རྒྱལ་ཡོངས་རང་དབང་ཆབ་སྲིད་ཚོགས་པའི་འགོ་ཁྲིད་སུ་དཱན་གུ་རུང་མཆོག་འདི་ལོའི་ཕྱི་ཟླ་ ༤ པའི་ཟླ་མཇུག་ཏུ་དངུལ་ནག་གཙང་བཟོ་བྱེད་ཐབས་བྱེད་མཁན་གྱི་ཚོང་པ་དང་མ་འཛུགས་ཀྱི་འབྲེལ་བའི་གནད་དོན་དང་ས་ཆའི་བདག་དབང་ཐོག་སྐྱོན་འཛུགས་ཤུགས་ཆེ་བྱུང་རྗེས་བལ་ཡུལ་ནང་སྲིད་ལྷན་ཁང་གི་བློན་ཆེན་གོ་གནས་ནས་དགོངས་ཞུ་གནང་ཡོད་ཅིང་། ད་ཆ་ཟླ་བ་གཉིས་མ་ཟིན་པའི་མཚམས་འདིར་ཁོང་སླར་ཡང་ནང་སྲིད་བློན་ཆེན་དུ་ལས་འཁུར་དམ་འབུལ་ཞུས་གནང་འདུག དེ་ཡང་འདི་ཚེས་ ༩ ཉིན་བལ་ཡུལ་གྱི་སྲིད་འཛིན་ Ramchandra Paudel མཆོག་གི་དྲུང་ནས་སུ་དཱན་གུ་རུང་མཆོག་གིས་ནང་སྲིད་བློན་ཆེན་གྱིས་གསང་རྒྱའི་དམ་འབུལ་ཞུས་ཡོད་པ་དང་། The Kathmandu Post གསར་ཤོག་ཐོག་གནས་ཚུལ་སྤེལ་བ་ལྟར་ན། ཉེ་སྔོན་ཁོང་ལས་གནས་ནས་དགོངས་ཞུ་གནང་སྐབས་དེ་འབྲེལ་གཞུང་འབྲེལ་ཞིབ་འཇུག་ཚོགས་ཆུང་ཞིག་ཆེད་འཛུགས་བྱས་ཡོད་པ་དང་། ཚོགས་ཆུང་དེའི་ངོས་ནས་ཁོང་གི་ས་ཆའི་བདག་དབང་གི་གནད་དོན་ཐོག་རྒྱུན་ལྡན་མིན་པའི་གནས་ཚུལ་གང་ཡང་ཤེས་རྟོགས་བྱུང་མེད་པའི་མཇུག་སྡོམ་བསྐྱོན་པ་དེ་ལྟར་ཡང་། ཁོང་གི་དངུལ་དངོས་ཀྱི་སྤྲོད་ལེན་བྱས་པའི་རྩིས་ཁྲ་དང་མ་འཛུགས་ཀྱི་གནད་དོན་ཐད་མཐའ་མའི་ཐག་གཅོད་གནང་རྒྱུ་ཡིན་པ་བཀོད་འདུག ཞིབ་འཇུག་ཁྲོད་ནས་སུ་དཱན་གུ་རུང་ཁོང་ལ་བལ་ཡུལ་ཤར་ཕྱོགས་ Dhankuta དྷན་ཀུ་ཊ་རྫོང་དང་། ལྷོ་ཕྱོགས་ Chitwan རྫོང་། དེ་བཞིན་ནུབ་རི་ས་ཁུལ་བཅས་སུ་ས་ཆ་ཡོད་པ་རྣམས་ལ་རྒྱུན་ལྡན་མིན་པ་དང་ཡང་ནང་དོགས་གཞིའི་གནད་དོན་མེད་པའི་ངོས་བཞེས་གནང་འདུག རྩ་བའི་སུ་དཱན་གུ་རུང་ཁོང་ཆབ་སྲིད་ནང་སླེབས་པའི་བརྒྱུད་རིམ་ནི་མྱུར་པོ་ཞིག་ཆགས་ཀྱི་ཡོད་པ་དང་། ཕྱི་ལོ་ ༢༠༢༥ ཟླ་ ༩ པའི་ནང་བལ་ཡུལ་ནང་དུ་གཞོན་སྐྱེས་ཀྱི་ལས་འགུལ་བྱུང་རྗེས་ཡོངས་གྲགས་སུ་ངོ་ཤེས་ཐུབ་པ་ཞིག་བྱུང་ཡོད་པ་མ་ཟད། ཕྱི་ལོ་ ༢༠༢༦ ཟླ་ ༣ ཚེས་ ༢༧ ཉིན་ཁོང་ནང་སྲིད་བློན་ཆེན་དུ་བསྐོ་གཞག་གནང་རྗེས། སྲིད་གཞུང་གསར་པའི་ཆེས་མངོན་གསལ་དོད་པའི་བློན་ཆེན་ཞིག་ཏུ་གྱུར་ཡོད། རིམ་པས་ཡུལ་དེ་གའི་སྲིད་བློན་ཟུར་པ་ཨོ་ལི་དང་ནང་སྲིད་བློན་ཆེན་ཟུར་པ་རཱ་མེཤ་ལེ་ཁཀ་འཛིན་བཟུང་བྱ་རྒྱུའི་གླེང་གློང་གནང་མཁན་གཙོ་བོ་ཞིག་ཆགས་ཀྱི་ཡོད་པ་རེད།...

རྒྱལ་སྤྱིའི་བོད་དོན་ལས་འགུལ་ཁང་གི་གོ་སྒྲིག་འོག བོད་རིགས་གཞོན་སྐྱེས་ཉིས་བརྒྱ་ལྷག་མཉམ་ཞུགས་ཀྱིས་ཨ་རིའི་ནང་གཞི་རྒྱ་ཆེ་བའི་བོད་དོན་ཞུ་གཏུག་ལས་འགུལ་ཞིག་སྤེལ་འདུག  The post ཨ་རིར་ཉིན་གྲངས་གཉིས་རིང་བོད་དོན་ཞུ་གཏུག་བྱས།  appeared first on བོད་ཀྱི་དུས་བབ།.

འདི་ལོ་ཨ་རིའི་མངའ་སྡེ་ ༢༩ ནས་བོད་མི་དང་བོད་དོན་རྒྱབ་སྐྱོར་བ་ ༢༢༩ ལྷག་ཨ་རིའི་རྒྱས་ལ་ཝ་ཤིན་ཊོན་དུ་ཕྱི་ཟླ་ ༦ ཚེས་ ༨ དང་ ༩ ཉིན་འཛོམས་ཡོད་པ་དང་། རྒྱལ་སྤྱིའི་བོད་དོན་ལས་འགུལ་ཁང་གིས་གོ་སྒྲིག་འོག་ཞུ་གཏུག་གནང་མཁན་ཚོས་སོ་སོའི་ས་གནས་ཀྱི་གྲོས་ཚོགས་འཐུས་མིའམ་ཡང་ན་འབྲེལ་ཡོད་ལས་བྱེད་ཚོ་དང་མཇལ་འཕྲད་གནང་སྟེ་ཨ་རིའི་བོད་དོན་ཐོག་རྒྱབ་སྐྱོར་ཤུགས་ཆེ་རུ་གཏོང་རྒྱུར་སྐུལ་མ་གནང་ཡོད། དེ་ཡང་ཉེ་བའི་བདུན་ཕྲག་འགའ་ཤས་ནང་ཨ་མི་རི་ཀའི་སྲིད་དོན་ཚོགས་པ་ཟུང་སྦྲེལ་གྱི་རྣམ་པའི་ཐོག་ནས་བོད་དོན་ཁྲིམས་འཆར་གསར་པ་གཉིས་བཏོན་གནང་ཡོད་པ་དེ་དག་ལ་གཙོ་བོ་དམིགས་ཏེ་ཞུ་གཏུགས་གནང་ཡོད་པ་དང་། ཁྲིམས་འཆར་དེ་དག་ནི་ལོ་ཤས་རིང་བོད་དོན་དང་འབྲེལ་བའི་ཁྲིམས་འཆར་གལ་ཆེ་ཤོས་ཤིག་ཀྱང་ཆགས་ཡོད་པར་ངོས་འཛིན་གནང་གི་འདུག དེ་ཡང་ཁྲིམས་འཆར་དང་པོ་དེ་ནི་ཨ་རིའི་གྲོས་ཚོགས་འཐུས་མི་འཇེམསི་མེཀ་གྷོ་ཝརཎ་ (Jim McGovern) དང...

ཉེ་ཆར་རྒྱ་ནག་གཞུང་གིས་ཕྱོགས་གཅིག་ནས་བོད་རང་སྐྱོང་ལྗོངས་ཀྱི་ 《ཆོས་ལུགས་ལས་དོན་གྱི་སྒྲིག་གཞི་》 ཟེར་བའི་པར་གཞི་གསར་པ་ལག་བསྟར་བྱས་ཏེ། དགོན་སྡེ་དོ་དམ་དང་། སྤྲུལ་སྐུའི་ཡང་སྲིད། དྲ་རྒྱའི་བརྒྱུད་ལམ་ཐོག་གི་ཆོས་ལུགས་བྱེད་སྒོ་བཅས་ལ་དམ་དྲག་དང་ཚད་གཞི་ལྡན་པའི་བཅོས་སྒྲིག་བྱས་ཡོད་ཅིང་། ཕྱོགས་གཞན་ཞིག་ནས། རྒྱ་གཞུང་གི་ཤེས་ཡོན་ལྷན་ཁང་ཁག་གིས་རྒྱ་ནག་གིས་གཙོ་ཁྲིད་བྱས་པའི་བོད་རིག་པའི་ཤེས་བྱའི་མ་ལག་ཟེར་བ་ཞིག་བསྐྲུན་རྒྱུར་སྐུལ་འདེད་བཏང་སྟེ། རྒྱལ་སྤྱིའི་སྤྱི་ཚོགས་ནང་བོད་དོན་དང་འབྲེལ་བའི་གླེང་ཕྱོགས་ཐོག་ཤུགས་རྐྱེན་ཐེབས་ཐབས་བྱེད་བཞིན་ཡོད་འདུག བོད་རང་སྐྱོང་ལྗོངས་ཀྱི་ཆོས་ལུགས་སྒྲིག་གཞི་གསར་པས་ཆོས་ལུགས་རྒྱ་ནག་ཅན་ཟེར་བར་བསྒྱུར་རྒྱུ་ནན་བཤད་བྱས་པ། ཕྱི་ལོ་ ༢༠༢༦ ཟླ་ ༥ ཚེས་ ༡ ཉིན་ནས་དངོས་སུ་ལག་བསྟར་བྱས་པའི་ 《ཆོས་ལུགས་ལས་དོན་གྱི་སྒྲིག་གཞི་》 གསར་པ་ (ལེའུ་ ༡༠ ...

