༄༅། །བོད་མིའི་སྒྲིག་འཛུགས་ཀྱི་ནང་སྲིད་བཀའ་བློན་དཔལ་ལྡན་དོན་གྲུབ་མཆོག་ཕྱི་ལོ་ ༢༠༢༦ ཟླ་བ་ ༧ ཚེས་ ༡༤ ནས་ ༡༨ བར་ནུབ་བྷེང་གལ་མངའ་ཁུལ་ཀ་སྦུག་ཁུལ་གྱི་བོད་མི་འདུས་སྡོད་ས་གནས་ཁག་ལ་གཞུང་འབྲེལ་འཚམས་གཟིགས་བསྐྱངས་ཡོད། དེ་ཡང་ཕྱི་ལོ་ ༢༠༢༦ ཟླ་བ་ ༧ ཚེས་ ༡༤ ཉིན་གྱི་སྔ་དྲོ་ཆུ་ཚོད་ ༡༡།༣༠ ཐོག་ནང་སྲིད་བཀའ་བློན་མཆོག་རྡོར་གླིང་ནས་ཀ་སྦུག་ཏུ་ཕེབས་འབྱོར་བྱུང་སྟེ། ཉིན་རྒྱབ་ཟེ་དཀར་དགོན་པ་དང་། ཀ་སྦུག་སྲད་རྒྱུད་གྲྭ་ཚང་། ཐར་པ་ཆོས་གླིང་དང་གྲོ་མོ་བླ་བྲང་དཔེ་མཛོད་ཁང་བཅས་སུ་གནས་གཟིགས་སུ་ཕེབས་ཏེ་དགོན་སྡེ་གསུམ་གྱི་དབུ་ལས་རྣམས་དང་ལྷན་བཞུགས་མོལ་གནང་།ཕྱི་ཚེས་ ༡༥ སྔ་དྲོ་ཆུ་ཚོད་ ༩།༠༠ ཐོག་ཀ་སྦུག་སཾ་བྷོ་ཊ་སློབ་གྲྭར་འཚམས་གཟིགས་གནང་རྗེས་དེར་ཡོད་དགེ་ལས་སློབ་ཕྲུག་རྣམས་ལ་གསུང་བཤད་གནང་རྗེས་ས་སྐྱ་བརྩེ་ཆེན་དར་རྒྱས་གླིང་དུ་གནས་གཟིགས་སུ་ཕེབས། ཉིན་རྒྱབ་ས་གནས་མ་ཎི་ལྷ་ཁང་གི་ཚོགས་ཁང་དུ་ས་གནས་མང་ཚོགས་ལ་གསུང་བཤད་གནང་སྟེ། དྲི་བ་ཁག་ལ་ཁ་གསལ་བཀའ་ལན་ཞིབ་ཕྲ་གནང་། དེ་རྗེས་ཀ་སྦུག་ས་གནས་འགོ་འཛིན་ལས་ཁུངས་དང་། གསར་རྒྱག་ཟིན་པའི་ས་འཐུས་ཚོགས་དང་རང་ཚོགས་ལས་ཁུངས། ལྷ་མོ་ཚོགས་ཁང་། རྒས་གསོ་ཁང་། སྨན་རྩིས་ཁང་བཅས་སུ་འཚམས་གཟིགས་སུ་ཕེབས། ཕྱི་ཚེས་ ༡༦ སྔ་དྲོ་ཀ་སྦུག་ནས་ཨོ་རྒྱན་སྨིན་གྲོལ་བསམ་གཏན་གླིང་དགོན་པ་དང་། ལ་ཝ་བཀའ་བརྒྱུད་ཐེག་ཆེན་ཆོས་གླིང་དགོན་པ། ཨལ་གྷ་ར་རྒྱུད་སྟོད་གྲྭ་ཚང་བཅས་སུ་འཚམས་གཟིགས་དང་། ས་གནས་ཁག་གི་མི་མང་མཇལ་འཕྲད་གནང་།ཕྱི་ཚེས་...

