་ཁ་ལོ་བསྒྱུར་ཏེ་རྒྱ་ནག་དམར་ཤོག་ཚོགས་པ་དང་ཁོ་པ་རང་ཉིད་ལ་བློ་དད་སེམས་དཀར་བྱེད་དགོས་པའི་བཙན་བཀའ་བཏང་བ་མ་ཟད། བོད་མི་དང་ཡུ་གུར་མང་ཚོགས་གཙོས་པའི་གྲངས་ཉུང་མི་རིགས་རྣམས་ལ་དྲག་གནོན་ཚབས་ཆེ་ཤོས་འཕྲད་ཡོད་པ་ཕྱིར་མངོན་གནང་འདུག སྙན་ཐོའི་ནང་གསལ་བོད་ཀྱི་སྡེ་ཚན་ནང་། སྔ་ལོར་སྲིད་འཛིན་ཞི་ཅིན་ཕིང་བོད་ནང་གསང་རྒྱ་ཆེན་པོའི་ངང་བསྐྱོད་པ་དང་འབྲེལ། བོད་བརྒྱུད་ནང་བསྟན་དེ་བཞིན་སྤྱི་ཚོགས་རིང་ལུགས་ལ་བསྟུན་དགོས་ཞེས་བཤད་དེ་ཆོས་ལུགས་ཐོག་རྒྱལ་ཁབ་ཀྱི་ཐེ་ཇུས་རྒྱ་ཆེར་གཏོང་བའི་བརྡ་བསྟན་ཡོད་པ་མ་ཟད། འདི་ལོར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༩༠ བདག་གིར་བཞེས་པའི་༸སྐུའི་འཁྲུངས་སྐར་གྱི་སྐབས་སུ་བོད་ནང་ཆེས་དམ་དྲག་ཤུགས་ཆེར་བྱས་ཡོད་པ་དང་། ཀིརྟི་དགོན་པ་གཙོས་པའི་ཨ་མདོ་རྔ་བ་ཁུལ་གྱི་ས་གནས་ཁག་དང་གཙང་དགོན་པའི་ས་གནས་སོགས་ལ་གཞི་རྒྱ་ཆེ་བའི་དམ་དྲག་བྱས་ཡོད་པ་མངོན་གསལ་གནང་འདུག ད་དུང་སྔ་ལོར་ཟླ་ ༨ པའི་ནང་བོད་མདོ་སྨད་གཙང་དགོན་པར་བསྔོག་བཤེར་བརྒྱུད་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་པར་ལག་ཏུ་ཚུད་དེ། དགོན་པའི་དགེ་འདུན་པ་དང་འགོ་ཁྲིད་ཡོངས་ལ་བཟོད་དཀའ་བའི་གནོན་ཤུགས་སྤྲད་ཡོད་སྟབས། ཉིན་འདི་གའི་ཕྱི་དྲོ་ཙམ་ལ་དགོན་པའི་དོ་དམ་ལྷན་ཁང་གི་འགན་འཛིན་གྲྭ་ཤེར་བཟང་རྒྱ་མཚོ་ལགས་ཀྱིས་རང་སྲོག་བཅད་ཡོད་པའི་གནས་ཚུལ་ཡང་གསལ་སྟོན་གནང་ཡོད་པ་རེད་འདུག ཕྱོགས་མཚུངས་ཕྱི་ལོ་ ༢༠༢༤ ལོར་མགོ་ལོག་ཨ་སྐྱོང་གོང་མ་ཚང་གི་ལུང་སྔོན་དགོན་པའི་དགོན་བདག་སྤྲུལ་སྐུ་ཧཱུྃ་ཀར་རྡོ་རྗེ་མཆོག་རྒྱ་ནག་གཞུང་གིས་འཛིན་བཟུང་བྱས་པ་དང་། དེའི་རྗེས་སུ་རྒྱ་གཞུང་གིས་སྤྲུལ་སྐུ་ཁོང་བོར་བརླག་ཏུ་ཕྱིན་ཡོད་ཚུལ་དང་ཕྱིས་སུ་ཕྱིའི་རྒྱལ་ཁབ་ཅིག་ནང་བཙན་བྱོལ་དུ་ཕེབས་ཐུབ་ཡོད་སྐོར། ཡང་རྒྱ་གཞུང་གིས་འཛིན་བཟུང་བྱས་ཡོད་ཚུལ་སོགས་ཀྱི་གནས་ཚུལ་འདྲ་མིན་ཐོན་པའི་འོག་སྤྲུལ་སྐུ་ཧཱུྃ་ཀར་རྡོ་རྗེ་མཆོག་ཟླ་ཤས་རིང་གར་སོང་ཆ་མེད་དུ་གྱུར་རྗེས། རྒྱ་ནག་དམར་གཞུང་གིས་ལུང་སྔོན་དགོན་པའི་མཁན་པོ་གཙོས་གནད་ཡོད་མི་སྣ་བདུན་བརྒྱད་གཅིག་ལ་སྤྲུལ་སྐུ་ཧཱུྃ་ཀར་རྡོ་རྗེ་མཆོག་སྐུ་འདས་ཟིན་སྐོར་བརྗོད་པ་ཙམ་ལས་ས་གནས་གང་དུ་གང་འདྲ་སྐུ་འདས་གྲོངས་སུ་ཕྱིན་ཡོད་མེད་སོགས་ཀྱི་ཞིབ་ཕྲའི་གནས་ཚུལ་གང་ཡང་འགྲེལ་བརྗོད་བྱས་མེད་པ་མ་ཟད། སྐུ་ཕུང་ཡང་རྩིས་སྤྲོད་བྱས་མེད་པ་བཅས་ཀྱི་གནས་ཚུལ་ཞིབ་ཕྲ་ལུང་འདྲེན་དང་འབྲེལ། དེ་ནི་རྒྱ་ནག་གཞུང་གི་རྒྱལ་མཚམས་ལས་བརྒལ་བའི་དྲག་གནོན་ཡིན་སྐོར་ནན་བརྗོད་གནང་འདུག རྩ་བའི་ད་བར་འགྲོ་བ་མིའི་ལྟ་ཞིབ་ཚོགས་པས་འགྲོ་བ་མིའི་ཐོབ་ཐང་དང་འབྲེལ་བའི་ལོ་འཁོར་སྙན་ཐོ་ཐེངས་ ༣༦ འདོན་སྤེལ་གནང་ཟིན་ཡོད་པ་དང་། སྙན་ཐོ་དེ་བཞིན་རྒྱལ་སྤྱི་ཁྱོན་ཡོངས་ནང་གི་འགྲོ་བ་མིའི་ཐོབ་ཐང་གི་གནས་སྟངས་བཀོད་ཀྱི་ཡོད་པ་མ་ཟད། ད་ལན་གྱི་སྙན་ཐོ་ནང་རྒྱལ་ཁབ་ ༩༨...