༧གོང་ས་༧སྐྱབས་མགོན་ཆེན་པོ་མཆོག་གི་༧སྐུའི་ཞབས་པུས་གཡོན་མ་བརྗེ་གནང་པའི་གཤགས་བཅོས་ལེགས་གྲུབ་བྱུང་པའི་ཉིན་གཉིས་ཀྱི་རྗེས་༧སྐུའི་འཕྲོད་བཞེས་གང་ལེགས་བྱུང་འདུག་པས་གཞིས་བྱེས་བོད་མི་ཡོངས་ཀྱིས་ཐུགས་ཁྲལ་མི་དགོས་ཞེས་སྲིད་སྐྱོང་སྤེན་པ་ཚེ་རིང་ལགས་ཀྱིས་༧གོང་ས་མཆོག་གི་མཇལ་ཁ་གྲུབ་མཚམས་ཨེ་ཤེ་ཡ་རང་དབང་རླུང་འཕྲིན་ཁང་ལ་གསུངས་བྱུང་། ཕྱི་ལོ་ ༢༠༢༦ ཟླ་ ༦ ཚེས་ ༡༠ རེས་གཟའ་ལྷག་པའི་ཉིན་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་ལགས་ཀྱིས། ༧གོང་ས་༧སྐྱབས་མགོན་ཆེན་པོ་མཆོག་གི་ཞབས་པུས་གཡོན་མ་བརྗེ་གནང་པའི་གཤགས་བཅོས་གནང་སའི་རྒྱ་གར་གྱི་རྒྱལ་ས་ལྡི་ལིའི་ཨ་པོ་ལོ་སྨན་ཁང་དུ་ཆེད་བཅར་གྱིས་སྤྱི་ནོར་༧གོང་༧སྐྱབས་མགོན་ཆེན་པོ་མཆོག་གི་མཇལ་ཁ་ཞུས་ཡོད་པ་རེད། མཇལ་ཁ་གྲུབ་མཚམས་སྲིད་སྐྱོང་མཆོག་གིས་༧གོང་ས་མཆོག་གི་༧སྐུའི་འཕྲོད་བཞེས་གང་ལེགས་འདུག་པས་བོད་གཞིས་བྱེས་གཉིས་ཀྱི་བོད་མི་ར...

མགོ་ལོག་ཁུལ་གྱི་རང་བྱུང་ཁོར་ཡུག་དོ་དམ་ལས་ཁུངས་ཀྱིས་ཕྱི་ཟླ་ ༥ ཚེས་ ༩ ཉིན་དོན་ཚན་དྲུག་ཅན་གྱི་བརྡ་ཁྱབ་ཅིག་བཏང་ཡོད་པའི་ནང་། མགོ་ལོག་ཁུལ་གཅིག་སྒྲིལ་རྫོང་ཁོངས་སུ་ཡོད་པའི་མི་སྒེར་དང་ཚོགས་པ་ཁག་ནས་ས་གནས་རྒྱ་གཞུང་ལས་ཁུངས་ཀྱིས་ཆོག་མཆན་མེད་པར་གནས་རི་གཉན་པོ་གཡུ་རྩེར་སྐྱེ་ཁམས་ཉམས་ཞིབ་དང་ཚན་རིག་བརྟག་དཔྱད་རིགས་བྱེད་མི་ཆོག་པ་བཟོས་ཡོད་པ་མ་ཟད།  ཆོག་མཆན་མེད་པའི་བྱ་སྤྱོད་དེ་རིགས་འཕྲལ་དུ་མཚམས་འཇོག་དགོས་པ་དང་། གལ་ཏེ་གང་ཟག་སྒེར་དང་ཚོགས་པ་གང་རུང་གིས་བཀོད་ཁྱབ་དེར་བརྩི་སྲུང་མ་བྱས་ཚེ་ཁྲིམས་ལུགས་གཞིར་བཟུང་ཉེས་ཆད་དྲག་པོ་གཏོང་རྒྱུ་ཡིན་ལུགས་བཤད་འདུག འདི་ག་གསར་ཁང་ལ་འབྲེལ་ཡོད་བརྒྱུད་ནས་གནས་ཚུལ་ཤེས་རྟོགས་བྱུང་བ་ལྟར་ན། འདི་ལོ་བོད་རབ་གནས་རྟ་ལོར་བོད་པ་ཚོ་གནས་ཆེན་ཁག་ཏུ་སྐོར་བ་དང་མཆོད་མཇལ་དུ་ཕེབས་བཞིན་པ། དེ་བཞིན་བསང་གསོལ་གཏོང་བ་སོགས་ཀྱི་ཆོས་ལུགས་དང་འབྲེལ་བའི་ཧ་ཅང་གལ་ཆེན་བའི་དུས་ཚིགས་སྲུང་བརྩི་ཞུ་བཞིན་ཡོད་པ་མ་ཟད། ས་གནས་མི་མང་ནས་བསང་གསོལ་གཏོང་བ་སོགས་ཀྱི་ཆོས་ཕྱོགས་ཀྱི་བྱེད་སྒོ་བཀག་འགོག་བྱེད་བཞིན་པ་དེ་ནི་རྒྱ་གཞུང་གིས་བསམ་བཞིན་དུ་ས་གནས་བོད་མི་ཚོའི་ཆོས་ཕྱོགས་ཀྱི་གནང་སྒོར་ཞུགས་རྒྱུར་དམ་བསྒྲགས་བྱེད་པ་ཞིག་ཡིན་པ་དང་ཆབས་ཅིག བོད་ཀྱི་ཆོས་དང་རིག་གཞུང་བཅས་བོད་མིའི་ངོ་བོ་རྩ་མེད་གཏོང་ཐབས་ཀྱི་སྲིད་བྱུས་ཤིག་ལས་གཞན་གང་ཡང་མིན་པར་ངོས་འཛིན་གནང་བཞིན་འདུག་ཅེས་འགྲེལ་བརྗོད་གནང་སོང་། གནས་རི་གཉན་པོ་གཡུ་རྩེ་དེ་ནི་བོད་མི་ཚོར་མཚོན་ན་གནས་རྩ་ཆེན་ཞིག་དང་། ལྷག་པར་ས་ཚིགས་དེར་ཕྱི་ལོ་ ༡༩༩༢ ལོའི་ཟླ་ ༧ པའི་ཚེས ༡༧ ཉིན་གུང་ཐང་རིན་པོ་ཆེ་སྐུ་ཕྲེང་དྲུག་པ་བསྟན་པའི་དབང་ཕྱུག་མཆོག་དབུ་བཞུགས་ཐོག་ཡུལ་དེའི་ཤོག་ཁག་ཆེ་ཤོས་གཉིས་ཏེ། ཨ་སྐྱོང་ཁང་རྒན་དང་ཨ་སྐྱོང་ཁང་གསར་གཉིས་ཀྱིས་ཕན་ཚུན་འཁོན་འཛིང་མཚམས་འཇོག་སླད་དམག་འཁྲུག་མཚམས་འཇོག་གི་གྲོས་ཆོད་བཞག་རྗེས་མཐུན་སྒྲིལ་ལབ་རྩེ་བཙུགས་ཡོད་ཅིང་།  དུས་དེ་ནས་བཟུང་ཤོག་ཁག་གཉིས་ཀས་གཉན་པོ་གཡུ་རྩེ་རུ་བོད་ཟླ་དྲུག་པའི་ནང་དར་ལྕོག་བཙུགས་པ་དང་བསང་གསོལ་གཏོང་བ་སོགས་ཀྱི་ཆོས་ཕྱོགས་ཀྱི་ལས་དོན་གཉེར་གྱི་ཡོད་པ་དང་། ཁུལ་དེར་གནས་སྡོད་གནང་མཁན་ཚོས་གནས་རི་དེ་ཉིད་མགོ་ལོག་གི་མེས་པོའི་ཁྱིམ་ཡུལ་དུ་ངོས་འཛིན་གྱིས་རི་བོ་དེ་དང་འབྲེལ་བ་དམ་ཟབ་ཡོད་སྟབས། གནས་ཆེན་གཉན་པོ་གཡུ་རྩེར་ཆོས་ལུགས་ཀྱི་གནང་སྒོ་ཁག་ཏུ་ཞུགས་མི་ཆོག་པའི་བརྡ་ཁྱབ་འདིས་ས་གནས་བོད་མི་ཚོར་ཤུགས་རྐྱེན་ཆེན་པོ་ཐེབས་ཡོད་པ་རེད་འདུག ད་དུང་གནས་ཚུལ་མཁོ་སྤྲོད་པས་བརྗོད་དོན་ལྟར་ན། གནས་རི་དེའི་མཐའ་སྐོར་དུ་ཆུ་ཚན་དང་སྨན་ཆུ་སྣ་ཚོགས་དང་། མཚོ་དང་རྫིང་བུ་ཁྱོན་ ༣༦༠ ཙམ་ཡོད་པ་མ་ཟད། གཉན་པོ་གཡུ་རྩེའི་རྩེ་མོར་ལོ་ངོ་མང་པོའི་འཁྱགས་རོམ་ཆགས་ཡོད་སྟབས། རྒྱ་གཞུང་གིས་ས་ཁུལ་འདི་ཆུའི་འབྱུང་ཁུངས་གལ་ཆེན་ཞིག་ལ་ངོས་འཛིན་གྱིས། ཁོར་ཡུག་སྲུང་སྐྱོབ་ཀྱི་མིང་བྱང་འོག་མ་འོངས་པར་བོད་ཀྱི་གངས་རི་དང་མཚོ་ཁ་ནས་རྒྱ་ནག་ནང་གི་ཆུའི་དཀའ་ངལ་སེལ་ཐབས་ཀྱི་ངན་བྱུས་གཤོམ་གྱི་ཡོད་པ་གསལ་བཏོན་དང་འབྲེལ། ལྷག་པར་འདི་ལྟ་བུའི་བརྡ་ཁྱབ་བཏང་དགོས་པའི་དམིགས་ཡུལ་གཙོ་བོ་དེ་ནི་བོད་ཀྱི་ཆོས་དང་རིག་གཞུང་བཅས་བོད་མིའི་ངོ་བོ་རྩ་མེད་གཏོང་ཐབས་ལ་དམིགས་པ་ཡིན་པ་འགྲེལ་བརྗོད་གནང་སོང་། ཕྱི་ལོ་ ༢༠༡༨ ལོར་ཁོར་ཡུག་སྲུང་སྐྱོབ་སོགས་ལ་ཁ་གཡར་ནས་གཉན་པོ་གཡུ་རྩེ་སྒོ་བརྒྱབ་རྗེས་གནས་མཇལ་བ་དང་ཡུལ་སྐོར་བ་སོགས་ཡོང་མཚམས་ཆད་ཡོད་པ་དང་། ས་གནས་མང་ཚོགས་ཀྱི་འཚོ་བའི་ཡོང་འབབ་ལ་ཡང་དཀའ་ངལ་འཕྲད་ཡོད་པ་མ་ཟད་། བོད་ཟླ་དྲུག་པའི་ནང་གཡུ་རྩེ་རུ་བསང་གསོལ་བཏང་མ་ཆོག་པར་ལོ་མང་སོང་སྟབས་ས་གནས་བོད་མི་ཚོའི་སེམས་ཁམས་དཀའ་ངལ་ཆེན་པོ་བཟོས་ཡོད་པ་རེད་འདུག...