༄༅། །ཕྱི་ལོ་ ༢༠༢༦ ཟླ་བ་ ༠༧ ཚེས་ ༢༠ ཉིན་ཆེས་མཐོའི་ཁྲིམས་ཞིབ་ཁང་གི་གོ་སྒྲིག་འོག་དྷ་ས་འཛིན་སྐྱོང་སྦྱོང་བརྡར་ཁང་དུ་ཉིན་གྲངས་བཅུ་རིང་བཙན་བྱོལ་བོད་མིའི་ཁྲིམས་དང་ལམ་ལུགས་ཀྱི་ཁྲིམས་རྩོས་པའི་སྦྱོང་བརྡར་ཐེངས་བཅུ་པ་དབུ་འཛུགས་གནང་ཡོད། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༩ ཐོག་དབུ་བྱེད་མཛད་སྒོ་དབུ་འཛུགས་གནང་ཞིང་། སྐབས་དེར་སྐུ་མགྲོན་དུ་དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་དང་། དཔལ་ལྡན་ཁྲིམས་ཞིབ་པ་གཞན་འཕགས་པ་ཚེ་རིང་མཆོག སྤྱི་ཁྱབ་ཁྲིམས་དྲུང་ལྷ་འབྲུག་ལགས་གཙོས་པའི་ཚོགས་བཅར་བ་བཅས་ཚང་འཛོམས་ཐོག་སྐུ་མགྲོན་གཙོ་བོ་དཔལ་ལྡན་ཁྲིམས་ཞིབ་པ་ཆེ་བ་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་པར་མཐོང་གྲོལ་རིན་པོ་ཆེར་མཇལ་དར་སྒྲོན་འབུལ་དང་། སྣང་གསལ་མར་མེ་ཞལ་ཕྱེ་གནང་ཡོད།དེ་རྗེས་དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གིས་ཐེངས་འདིའི་སྦྱོང་བརྡར་གྱི་ངོ་སྤྲོད་དང་འབྲེལ་ནས་དབུ་འབྱེད་གསུང་བཤད་གནང་སྐབས་སྦྱོང་བརྡར་འདིའི་དགོས་དམིགས་གཙོ་བོ་ནི། མང་ཚོགས་ལ་ཁ་ཚ་དགོས་གཏུགས་ཀྱི་ཕན་ཐོགས་ཡོང་སླད་ཁྲིམས་ཀྱི་གོ་རྟོགས་སྤེལ་རྒྱུ་ལ་དམིགས་ཡོད་པ་གསུངས། དེ་ཡང་ད་བར་ཆེས་མཐོའི་ཁྲིམས་ཞིབ་ཁང་ནས་ཁྲིམས་ལུགས་ཀྱི་སྦྱོང་བརྡར་ཐེངས་དགུ་ཕུལ་ཟིན་པ་དང་། ཐེངས་དགུ་པ་དེ་བཞིན་ཕྱི་ལོ་ ༢༠༡༩ ལོར་ཚོགས་ཡོད་སྐོར་ངོ་སྤྲོད་གནང་ཡོད། ཕྱོགས་མཚུངས་བོད་མིའི་སྒྲིག་འཛུགས་ཀྱི་ཁྲིམས་ལུགས་དབང་འཛིན་དེ་བཞིན་ཕྱི་ལོ་ ༡༩༩༢ ལོར་བཙུགས་ཡོད་པ་དང་། དེ་ལག་བསྟར་ཚུལ་བཞིན་ཡོང་བར་བཅའ་ཁྲིམས་དགོངས་དོན་ཁྲིམས་ཡིག་གསུམ་གཏན་འབེབས་གནང་ཡོད་པ་དང་ཆབས་ཅིག