ཁ་སང་སྲིད་འཛིན་ Donald Trump ཊོམཔ་མཆོག་གིས་རྩིས་ལོ་ ༢༠༢༦ སྔོན་རྩིས་གཏན་འབེབས་ཀྱི་ཁྲིམས་འཆར་ཐོག་མཚན་རྟགས་བཀོད་པ་དང་འབྲེལ། ཨ་རི་གཞུང་གིས་བོད་མིར་ཨ་སྒོར་ས་ཡ་ ༢༣ གྱི་རོགས་དངུལ་བསྐྱར་གསོ་གནང་བ་མ་ཟད། ཨ་རི་རླུང་འཕྲིན་ཁང་དང་ཨེ་ཤི་ཡ་རང་དབང་རླུང་འཕྲིན་ཁང་གཉིས་ཀྱི་རོགས་དངུལ་ཡང་བསྐྱར་གསོ་གནང་འདུག རྩ་བའི་ཕྱི་ལོ་ ༡༩༨༨ ལོར་ཨ་རིའི་བོད་མིའི་སློབ་ཡོན་ལས་གཞི་ནས་འགོ་བཙུགས་ཏེ་རིམ་པས་ཨ་རི་གཞུང་གིས། བོད་ཕྱི་ནང་གཉིས་སུ་ཡོད་པའི་བོད་མི་རྣམས་ཀྱི་ཆོས་དང་རིག་གཞུང་སྲུང་སྐྱོབ་དང་དཔལ་འབྱོར་ཡར་རྒྱས། དེ་བཞིན་ཁོར་ཡུག་དང་ཆོས་རིག་སྲུང་སྐྱོབ། ཤེས་ཡོན་དང་འཕྲོད་བསྟེན་བཅས་ཀྱི་སླད་དུ་རོགས་དངུལ་གནང་རྒྱུ་དབུ་འཛུགས་གནང་བ་དང་། ༢༠༠༢ ལོའི་བོད་དོན་རྒྱབ་སྐྱོར་གྱི་ཁྲིམས་འཆར་གཏན་འབེབས་གནང་བ་དང་འབྲེལ་ནས་ལོ་ལྟར་ཡུལ་དེའི་སྔོན་རྩིས་ནང་དུ་བོད་མིར་རོགས་དངུལ་གཏན་འབེབས་གནང་གི་ཡོད་པ་རེད། དེའི་ཁྲོད་སྔ་ལོ་སྲིད་འཛིན་ཊོམཔ་མཆོག་གི་ལས་ཡུན་གཉིས་པ་འགོ་བཙུགས་པ་དང་འབྲེལ་ནས། ཁོང་གི་གཞུང་གིས་འགྲོ་གྲོན་ཉུང་འཕྲི་གཏོང་རྒྱུ་དང་འབྲེལ་ནས་བོད་མིས་གཙོས་པའི་འཛམ་གླིང་ཁྱོན་ཡོངས་སུ་རོགས་དངུལ་ཕོན་ཆེན་ཞིག་བཀག་པའི་འོག ཨ་རི་རླུང་འཕྲིན་ཁང་དང་ཨེ་ཤི་རང་དབང་རླུང་འཕྲིན་ཁང་ཡང་སྒོ་བརྒྱབ་དགོས་བྱུང་ཡོད་པ་རེད། ཉེ་ཆར་ཨ་རིའི་གྲོས་ཚོགས་གོང་འོག་གཉིས་ཀྱི་ཨ་རིའི་སྔོན་རྩིས་ཁྲིམས་འཆར་གཏན་འབེབས་གནང་བའི་རྗེས་སུ། ཁ་སང་སྲིད་འཛིན་ཊོམཔ་མཆོག་གིས་རྒྱབ་སྐྱོར་མཚན་རྟགས་བཀོད་པ་དང་འབྲེལ་ནས་ཨ་རི་གཞུང་གིས་རྩིས་ལོ་ ༢༠༢༦ ལོའི་སྔོན་རྩིས་གཏན་འབེབས་གནང་བའི་ནང་དུ། ཨ་རི་གཞུང་གིས་བོད་ནང་བོད་མིའི་ཆོས་དང་རིག་གཞུང་། སྐད་ཡིག་དང་ཁོར་ཡུག་སྲུང་སྐྱོབ་ཀྱི་སླད་དུ་གནང་བཞིན་པའི་ཨ་སྒོར་ས་ཡ་ ༡༠ དང་། རྒྱ་གར་དང་བལ་ཡུལ་ནང་དུ་བོད་མིའི་ཆོས་དང་རིག་གཞུང་། སྐད་ཡིག་སྲུང་སྐྱོབ། བཙན་བྱོལ་བོད་མི་འཚོ་གནས་བཅས་ཀྱི་སླད་བོད་མིའི་སྒྲིག་འཛུགས་ལ་གནང་བཞིན་པའི་ཨ་སྒོར་ས་ཡ་ ༨ དེ་བཞིན་བོད་མིའི་སྒྲིག་འཛུགས་ཀྱི་ལས་བྱེད་པའི་ནུས་པའི་གོང་མཐོར་སླད་དུ་བོད་མིའི་སྒྲིག་འཛུགས་ལ་གནང་བཞིན་པའི་ཨ་སྒོར་ས་ཡ་ ༥ བཅས་དེ་སྔ་བོད་མི་རྣམས་ལ་གནང་བཞིན་པའི་རོགས་དངུལ་ཡོངས་རྫོགས་བསྐྱར་གསོ་གནང་ཡོད་པ་རེད་འདུག མ་ཟད་འདི་ལོའི་སྔོན་རྩིས་གཏན་འབེབས་ནང་དུ། ཨ་རི་རླུང་འཕྲིན་ཁང་དང་ཨེ་ཤེ་ཡ་རང་དབང་རླུང་འཕྲིན་ཁང་། དེ་བཞིན་ཡུ་རོབ་རང་དབང་རླུང་འཕྲིན་ཁང་སོགས་རྒྱལ་སྤྱིའི་ཁྲོད་སྐད་ཡིག་འདྲ་མིན་ནང་དུ་གནས་ཚུལ་སྤེལ་མཁན་གསར་ཁང་ཁག་...

ཨ་རིའི་རྒྱལ་ས་ཝ་ཤིང་ཊོན་ཌི་སི་ནང་དུ་འཚོག་བཞིན་པའི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཐེངས་ ༦ པའི་ཁྲོད། བོད་མིའི་དུས་སྐབས་ Tibetan Moment ཞེས་པའི་དམིགས་བསལ་ཚོགས་ཐུན་ཞིག་གོ་སྒྲིག་གནང་བ་ལྟར། བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཚོགས་ཐུན་དེར་ལྷན་ཞུགས་དང་འབྲེལ། ལྷན་ཚོགས་དེའི་ངོས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཡང་སྲིད་ཀྱི་གནད་དོན་ཐད་དེ་སྔ་པ་རག་ནས་སྤེལ་བའི་བསྒྲགས་གཏམ་དེ་མཚུངས་སྤེལ་གནང་ཡོང་བའི་འབོད་སྐུལ་ཞུས་འདུག རྩ་བའི་སྔ་ལོའི་ཕྱི་ཟླ་ ༡༡ ནང་ཅེག་སྤྱི་མཐུན་རྒྱལ་ཁབ་ཀྱི་རྒྱལ་ས་པཱ་རག་ནང་།  རྒྱལ་སྤྱིའི་ཆོས་དད་རང་དབང་དང་ཡིད་ཆེས་མཐུན་གྲོས་ཀྱི་ལྷན་ཚོགས་ཐེངས་ལྔ་པ་འཚོག་པའི་སྐབས་སུ་ Prague Declaration ཞེས་བསྒྲགས་གཏམ་སྤེལ་གནང་བའི་ནང་། ང་ཚོས་ཆོས་དད་རང་དབང་གི་ཐོབ་ཐང་ནང་རྒྱལ་ཁབ་གཞན་གྱི་ཐེ་བྱུས་མེད་པའི་ཐོག་ཆོས་ཕྱོགས་ཀྱི་དབུ་ཁྲིད་འདེམས་རྒྱུའི་རང་དབང་ཡོད་པ་ལུང་འདྲེན་དང་སྦྲགས། དེའི་ནང་བོད་བརྒྱུད་ནང་བསྟན་སྤྱི་ཚོགས་ཀྱིས་༸རྒྱལ་བའི་ཡང་སྲིད་ངོས་འཛིན་བྱེད་ཆོག་པའི་ཐོབ་ཐང་ཡང་ཚུད་ཡོད་པ་དང་།  བོད་མི་རྣམས་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་ཡང་སྲིད་འདེམས་ཕྱོགས་ཀྱི་ཐོབ་ཐང་ཡོད་པ་དེ་ལུང་འདྲེན་དང་བསྐྱར་ནན་གནང་ཡོད་པ་རེད། དེ་འབྲེལ་ཟླ་བ་འདིའི་ཚེས་ ༢ ནས་བཟུང་ཨ་རིའི་རྒྱལ་ས་ཝ་ཤིང་ཊོན་ཌི་སི་ནང་དུ་རྒྱལ་སྤྱིའི་ཆོས་དད་རང་དབང་ལྷན་ཚོགས་ཐེངས་ ༦ པ་དེ་འགོ་འཛུགས་གནང་བ་ལྟར། ཁ་སང་བོད་དོན་དང་འབྲེལ་བའི་ཚོགས་ཐུན་ཐོག་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་ཆེད་ཕེབས་དང་འབྲེལ། ལྷན་ཚོགས་དེའི་ངོས་ནས་༸རྒྱལ་བའི་ཡང་སྲིད་ཀྱི་གནད་དོན་ཐད་དེ་སྔ་པ་རག་ནས་སྤེལ་བའི་བསྒྲགས་གཏམ་དེ་མཚུངས་སྤེལ་གནང་ཡོང་བའི་འབོད་སྐུལ་ཞུས་པ་མ་ཟད། སྐབས་དེར་ད་དུང་ཨ་རིའི་གྲོས་ཚོགས་འོག་མའི་ཚོགས་གཙོ་ཟུར་པ་ལྕམ་སྐུ་ Nancy Pelosi ནེན་སི་པི་ལོ་སི་མཆོག་ཀྱང་ཆེད་ཕེབས་ཀྱིས། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་གསུང་འཕྲིན་སྒྲོག་སྦྱང་གནང་བ་དང་ཆབས་ཅིག  སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བདེ་སྐྱིད་ཀྱི་ཤེས་རབ་ཅེས་པའི་དངོས་བྱུང་གློག་བརྙན་དེ་ཡང་ངོ་སྤྲོད་གནང་འདུག གཞི་རྩའི་ཉིན་གཉིས་ཀྱི་ལྷན་ཚོགས་དེའི་ཐོག རྒྱལ་སྤྱིའི་བོད་དོན་འབྲེལ་འཐུད་ཁང་གི་འབྲེལ་འཐུད་པ་བསྟན་འཛིན་དབྱངས་འཛོམས་ལགས་དང་བོད་དོན་འཐབ་རྩོད་པ་འཆི་མེད་ལྷ་མོ་ལགས་གཉིས་ནས་ཀྱང་མཉམ་ཞུགས་གནང་བའི་ཐོག ཚོགས་བཅར་བ་རྣམས་ལ་གཙོ་བོ་ད་ལྟའི་ཆར་བོད་ནང་གི་ཛ་དྲག་གནས་སྟངས་སྐོར་གླེང་སློང་གནང་འདུག་པ་མ་ཟད། བོད་ནང་རྒྱ་ནག་གཞུང་གིས་ཆོས་དད་རང་དབང་རྡོག་རོལ་གཏོང་བཞིན་པའི་གནས་སྟངས་ཀྱི་སྐོར་གླེང་སློང་དང་གོ་རྟོགས་སྤེལ་གནང་ཡོད་པ་རེད་འདུག གནད་དོན་དེ་འབྲེལ་འདི་ག་རླུང་འཕྲིན་ཁང་གིས་རྒྱལ་སྤྱི་བོད་དོན་འབྲེལ་འཐུད་ཁང་གི་འབྲེལ་འཐུད་པ་བསྟན་འཛིན་དབྱངས་འཛོམས་ལགས་སུ་བཀའ་འདྲི་ཞུས་པར་ཁོང་གིས། ད་ལན་གྱི་ཚོགས་འདུའི་ཐོག་སྤྱིར་རྒྱལ་སྤྱི་འགྲོ་བ་མིའི་ཐོབ་ཐང་གི་སྐོར་ཙམ་མ་ཡིན་པར་གནད་དོན་མང་དག་ཅིག་གི་ཐོག་ཞིབ་ཕྲའི་གླེང་སློང་གནང་ཐུབ་པ་བྱུང་སོང་ཞེས་གསུངས་བ་མ་ཟད། བོད་ནང་ད་ལྟའི་ཆར་ནང་ཆོས་ཉམས་ལེན་བྱ་རྒྱུ་སོགས་ཀྱི་ཐོག་རྒྱ་ནག་གཞུང་གི་དམ་དྲག་བྱེད་བཞིན་པའི་གནས་སྟངས་དང་དགོན་སྡེ་གཏོར་བཤིག...

ཁ་སང་བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་ནས་ཨ་རིའི་གྲོང་ཁྱེར་ཝ་ཤིན་ཊོན་དུ་རྟེན་གཞི་བྱས་པའི་ Atlantic council ཞེས་པའི་སྲིད་བྱུས་ཉམས་ཞིབ་ཁང་གི་བཅར་འདྲི་དང་ལེན་གནང་སྟེ། འཛམ་གླིང་རྒྱལ་ཁབ་ཁག་གི་གཞུང་ཚོས་༸སྐུའི་ཡང་སྲིད་ཀྱི་གནད་དོན་ཐད་རྒྱ་ནག་ལ་ཐེ་བྱུས་རྩ་བ་ནས་བྱེད་དབང་མེད་པ་གསལ་བཟོའི་བསྒྲགས་གཏམ་སྤེལ་དགོས་གལ་དང་འབྲེལ། བོད་མིའི་སྒྲིག་འཛུགས་ཀྱིས་རྒྱ་ནག་གི་རྩ་ཁྲིམས་ཀྱི་སྒྲོམ་གཞིའི་འོག་དབུ་མའི་ལམ་གྱི་སྲིད་བྱུས་བརྒྱུད་བོད་ལ་མིང་དོན་མཚུངས་པའི་རང་སྲིད་རང་སྐྱོང་གི་གནས་བབ་རྩོད་བཞིན་པས་ཞི་བའི་དབུ་མའི་ལམ་གྱི་ཐབས་ལམ་ལ་རྒྱལ་སྤྱིའི་རྒྱབ་སྐྱོར་བསྐྱར་གསོ་དང་། ཨ་རི་དང་རྒྱལ་སྤྱིའི་དབུ་ཁྲིད་ཚོས་མང་གཙོའི་རིན་ཐང་སྲུང་སྐྱོབ་དང་། འཚེ་མེད་ཞི་བའི་ལས་འགུལ་ལ་རྒྱབ་སྐྱོར་གྱིས་རྒྱ་ནག་གི་ཆབ་སྲིད་དང་དཔལ་འབྱོར་གྱི་གནོན་ཤུགས་ལ་ངོ་རྒོལ་བྱེད་དགོས་པའི་སྐུལ་མ་གནང་འདུག དེ་ཡང་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་ཉེ་ལམ་ཨ་རིའི་ནང་གི་འཚམས་གཟིགས་ཁྲོད།  ཁ་སང་ཕྱི་ཚེས་ ༣ ཉིན་རྒྱབ་ཨ་རིའི་ཝ་ཤིང་ཊོན་དུ་ཡོད་པའི་ Atlantic council ཞེས་པའི་སྲིད་བྱུས་ཉམས་ཞིབ་ཁང་གི་གོ་སྒྲིག་ཞུས་པའི་ Tibetan Democracy in Exile: Religious Freedom through Political Empowerment འམ་བཙན་བྱོལ་བོད་མིའི་མང་གཙོ། ཆབ་སྲིད་ཀྱི་ནུས་སྟོབས་བརྒྱུད་ནས་ཆོས་དད་རང་དབང་ཡོང་ཐབས་ཞེས་པའི་བརྗོད་གཞིའི་ཐོག་གླེང་མོལ་ལས་རིམ་ཞིག་སྐོང་ཚོགས་གནང་ཡོད་པ་དང་། སྐབས་དེར་ལས་རིམ་དེ་ཉིད་གཙོ་སྐྱོང་གནང་མཁན་ Adva Saldinger ལགས་ཀྱིས། སྲིད་སྐྱོང་མཆོག་ཐེངས་འདིར་ཨ་རིར་ཕེབས་ཏེ། གྲོས་ཚོགས་འཐུས་མི་རྣམ་པ་ཐུག་འཕྲད་གནང་བའི་གནད་དོན་དང་འབྲེལ་ནས་གཙོ་བོ་གླེང་སློང་ཇི་བྱུང་ཐད་བཀའ་འདྲི་ཞུས་སྐབས། སྲིད་སྐྱོང་མཆོག་ནས་ད་ཐེངས་ཨ་རིར་གཞུང་འབྲེལ་འཚམས་གཟིགས་བརྒྱུད་གཙོ་བོ་རྒྱ་ནག་གི་གོ་ལ་ཀུན་ལ་ཁྱབ་པའི་ཤུགས་རྐྱེན་སྐོར་གོ་རྟོགས་སྤེལ་རྒྱུ་གཙོས་བོད་ཀྱི་ཛ་དྲག་གནས་སྟངས་དང་།  ༸སྐུའི་ཡང་སྲིད་ཀྱི་གནད་དོན། ཨ་རིའི་རོགས་དངུལ་གནད་དོན།  དེ་བཞིན་བོད་མིའི་བདེ་དོན་ཡར་རྒྱས་ལ་དམིགས་པའི་ཁྲིམས་ཡིག་གཏན་འབེབས་བཅས་ཀྱི་སྐོར་བཀའ་བསྡུར་གནང་ཡོད་པ་མ་ཟད།  ལྷག་པར་ཁོང་རྣམ་པ་དང་ལྷན་འདི་ཚེས་ ༡༩ ཉིན་སློབ་དཔོན་...