ཁ་སང་ཕྱི་དྲོ་སྲིད་སྐྱོང་སྤེན་པ་ཚེ་རིང་མཆོག་གིས་རྒྱལ་ས་ལྡི་ལིར་གསུང་བཤད་ཞིག་གནང་སྐབས། བོད་མི་ཚོས་རྒྱ་གར་ནང་ཤིན་ཏུ་ནས་རྩ་ཆེ་བའི་སྟོན་པའི་གསུང་ཪབ་ཁག་སླར་གསོ་བྱེད་ཐུབ་པ་དེ་ནི་གཟི་བརྗིད་ལྡན་པ་ཙམ་དུ་མ་ཟད།   རྒྱ་གར་གཞུང་དམངས་ལ་བཀའ་དྲིན་རྗེས་དྲན་ཞུ་བའི་ལེགས་སྐྱེས་ཆེན་པོ་ཞིག་ཀྱང་ཡིན་སྐོར་གསུངས་ཡོད།  ཁ་སང་གསུང་བཤད་ཀྱི་ལས་རིམ་དེ་ནི་སྲིད་སྐྱོང་སྤེན་པ་ཚེ་རིང་མཆོག་སླར་ཡང་སྲིད་སྐྱོང་དུ་མང་མོས་འདེམས་ཐོན་རྗེས་མང་ཚོགས་དང་ཐད་ཀར་གཏམ་བཤད་གནང་བའི་ལས་རིམ་ཐོག་མ་དེ་ཡང་ཆགས་ཀྱི་ཡོད་པ་རེད། དེ་ཡང་འདི་ལོའི་རྒྱལ་སྤྱིའི་བྱམས་བརྩེའི་ལོ་སྲུང་བརྩི་ཞུ་བའི་ཆ་ཤས་སུ།   ཁ་སང་ཕྱི་དྲོ་རྒྱ་གར་རྒྱལ་ས་དི་ལླིའི་ཤེས་ཡོན་མི་སྣའི་ལྟེ་གནས་ India Habitat Centre དུ།   ༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་ལ་ཕུལ་བའི་བླ་སློབ་ཀྱི་ལེགས་སྐྱེས་ཞེས་པའི་བརྗོད་གཞིའི་ཐོག་དམིགས་བསལ་གཏམ་བཤད་ཀྱི་ལས་རིམ་ཞིག་གོ་སྒྲིག་ཞུས་ཡོད་པ་དང་།   སྐབས་དེར་སྲིད་སྐྱོང་སྤེན་པ་ཚེ་རིང་མཆོག་ནས་བོད་ཀྱིོ་ཆོས་རྒྱལ་སྐབས་ཀྱི་ལོ་རྒྱུས་ནས་བཟུང་རྒྱ་གར་དང་དཔལ་ཡོན་གྱི་འབྲེལ་བ་ཆེན་པོ་ཡོད་པ་མ་ཟད།   རིམ་པས་རྒྱལ་ཁབ་གཉིས་དབར་ཆོས་དང་སྐད་ཡིག  རིག་གཞུང་བཅས་ཀྱི་འབྲེལ་བ་དམ་ཟབ་འཕེལ་རྒྱས་དང་།  ལྷག་པར་ རྒྱ་གར་གཞུང་དམངས་གཉིས་ནས་ཀྱང་བོད་མིར་ཆབ་སྲིད་ཀྱི་དཀའ་ངལ་འཕྲད་སྐབས་གང་སྤྱིའི་མཐུན་འགྱུར་གནང་དང་གནང་མུས་བཅས་ལ་བཀའ་དྲིན་རྗེས་དྲན་ཞུས་པ་དང་སྦྲགས།   ༸གོང་ས་༸སྐྱབས་མགོན་ཆེན་པོ་མཆོག་གིས་དགོངས་གཞིའི་འོག་བོད་མི་ཚོས་རྒྱ་གར་གྱི་ཤིན་ཏུ་ནས་རྩ་ཆེ་བའི་ནང་བསྟན་གྱི་སྲོལ་རྒྱུན་ཁག་ཉར་ཚགས་ཀྱིས་སླར་གསོ་དང་དར་སྤེལ་ཐུབ་པ་དེ་ནི་རྒྱ་གར་གཞུང་དམངས་ལ་བཀའ་དྲིན་རྗེས་དྲན་གྱི་ལེགས་སྐྱེས་ཤིན་ཏུ་ནས་ཆེན་པོ་ཞིག་ཡིན་པ་སོགས་གསུངས་ཡོད།   India Habitat Centre གིས་གོ་སྒྲིག་ཞུས་པའི་གཏམ་བཤད་ཀྱི་ལས་རིམ་དེ་ལྟེ་གནས་ཁང་དེའི་འགན་འཛིན་སྐུ་ཞབས་སློབ་དཔོན་ KG Suresh མཆོག་གི་གཙོ་སྐྱོང་འོག  གསར་འགོད་པ་གྲགས་ཅན་སྐུ་ཞབས་ Vijay Kranti མཆོག་གི་སྟངས་འཛིན་གནང་ཡོད་པ་དང་།   གཏམ་བཤད་ལས་རིམ་དེའི་ཐོག་ཆབ་སྲིད་མི་སྣ་དང་།  ཕྱི་རྒྱལ་གཞུང་ཚབ་ཁག་གི་མི་སྣ།   མཁས་དབང་།   སློབ་ཕྲུག་དང་བོད་དོན་དོན་གཉེར་བ་སོགས་མི་གྲངས་བརྒྱ་སྐོར་ཞིག་འདུ་འཛོམས་བྱུང་འདུག་པ་མ་ཟད།  དྲི་བ་དྲི་ལན་གྱི་ལས་རིམ་སྐབས།   ཅེག་སྤྱི་མཐུན་རྒྱལ་ཁབ་ཀྱི་གཞུང་ཚབ་ངོ་མ་ལྕམ་སྐུ་ Dr. Eliska Zigova མཆོག་གིས་༸གོང་ས་༸སྐྱབས་མགོན་ཆེན་པོ་མཆོག་སྐུ་ཚེ་ཡུན་རིང་བརྟན་པ་དང་།  ༸གང་ཉིད་ཀྱི་དགོངས་གཞི་ལྟར་བོད་དོན་བདེན་མཐའ་མྱུར་དུ་གསལ་བ་བཅས་ཀྱི་དགོངས་ཚུལ་ཡང་བཀའ་གནང་ཡོད།  ...

ལྷོ་ཨ་མི་རི་ཀའི་སྐུབ་ཚབ་དོན་གཅོད་ཟུར་པ་འཇིགས་མེད་ཚེ་རིང་ལགས་དེ་ལླི་བོད་ཀྱི་སྐུ་ཚབ་དོན་གཅོད་དང་། དབུས་འོས་བསྡུ་ལས་ཁང་གི་དྲུང་ཆེ་བློ་བཟང་ཆོས་གྲགས་ལགས་ཉི་འོང་བོད་ཀྱི་སྐུ་ཚབ་དོན་གཅོད་དུ་བསྐོ་གཞག་གནང་འདུག དེ་ཡང་དེ་རིང་ཕྱི་ཚེས་ ༡༠ ཉིན་ལས་བྱེད་འདེམས་བསྐོ་ལྷན་ཁང་གི་སྒྲིག་གཞི་དོན་ཚན་ ༡༩ པའི་ནང་གསེས་ ༡ དགོངས་དོན་ལྟར། ཕྱི་རྒྱལ་ཁག་ཏུ་སྐུ་ཚབ་དོན་གཅོད་རྣམས་སྲིད་སྐྱོང་དང་བཀའ་བློན་ཚང་འཛོམས་ཞིབ་གྲོས་དྲག་འདེམས་ཀྱིས་བཀའ་ཤག་ནས་བསྐོ་འཛུགས་གནང་བར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་ཀྱི་མཚན་གནས་བསྩལ་རྒྱུ་ཞེས་གསལ་བ་ལྟར། ལྷོ་ཨ་མི་རི་ཀའི་དོན་གཅོད་ཟུར་པ་དང་བོད་མིའི་སྒྲིག་འཛུགས་ཀྱི་བར་བརྒལ་ལས་བཀོད་སྡེ་ཚན་གྱི་དྲུང་ཆེ་འཇིགས་མེད་ཚེ་རིང་ལགས་དི་ལླི་བོད་ཀྱི་སྐུ་ཚབ་དོན་གཅོད་དུ་བསྐོ་གཞག་གནང་འདུག་པ་དང་ཕྱི་ལོ་ ༢༠༢༦ ཟླ་ ༧ ཚེས་ ༢༨ ནས་ལས་ཁུར་འགོ་འཛུགས་གནང་རྒྱུ་ཡིན་རེད་འདུག རྩ་བའི་འཇིགས་མེད་ཚེ་རིང་ལགས་ཕྱི་ལོ་ ༡༩༦༧ ལོར་རྒྱ་གར་བྱང་ཕྱོགས་ལ་དྭགས་སུ་སྐྱེས་ཤིང་། ཕྱི་ལོ་ ༢༠༠༤ ཟླ་ ༡༢ ཚེས་ ༢༧ ཉིན་ལས་བྱེད་འདེམས་ལྷན་ནང་ཟུང་དྲུང་གི་གནས་རིམ་ཐོག་དམིགས་བསལ་བསྐོ་བཞག་གནང་ཡོད་པ་དང་། ཕྱི་ལོ་ ༢༠༠༥ ཟླ་ ༢ ཚེས་ ༢༧ ཉིན་ཕྱི་དྲིལ་ལས་ཁུངས་ཀྱི་ཟུང་དྲུང་དུ་བསྐོ་བཞག་གནང་། དེ་ནས་ཕྱི་ལོ་ ༢༠༡༢ ལོར་ཕྱི་དྲིལ་གྱི་དྲུང་འཕར་དུ་གནས་སྤར་གནང་། ཕྱི་ལོ་ ༢༠༡༢...