གལ་ཏེ་མ་འོངས་པར་སུ་འདྲ་ཞིག་སྤྱི་ཚོགས་ཁྲོད་ཁ་ཚ་དགོས་གཏུགས་ཀྱི་ཕྱག་རོགས་གནང་འཆར་ཡོད་ཚེ་ཆེས་མཐོའི་ཁྲིམས་ཞིབ་ཁང་གིས་གཙོས་གཤམ་འོག་སྐོར་བསྐྱོད་ཁྲིམས་ཞིབ་ཁང་བཅས་སུ་ཁྲིམས་གཏུག་བྱེད་སྐབས་ཁྲིམས་ཡིག་གསུམ་དེ་ཤེས་དགོས་ངེས་ཡིན་ཞེས་འགྲེལ་བརྗོད་གནང་།སྤྱིར་མི་མང་ཁྲོད་ཁྲིམས་ཀྱི་གོ་རྟོགས་ཧ་ཅང་ཞན་པོ་ཡོད་པས་ཆེས་མཐོའི་ཁྲིམས་ཞིབ་ཁང་ངོས་ནས་སྤྱི་ཚོགས་ནང་ཁྲིམས་ཀྱི་རྒྱབ་ལྗོངས་ཡོད་མཁན་གང་མང་ལ་སྦྱོང་བརྡར་གོ་སྒྲིག་གནང་ཡོད་སྐོར་སྦྲགས། ཚོགས་བཅར་བ་ཚོས་ཕྱག་ལས་གནང་བའི་སྐབས་བཙན་བྱོལ་བ་ཞིག་ཡིན་པའི་ཆ་ནས་རྒྱལ་ཁབ་གཞན་དུ་མང་གཙོའི་ལམ་ལུགས་ལག་བསྟར་བྱ་རྒྱུའི་གོ་སྐབས་ཐོབ་པ་ནི། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་རྗེ་བཀའ་དྲིན་ཡིན་པ་དང་། སྒྲིག་འཛུགས་འདི་གཙིགས་ཆེར་འཛིན་དགོས་གལ་ཡིན་པ་གསུངས། ཐེངས་འདིའི་བཙན་བྱོལ་བོད་མིའི་ཁྲིམས་དང་ལམ་ལུགས་ཀྱི་ཁྲིམས་རྩོད་པའི་སྦྱོར་བརྡར་དེ་བཞིན་ཕྱི་ལོ་ ༢༠༢༦ ཟླ་བ་ ༠༧ ཚེས་ ༢༠ ནས་ ༢༩ བར་ཚོགས་རྒྱུ་ཡིན་པ་དང་། དེའི་ཐོག་ཁྲིམས་ཀྱི་སློབ་ཐོན་པ་དང་སློབ་གཉེར་བ། དེ་སྔོན་ཁྲིམས་ཞིབ་ཁང་ནས་ཁྲིམས་རྩོད་པའི་ཕྱག་འཁྱེར་ཐོབ་པའི་ཁྲིམས་རྩོད་པ།...

ཟླ་འདིའི་ཚེས་ ༡༩ ཉིན་༧གོང་ས་མཆོག་ལ་དྭགས་ཏོག་ཡུལ་གྱི་ཐུབ་དབང་སྐུ་བརྙན་ཆེན་མོར་མཆོད་མཇལ་དུ་ཕེབས་ཏེ། ལ་དྭགས་དམག་སྡེའི་ཁྲོད་ཀྱི་ཏོག་གི་སྐོར་སྲུང་དམག་མི་ཟུར་པ་གཙོས་དད་ལྡན་མི་མང་ལ་བཀའ་སློབ་དང་ཆོས་འབྲེལ་མཛད། The post སངས་རྒྱས་པའི་ཆོས་ཀྱི་སེམས་བཟང་པོ་བྱེད་པ་ནི་འཛམ་གླིང་འདིར་ཕན་ཐོགས་ཡོད་པ་ཞིག་ཡིན། appeared first on བོད་ཀྱི་དུས་བབ།.

ཕྱི་ལོ་ ༢༠༢༦ ལོའི་འཛམ་གླིང་རྐང་སྤོལ་འགྲན་ཚོགས་ཀྱི་རྟིང་རྩོད་འགྲན་སྡུར་ཁྲོད་སི་པེན་རྒྱལ་ཁབ་ཀྱིས་གསེར་གྱི་བུམ་པ་དེ་བཀྱགས་སོང་། The post སི་པེན་གྱིས་ཕྱི་ལོ་ ༢༠༢༦ ལོའི་འཛམ་གླིང་རྐང་སྤོལ་གྱི་གསེར་བུམ་བཀྱགས་སོང་། appeared first on བོད་ཀྱི་དུས་བབ།.