བོད་ཀྱི་གསུམ་བཅུའི་དུས་དྲན་ཐེངས་ ༦༧ སླེབས་ལ་ཉེ་བ་དང་བསྟུན། དེ་རིང་ཕྱི་ཚེས་ ༤ ཉིན་ཐའེ་ཝན་ནང་བོད་རང་དབང་རྐང་འཁོར་སྐོར་སྐྱོད་ཞེས་པའི་ལས་འགུལ་དབུ་འཛུགས་གནང་འདུག དེ་ཡང་དེ་རིང་བོད་དང་ཐའེ་ཝན་འགྲོ་བ་མིའི་ཐོབ་ཐང་གིས་གོ་སྒྲིག་འོག  ཐའེ་ཝན་གྲོས་ཚོགས་ལྷན་ཁང་མདུན་དུ།  Cycling  for a Free Tibet འམ་བོད་རང་དབང་ཆེད་དུ་རྐང་འཁོར་སྐོར་སྐྱོད་ཀྱི་ལས་འགུལ་འགོ་འཛུགས་གནང་བ་དང་།  སྐབས་དེར་ཐའེ་ཝན་གྲོས་ཚོགས་འཐུས་མི་ CHEN Pei-yu ལགས་དང་། ཐའེ་ཝན་ Keelung  ས་གནས་གྲོས་ཚོགས་འཐུས་མི་ CHANG Chih-hao ལགས། དེ་བཞིན་ཐའེ་ཝན་སྐུ་ཚབ་དོན་གཅོད་འབའ་བ་སྐལ་བཟང་རྒྱལ་མཚན་ལགས། གཞན་ཡང་  Taiwan Association for Human Rights འམ་ཐའེ་ཝན་འགྲོ་བ་མིའི་ཐོབ་ཐང་ཚོགས་པ་སོགས་ཀྱི་གཞུང་འབྲེལ་མ་ཡིན་པའི་ཚོགས་པའི་སྐུ་ཚབ་ཁག་གཅིག་ལྷན་ཞུགས་གནང་འདུག རྩ་བའི་ཐའེ་ཝན་ནང་ཕྱི་ལོ་  ༢༠༡༡ ནས་བཟུང་ལོ་ལྟར་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་སྲུང་བརྩི་ཞུ་ཉེའི་ཟླ་བ་གཅིག་གི་སྔོན་ཚུད་ནས་རེས་གཟའ་ལྷག་པ་ནམ་ཡིན་ལ་བོད་དོན་དྲིལ་བསྒྲགས་རྐང་འཁོར་སྐོར་སྐྱོད་ཀྱི་ལས་འགུལ་སྤེལ་སྲོལ་ཡོད་པ་དང་། ལས་འགུལ་དེའི་ཐོག་མའི་དམིགས་ཡུལ་ནི། ཐའེ་ཝན་ནང་གི་རྒྱ་རིགས་ཡུལ་སྐོར་སྤྲོ་འཆམ་པ་དང་སློབ་མ་སོགས་ལ་རྒྱ་ནག་གི་གདུག་རྩུབ་འོག་གཞིས་ལུས་རྒྱ་ཆེ་མི་མང་ལ་རང་དབང་མེད་པ་དང་བོད་ནང་གི་ཛ་དྲག་གནས་སྟངས་ངོ་སྤྲོད་དང་འབྲེལ། བོད་མིའི་སྒྲིག་འཛུགས་ཀྱི་སྲིད་བྱུས་སོགས་མདོར་ན་བོད་དོན་དྲིལ་བསྒྲགས་ཀྱི་ལས་འགུལ་ཞིག་ཆགས་ཀྱི་ཡོད་པ་རེད།  ...

ཕྱི་ལོ་ ༢༠༢༦ ལོའི་ཕྱི་ཟླ་ ༡ པོའི་ནང་དུ་བོད་ཁུལ་གྱི་སློབ་གྲྭ་ཁག་དགུན་ཁའི་གུང་གསེང་ལ་སླེབས་ཡོད་པ་དང་། བྱིས་པ་ཚོ་ཕ་མ་དང་མཉམ་དུ་གནས་མཇལ་དུ་འགྲོ་སྐབས་དགོན་པའི་ནང་དུ་ལོ་ན་ ༡༨ མ་ལོན་པའི་བྱིས་པ་འཛུལ་མི་ཆོག་པའི་སྒྲིག་ཁྲིམས་ལག་བསྟར་བྱེད་བཞིན་ཡོད་སྟབས་མཆོད་མཇལ་སོགས་ལ་དཀའ་ངལ་འཕྲད་པའི་གནས་ཚུལ་མང་དུ་འགྲོ་བཞིན་པ་རེད་འདུག འདི་ག་རླུང་འཕྲིན་ཁང་ལ་འབྲེལ་ཡོད་ཀྱིས་གནས་ཚུལ་བརྒྱུད་སྤྲོད་བྱས་པ་ལྟར་ན། ན་ཆུང་བྱིས་པ་དགོན་པའི་ནང་དུ་འགྲོ་མི་ཆོག་པ་དང་། གྲྭ་བཙུན་བྱེད་མི་ཆོག་པའི་ཁྲིམས་འདི་ལོ་སྔོན་མ་ནས་དྲིལ་བསྒྲགས་བྱས་ཡོད་པ་དང་འབྲེལ་ཡོད་གཞུང་གི་ལས་བྱེད་ཀྱིས་སློབ་གྲྭ་སོགས་ལ་ཟབ་སྦྱོང་འཚོགས་ཡོད་པ་རེད། བོད་པ་ཚོ་ལ་མཚོན་ན་དགོན་པའི་དུས་ཆེན་དང་། བླ་མ་སོགས་ཀྱི་འཁྲུངས་སྐར་སྐབས་སུ་བྱིས་པ་ཆུང་ཆུང་ཚོ་དགོན་པའི་ནང་དུ་འཁྲིད་ནས་མཆོད་མཇལ་དང་ཆོས་ཀྱི་བྱེད་སྒོའི་བག་ཆགས་ཟབ་མོ་ཞིག་འཇོག་རྒྱུ་ཧ་ཅང་གལ་ཆེན་བརྩི་བཞིན་ཡོད། འོན་གྱང་ད་ལོ་ནས་བཟུང་དམ་དྲག་ཤུགས་ཆེ་རུ་སོང་སྟབས་ལོ་ན་ ༡༨ མ་ལོན་པའི་བྱིས་པ་དགོན་པའི་ནང་དུ་འཁྲིད་སྐབས་གཞུང་ལ་ཆོག་མཆན་ཞུ་དགོས་པ་མ་ཟད། རྗེས་སུ་གཞུང་གིས་བྱིས་པ་དགོན་པའི་ནང་དུ་འཁྲིད་པ་ཤེས་རྟོགས་བྱུང་ན་ཉེས་ཆད་ཕོག་སྲིད་ཅེས་འགྲེལ་བརྗོད་བྱས་སོང་། བྱིས་པ་ཆུང་ཆུང་སྐབས་སུ་དགོན་པའི་ནང་གི་རང་གི་རིག་གཞུང་དང་མཐུན་པའི་ཆོས་ཀྱི་ཆོ་ག་སོགས་ལ་བག་ཆགས་དང་རྒྱུས་མངའ་མེད་ཚེ་བུ་ཕྲུག་ཆེན་པོར་ཆགས་རྗེས་ཆོས་ལ་དད་པ་མེད་པ་དང་། རང་གི་རིག་གཞུང་ལ་རྒྱུས་མངའ་ཅི་ཡང་མེད་པ་ཞིག་ཆགས་རྒྱུ་ཡིན་པ་ཐེ་ཚོམ་མེད་ཅེས་བུ་ཕྲུག་གི་ཕ་མས་འགྲེལ་བརྗོད་བྱས་སོང་།བོད་ཀྱི་བྱིས་པའི་སློབ་གསོའི་ཁ་ཕྱོགས་ལ་རྒྱ་ནག་གིས་སྲིད་ཇུས་འདྲ་མིན་སྤེལ་བཞིན་ཡོད་པའི་སྐོར་འབུམ་རམས་པ་རྒྱལ་ལོ་ལགས་ཀྱིས་རྒྱ་ནག་དམར་གཞུང་གིས་རིགས་རྒྱུད་རྩ་གཏོར་གྱི་སྲིད་ཇུས་ལ་སྐྱོན་བརྗོད་བྱས་ཡོད་པ་དང་། གལ་ཏེ་རྒྱ་ནག་དམར་གཞུང་གིས་གདུག་རྩུབ་ལྡན་པའི་ཤེས་ཡོན་སྲིད་ཇུས་དེ་མི་ལོ་ ༡༥ ནས་ ༢༠ བར་མུ་མཐུད་དུ་བོད་ཀྱི་བྱིས་པའི་སྡེ་ཁག་ཏུ་བཙན་བཀོལ་བྱས་པ་ཡིན་ན། བོད་མི་རིགས་ཀྱི་ལོ་ངོ་བཞི་སྟོང་བདུན་བརྒྱའི་རིང་གི་རིག་གཞུང་དེ་རྩ་བ་ནས་མེད་པར་འགྱུར་སྲིད། ཅེས་ཁོང་གི་རྩོམ་ཡིག་ཏུ་བྲིས་འདུག The post རྒྱ་གཞུང་གིས་ལོ་ན ༡༨ མན་གྱི་བྱིས་པ་དགོན་པའི་ནང་དུ་འགྲོ་མི་ཆོག་པའི་སྒྲིག་ཁྲིམས་ལ་སེམས་འཚབ། appeared first on vot.