༄༅། །ཕྱི་ལོ་ ༢༠༢༦ ཟླ་བ་ ༦ ཚེས་ ༩ ཉིན་རྒྱལ་སྤྱིའི་ཁྱོན་ཡོངས་སུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་གོ་སྟོན་ལོ་སྲུང་བརྩི་ཞུ་བཞིན་པ་དང་བསྟུན་རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་རྒྱ་གར་རང་བྱུང་ལྟེ་གནས་ཁང་དུ་གསུང་བཤད་ཀྱི་ལས་རིམ་ཞིག་གོ་སྒྲིག་གནང་བའི་ཐོག་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་རྒྱ་གར་ལ་དྲིན་གཟོ་ (His Holiness the Dalai Lama’s Guru Dakshina to Bharat) ཞེས་པའི་བརྗོད་གཞིའི་ཐོག་གསུང་བཤད་གནང་ཡོད། ལས་རིམ་དེ་ནི་རྒྱ་གར་རང་བྱུང་ལྟེ་གནས་ཁང་གི་དཔེ་མཛོད་དང་ཉམས་ཞིབ་ལྟེ་གནས་གཉིས་ཀྱི་གསུང་བཤད་ལས་རིམ་ཁོངས་སུ་གོ་སྒྲིག་གནང་ཡོད་ཅིང་། དེར་བོད་རིག་པ་བ་དང་། (CHASE) ལྟེ་གནས་ཀྱི་འགན་འཛིན་སྐུ་ཞབས་ཝི་ཇེ་ཀྲན་ཏི་ (Vijay Kranti) ལགས་ཀྱིས་གཙོ་སྐྱོང་གནང་བ་དང་། རྒྱ་གར་རང་བྱུང་ལྟེ་གནས་ཁང་གི་འགན་འཛིན་འབུམ་རམས་པ་ཀེ་ཇི་སུ རེཤ་ (K. G. Suresh) ལགས་ཀྱིས་གསུང་བཤད་གནང་ཡོད།མཛད་སྒོའི་ཐོག་ལྡི་ལི་སྐུ་ཚབ་དོན་གཅོད་འཇིགས་མེད་འབྱུང་གནས་ལགས་དང་། དྲུང་ཆེ་བཀྲ་ཤིས་བདེ་སྐྱིད་ལགས། རྒྱ་གར་དུ་ཅེཀ་སྤྱི་མཐུན་རྒྱལ་ཁབ་ཀྱི་གཞུང་ཚབ་པ་འབུམ་རམས་པ་ཨེ་ལི་སི་ཀ་ཛི་གྷོ་བ་ལགས་གཙོས་པས་མཉམ་ཞུགས་པ་གྲངས་ ༢༠༠ ལྷག་ཕེབས་ཡོད། ཐོག་མར་སྣང་གསལ་མར་མེ་ཞལ་ཕྱེ་གནང་སྟེ་མཛད་སྒོ་དབུ་འབྱེད་གནང་གྲུབ་རྗེས་འབུམ་རམས་པ་ཀེ་ཇི་སུ་རེཤ་ལགས་ཀྱིས་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་ལ་ཕྱག་རྟགས་ཕུལ་ཡོད། དེ་ཡང་འབུམ་རམས་པ་སུ་རེཤ་ལགས་ཀྱིས་ཕེབས་བསུའི་གསུང་བཤད་གནང་སྐབས་དང་ཐོག་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་ལ་ཕེབས་བསུ་དང་སྦྲགས། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དབུ་ཁྲིད་འོག་སླར་ཡང་སྲིད་སྐྱོང་དུ་བདམས་ཐོན་བྱུང་བར་འཚམས་འདྲི་ཞུས་ཡོད། ཁོང་གིས་བྱམས་བརྩེ་ཟེར་བ་ནི་ཆོས་ཕྱོགས་ཀྱི་རིན་ཐང་ཙམ་མ་ཡིན་པར་མཐུན་སྒྲིལ་ལྡན་པའི་སྤྱི་ཚོགས་དང་།...

རྒྱ་གཞུང་གི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་གསར་པའི་མཇུག་འབྲས་ཚབས་ཆེན་ལ་གཞིགས་ཏེ། ཡོ་རོབ་མཐུན་ཚོགས་དང་ཚོགས་མི་རྒྱལ་ཁབ་ཁག་ནས་དེ་འབྲེལ་བསྒྲགས་གཏམ་སྤེལ་བ་ཙམ་མིན་པར་དངོས་སུ་དེ་འབྲེལ་གནོད་འཚེ་ཕོག་མཁན་རྣམས་ཀྱི་རང་དབང་སྲུང་སྐྱོབ་བྱ་དགོས་ཤིང་། བོད་ཐོག་དམིགས་བསལ་སྐུ་ཚབ་ཅིག་བསྐོ་བཞག་གནང་དགོས་གལ་ཡིན་པ་ནན་བརྗོད་གནང་འདུག དེ་ཡང་ Euobserver ཞེས་པའི་བརྒྱུད་ལམ་ཐོག་རྒྱལ་སྤྱིའི་བོད་དོན་ལས་འགུལ་ཁང་གི་ཚོགས་གཙོ་བསྟན་ཆོས་རྒྱ་མཚོ་ལགས་ཀྱིས་ Tibetans in Europe risk persecution in China under new ‘ethnic unity’ law འམ་རྒྱ་ནག་གི་མི་རིགས་མཐུན་སྒྲིལ་ཁྲིམས་ཡིག་གསར་པའི་འོག་ཡོ་རོབ་ནང་དུ་གནས་སྡོད་བོད་མི་རྣམས་ལ་གནོད་འཚེ་ཕོག་རྒྱུའི་ཉེན་ཁ་ཡོད་པའི་སྐོར་དཔྱད་བརྗོད་ཅིག་འདོན་སྤེལ་གནང་འདུག་པ་དང་། དེའི་ནང་མི་རིགས་མཐུན་སྒྲིལ་ཡར་ཐོན་སྐུལ་སྤེལ་ཁྲིམས་ཡིག་འོག་བོད་ནང་གི་བོད་མི་ཙམ་མ་ཟད་ཕྱི་ཕྱོགས་བོད་མི་རྣམས་ལའང་གནོད་འཚེ་ཕོག་རྒྱུ་ཉེན་ཁ་ཆེན་པོ་ཡོད་སྟབས། ཡོ་རོབ་མཐུ་ཚོགས་དང་ཚོགས་མི་རྒྱལ་ཁབ་ཁག་ནས་བསྒྲགས་གཏམ་སྤེལ་བ་ཙམ་མིན་པར་བོད་མི་དང་ཡུ་གུར་བ། སོག་པོ། དེ་བཞིན་རྒྱ་ནག་ནང་གནས་སྡོད་མི་རིགས་སྡེ་ཁག་གཞན་རྣམས་ཀྱི་ཐོབ་ཐང་སྲུང་སྐྱོབ་ཆེད་དུ་ཆོད་སེམས་བརྟན་པོ་ཡོད་པ་གཞིར་བཟུང་དངོས་སུ་ལག་བསྟར་བྱ་དགོས་གལ་ཡིན་པ་དང་། རྒྱ་ནག་གཞུང་གིས་རྒྱལ་སྤྱིའི་འགྲོ་བ་མིའི་ཐོབ་ཐང་ཁྲིམས་སྒྲིག་ཁག་ལ་རྡོག་རོལ་མུ་མཐུད་གཏོང་བཞིན་པར་འགན་འཁུར་ཡོད་པ་ཞིག་བཟོ་དགོས་པའི་སྐུལ་མ་གནང་འདུག དེ་བཞིན་ཡོ་རོབ་མཐུན་ཚོགས་ངོས་ནས་བོད་ཐོག་སྲིད་བྱུས་དང་འབྲེལ་བའི་འབྲེལ་མཐུད་ཡག་པོ་ཡོང་ཐབས་དང་བོད་ཀྱི་གནད་དོན་དང་འབྲེལ་ནས་རྒྱ་ནག་གིས་ཡོ་རོབ་མཐུན་ཚོགས་ཚོགས་མི་རྒྱལ་ཁབ་ཁག་ལ་དུམ་བུར་བགོས་ནས་དབང་སྒྱུར་བྱེད་ཐབས་ཀྱི་ཐབས་བྱུས་ལ་གདོང་ལེན་གནང་ཐབས་སུ་བོད་དོན་དམིགས་བསལ་འབྲེལ་མཐུད་པ་ཞིག་ངེས་པར་དུ་བསྐོ་གཞག་གནང་དགོས་པའི་དགོས་འདུན་བཏོན་འདུག ལྷག་པར་མི་རིགས་མཐུན་སྒྲིལ་ཟེར་བའི་ཁྲིམས་ཡིག་ལག་བསྟར་བྱེད་མཁན་ཚོགས་སྒེར་རྣམས་ལ་སྲིད་དོན་ཉེས་ཆད་བཀལ་དགོས་པ་དང་། རྒྱ་ནག་གི་རྒྱལ་མཚམས་ལས་བརྒལ་བའི་དྲག་གནོན་ལ་གདོང་ལེན་བྱ་ཐབས་ཀྱི་ཆ་ལག་དེ་དག་རྒྱ་སྐྱེད་བྱ་དགོས་པ། མ་ཟད་བོད་རྒྱ་གཉིས་བར་ཐད་ཀར་གྲོས་མོལ་ཡོང་ཐབས་ལ་རྒྱབ་སྐྱོར་ཤུགས་ཆེ་བྱ་དགོས་པའི་འབོད་སྐུལ་གནང་འདུག དཔྱད་བརྗོད་དེའི་ནང་མི་རིགས་མཐུན་སྒྲིལ་གྱི་ཁྲིམས་གཞི་དོན་ཚན་ ༦༣ པར་ཁྲིམས་ཡིག་དེའི་ཁྲིམས་ཁོངས་ཁྱབ་ཚད་རྒྱ་ནག་གི་ས་ཁོངས་ཕྱི་ལོགས་སུའང་ཆགས་ཀྱི་ཡོད་པ་ལུང་འདྲེན་དང་འབྲེལ། ཡོ་རོབ་ནང་གནས་སྡོད་བོད་མི་སྟོང་ཕྲག་འགའ་ཤས་བོད་དང་རྒྱ་ནག་ནང་དུ་བསྐྱོད་སྐབས་འཛིན་བཟུང་དང་དོ་དམ། དེ་བཞིན་གདུག་རྩུབ་མནར་གཅོད་འོག་མྱང་སྲིད་པའི་ཉེན་ཁ་ཡོད་པ་གསལ་སྟོན་འདུག ཕྱོགས་མཚུངས་ཁྲིམས་ཡིག་དེ་རྒྱ་ནག་ནང་དུ་ལག་བསྟར་མ་བྱས་པའི་སྔ་རོལ་དུ་རྒྱ་གཞུང་དཔོན་རིགས་རྣམས་ཀྱིས་བོད་མིའི་ཐོག་ཚོད་ལྟ་བྱས་ཡོད་ཅིང་། དེ་ཡང་ཕྱི་ལོ་ ༢༠༡༠ ལོར་ཡུ་ནན་ཞིང་ཆེན་ཟེར་བའི་ནང་གནས་འཁོད་བོད་མིའི་ཐོག་དེ་མཚུངས་ཀྱི་ཁྲིམས་ཤིག་ངོ་སྤྲོད་བྱས་ཡོད་པ་མ་ཟད། ཕྱི་ལོ་ ༢༠༢༠...

༄༅། །བཙན་བྱོལ་བོད་མིའི་བཅའ་ཁྲིམས་དོན་ཚན་བཞི་བཅུ་པ་ནང་གསལ་ལྟར་ན་སྐབས་ ༡༨ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་གཉིས་པ་ཕྱི་ལོ་ ༢༠༢༦ ཟླ་ ༩ ཚེས་ ༡༦ རེས་གཟའ་ལྷག་པ་ནས་ཚེས་ ༢༥ རེས་གཟའ་པ་སངས་བར་ལས་ཉིན་དགུ་རིང་བཞུགས་སྒར་སྤྱི་ལྷན་གྲོས་ཚོགས་ཚོགས་ཁང་ནང་ཚུགས་གཏན་འཁེལ་སོང་ན། ཚོགས་མི་རྣམས་དུས་ཐོག་ཚོགས་བཅར་གནང་དགོས་པ་བཅས་ཀྱི་ཚོགས་བརྡའི་གསལ་བསྒྲགས་སུ། སྤྱི་འཐུས་ཚོགས་དྲུང་ལས་ཁུངས་ནས། རབ་གནས་མེ་རྟ་ཕྱི་ལོ་ ༢༠༢༦ ཟླ་ ༦ ཚེས་ ༡༠ ལ།


 [དྷ་རམ་སར།] བལ་ཡུལ་གྱི་ནང་སྲིད་བློན་ཆེན་སུ་དྷན་གུ་རུང་ (Sudhan Gurung) དཔལ་འབྱོར་གྱི་རྙོག་གླེང་དང་འབྲེལ། ཕྱི་ལོ་༢༠༢༦ ཟླ་༤ པའི་ནང་ལས་གནས་ནས་དགོངས་པ་ཞུས་ཡོད་ཀྱང་། ཟླ་བ་གཉིས་ཀྱང་མ་འགོར་བའི་མཚམས་ཏེ། The post སུ་དྷན་གུ་རུང་བསྐྱར་དུ་བལ་ཡུལ་གྱི་ནང་སྲིད་བློན་ཆེན་དུ་བསྐོས་འདུག appeared first on བོད་ཀྱི་བང་ཆེན།.