རྡ་སར་རྒྱུན་མཐུད་ཟས་བཅས་ལས་འགུལ་འགོ་འཛུགས་དང་འབྲེལ་རྒྱ་ནག་གཞུང་གིས་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་དང་བོད་བླ་རུང་སྒར་དུ་གྲྭ་ཤག་གཏོར་བཞིན་པར་ངོ་རྒོལ་གནང་སོང་། ཕྱི་ལོ་ ༢༠༢༦ ཟླ་ ༧ ཚེས་ ༡༩ ནས་འགོ་འཛུགས་ཀྱིས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་བཞུགས་སྒར་རྡ་རམ་ས་ལར་རྒྱལ་གཅེས་དཔའ་བོའི་མངོན་འདོད་རྒྱུན་མཐུད་ཟས་བཅད་ངོ་རྒོལ་ཞེས། རྒྱ་ནག་གཞུང་གི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་ལ་ངོ་རྒོལ་དང་། བོད་མི་བློ་དགའ་རང་བཙན་ལགས་ཀྱི་བློས་བཏང་ལ་རྗེས་དྲན་ཞུ་ཕྱིར། ཆུ་ཚོད་ ༢༤ ཡི་ཟས་བཅད་ངོ་རྒོལ་གྱི་ལས་འགུལ་ཞིག་འགོ་འཛུགས་གནང་ཡོད་ཅིང་། ལས་འགུལ་དེའི་ནང་མཉམ་ཞུགས་གནང་མཁན་གྱི་ལས་འགུལ་བ་རྣམས་ཀྱིས་མི་རིགས་མཐུན་སྒྲིལ་གྱི་ཁྲིམས་ལ་ངོ་རྒོལ་མཐའ་གཅིག་ཏུ་གནང་ཐོག ཉེ་ལམ་རྒྱ་ནག་གཞུང་གིས་མི་རིགས་མཐུན་སྒྲིལ་གྱི་ཁྲིམས་ཡིག་ལག་བསྟར་འགོ་བཙུགས་ཀྱི་...

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ཕྱི་ལོ་ ༢༠༢༦ ཟླ་ ༧ ཚེས་ ༡༩ ཉིན་ལ་དྭགས་ཏོག་ཡུལ་དུ་བཞུགས་པའི་སྟོན་པའི་སྣང་བརྙན་ལ་གནས་གཟིགས་སླད་ཆིབས་བསྒྱུར་བསྐྱངས་གནང་མཛད་ཅིང་། ཡུལ་པ་གཙོ་བོར་གྱུར་བའི་དད་ལྡན་མང་ཚོགས་ལ་མ་ཎི་ཡིག་དྲུག་དང་སྟོན་པའི་གཟུངས་སྔགས་གི་ལྗགས་ལུང་བསྩལ་གནང་མཛད་སོང་། བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཏོག་ཡུལ་དུ་བླང་དོར་གྱི་བཀའ་སློབ་གནང་པའི་ནང་དུ། ནང་པ་སངས་རྒྱས་པའི་ཆོས་དེ་བཞིན་དེང་གི་དུས་སུ་ཕྱིའི་རྒྱལ་ཁབ་དང་དེ་བཞིན་ཚན་རིག་པ་ཚོས་དོ་སྣང་ཆེན་པོ་བྱེད་ཀྱི་ཡོད་པར་ང་ཚོའི་མེས་པོའི་དུས་ནས་ཡོད་པའི་ཆོས་དེ་ལ་དད་པ་ཅིག་པོ་མིན་པར་ཤེས་རབ་གྲོགས་སུ་བཟུང་ནས་སེམས་པ་བཟང་པོ་བྱེད་དགོས་པའི་སྐོར་བཀའ་སློབ་བསྩལ་གནང་མཛད་སོང་། ལ་དྭགས་ཏོག་ཡུལ་གྱི་དམག་ཟུར་ཚོགས་པས་༧གོང་ས་༧སྐྱབས་མགོན་ཆེན་པ...