ཟླ་བ་འདིའི་ཚེས་ ༡ ཉིན་རྒྱལ་སྤྱིའི་ཡུལ་གྲུ་འདྲ་མིན་ ༢༧ ནང་གི་བཙན་བྱོལ་བོད་མི་རྣམས་ཀྱིས་ ༢༠༢༦ ལོའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུའི་ནང་ཆ་ཤས་བླངས་ཡོད་པ་དང་། དེ་རིང་ནས་ས་གནས་འོས་བསྡུ་ལས་ཁང་སོ་སོས་འོས་བསྡུའི་གྲངས་བཤེར་ཕྱོགས་བསྡོམས་གནང་འགོ་ཚུགས་ཀྱི་ཡོད་པ་རེད། འདི་ག་རླུང་འཕྲིན་ཁང་གི་གསར་འགོད་པ་རྣམ་པས་སྔོན་འགྲོའི་འོས་བསྡུའི་ཉིན་འོས་འཕེན་པ་མང་དག་ཅིག་ལ་བཅར་འདྲི་ཞུ་སྐབས། དཀའ་ངལ་མང་དག་ཅིག་གླེང་མཁན་བྱུང་བའི་ཁོངས་ནས་མང་ཆེ་བས་སྤྱི་འཐུས་ཀྱི་འགེངས་ཤོག་ནང་སྤྱི་འཐུས་བཅུ་མ་ཟད། དེ་དག་གི་སྡོད་གནས་དང་ལས་གནས་སོགས་ཞིབ་ཕྲ་མང་དག་ཅིག་དགང་དགོས་པ་དེ་དཀའ་ངལ་ཆེན་པོ་ཞིག་ལ་ངོས་འཛིན་དང་བཅས་མ་འོངས་འགེངས་ཤོག་སྟབས་བདེ་པོ་བཟོ་དགོས་པ་གསུང་མཁན་བྱུང་ཡོད། དེའི་ཁྲོད་ད་ཆ་རྒྱ་གར་ལྷོ་ཕྱོགས་ནང་སྐུ་བཞུགས་གནང་བཞིན་པ་དང་། དེ་སྔ་ལོ་མང་རིང་གཞུང་ཞབས་དང་གསར་འགོད་པ་བཅས་གནང་སྟེ་རྒས་ཡོལ་ལ་ཕེབས་པའི་གཡུ་རྒྱལ་ལགས་ཀྱིས་སེམས་འཚབ་དང་བཅས། དེ་རིང་ཆེད་དུ་མངགས་ནས་འདི་ག་གསར་འགོད་པར་འབྲེལ་བ་གནང་སྟེ་དཀའ་ངལ་དེ་དག་གླེང་གནང་བ་མ་ཟད། འོས་འཕེན་པའི་གྲངས་འབོར་མང་བའི་རྒྱ་གར་ལྷོ་ཕྱོགས་ལྟ་བུར་མཚོན་ན།  སྤྱི་འཐུས་ཀྱི་འགེངས་ཤོག་ནང་མི་བཅུ་པོའི་མིང་ཙམ་མ་ཟད། དོན་ཚན་གཞན་མང་དག་ཅིག་དགང་དགོས་པ་དེ་དཀའ་ངལ་ཆེན་པོར་གྱུར་སྟེ་འོས་འཕེན་པ་ཁག་གཅིག་གིས་རང་ཉིད་ལ་འོས་གཞི་བཅུ་ཡོད་ཀྱང་ཉུང་ཤས་ལས་བཀང་མ་ཐུབ་པ་དང་། དེ་ལྟ་བུའི་དཀའ་ངལ་འཕྲོད་བྲིས་བསུབ་དེ་འདྲ་ཡོང་སྲིད་ཀྱང་འོས་བསྡུའི་སྒྲིག་གཞིའི་ནང་བྲིས་བསུབ་བཏང་ན་རྩིས་མེད་གཏོང་རྒྱུ་ཞེས་པ་ནི་དཀའ་ངལ་ཆེན་པོ་ཡིན་པ་གསུངས་སོང་། དེ་འབྲེལ་ཁོང་གིས་མ་འོངས་པར་སྔོན་འགྲོའི་འོས་བསྡུ་ཆེན་མོའི་སྐབས་འོས་གཞིར་བཞེངས་མཁན་རྣམས་ཀྱིས་སྔོན་ཚུད་ནས་དབུས་འོས་བསྡུ་ལས་ཁང་ལ་དེབ་སྐྱེལ་གནང་བ་དང་འབྲེལ་འོས་བསྡུ་ལས་ཁང་ནས་དོ་དག་སོ་སོར་ཨང་གྲངས་བགོས་ཐུབ་པ་ཡིན་ན། འོས་ཤོག་སྟབས་བདེ་རུ་འགྲོ་རྒྱུ་དང་། སྤྱི་འཐུས་ཀྱི་མིང་འབྲི་སྐབས་བྲིས་བསུབ་བྱུང་ན་འབྲེལ་ཡོད་འོས་གཞི་གཅིག་མ་གཏོགས་འོས་ཤོག་ཡོངས་རྫོགས་རྩིས་མེད་གཏང་རྒྱུ་མེད་པའི་འབོད་སྐུལ་གནང་གི་འདུག རྩ་བའི་རླུང་འཕྲིན་ཁང་གིས་ཐེངས་འདིའི་སྔོན་འགྲོའི་འོས་བསྡུ་ཆེན་མོ་དང་འབྲེལ་ནས་གནས་ཚུལ་རྒྱུས་ལོན་བྱེད་སྐབས། ཁག་ཅིག་གིས་སྲིད་སྐྱོང་དང་དབུས་གཙང་ཆོལ་ཁའི་འགེངས་ཤོག་གི་ཚོན་གཅིག་པར་སོང་འོས་སྒམ་ནང་བླུགས་སྐབས་འཁྲུག་ཉེན་ཆེ་བས་མ་འོངས་པར་ཚོན་མི་འདྲ་བ་དགོས་པ་དང་། དེ་བཞིན་འོས་ཤོག་ནང་དགང་དགོས་པའི་དོན་ཚན་བཞི་པོ་རྣམས་སྟབས་བདེ་པོ་བཟོ་དགོས་པ།  ཡིག་རྨོངས་དང་དམིགས་བསལ་དགོས་མཁོ་ཅན། དེ་བཞིན་ལོ་ན་བགྲེས་པ་རྣམས་ཀྱིས་འོས་འཕེན་སྐབས་སྡོད་གཅིག་ནང་མི་དང་ཡང་ན་ཡིད་ཆེས་བྱེད་སའི་མི་གཅིག་གི་རོགས་རམ་ལེན་ཆོག་གི་ཡོད་པ་ཁོ་ན་མ་ཡིན་པར་དོ་བདག་དཀའ་ངལ་ཡོད་རིགས་ལ་འོས་བསྡུ་ལས་ཁང་ནས་ཟུར་དུ་ཕྱག་རོགས་གནང་མཁན་ཞིག་དགོས་ངེས་ཡིན་པའི་གཞེན་སྐུལ་གནང་མཁན་བྱུང་སོང་བ་མ་ཟད། འོས་བསྡུའི་ས་ཚིགས་གཅིག་གི་ནང་མི་སྐྱ་ཞིག་གིས་རང་ཉིད་སྔགས་པ་ཡིན་སྐོར་བརྗོད་དེ་ཆོས་ལུགས་སྤྱི་འཐུས་ཀྱི་འགེངས་ཤོག་དགོས་པ་བཤད་སྟབས་དེ་འབྲེལ་དཀའ་ངལ་འཕྲད་པའང་བྱུང་ཡོད། The post སྔོན་འགྲོའི་འོས་བསྡུའི་གོང་ནས་འོས་གཞིར་བཞེངས་མཁན་རྣམས་དེབ་འགོད་ཀྱིས་ཨང་གྲངས་སྤྲོད་དགོས་པའི་ཞུ་འབོད། appeared first on vot.