[དྷ་རམ་སར།] ཕྱི་ལོ་༢༠༢༦ ཟླ་༦ ཚེས་༩ ཉིན། རྒྱལ་སྤྱིའི་བོད་དོན་ལས་འགུལ་ཁང་གི་གོ་སྒྲིག་འོག ཨ་རིའི་རྒྱལ་ས་ཝ་ཤིང་ཊོན་དུ་ཉིན་གཉིས་རིང་གི་ལོ་འཁོར་བོད་དོན་ཞུ་གཏུག་ལས་འགུལ་དེ་མཇུག་སྒྲིལ་འདུག ཐེངས་འདིའི་ཞུ་གཏུག་ལས་འགུལ་ནང་ཨ་རིའི་མངའ་སྡེ་༢༧ ནས་བོད་མི་དང་བོད་དོན་རྒྱབ་སྐྱོར་བ་༢༢༥ ཙམ་གྱིས་མཉམ་ཞུགས་གནང་ཡོད་འདུག The post ཝ་ཤིང་ཊོན་དུ་བོད་དོན་ཞུ་གཏུག་ལས་འགུལ་མཇུག་སྒྲིལ། appeared first on བོད་ཀྱི་བང་ཆེན།.

ཕྱི་ལོ་༢༠༠༢ ལོའི་འཛམ་གླིང་རྐང་སྤོལ་འགྲན་བསྡུར་ནང་རྒྱ་ནག་ཐེངས་དང་པོ་ཚུད་ཡོད་འདུག་ཀྱང་། སྐབས་དེ་དུས་སྐར་མ་གཅིག་ཀྱང་མ་ཐོབ་པའི་རྐྱེན་གྱིས། འཛམ་གླིང་རྐང་སྤོལ་འགྲན་བསྡུར་ལས་ཕྱིར་འབུད་བཏང་ཡོད་འདུག ད་ལོའི་འཛམ་གླིང་རྐང་སྤོལ་འགྲན་བསྡུར་དེ་སང་ཉིན་ནས་འགོ་འཛུགས་བྱེད་ཀྱི་ཡོད་འདུག་ཀྱང་། རྒྱ་ནག་ཡང་བསྐྱར་ཚུད་མི་འདུག The post ད་ལོའི་འཛམ་གླིང་རྐང་སྤོལ་འགྲན་བསྡུར་ནང་རྒྱ་ནག་ཡང་བསྐྱར་ཚུད་མི་འདུག appeared first on བོད་ཀྱི་བང་ཆེན།.

བོད་དོན་ལས་འགུལ་ལྟེ་གནས་ཁང་གིས་ཉེ་ལམ་ཕྱི་ཟླ་ ༣ པའི་ནང་རྒྱ་གཞུང་གིས་གཏན་འབེབས་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་དེ་བཞིན་དངོས་སུ་ལག་བསྟར་བྱེད་ལ་ཉེ་བ་དང་བསྟུན། རྒྱ་གཞུང་གིས་བོད་ཁུལ་ཡོངས་སུ་དྲག་གནོན་ཅན་གྱི་སྲིད་བྱུས་རིམ་པའི་ཐོག་ནས་བོད་པའི་དགོན་སྡེ་ཁག་དང་སློབ་གྲྭ་རྣམས་བཙན་གྱིས་སྒོ་རྒྱག་བཞིན་པ་དང་། བོད་ཁུལ་གྱི་སློབ་གྲྭ་ཁག་ནང་བོད་ཡིག་འཛིན་གྲྭ་མེད་པ་བཟོས་ཏེ་རྒྱ་ཡིག་རྐྱང་པ་སློབ་ཁྲིད་བྱེད་བཞིན་པ། དེ་བཞིན་ལོ་ན་ ༡༨ མ་ལོན་པའི་བྱིས་པ་རྣམས་དགོན་པའི་ནང་འཛུལ་མི་ཆོག་པའི་སྒྲིག་ཁྲིམས་ལག་བསྟར་བྱས་པ་སོགས་ཕྱོགས་ཡོངས་ནས་དམ་དྲག་ཇེ་ཤུགས་ཆེ་རུ་བཏང་ཡོད་པ་མངོན་གསལ་གནང་འདུག དེ་ཡང་ཟླ་བ་འདིའི་ཕྱི་ཚེས་ ༨ ཉིན་བོད་དོན་ལས་འགུལ་ལྟེ་གནས་ཁང་གིས་དེ་འབྲེལ་གནས་ཚུལ་སྤེལ་བར་གཞིགས་ན། ལྟེ་གནས་ཁང་ལ་རག་སོན་བྱུང་བའི་གནས་ཚུལ་གསར་པ་ལས་ཉེ་ལམ་རྒྱ་གཞུང་གིས་གཏན་འབེབས་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་དེ་བཞིན་རིང་མིན་ཕྱི་ཟླ་ ༧ པའི་ཚེས་ ༡ ནས་དངོས་སུ་ལག་བསྟར་བྱ་རྒྱུ་ཡིན་པ་དང་བསྟུན། རྒྱ་གཞུང་གིས་ཆོས་ལུགས་རྒྱ་ནག་ཅན་དུ་བསྒྱུར་རྒྱུའི་སྲིད་བྱུས་འོག་ནས་བོད་ནང་དུ་ཆོས་ཕྱོགས་ཀྱི་ལས་དོན་ཐོག་སྟངས་འཛིན་ནན་པོ་བྱེད་བཞིན་ཡོད་པ་དང་། ལྷག་པར་གྲྭ་བཙུན་གྱི་གྲངས་ཀ་དང་དགོན་པར་ཞུགས་པའི་བརྒྱུད་རིམ་ལ་ངེས་པར་དུ་གཞུང་གི་ཆོག་མཆན་དགོས་པ་དང་ཐོ་འགོད་བྱེད་དགོས་ཤིང་། ཆོས་ལུགས་སློབ་གསོའི་ཐད་རིམ་པ་གོང་མའི་ཆོག་མཆན་ཞུ་དགོས་པ། ལོ་ཚད་མ་ལོན་པའི་བྱིས་པ་དགོན་པར་ཆོས་ཞུགས་བྱ་མི་ཆོག་པ། ཆོས་ཕྱོགས་བྱེད་སྒོ་སྤེལ་བར་ངེས་པར་དུ་གཞུང་གི་ཆོག་མཆན་ཐོབ་དགོས་པ། དགོན་པའི་ནང་ཆོས་ལུགས་སློབ་སྦྱོང་ལས་དམར་ཤོག་གི་ཆབ་སྲིད་སློབ་གསོར་དུས་ཚོད་མང་བ་གཏོང་དགོས་སྐོར་བཙན་བཀའ་གཏོང་བཞིན་པ་ཐེར་འདོན་དང་ཆབས་ཅིག བོད་མགོ་ལོག་ཁུལ་གྱི་ཟངས་མདོག་དཔལ་རི་ལྷ་ཁང་གི་གྲྭ་བཙུན་རྣམས་ཕྱིར་འབུད་ཀྱིས་དགོན་པ་དེ་བཞིན་བཙན་གྱིས་སྒོ་བརྒྱབ་ཡོད་པ་མངོན་གསལ་གནང་འདུག མ་ཟད། རྒྱ་གཞུང་གིས་མགོ་ལོག་དགའ་བདེ་རྫོང་ལུང་སྔོན་དགོན་པའི་དགོན་བདག་སྤྲུལ་སྐུ་ཧཱུྃ་ཀར་རྡོ་རྗེ་མཆོག་འདས་གྲོངས་ཟིན་སྐོར་བཤད་པ་ནས་བཟུང་། རྒྱ་ནག་གཞུང་འབྲེལ་མགོ་ལོག་ཁུལ་དང་དགའ་བདེ་རྫོང་གི་ཉེན་རྟོག་པ་སོགས་མཉམ་འབྲེལ་ངང་དགོན་གྲོང་གཉིས་སུ་ཞིབ་བཤེར་དམ་དྲག་གིས་ལུང་སྔོན་དགོན་དུ་དགོངས་རྫོགས་མཆོད་འབུལ་མངོན་གསལ་དོད་པོས་ཐོག་བྱེད་བཅུག་གི་མེད་པ་མ་ཟད། དགོངས་རྫོགས་མྱ་ངན་འདས་མཆོད་བྱེད་གྲབས་སྐབས། རྒྱ་ནག་གཞུང་འབྲེལ་མི་སྣ་ཡོང་སྟེ་སྲིད་གཞུང་གི་ཆོག་མཆན་མེད་པར་ཆོས་ལུགས་བྱེད་སྒོ་སོགས་གང་ཡང་གཉེར་མི་ཆོག་པའི་བཙན་བཀའ་བཏང་ཡོད་པ་གསལ་སྟོན་ཙམ་མ་ཟད། ཕྱི་ལོ་ ༢༠༢༦ ལོའི་ཕྱི་ཟླ་ ༣ ཚེས་ ༡༠ ནས་བཟུང་མགོ་ལོག་གི་ཁྲ་གླིང་དགོན། ལུང་སྔོན་དགོན་སོགས་ལ་ཆོས་ལུགས་ཁྱབ་ཁུངས་ཀྱི་ཡིག་ཆ་དང་པོ་ཟེར་བའི་བྱེད་སྒོ་སྤེལ་བའི་བརྒྱུད། ཏང་གི་འགོ་ཁྲིད་ལ་བརྩི་བཀུར་དང་། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ལ་དགའ་ཞེན། རྒྱ་ནག་ཆབ་སྲིད་ཀྱི་ངོས་འཛིན་དང་།...

༧གོང་ས་མཆོག་གིས་རྒྱ་གར་ལ་ཕུལ་བའི་ལེགས་སྐྱེས་ཞེས་པའི་བརྗོད་ཐོག་ཏུ་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་གིས་གསུང་བཤད་གནང་འདུག་པ་དང་། སྐབས་དེ་དུས་ཁྱོན་མཁས་དབང་དང་ཉམས་ཞིབ་པ། ལས་བྱེད་སོགས་ཁྱོན་མི་༡༢༠ ཙམ་འཛོམས་ཡོད་འདུག The post སྲིད་སྐྱོང་སྤེན་པ་ཚེ་རིང་གིས་རྒྱ་གར་གྱི་ཉམས་ཞིབ་ལྟེ་གནས་ཁང་ཞིག་ཏུ་གསུང་བཤད་གནང་འདུག appeared first on བོད་ཀྱི་བང་ཆེན།.

གཟའ་འཁོར་སྔོན་མའི་རེས་གཟའ་སྤེན་པའི་ཉིན་ TCSL འམ་སུད་སི་དང་ལིག་ཏེན་སིཊཡན་བོད་རིགས་མི་མང་སྒྲིག་འཛུགས་ཀྱི་གོ་སྒྲིག་འོག་སུད་སིའི་ Winterthur ཝིན་ཊར་ཐུར་གྲོང་ཁྱེར་དུ་བོད་ཀྱི་སྐད་ཡིག་འགྲན་བསྡུར་ཐེངས་ ༡༡ པ་འཚོགས་ཡོད་པ་དང་།  སྐབས་དེ་དུས་ལོ་ན་བདུན་ནས་བཅུ་བདུན་བར་གྱི་བོད་ཕྲུག་སློབ་མ་ ༥༠༠ མ་ཟིན་ཙམ་ནས་འགྲན་སྡུར་ནང་མཉམ་ཞུགས་གནང་འདུག དེ་ཡང་ཁ་སང་ཕྱི་ཚེས་ ༩ ཉིན་བོད་མིའི་སྒྲིག་འཛུགས་ཀྱི་དྲྭ་གནས་ཐོག་སྤེལ་བའི་གནས་ཚུལ་ནང་གསལ་ལྟར་ན།  གཟའ་འཁོར་སྔོན་མའི་རེས་གཟའ་སྤེན་པའི་ཉིན་སུད་སི་དང་ལིག་ཏེན་སིཊཡན་བོད་རིགས་མི་མང་སྒྲིག་འཛུགས་ཀྱིས་གོ་སྒྲིག་ཞུས་པའི་བོད་ཀྱི་སྐད་ཡིག་འགྲན་བསྡུར་ཐེངས་ ༡༡ པའི་མཛད་སྒོའི་ཐོག་སྐུ་མགྲོན་དུ་རི་ཀོན་ཆོས་འཁོར་དགོན་གྱི་མཁན་རིན་པོ་ཆེ་མཆོག་དང་། བོད་རིགས་མི་མང་སྒྲིག་འཛུགས་ཀྱི་ཚོགས་གཞོན་སྐལ་བཟང་ལགས། དེ་བཞིན་སུད་སིའི་བོད་ཀྱི་སྐུ་ཚབ་དོན་གཅོད་འཕྲིན་ལས་ཆོས་སྐྱིད་ལགས་ཀྱི་སྐུ་ཚབ་ཏུ་ཕེབས་པའི་སུད་སི་སྐུ་ཚབ་དོན་ཁང་གི་བོད་དོན་ཞུ་གཏུག་འགན་འཛིན་ཕུན་ཚོགས་སྟོབས་རྒྱལ་ལགས།  དེ་བཞིན་སུད་སིའི་ས་གནས་ས་ཁུལ་གྲངས་ ༢༥ ཡི་གཟའ་མཇུག་བོད་ཡིག་སློབ་གྲྭའི་ལོ་ན་བདུན་ནས་བཅུ་བདུན་བར་སློབ་མ་ ༥༠༠ མ་ཟིན་ཙམ་དང་། དེ་དག་གི་ཕ་མ་དང་དགེ་རྒན་བཅས་ཁྱོན་བསྡོམས་མི་གྲངས་ ༡༠༠༠ ལྷག་ནས་མཉམ་ཞུགས་གནང་ཡོད་པ་རེད་འདུག   ཐེངས་འདིའི་འགྲན་སྡུར་ནང་བོད་ཡིག་གི་ཡིག་གཟུགས་དང་།  ལྗགས་ཀློག  སྙན་ངག་གྱེར་འདོན།  དྲི་བ་དྲིས་ལན་སོགས་འགྲན་སྡུར་སྣ་མང་སྤེལ་ཡོད་པ་དང་།  གཙོ་བོ་སློབ་མ་ཚོར་རང་ཉིད་ཀྱི་སྐད་ཡིག་གི་ནུས་པ་དང་བོད་ཀྱི་རིག་གཞུང་ཤེས་བྱ་རྣམས་མངོན་པར་མཚོན་པའི་གོ་སྐབས་བསྐྲུན་ཡོད་པ་རེད་འདུག སྐབས་དེར་མཛད་སྒོའི་ཐོག་སུད་སི་སྐུ་ཚབ་དོན་ཁང་གི་བོད་དོན་ཞུ་གཏུག་འགན་འཛིན་ཕུན་ཚོགས་སྟོབས་རྒྱལ་ལགས་ཀྱིས།  རྒྱལ་ཁབ་སུ་འདྲ་ཞིག་ཡིན་ནའང་སྐད་ཡིག་ཞེས་པ་དེ་གལ་ཆེན་པོ་ཡིན་པ་འགྲེལ་བརྗོད་དང་འབྲེལ།  མཉམ་འབྲེལ་རྒྱལ་ཚོགས་ཀྱི་སྙན་ཐོ་རིམ་པའི་ནང་བོད་སྐད་ཡིག་དེ་བཞིན་བརླག་འགྲོ་རྒྱུའི་ཉེན་ཁ་ཆེན་པོ་ཞིག་ཆགས་ཡོད་སྐོར་གསལ་སྟོན་གནང་ཡོད་པ་ལུང་འདྲེན་གྱིས།  སྐད་ཡིག་ཉམས་ཆག་ཕྱིན་ན་རྒྱལ་ཁབ་དེའི་ལོ་རྒྱུས་དང་རིག་གཞུང་། གོམས་གཤིས་དང་མི་རིགས་ཀྱི་ངོ་བོ་བརླག་ངེས་ཡིན་པས། བོད་སྐད་ཡིག་བཀོལ་སྤྱོད་ཐད་ཕ་མ་གཙོ་བོར་གྱུར་བའི་བོད་མི་ཚང་མས་འབད་བརྩོན་གང་ཐུབ་གནང་དགོས་གལ་ཡིན་པ་ནན་བརྗོད་གནང་འདུག འདི་ག་རླུང་འཕྲིན་ཁང་གིས་སུད་སི་སྐུ་ཚབ་དོན་ཁང་གི་བོད་དོན་ཞུ་གཏུག་འགན་འཛིན་ཕུན་ཚོགས་སྟོབས་རྒྱལ་ལགས་སུ་ཞལ་པར་བརྒྱུད་བཀའ་འདྲི་ཞུ་སྐབས་ཁོང་གིས།  ཐེངས་འདིའི་བོད་ཀྱི་སྐད་ཡིག་འགྲན་བསྡུར་ཐོག་སློབ་མ་གཙོ་བོར་གྱུར་བའི་ཕ་མ་སོགས་ཁྱོན་མི་གྲངས་ཆིག་སྟོང་ལྷག་འདུ་འཛོམས་བྱུང་ཐུབ་པ་དེ་གཟི་བརྗིད་ཅིག་ཡིན་པ་འགྲེལ་བརྗོད་དང་འབྲེལ། ...

༄༅། །ལས་བྱེད་འདེམས་བསྐོ་ལྷན་ཁང་གི་སྒྲིག་གཞི་དོན་ཚན་བཅུ་དགུ་པའི་ནང་གསེས་ ༡ དགོངས་དོན། ཕྱི་རྒྱལ་ཁག་ཏུ་སྐུ་ཚབ་དོན་གཅོད་རྣམས་སྲིད་སྐྱོང་དང་བཀའ་བློན་ཚང་འཛོམས་ཞིབ་གྲོས་དྲག་འདེམས་ཀྱིས་བཀའ་ཤག་ནས་བསྐོ་འཛུགས་གནང་བར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་ཀྱི་མཚན་གནས་བསྩལ་རྒྱུར། ཞེས་གསལ་བ་ལྟར་དབུས་འོས་བསྡུ་ལས་ཁང་གི་དྲུང་ཆེ་བློ་བཟང་ཆོས་གྲགས་ལགས་ཉི་འོང་དང་ཤར་ཨེ་ཤི་ཡའི་སྐུ་ཚབ་དོན་གཅོད་དུ་བསྐོ་གཞག་བསྩལ་དོན་ལྟར་ཕྱི་ལོ་ ༢༠༢༦ ཟླ་བ་ ༩ ཚེས་ ༢༨ དམ་ཡིག་ཆ་གྲུབ་མཚམས་ལས་ཁུར་འགོ་འཛུགས་གནང་རྒྱུ་གནང་སོང་བའི་གསལ་བསྒྲགས་སུ། དེ་ཡང་དྲུང་ཆེ་བློ་བཟང་ཆོས་གྲགས་ལགས་ཕྱི་ལོ་ ༢༠༠༣ ཟླ་བ་ ༠༢ ཚེས་ ༡༡ ཉིན་དྲུང་ལས་གནས་རིམ་ཐོག་བསྐོ་གཞག་གིས་དྷ་ས་ས་འགོ་ལས་ཁུངས་དང་ཧིན་བོད་མཛའ་ཚོགས་ཀྱི་དྲུང་ཡིག་ཏུ་ལས་འགན་བཀོད་སྒྲིག་གནང་བ་དང་། ཕྱི་ལོ་ ༢༠༠༣ ཟླ་བ་ ༠༨ ཚེས་ ༣༠ ཉིན་དྲུང་ལས་གནས་རིམ་དུ་ལས་བྱེད་ངོ་མར་བསྐོ་གཞག་གིས་ལས་འགན་རང་འཇགས། ཕྱི་ལོ་ ༢༠༠༦ ཟླ་བ་ ༠༢ ཚེས་ ༡༧ ནས་སྤོན་ཊ་ཆོལ་གསུམ་ས་གནས་འགོ་འཛིན། ཕྱི་ལོ་ ༢༠༠༧ ཟླ་བ་ ༠༡ ཚེས་ ༢༠...

༄༅། །ལས་བྱེད་འདེམས་བསྐོ་ལྷན་ཁང་གི་སྒྲིག་གཞི་དོན་ཚན་བཅུ་དགུ་པའི་ནང་གསེས་ ༡ དགོངས་དོན། ཕྱི་རྒྱལ་ཁག་ཏུ་སྐུ་ཚབ་དོན་གཅོད་རྣམས་སྲིད་སྐྱོང་དང་བཀའ་བློན་ཚང་འཛོམས་ཞིབ་གྲོས་དྲག་འདེམས་ཀྱིས་བཀའ་ཤག་ནས་བསྐོ་འཛུགས་གནང་བར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་ཀྱི་མཚན་གནས་བསྩལ་རྒྱུར། ཞེས་གསལ་བ་ལྟར་བཀའ་ཡིག་ཁྱབ་ཁོངས་བར་བརྒལ་ལས་བཀོད་སྡེ་ཚན་གྱི་དྲུང་ཆེ་འཇིགས་མེད་ཚེ་རིང་ལགས་ལྡི་ལི་སྐུ་ཚབ་དོན་གཅོད་དུ་བསྐོ་གཞག་བསྩལ་དོན་ལྟར་ཕྱི་ལོ་ ༢༠༢༦ ཟླ་བ་ ༧ ཚེས་ ༢༨ ནས་ལས་ཁུར་འགོ་འཛུགས་གནང་རྒྱུ་གནང་སོང་བའི་གསལ་བསྒྲགས་སུ། དེ་ཡང་འཇིགས་མེད་ཚེ་རིང་ལགས་ནི།  ཕྱི་ལོ་ ༡༩༦༧ ཟླ་བ་ ༣ ཚེས་ ༡ ཉིན་རྒྱ་གར་བྱང་ཕྱོགས་ལ་དྭགས་སུ་འཁྲུངས་ཤིང་། ཕྱི་ལོ་ ༢༠༠༥ ཟླ་བ་ ༡ ཚེས་ ༣༡ ནས་ཟུང་འབྲེལ་དྲུང་ཆེའི་གནས་རིམ་ཐོག་ཀམ་པུ་ཌར་ལས་གཞི་ཁག་དང་ཕྱི་དྲིལ་ལས་ཁུངས་ཀྱི་ཟུང་དྲུང་དུ་བསྐོ་གཞག་གནང་། ཕྱི་ལོ་ ༢༠༡༢ ཟླ་བ་ ༢ ཚེས་ ༤ ནས་དྲུང་འཕར་གནས་རིམ་དུ་གནས་སྤར་བསྐོ་གཞག་གནང་། ཕྱི་ལོ་ ༢༠༡༦ ཟླ་བ་ ༨ ཚེས་...