སེ་ར་བྱེས་མཁས་སྙན་གྲྭ་ཚང་གིས་ཕྱི་ལོ་ ༢༠༢༢ ལོ་ནས་བཟུང་རྒྱ་གར་ལྷོ་ཕྱོགས་མའེ་སོར་གཙུག་ལག་སློབ་གཉེར་ཁང་དང་ཟུང་འབྲེལ་ཐོག་གཙུག་ལག་རབ་འབྱམས་ཀྱི་ཆེད་སྦྱོང་དབུ་འཛུགས་གནང་བ་བཞིན། ཉེ་ལམ་ ༢༠༢༤ ལོའི་ཕྱི་ཟླ་ ༡༠ པའི་ནང་སེར་བྱེས་ཆེད་སྦྱོང་ཉེ་བའི་གཙུག་ལག་རབ་འབྱམས་ཀྱི་སྐབས་དང་པོའི་བསླབ་པ་མཐར་སོན་གྱི་མཛད་སྒོ་གྲུབ་པ་མ་ཟད། མཐར་སོན་སློབ་མ་ ༣༧ གཙོས་པའི་འབྲེལ་ཡོད་དབུ་ལས་རྣམས་ལ་དེ་རིང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་ལྷོ་ཕྱོགས་མོན་གྷོ་རུ་བྱེས་ཀྱི་གདན་ས་འབྲས་སྤུངས་སྒོ་མང་གྲྭ་ཚང་གི་ཆོས་གྲྭའི་ནང་མཇལ་ཁ་སྩལ་འདུག དེའི་སྐོར་འདི་གའི་གསར་འགོད་པས་སེར་བྱེས་མཁན་རིན་པོ་ཆེ་བཀྲ་ཤིས་ཚེ་ཐར་མཆོག་ལ་བཀའ་འདྲི་ཞུས་ཡོད། སྤྱིར་མའེ་སོར་གཙུག་ལག་སློབ་གཉེར་ཁང་གི་ངོས་འཛིན་ཡོད་པའི་ཉེ་བའི་གཙུག་ལག་རབ་འབྱམས་ཀྱི་ཆེད་སྦྱོང་ནང་ནང་པའི་ལྟ་གྲུབ་དང་། སེམས་ཁམས་རིག་པ། དེ་བཞིན་བོད་ཀྱི་སྐད་ཡིག་བཅས་སྡེ་ཚན་གསུམ་ལ་བཀའ་བཅད་གནང་ཡོད་པ་དང་། ད་རེས་གཙུག་ལག་རབ་འབྱམས་ཀྱི་བསླབ་པ་མཐར་སོན་ ༣༧ བྱུང་བའི་ཁོངས་ནས་བསྟན་འཛིན་ངག་དབང་ལགས་ནི་བོད་ཀྱི་སྐད་ཡིག་ཐོག་ཆེད་སྦྱོང་གནང་འདུག གཞི་རྩའི་རྒྱ་གར་ལྷོ་ཕྱོགས་སྦེལ་ཀོབ་གཞིས་ཆགས་སུ་རྟེན་གཞི་བྱས་པའི་སེར་བྱེས་མཁས་སྙན་གྲྭ་ཚང་དུ་སྔ་ལོའི་ཕྱི་ཟླ་ ༡༠ ཚེས་ ༡༧ ཉིན་ཀར་ན་ཀྲ་ཀ་མངའ་སྡེའི་ཤེས་རིག་བློན་ཆེན་མཆོག་དང་། བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཆོག་བཅས་སྐུ་མགྲོན་གཙོ་བོར་གདན་ཞུས་ཐོག མའེ་སོར་གཙུག་ལག་སློབ་གཉེར་ཁང་གིས་ངོས་བཞེས་ཡོད་པའི་སེར་བྱེས་ཆེད་སྦྱོང་ཉེ་བའི་གཙུག་ལག་རབ་འབྱམས་ཀྱི་སྐབས་དང་པོའི་བསླབ་པ་མཐར་སོན་གྱི་མཛད་སྒོ་དེ་འཚོགས་ཡོད་པ་རེད། The post སེར་བྱེས་ཆེད་སྦྱོང་ཉེ་བའི་གཙུག་ལག་རབ་འབྱམས་ཀྱི་སྐབས་དང་པོའི་བསླབ་པ་མཐར་སོན་པ་རྣམས་ལ་མཇལ་ཁ་སྩལ་བ། appeared first on vot.

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་རྒྱལ་སྤྱིའི་སྙན་གྲགས་ཆེ་བའི་གྷེ་རེ་མི་རོལ་དབྱངས་གཟེངས་རྟགས་འབུལ་བཞེས་མཛད་པར་ཕྱི་ནང་གཉིས་ཀྱི་བོད་མི་གཙོས་པའི་རྒྱལ་སྤྱིའི་གནད་ཡོད་མི་སྣ་ཁག་གཅིག་གིས་དགའ་བསུ་ཞུ་བཞིན་པའི་ཁྲོད་འདིར། ཁ་སང་ཕྱི་ཚེས་ ༢ ཉིན་རྒྱ་ནག་ཕྱི་སྲིད་ལས་ཁུངས་ཀྱི་དེ་འབྲེལ་དྲི་བར་ལན་འདེབས་ཁྲོད། མགོན་པོ་༸གང་ཉིད་མཆོག་ནི་ཆབ་སྲིད་ཀྱི་བཙན་བྱོལ་བ་ཞིག་ཡིན་ཞིང་། ཆོས་ཀྱི་མིང་ཐོག་ནས་རྒྱ་ནག་ཁ་བྲལ་གཏོང་རྒྱུའི་དམིགས་ཡུལ་དང་བྱ་སྤྱོད་སྤེལ་བཞིན་ཡོད་ཚུལ་དང་། སྒྱུ་རྩལ་གྱི་གཟེངས་རྟགས་དེ་རྒྱ་ནག་དང་ཁ་བྲལ་བའི་ཆབ་སྲིད་ཀྱི་ལག་ཆར་བེད་སྤྱོད་བྱས་པར་དགག་པ་ཡོད་ཅེས་བརྗོད་འདུག རྩ་བའི་ཁ་ཉིན་ཨ་རིའི་ California ཁེ་ལི་ཕོར་ནི་ཡའི་མངའ་སྡེའི་ Los Angeles ལོས་ཨེན་ཇི་ལི་སི་གྲོང་ཁྱེར་ནང་དུ་སྐབས་ ༦༨ པའི་རྒྱལ་སྤྱིའི་རོལ་དབྱངས་རྩེ་ཕུད་ Grammy Award གྷེ་རེ་མི་གཟེངས་རྟགས་འབུལ་བཞེས་ཀྱི་མཛད་སྒོ་ཞིག་ཚོགས་ཡོད་པ་དང་། མཛད་སྒོའི་ཐོག་འཛམ་གླིང་ཁྱོན་ཡོངས་ཀྱི་ནང་དུ་རོལ་དབྱངས་རྩེད་ཕུད་ཀྱི་གཟེངས་རྟགས་སྡེ་ཚན་མང་པོ་ཡོད་པའི་ནང་ནས་ Best Audibook Narration འམ་སྒྲ་དེབ་རྩེ་ཕུད་ཀྱི་གཟེངས་རྟགས་དེ་ཉིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས། སྒོམ་སྒྲུབ་དང་ཁོང་གི་དགོངས་བཞེད་ཀྱི་སྐོར་ལ་བརྗོད་པའི་གསུང་དེབ་ (Meditations: The Reflections of His Holiness the Dalai Lama) ཅེས་པར་ཐོབ་ཡོད། ༸གོང་ས་མཆོག་གིས་ མགོན་པོ་༸གང་ཉིད་མཆོག་ལ་ངོས་འཛིན་དེ་ལྟར་ཐོབ་པར་ལེགས་གསོལ་དང་གུས་པའི་ངང་ནས་གཟེངས་རྟགས་འདི་བཞེས་ཀྱི་ཡོད་ཅེས་བཀའ་སྩལ་བའི་ཐོག གནད་དོན་དེ་ནི་༸གང་ཉིད་མཆོག་གི་སྐུ་སྒེར་གྱི་གནས་ཚུལ་ཞིག་ལ་དགོངས་བཞེས་མཛད་ཀྱི་མེད་ཅིང་། དེ་ནི་ང་ཚོ་ཚང་མའི་ཐུན་མོང་དུ་ཡོད་པའི་ཀུན་ཁྱབ་ཀྱི་འགན་འཁྲིར་ངོས་འཛིན་ཐོབ་པ་ཞིག་ལ་དགོངས་བཞེས་མཛད་ཀྱི་ཡོད་ཅེས་བཀའ་སྩལ་འདུག ༸གོང་ས་མཆོག་ལ་གྷི་རེ་མིའི་གྲགས་ཅན་གཟེངས་རྟགས་ཐོབ་པའི་གནས་ཚུལ་ཐོན་མ་ཐག...