རྒྱ་ནག་གི་མགོ་འཁྲིད་ཞི་ཅིན་ཕིན་མི་ལོ་བདུན་གྱི་རྗེས་བྱང་ཀོ་རི་ཡར་ཕྱིན་ནས་ཕྱོགས་གཉིས་ཀྱི་ཚོང་དོན་དང་དམག་དོན་གྱི་ཐད་ནས་མཉམ་འབྲེལ་བྱ་རྒྱུའི་གྲོས་མཐུན་བྱུང་འདུག The post ཞི་ཅིན་ཕིན་མི་ལོ་བདུན་གྱི་རྗེས་བྱང་ཀོ་རི་ཡར་ཕྱིན།  appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༦ ཚེས་ ༡༠ རེས་གཟའ་ལྷག་པ་ཉིན་བོད་མིའི་སྒྲིག་འཛུགས་ཀྱི་འཕྲོད་བསྟེན་བཀའ་བློན་པདྨ་མཚོ་མཆོག་གིས་དྷ་སའི་ཁྱབ་ཁོངས་ལྷ་རྒྱལ་རི་ནད་གསོ་ཁང་དང་བདེ་ལེགས་སྨན་ཁང་གཉིས་ལ་འཚམས་གཟིགས་གནང་ཡོད། དེ་ཡང་གོང་ཚེས་ཉིན་གྱི་སྔ་དྲོར་འཕྲོད་བསྟེན་བཀའ་བློན་པདྨ་མཚོ་མཆོག་དང་ལྷན་འཕྲོད་བསྟེན་དྲུང་ཆེ་བྱམས་པ་ཕུན་ཚོགས་ལགས་ལྷ་རྒྱལ་རི་ནད་གསོ་ཁང་དུ་ཕེབས་འབྱོར་སྐབས་ནད་གསོ་ཁང་གི་རྩིས་པ་ཟླ་བ་སྐྱིད་པ་ལགས་དང་ནད་གསོ་ཁང་དུ་གནས་སྡོད་ནད་པ་རྣམས་ནས་ཕེབས་བསུ་ཞུས་བསྟུན། གསོལ་ཇ་ཞལ་ཏོག་འདེགས་འབུལ་དང་རྩིས་པ་ཟླ་བ་སྐྱིད་པ་ལགས་ཀྱིས་ནད་གསོ་ཁང་གི་ལས་བསྡོམས་སྙིང་བསྡུས་དང་འབྲེལ་ནད་གསོ་ཁང་གི་སྤྱི་ཡོངས་ཀྱི་གནས་སྟངས་སྐོར་སྙན་སེང་ཞུས་ཡོད། དེ་རྗེས་ནད་པའི་ཤག་དང་ཐབ་ཚང་བཅས་ལ་གཟིགས་ཞིབ་སྐབས་ནད་པ་རྣམས་དང་ཐུག་འཕྲད་ཀྱིས་བཀའ་མོལ་གནང་ཡོད། དེ་ནས་བདེ་ལེགས་སྨན་ཁང་དུ་ཆེད་ཕེབས་སྐབས་བདེ་ལེགས་སྨན་ཁང་གི་སྨན་པ་བསྟན་འཛིན་རྣམ་སྒྲོལ་ལགས་ཀྱིས་ཕེབས་བསུ་ཞུས་པ་དང་སྦྲགས་ནད་པའི་གནས་སྟངས་དང་སྨན་ཁང་གི་མཐུན་རྐྱེན་བཅས་ཀྱི་ཐོག་ངོ་སྤྲོད་གནང་བ་དང་། བཀའ་བློན་མཆོག་གིས་བདེ་ལེགས་སྨན་ཁང་དུ་ཡོད་པའི་སྤྱི་སྟངས་ཀྱི་ནད་པ་དང་ཊི་བི་ནད་པ་རྣམས་ལ་གཟིགས་ཞིབ་གནང་ཡོད། གཞི་རྩའི་ཆ་ནས་འཚམས་གཟིགས་དེ་བཞིན་འཕྲོད་བསྟེན་བཀའ་བློན་པདྨ་མཚོ་མཆོག་གིས་བཀའ་བློན་གྱི་ལས་ཁུར་བཞེས་ནས་འཚམས་གཟིགས་ཐེངས་དང་པོ་ཆགས་ཀྱི་ཡོད་པ་དང་། འཚམས་གཟིགས་ཀྱི་དམིགས་ཡུལ་ནི་ནད་གསོ་ཁང་དང་བདེ་ལེགས་སྨན་ཁང་དུ་ཡོད་པའི་ནད་པ་རྣམས་ཀྱི་ད་ལྟའི་གནས་སྟངས་དང་མ་འོངས་མཐུན་འགྱུར་རོགས་རམ་ཇི་ཞིག་མཁོ་སྤྲོད་གནང་དགོས་མེད་ཐོག་རྒྱུན་ལོན་ཆེད་ཡིིན་པ་རེད། །

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་ཞབས་པུས་གཡོན་མར་རྒྱ་གར་རྒྱལ་ས་ལྡི་ལིའི་ཨ་པོ་ལོ་སྨན་ཁང་དུ་གཤགས་བཅོས་གནང་བ་དང་འབྲེལ། ༧སྐུའི་འཕྲོད་བཞེས་ཀྱི་ཆེད་དུ་བོད་མི་འདུ་སྡོད་ས་གནས་གང་སར་ཞབས་རིམ་གསོག་སྒྲུབ་སོགས་གནང་བཞིན་པ་རེད་འདུག དེ་ཡང་༧སྐུའི་ཞབས་པུས་སྨན་བཅོས་གནང་སའི་ས་གནས་ལྡི་ལིར་གནས་སྡོད་བོད་མི་རྣམས་ཀྱིས། ཟླ་ ༦ ཚེས་ ༨ དང་ ༩ གཉིས་སུ་ཞབས་རིམ་གསོག་སྒྲུབ་གནང་སྟེ། ༧གོང་ས་༧སྐྱབས་མགོན་ཆེན་པོ་མཆོག་གི་༧སྐུའིའཕྲོད་བཞེས་གང་ལེགས་ཡོང་བའི་སྨོན་འདུན་ཞུ་ཡི་འདུག

དེ་རིང་ཕྱི་ཟླ་ ༦ ཚེས་ ༩ ཉིན་གྱི་སྔ་དྲོ་ཚོུད་ ༡༠།༣༠ ཐོག་བཞུགས་སྒར་དུ་རྟེན་གཞི་བྱས་པའི་བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་དུ་བལ་ཡུལ་གྱི་ཤྲཱི་སེང་གེ་བྲག་ངེས་དོན་བདེ་ཆེན་འོད་གསལ་གླིང་དགོན་པ་དང་ཤྲཱི་སེངྒེ་བྲག་ཤར་སྦག་ཁང་དོན་གྲུབ་ལྡིང་དགོན་པ་གཉིས་ཀྱི་སྐུ་ཚབ་གྲྭ་ཤེས་རབ་སེངྒེ་ལགས་ཀྱིས་དབུས་འོས་བསྡུ་ལས་ཁང་གིས་དགོན་པ་གཉིས་ཀྱི་གྲྭ་བཙུན་རྣམས་ལ་ ༢༠༢༦ ལོའི་བཙན་བྱོལ་བོད་མིའི་དངོས་གཞིའི་འོས་བསྡུའི་ཐོབ་ཐང་བཀག་སྐྱིལ་བྱས་ཡོད་པས་ཁྲིམས་ཞིབ་ཁང་ལ་བདེ་སྙན་ཕུལ་ཡོད་པའི་གནད་དོན་དང་འབྲེལ་སྔོན་འགྲོའི་ཉན་ཞིབ་འཚོགས་ཡོད་པ་དང་། དེའི་ཐོག་བདེ་སྙན་ཞུ་སྦྱོར་བའི་ངོ་ཚབ་ཀྱིས་ཁྲིམས་ཞིབ་པ་རྣམ་པས་བདེ་སྙན་པས་གཞི་རྩིའི་ཐོབ་ཐང་སྲུང་སྐྱོབ་ཆེད་དགོས་ངེས་ཅན་གྱི་བཀོད་འདོམས་གནང་སྐྱོང་ཡོང་བའི་ཞུ་སྐུལ་གནང་སོང་། དེ་ཡང་དེ་རིང་ཆེས་མཐོའི་ཁྲིམས་ཞིབ་ཁང་གི་གཏུག་བཤེར་ཁང་དུ། བདེ་སྙན་ཞུ་སྦྱོར་བའི་ངོ་ཚབ་ཁྲིམས་རྩོད་པ་རིན་ཆེན་དབང་རྒྱལ་ལགས་ཀྱིས། ཤར་སྦག་ཁང་དོན་གྲུབ་ལྡིང་དང་ཤྲཱི་སེང་གེ་བྲག་ངེས་དོན་བདེ་ཆན་འོད་གསལ་གླིང་ལ་ཕྱི་ལོ་ ༢༠༢༦ ཟླ་བ་ ༤ ཚེས་ ༢༣ ཉིན་དབུས་འོས་བསྡུ་ལས་ཁང་ནས་བལ་ཡུལ་མཆོད་འཇོར་ས་གནས་སུ་དངོས་གཞི་འོས་བླུགས་མི་ཆོག་པའི་གསལ་བསྒྲགས་གནང་ཡོད་སྟབས་དགོན་པ་དེ་གཉིས་ཀྱི་གྲྭ་བཙུན་ཚང་མར་རང་ཉིད་ཀྱི་འཐུས་མི་འདེམས་བྱེད་ཀྱི་ཐོབ་ཐང་སྤྲོད་མེད་པ་དང་། དེ་ནི་བཅའ་ཁྲིམས་ལེའུ་གཉིས་པ་ ( གཞི་རྩའི་ཐོབ་ཐང་དང་ལས་འགན། ) གྱི་དོན་ཚན་ ༡༡ ནང་གསལ་འོས་བསྡུ་དང་འོས་གཞིའི་ཐོབ་ཐང་འཕྲོག་ཡོད་པས་བདེ་སྙན་དེ་ཉིད་ཕུལ་ཡོད་པ་དང་། ལྷག་པར་དབུས་འོས་བསྡུ་ལས་ཁང་གིས་ཕྱི་ལོ་ ༢༠༢༦ ཟླ་བ་ ༤ ཚེས་ ༢༣ ཉིན་མཆོད་འཇོར་མི་མང་ལ་སྐྱོན་གནད་ ༨ རྒྱུ་མཚན་དུ་གཞིགས་ནས་འོས་བསྡུའི་ཐོབ་ཐང་བཀག་སྐྱིལ་གནང་ཡོད་ཀྱང་། དགོན་པ་གཉིས་ལ་དེ་འབྲེལ་སྐྱོན་གནད་ ༨ འདི་ངོས་འཛིན་ཐུབ་ཐབས་མེད་ཙམ་མ་ཟད། སྐྱོན་གནད་...