དེ་རིང་ཕྱི་ལོ་ ༢༠༢༦ ཟླ་ ༢ ཚེས་ ༢ ཉིན་གྱི་སྔ་དྲོ་རྒྱ་གར་ལྷོ་ཕྱོགས་མོན་གྷོ་རུ་བྱེས་ཀྱི་གདན་ས་འབྲས་སྤུངས་སྒོ་མང་གྲྭ་ཚང་གི་ཆོས་གྲྭའི་ནང་།  རྒྱལ་སྤྱིའི་དགེ་ལྡན་ལྷན་ཚོགས་ཀྱི་གལ་ཆེའི་ལས་དོན་གཞུང་ཆེན་རིགས་གཅིག་རྐང་འཛིན་བསླབ་པ་མཐར་སོན་གྱིས་རིམ་པ་དང་པོའི་དགེ་བཤེས་ ༣༠ དང་དགེ་བཤེས་མ་ ༥ བཅས་ཁྱོན་གྲྭ་བཙུན་ ༣༥ ལ་༸གོང་༸སྐྱབས་མགོན་ཆེན་པོ་མཆོག་དབུ་བཞུགས་ཐོག་༸སྐྱབས་རྗེ་དགའ་ལྡན་ཁྲིན་རིན་པོ་ཆེ་ནས་ཕྱག་འཁྱེར་འབུལ་བཞེས་དང་༸གང་ཉིད་མཆོག་གིས་མཇལ་ཁ་སྩལ་སོང་བ་མ་ཟད།  གཞན་ཡང་ཉིན་ཤས་གོང་འདི་ག་འབྲས་སྤུངས་བློ་གསལ་གླིང་སྒོམ་སྒྲུབ་དང་ཚན་རིག་ལྟེ་གནས་ཁང་དུ་ཆོས་ལུགས་ལ་མ་བརྟེན་པའི་བཟང་སྤྱོད་སློབ་གསོའི་ཐོག་ཉིན་གྲངས་གསུམ་རིང་གི་ཟབ་སྦྱོང་ནང་མཉམ་ཞུགས་གནང་མཁན་བོད་པའི་སློབ་གྲྭ་ཁག་གི་ལྟ་གྲུབ་དགེ་རྒན་དང་སཱི་ཤེས་ཡོན་སློབ་གསོའི་མཐུན་སྦྱོར་བ་ཁྱོན་མི་གྲངས་ ༨༠ ཙམ་ལའང་༸གོང་ས་༸སྐྱབས་མགོན་ཆེན་པོ་མཆོག་གིས་མཇལ་ཁ་སྩལ་སོང་།  མཇལ་ཁ་གྲུབ་མཚམས་འདི་གའི་གསར་འགོད་པས་དྲི་བར་ལན་འདེབས་ཁྲོད།  རྒྱལ་སྤྱིའི་དགེ་ལྡན་ལྷན་ཚོགས་ཀྱི་ངེས་སྟོན་པ་དགེ་བཤེས་བློ་བཟང་རྒྱལ་མཚན་མཆོག་གིས།  སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་ནས་གཞུང་ཆེན་རིགས་གཅིག་རྐང་འཛིན་གནང་དགོས་གལ་ཐོག་བཀའ་སློབ་ལམ་སྟོན་ལན་མང་ཕེབས་པ་ལྟར།  ༸སྐྱབས་རྗེ་དགའ་ལྡན་ཁྲི་ཐོག་ ༡༠༤ ཞིང་བཤེགས་དམ་པ་རྗེ་བཙུན་བློ་བཟང་བསྟན་འཛིན་མཆོག་དང་། ཡང་སྲིད་རིན་པོ་ཆེ་རྣམ་གཉིས་ཀྱིས་ཐུགས་འཁུར་ཆེ་བཞེས་ཀྱིས་མཐུན་རྐྱེན་འཚོལ་སྒྲུབ་གནང་ནས་ཨ་རིའི་ཀ་ཡ་མཎྜ་ལ་ཚོགས་པ་ནས་ལོ་བཅུའི་རིང་མཐུན་འགྱུར་གནང་རྒྱུ་ཞལ་བཞེས་དང་འབྲེལ། ལོ་གསུམ་རིང་གཞུང་ཆེན་བཀའ་པོད་ལྔའི་ཐོག་རང་སོ་སོས་བརྗོད་གཞི་འདེམས་སྒྲུག་གིས་བསླབ་པ་མཐར་སོན་གྲུབ་པའི་རིམ་པ་དང་པོའི་དགེ་བཤེས་དང་དགེ་བཤེས་རྣམས་ལ་༸གོང་ས་སྐྱབས་མགོན་ཆེན་པོ་མཆོག་༸སྐྱབས་རྗེ་དགའ་ལྡན་ཁྲི་རིན་པོ་ཆེ་མཆོག་ནས་ཕྱག་འཁྱེར་འབུལ་བཞེས་དང་། མགོན་པོ་༸གང་ཉིད་མཆོག་ནས་མཇལ་ཁ་བཀའ་དྲིན་སྩལ་ཡོད་སྐོར་གསུངས་སོང་།  མ་ཟད། འདི་གའི་གསར་འགོད་པས་ཆེས་ཐོག་མའི་གཞུང་ཆེན་རིག་གཅིག་རྐང་འཛིན་གྱི་བསླབ་པ་མཐར་སོན་པའི་དགེ་བཤེས་གཅིག་དང་དགེ་བཤེས་མ་གཅིག་ལ་བཀའ་འདྲི་ཞུས་ཡོད།  རྩ་བའི་གཞུང་ཆེན་རིག་གཅིག་རྐང་འཛིན་ལས་གཞི་འདི་ནི་ཨ་རིའི་ཀ་ཡ་མཎྜ་ལ་ཚོགས་པ་ནས་ལོ་བཅུའི་རིང་མཐུན་འགྱུར་གནང་རྒྱུ་ཞལ་བཞེས་ཀྱིས། ཐོག་མའི་ཆར་ཨ་རིར་ཡོད་པའི་དཔལ་ལྡན་དགའ་ལྡན་ཕོ་བྲང་གི་ཏཱ་ལའི་བླ་མའི་དགེ་རྩ་ཚོགས་པ་དང་། དེ་ནས་ཨ་རི་ (FTM) བརྒྱུད་ནས་མཐུན་འགྱུར་གནང་རྒྱུ་གཏན་ཁེལ་བྱུང་ཞིང། རྒྱལ་སྤྱིའི་དགེ་ལྡན་ལྷན་ཚོགས་ཀྱིས་འགན་ལེན་གྱིས་ཕྱི་ལོ་ ༢༠༢༠ ལོ་ནས་གོ་འཛུགས་གནང་བ་ཞིག་རེད་འདུག གཞན་ཡང་། ཟླ་སྔོན་མའི་ཕྱི་ཚེས་ ༣༠ ནས་དབུ་འཛུགས་ཀྱིས་ཟླ་འདིའི་ཚེས་ ༡ བར་ཉིན་གྲངས་གསུམ་རིང་འབྲས་སྤུངས་བློ་གསལ་གླིང་སྒོམ་སྒྲུབ་དང་ཚན་རིག་ལྟེ་གནས་ཁང་དུ།  བོད་མིའི་སྒྲིག་འཛུགས་ཤེས་རིག་ལས་ཁུངས་དང་འབྲས་སྤུངས་བློ་གསལ་གླིང་སྒོམ་སྒྲུབ་དང་ཚན་རིག་ལྟེ་གནས་ཁང་ཐུན་མོང་གི་གོ་སྒྲིག་འོག་བོད་པའི་སློབ་གྲྭ་ཁག་གི་ལྟ་གྲུབ་དགེ་རྒན་དང་སཱི་ཤེས་ཡོན་སློབ་གསོའི་མཐུན་སྦྱོར་བ་ཁྱོན་ ༨༠ ཙམ་ལ་ཆོས་ལུགས་ལ་མ་བརྟེན་པའི་བཟང་སྤྱོད་སློབ་གསོའི་ཐོག་ཟབ་ཁྲིད་སྦྱོང་བརྡར་ཞིག་གནང་ཡོད་པ་དང་བསྟུན།  དེ་རིང་ཕྱི་ཚེས་...