ཟླ་བ་འདིའི་ཕྱི་ཚེས་ ༣ ཉིན་བོད་རྫ་ཆུ་ཁའི་ཀ་བཞི་སྡེ་བའི་གསེར་ཁོག་སྡེ་བའི་ནང་དུ་ཉེན་རྟོག་པ་ཡོང་ནས་ཁྱིམ་ཚང་རེ་རེའི་ནང་མིའི་གནས་ཚུལ་ཞིབ་བཤེར་བྱས་འདུག་པ་དང་། དེ་སྔོན་རྒྱ་ནག་གཞུང་གིས་ཀ་བཞི་སྡེ་བའི་ཡུལ་མི་འཛིན་བཟུང་བྱས་ཡོད་པའི་ཁྱིམ་ཚང་སྐོར་ཞིག་ལ་དམིགས་བསལ་ཚོགས་འདུ་བསྐོང་ཡོད་འདུག འབྲེལ་ཡོད་བརྒྱུད་ནས་གནས་ཚུལ་ཤེས་རྟོགས་བྱུང་བར་གཞིགས་ན། དམིགས་བསལ་ཚོགས་འདུ་དེའི་ཐོག་སྔོན་ཆད་རྒྱ་ནག་གིས་འཛིན་བཟུང་བཀག་ཉར་བྱས་པའི་ཀ་བཞི་སྡེ་བའི་ཡུལ་མི་རྣམས་ལ་བཙོན་ཁང་དུ་ཉེས་རྡུང་བཏང་ནས་རྩིབ་མ་བཅག་པ་དང་། མི་འགའ་ཞིག་གི་མཁལ་མ་ནད་པ་བཟོས་པ། གཟུགས་གཞི་སྐྱོ་བོ་ཆགས་པ། དེ་བཞིན་ལུས་སེམས་མི་བདེ་བ་མང་པོ་ཆགས་ཡོད་པའི་གནས་ཚུལ་དེ་དག་ཕྱིར་བསྒྲགས་བྱས་པའི་ནག་ཉེས་ཡོད་ལུགས་དང་། ཆབ་སྲིད་སློབ་གསོ་ཟེར་བའི་གཞུང་གི་ལས་རིམ་ནང་དུ་མུ་མཐུད་འགྲོ་དགོས་པའི་བཙན་བཀའ་བཏང་པ་འགྲེལ་བརྗོད་གནང་སོང་། དེ་བཞིན་འདི་ལོར་དབྱར་རྩ་དགུན་འབུ་འཐུ་སྐབས་སུ་ཡུལ་མི་སུ་ཡིན་ན་གཏེར་ཁ་སྔོག་འདོན་བྱ་ཡུལ་ས་ཚིགས་སུ་འགྲོ་མི་ཆོག་པ་དང་གཏེར་ཁ་དང་འབྲེལ་བའི་པར་རྒྱག་པ་དང་། གནས་ཚུལ་གླེང་སློང་བྱ་རྒྱུར་བཀག་འགོག་ཤུགས་ཆེ་བྱས་ཡོད་ཅིང་། སྔོན་ཆད་ཀ་བཞི་སྡེ་བའི་ཡུལ་མི་ ༨༠ ཡས་མས་འཛིན་བཟུང་དང་ཉེས་རྡུང་བཏང་བའི་གནས་ཚུལ་དང་འབྲེལ་ནས་སྐད་ཆ་བཤད་མི་ཆོག་པ་དང་། གལ་ཏེ་གནས་ཚུལ་དེ་རིགས་ཕྱིར་བསྒྲགས་བྱེད་མཁན་ཡོད་ཚེ་དེ་ནི་ཀྲོག་གཏམ་ཡིན་ལུགས་བཤད་དེ་ཉེས་ཆད་ཐོག་སྲིད་པའི་བཙན་བཀའ་གཏང་འདུག རྩ་བའི་ཕྱི་ལོ་ ༢༠༢༥ ཟླ་ ༡༡ ཚེས་ ༥ ཉིན་གྱི་ཉིན་རྒྱབ་ཆུ་ཚོད་ ༢།༡༡ སྟེང་། ཁམས་རྫ་ཆུ་ཁའི་ཀ་བཞི་སྡེ་བའི་ཡུལ་མི་ཚོས་གསེར་ཁོག་ཅེས་པའི་ཀ་བཞིའི་ས་ཆ་དེར་གཏེར་ཁ་སྔོག་འདོན་བྱེད་བཞིན་པར་མཐོང་ནས་དེར་བཀག་འགོག་དང་། ཡུལ་མི་ཚོས་འགོ་ཁྲིད་དེ་དག་ལ་ཡར་ཞུ་འབོད་བྱས་པ་དེ་ལྟར་ཡང་། འགོ་ཁྲིད་དག་གིས་ཁོང་རྣམས་ལ་རྒྱབ་སྐྱོར་གང་ཡང་མེད་པར། ས་གཞི་དེའི་བདག་དབང་ཡོངས་རྫོགས་ཀྲུང་གོ་རྒྱལ་ཁབ་ལ་ཡོད་ལུགས་དང་། ཁོང་ཚོས་རྟོག་ཞིབ་དང་ཐག་གཅོད་ཡོང་གི་རེད་ཅེས་རྫུན་བཤད་ཀྱིས། གསེར་སྔོག་འདོན་ལ་བཀག་འགོག་བྱས་པ་ནི་ནོར་འཁྲུལ་ཡིན་ལུགས་བཤད་དེ། ཡུལ་མི་ཚོ་ལ་རྒྱུན་ལྡན་ལྟར་དབང་ཡོད་དང་གཉའ་གནོན་བྱས་སྟབས། མཐར་ཡུལ་མི་རྣམས་འུ་ཐུག་ཐབས་ཟད་ཀྱིས་འགོ་ཁྲིད་དང་ཁ་རྩོད་ཤོར་རྗེས་བོད་མི་ ༨༠ ལྷག་ལ་གཅར་རྡུང་གི་གནས་ཚུལ་བྱུང་ཡོད་འདུག དེ་བཞིན་ཕྱི་ལོ་ ༢༠༡༢ ཕྱི་ཟླ ༢...

རྒྱ་གཞུང་གི་ལངས་ཕྱོགས་དང་མི་མཐུན་པའི་གནས་ཚུལ་ཐེར་འདོན་བྱེད་མཁན་བོད་མི་དང་ཡུ་གུར་བ། ཧོང་ཀོང་བ། ཐའེ་ཝན་པ་སོགས་ཀྱི་ལས་འགུལ་བ། དེ་བཞིན་མཉམ་འབྲེལ་རྒྱལ་ཚོགས་གཙོས་པའི་ཨ་རི་དང་འཛམ་གླིང་ཡུལ་གྲུ་ཁག་གི་ཚོགས་པ་སྒྲིག་འཛུགས་བཅས་ལ་རྒྱལ་མཚམས་ལས་བརྒལ་བའི་དྲག་གནོན་དང་། འབྲེལ་ཡོད་ལ་མིང་རྗེས་བཟོས་བཞིན་པའི་ཤུགས་རྐྱེན་ཐེར་འདོན་གནང་བའི་སྙན་ཐོ་ཞིག་འདོན་སྤེལ་གནང་འདུག དེ་ཡང་ Congressional-Executive Commission on China འམ་ཨ་རིའི་གྲོས་ཚོགས་ཀྱི་རྒྱ་ནག་ཐོག་གི་ལས་དོན་ཚོགས་ཆུང་ནས་ཟླ་བ་འདིའི་ཚེས་ ༤ ཉིན་ PRC’s Transnational Repression and Malign Influence in 2025 རྒྱ་གཞུང་གི་རྒྱལ་མཚམས་ལས་བརྒལ་བའི་དྲག་གནོན་དང་མིང་རྗེས་ངན་པའི་ཤུགས་རྐྱེན་ཞེས་པའི་བརྗོད་གཞི་ཐོག་ཤོག་གྲངས་ ༢༧ ཅན་གྱི་སྙན་ཐོ་ཞིག་འདོན་སྤེལ་གནང་འདུག་པ་དང་། སྙན་ཐོ་དེའི་ནང་རྒྱ་ནག་གི་ལངས་ཕྱོགས་དང་མི་མཐུན་ཞིང་། སྐྱོན་བརྗོད་བྱེད་མཁན་རྣམས་བཅར་རྡུང་མཚོན་པའི་ལུས་ཀྱི་འཚེ་བ་དང་། མིས་བཟོས་རིག་ནུས་བརྒྱུད་ནས་ཆགས་སྤྱོད་ཀྱི་བསུན་གཙེར་བཟོ་བཞིན་པ། བཙན་ཤེད་ཀྱི་རྒྱ་ནག་ནང་ཕྱིར་ལོག་བྱེད་བཅུག་པ། འབྲེལ་ཡོད་བརྒྱུད་ནས་བཙན་ཤེད། དྲག་པོའི་ལྟ་སྲུང་། ཁྲིམས་ཐོག་ནས་ཁ་གཏད་གཅོག་ཐབས་ཀྱི་ངན་བྱུས། ཆབ་སྲིད་ནང་ཐེ་བྱུས། རྒྱལ་སྤྱིའི་ཚོགས་སྡེ་ཁག་གཏོར་བཤིག་གཏོང་ཐབས་བཅས་ཀྱི་ནང་གསེས་དོན་ཚན་ ༨ འཁོད་པའི་སྙན་ཐོ་ཞིག་འདོན་སྤེལ་གནང་འདུག སྙན་ཐོ་དེའི་ཁྱོན་ཡོངས་ཀྱི་འབྲུ་དོན་གཙོ་བོ་ནི། རྒྱ་གཞུང་གི་རྒྱལ་མཚམས་ལས་བརྒལ་བའི་དྲག་གནོན་དང་མིང་རྗེས་ངན་པ་བཟོ་བའི་ཤུགས་རྐྱེན་དེའི་བརྒྱུད་འགྲོ་བ་མིའི་ཐོབ་ཐང་དང་རྒྱལ་ཁབ་ཀྱི་ས་ཁོངས་བདག་དབང་ལ་ཛ་དྲག་གི་ཉེན་འཚབ་ཆེན་པོ་ཞིག་ཆགས་ཀྱི་ཡོད་ཅིང་། ཨ་རི་དང་རྒྱལ་ཁབ་གཞན་གྱི་ནང་དུ་ཁྲིམས་མཐུན་གྱི་ཐོག་ནས་གནས་སྡོད་བྱེད་མཁན་རྣམས་ལ་འཇིག་སྐུལ་དང་ལྟ་སྲུང་བྱེད་བཞིན་པ། དེ་བཞིན་དམིགས་འབེན་བྱ་ཡུལ་བོད་མི་དང་ཧོང་ཀོང་བ།...