ཉེ་ཆར་རྒྱ་ནག་པེ་ཀིང་ནས་ཡིན་པའི་ཁྲིམས་རྩོད་པ་ཤོ་ཡུའུ 小于律师 དང་། ཧིང་ཏུའུ 黄迪全律师 གཉིས་ཀྱིས་སྣེ་འཁྲིད་འོག  ཁྲིམས་རྩོད་པའི་རུ་ཁག་ཅིག་གིས་ལྷ་ས་དང་། ཉིང་ཁྲི་སོགས་ཀྱི་ཞིང་འབྲོག་ས་ཁུལ་དུ་ཡོང་སྟེ་གཞུང་དང་སྒེར་གང་རུང་གིས་ལས་འཆར་སྣ་མང་གི་བྱེད་སྒོ་ཞིག་ཚོགས་ནས་ས་ཆ་བཙན་འཕྲོག་བྱས་པ་དང་བཙན་གྱིས་གནས་སྤོ་བཏང་བ། དེ་བཞིོན་གུན་གསབ་དངུལ་མ་སྤྲད་པ་སོགས་ལ་རོགས་རམ་བྱེད་བཞིན་པའི་གནས་ཚུལ་ཐོན་འདུག དེ་ཡང་ཁྲིམས་རྩོད་པས་སྒེར་གྱི་དྲ་ཚིགས་ནས་འགྲེལ་བརྗོད་བྱས་པར་ལྟར་ན། ཆབ་མདོ་སྟེང་ཆེན་རྫོང་གི་གཞུང་དང་མི་དམངས་བར་གྱི་ཁང་ས་དང་། འབྲོག་པ་མང་ཚོགས་ཀྱི་རྩྭ་སའི་རྩོད་རྙོག་གི་གནས་ཚུལ་ས་གནས་སྲིད་གཞུང་ལ་ཞུ་གཏུགས་བྱས་ཡོད་པ་དང་། གཞུང་ངོས་ནས་ཁྲིམས་ལུགས་ལྟར་ཉིན་ཉི་ཤུའི་རྗེས་སུ་གློག་འཕྲིན་དང་ཁ་པར་གང་རུང་བརྒྱུད་ནས་ལན་འདེབས་བྱ་རྒྱུའི་ཐག་གཅོད་བྱས་འདུག་ཀྱང་། དེ་སྔོན་ཁྲིམས་རྩོད་པ་མེད་སྐབས་གཞུང་ལ་ས་གནས་ཁྲོད་ས་ཆའི་བདག་དབང་གི་སྐོར་ཞུ་གཏུགས་ཇི་ཙམ་བྱས་ཀྱང་ངོས་ལེན་བྱས་མེད་པ་བརྗོད་འདུག མ་ཟད་ཁྲིམས་རྩོད་པས་ཉིང་ཁྲི་ས་ཁུལ་དུ་གཞུང་དང་ཁེ་ལས་བས་སོ་སོའི་ཁེ་ཕན་ཆེད་ཞིང་འབྲོག་ཁུལ་དུ་འཛུགས་སྐྲུན་སྣ་ཚོགས་བྱས་ཏེ། རྩྭ་སར་གནོད་སྐྱོན་ཆེན་པོ་བཏང་ཡོད་པ་དང་དོ་བདག་ལ་ཁྲིམས་མཐུན་གྱི་ཁེ་དབང་། དེ་བཞིན་གུན་གསབ་འོས་འཚམ་མི་སྤྲོད་པར་དབང་ཤེད་བེད་སྤྱོད་བྱས་ནས་བཟོ་གྲྭ་སོགས་ཀྱི་ལས་གཞི་རྒྱུན་འཁྱོངས་བྱེད་བཞིན་ཡོད་སྟབས། ས་གནས་མང་ཚོགས་ཀྱི་འཚོ་རྟེན་ལ་དཀའ་ངལ་འཕྲད་བཞིན་པའི་གནས་ཚུལ་ཁྲིམས་རྩོད་པས་འགྲེལ་བརྗོད་བྱས་འདུག རྩ་བའི་བོད་ཀྱི་དུས་བབ་གསར་ཁང་གིས་ཉེ་ཆར་སྤེལ་བའི་འབྲེལ་ཡོད་གནས་ཚུལ་ཞིག་གི་ནང་གསལ་ལྟར་ན།  རྒྱ་ནག་པེ་ཅིན་ནས་ཡིན་པའི་ཁྲིམས་རྩོད་པ་ཏུང་ཕུང་གིས་སྣེ་འཁྲིད་པའི་ཁྲིམས་རྩོད་པའི་རུ་ཁག་ཅིག་གིས། བོད་ཀྱི་མཚོ་སྔོན་པོའི་འབྲོག་ཁུལ་དུ་ཡོང་སྟེ་འབྲོག་མང་གི་རྩྭ་ས་བཙན་འཕྲོག་དང་བཙན་གྱིས་གནས་སྤོ་བཏང་བ། གུན་གསབ་དངུལ་མ་སྤྲད་པ་སོགས་ལ་རོགས་རམ་བྱེད་བཞིན་ཡོད་པ་འཁོད་འདུག སྤྱིར་ཕྱི་ལོ ༢༠༢༦ ལོའི་ཕྱི་ཟླ་ ༡ ཚེས་ ༢༢ ཉིན་ UN Human Right འམ་མཉམ་འབྲེལ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ཚན་པས་བོད་དང་ཡུ་གུར་གྱི་འགྲོ་བ་མིའི་ཐོབ་ཐང་སྐོར་སྙན་ཐོ་ཞིག་བཏོན་ཡོད་པ་དེའི་ནང་གསལ་བ་ལྟར་ན། རྒྱ་ནག་གཞུང་གིས་ཕྱི་ལོ་ ༢༠༠༠ ནས་ ༢༠༢༥ བར་གྱི་བོད་མིའི་གནས་སྤོའི་སྲིད་ཇུས་ནང་། བོད་མི་ས་ཡ་...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་འཛམ་གླིང་ནང་གི་སྙན་གྲགས་ཆེ་བའི་རྒྱལ་སྤྱིའི་རོལ་དབྱངས་རྩེ་ཕུད་ Grammy Award གྷེ་རེ་མི་གཟེངས་རྟགས་ཐོབ་པ་དང་འབྲེལ། མགོན་པོ་༸གང་ཉིད་མཆོག་གིས་གཟེངས་རྟགས་དེ་ནི་ང་ཚོ་ཐུན་མོང་གི་ཀུན་ཁྱབ་འགན་འཁྲི་ལ་ངོས་འཛིན་ཐོབ་པ་ཞིག་ལ་དགོངས་བཞེས་མཛད་ཀྱི་ཡོད་ཅེས་བཀའ་སྩལ་འདུག དེ་ཡང་ཁ་སང་ཕྱི་ཟླ་ ༢ ཚེས་ ༡ ཉིན་ཨ་རིའི་ California ཁེ་ལི་ཕོར་ནི་ཡའི་མངའ་སྡེའི་ Los Angeles ལོས་ཨེན་ཇི་ལི་སི་གྲོང་ཁྱེར་ནང་དུ་སྐབས་ ༦༨ པའི་རྒྱལ་སྤྱིའི་རོལ་དབྱངས་རྩེ་ཕུད་ Grammy Award གྷེ་རེ་མི་གཟེངས་རྟགས་འབུལ་བཞེས་ཀྱི་མཛད་སྒོ་ཞིག་ཚོགས་ཡོད་པ་དང་། མཛད་སྒོའི་ཐོག་འཛམ་གླིང་ཁྱོན་ཡོངས་ཀྱི་ནང་དུ་རོལ་དབྱངས་རྩེད་ཕུད་ཀྱི་གཟེངས་རྟགས་སྡེ་ཚན་མང་པོ་ཡོད་པའི་ནང་ནས་ Best Audibook Narration འམ་སྒྲ་དེབ་རྩེ་ཕུད་ཀྱི་གཟེངས་རྟགས་ཐོབ་འདུག སྒྲ་དེབ་ཀྱི་བརྗོད་བྱ་དེ་ནི་ Meditations: The Reflections of His Holiness the Dalai Lama འམ་༸གོང་ས་ཏཱ་ལའི་བླ་མ་མཆོག་གི་དགོངས་བཞེད།  སྒོམ་སྒྲུབ་ཅེས་པའི་སྐོར་ཡིན་པ་དང་། མཛད་སྒོའི་ཐོག་གཟེངས་རྟགས་དེ་བཞིན་ལས་གཞི་དེའི་ནང་རོལ་དབྱངས་ཐོག་ཕྱག་ལས་གནང་མཁན་མང་པོ་ཡོད་པའི་ནང་ནས་ཁེ་ན་ཌ་དང་ཨ་རིའི་གླུ་བ་དང་གཞས་རྩོམ་པ་པོ།  Rufus...