༄༅། །ཕྱི་ལོ་ ༢༠༢༦ ཟླ་བ་ ༧ ཚེས་ ༡༩ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་དྭགས་ཏོག་ཡུལ་གྱི་ཐུབ་དབང་སྐུ་བརྙན་ཆེན་མོར་མཆོད་མཇལ་དུ་ཆིབས་བསྒྱུར་གྱིས་ལ་དྭགས་དམག་སྡེའི་ཁྲོད་ཀྱི་ཏོག་གི་སྐོར་སྲུང་དམག་མི་ཟུར་པ་གཙོས་དད་ལྡན་མི་མང་ལ་བཀའ་སློབ་དང་ཆོས་འབྲེལ་བཀའ་དྲིན་སྩལ་ཡོད་པ་རེད།   དེ་ཡང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་སྔ་དྲོའི་ཆུ་ཚོད་ ༧།༣༠ ཙམ་ལ་ཤེལ་གྱི་ཕོ་བྲང་དགེ་འཕེལ་གླིང་ནས་ཆིབས་འཁོར་དུ་བཞུགས་ཏེ་ཏོག་ཡུལ་དུ་ཆིབས་བསྒྱུར་བསྐྱངས་པ་དང་། ཕེབས་ལམ་ཏུ་བསོད་གླིང་བོད་མིའི་གཞིས་ཆགས་ཀྱི་མི་མང་དང་། ལ་དྭགས་ཡུལ་མི། ཕྱོགས་མཐའ་ཁག་ནས་ཕེབས་པའི་དད་ལྡན་སྟོང་ཕྲག་མང་པོས་བདུག་སྤོས་དང་ཁ་བཏགས། མེ་ཏོག་སོགས་བཟུང་ནས་ཞལ་མཇལ་དང་བཅས་སྟོན་པའི་སྐུ་བརྙན་ཆེན་མོའི་མདུན་དུ་༸ཞབས་སོར་འཁོད་པ་དང་། ཡུལ་དགོན་གྱི་དགེ་འདུན་པ་རྣམ་པས་སེར་སྦྲེང་དང་། ལ་དྭགས་དམག་སྡེའི་ཁྲོད་ཀྱི་ཏོག་གི་སྐོར་སྲུང་དམག་མི་ཟུར་པ་ཚོས་ཕེབས་བསུའི་གུས་འདུད་དང་བཅས་བཞུགས་ཁྲིར་འཁོད་མཚམས། ཞལ་འདོན་རྒྱུན་ཆགས་གསུམ་པ་དབུ་འཛུགས་གནང་ཞིང་། དགེ་བཤེས་ཚེ་དབང་རྡོ་རྗེ་སོགས་ནས་མཎྜལ་རྟེན་གསུམ་འདེགས་འབུལ་ཞུས་རྗེ་ཙོང་ཁ་པ་ཆེན་པོ་མཆོག་གིས་མཛད་པའི་སངས་རྒྱས་བཅོམ་ལྡན་འདས་འཇིག་རྟེན་ཐམས་ཅད་ཀྱི་མ་འདྲིས་པའི་མཛའ་བཤེས་ཆེན་པོ་སྟོན་པ་བླ་ན་མེད་པ་ལ་ཟབ་མོ་རྟེན་ཅིང་འབྲེལ་བར་འབྱུང་བ་གསུང་བའི་སྒོ་ནས་བསྟོད་པ་ལེགས་པར་བཤད་པའི་སྙིང་པོའམ། ཡོངས་གྲགས་སུ་རྟེན་འབྲེལ་བསྟོད་པ་གསུང་འདོན་མཛད་རྗེས་བཀའ་སློབ་སྩལ་དོན། དེ་རིང་ང་ཚོ་འདིར་འཛོམས་ནས་ལས་འགན་ནི། བསྟན་པ་རིན་ཆེན་མཆོག་གིས་མ་ཁྱབ་པའམ།། ཁྱབ་ཀྱང་ཉམས་པར་གྱུར་པའི་ཕྱོགས་དེར་ནི།། སྙིང་རྗེ་ཆེན་པོས་ཡིད་རབ་བསྐྱོད་པ་ཡིས།། ཕན་བདེའི་གཏེར་དེ་གསལ་བར་བྱེད་པར་ཤོག། ཅེས་པ་འདི་རེད། སྟོན་པ་བཅོམ་ལྡན་འདས་ཀྱིས་ལོ་ ༢༥༠༠ གོང་དུ་ཆོས་འཁོར་རིམ་པ་གསུམ་ལ་སོགས་པ་བསྐོར་བར་མཛད་ནས་དུས་ད་ལྟའི་བར་དུ་འཛམ་བུ་གླིང་ལ་སངས་རྒྱས་ཀྱི་ཆོས་ཟེར་དུས་གང་ལྟར་ཤར་ཕྱོགས་ལུང་པར་དད་པ་རྩེ་གཅིག་ཏུ་ཡོད་པ་རེད། དེ་ནས་ནུབ་ཕྱོགས་ལུང་པར་ཡང་སངས་རྒྱས་པའི་ཆོས་ལ་དོ་སྣང་གསར་པ་ཞིག་སླེབས་ཡོང་གི་འདུག དེར་བརྟེན། འཛམ་བུ་གླིང་གི་བདེ་བ་འདོད་ཅིང་། སྡུག་བསྔལ་མི་འདོད་པའི་མི་ཚང་མར་སེམས་ཀྱི་ཞི་བདེ་ཡོང་བར་སྟོན་པའི་བྱིན་རླབས་ནམ་ཡང་བསླུ་བ་མེད་པར་ཡོད་པ་རེད། སྟོན་པ་སངས་རྒྱས་བཅོམ་ལྡན་འདས་ཀྱི་བསྟན་པ་འདིས་ཆོས་ཡོད་པ་དང་མེད་པ་ཚང་མར་སེམས་རྒྱུད་ཞི་བདེ་དང་། འཛམ་གླིང་སྤྱི་ལ་བསམ་བློ་གཏོང་བ་ཞིག་ཡོང་བསྡད་ཡོད། གང་ལྟར་སངས་རྒྱས་ཀྱི་འཕྲིན་ལས་དུས་ད་ལྟ་ཡིན་ནའང་། བསྟན་པ་རིན་ཆེན་མཆོག་གིས་མ་ཁྱབ་པའམ། །ཞེས་སོགས་གསུངས་པ་བཞིན།...

【དྷ་རམ་སར།】 ཕྱི་ལོ་༢༠༢༦ ཟླ་༧ ཚེས་༡༩ ཉིན་གྱི་སྔ་དྲོ། དབུས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག བཞུགས་སྒར་དྷ་ས་བོད་མིའི་ཚོང་ཁང་མདུན་དུ། རྒྱལ་གཅེས་དཔའ་བོ་རང་བཙན་བློ་དགའ་ལགས་ལ་ཆེ་བསྟོད་དང་། རྒྱ་ནག་གཞུང་གིས་བོད་ནང་ལག་བསྟར་བྱེད་བཞིན་པའི་ The post གཞོན་ལྷན་གྱིས་རྒྱལ་གཅེས་དཔའ་བོའི་མངོན་འདོད་རྒྱུན་མཐུད་ཟས་བཅད་ངོ་རྒོལ་གྱི་ལས་འགུལ་དབུ་འཛུགས་གནང་།  appeared first on བོད་ཀྱི་བང་ཆེན།.

བོད་ཀྱི་དབུས་གཞོན་ནུ་ལྷན་ཚོགས་ཀྱི་གོ་སྒྲིག་འོག དཔའ་བོ་རང་བཙན་བློ་དགའ་ལགས་རྗེས་དྲན་གྱི་ཟས་བཅད་ངོ་རྒོལ་གྱི་ལས་འགུལ་ཞིག་སྤེལ་མགོ་བཙུགས་སོང་། དེ་རིང་ཕྱི་ཚེས་ ༡༩ ཉིན་ནས་མགོ་བཙུགས་ཀྱིས་བཞུགས་སྒར་དྷ་སར་དབུས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག རྒྱལ་གཅེས་དཔའ་བོ་རང་བཙན་བློ་དགའ་ལགས་རྗེས་དྲན་སླད། རྒྱལ་གཅེས་དཔའ་བོའི་མངོན་འདོད་རྒྱུན་མཐུད་ཀྱི་ཟས་བཅད་ངོ་རྒོལ་ཞིག་སྤེལ་མགོ་བཙུགས་ཡོད་ཅིང་། དེ་རིང་དབུས་བོད་ཀྱི་གཞོན་ནུ་ལྷན་ཚོགས་ཀྱི་རྒྱུན་ལས་ཟུར་བ་ཁག་ཅིག་གིས་ཆུ་ཚོད་ཉེར་བཞིའི་རིང་ཟས་བཅད་ངོ་རྒོལ་དང་། སང་ཉིན་ཞོགས་པའི་ཆུ་ཚོད་བདུན་པ་ནས་ཆུ་ཚོད་ཉེར་བཞིའི་རིང་གཞོན་ནུའི་དབུས་རྒྱུན་རྣམས་ཀྱིས་ཆུ་ཚོད་ཉེར་བཞིའི་རིང་ངོ་རྒོལ་ཟས་བཅད་གནང་རྒྱུ། དེ་ནས་ས་གནས་གཞོན་ནུའི་ཚོགས་མི་ཁག་དང་། ཚོགས་སྡེ་ཁག ལས་འགུལ་བ་སོགས་ཀྱིས་ཆུ་ཚོད་ཉེར་བཞིིའི་རིང་མུ་མཐུད་ཟླ་བ་གཅིག་ལྷག་ཟས་བཅད་ངོ་རྒོལ་གྱི་ལས་འགུལ་དེ་སྤེལ་འཆར་འདུག ད་ལན་གྱི་ཟས་བཅད་ངོ་རྒོལ་གྱི་ལས་འགུལ་དང་འབྲེལ་ནས། དེ་རིང་བོད་ཀྱི་གཞོན་ནུ་ལྷན་ཚོགས་ཀྱིས་བསྒྲགས་གཏམ་ཞིག་སྤེལ་བའི་ཁྲོས། བོད་ཀྱི་གཞོན་ནུ་ལྷན་ཚོགས་ཀྱིས་རྒྱལ་གཅེས་དཔའ་བོ་རང་བཙན་བློ་དགའ་ལགས་ལ་ཆེ་བསྟོད་ཆེད་རྒྱལ་སྤྱི་ས་ཁྱོན་ཡོངས་ལ་རྒྱུན་མཐུད་ལས་འགུལ་སྣ་མང་སྤེལ་རྒྱུ་དང༌། དགྲ་བོ་རྒྱ་དམར་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཁྲིམས་ཡིག་ཞེས་འབོད་པའི་ཁྲིམས་ཡིག་དེར་དགག་བྱ་བྱ་རྒྱུ་མ་ཟད། བོད་ཀྱི་གཞོན་ནུ་ལྷན་ཚོགས་ཀྱིས་འཛམ་གླིང་ཡོངས་ལ་ས་གནས་བོད་ཀྱི་གཞོན་ནུ་ལྷན་ཚོགས་ཁག་དང༌། བོད་དོན་རྒྱབ་སྐྱོར་བ་ཚོགས་སྒེར་ཁག་བརྒྱུད་ནས་བཞུགས་སྒར་དྷ་རམ་ས་ལ་ནས་མགོ་འཛུགས་ཀྱིས་འཛམ་གླིང་ཡོངས་སུ་བོད་དོན་འཐབ་རྩོད་ཀྱི་ལས་འགུལ་ཤུགས་ཆེ་སྤེལ་རྒྱུའི་གསལ་བསྒྲགས་བྱེད་ཀྱི་ཡོད། རྒྱལ་སྤྱིའི་རང་བཞིན་གྱི་ལས་འགུལ་འདི་ནི་རྒྱལ་གཅེས་དཔའ་བོ་རང་བཙན་བློ་དགའ་ལགས་ཀྱི་ཕྱི་ལོ་ ༢༠༢༦ ཟླ་བ་ ༧ ཚེས་ ༢ གཟའ་ཕུར་བུ་ཉིན་གྱི་ཕྱི་དྲོ་ཆུ་ཚོད ༥ པ་ཙམ་ལ་རྒྱལ་སྤྱིའི་མཉམ་འབྲེལ་རྒྱལ་ཚོགས་ཀྱི་མདུན་ཐང་དུ་བོད་རྒྱལ་ཁབ་ཆེན་པོའ་རྒྱལ་དར་ སྤོབས་པ་ཆེན་པོས་ཐོག་མཁའ་དབྱིངས་སུ་བསྒྲེངས་པ་དང་ཆབས་གཅིག རང་གི་གཅེས་པའི་སྐུ་ལུས་མེར་སྲེག་བཏང་ཞིང་། དཀར་གཙང་གི་ཤོག་ངོས་སུ་ ༼བོད་རང་བཙན་ཡིན། རྒྱ་མི་བོད་ནས་རྒྱུགས་ཤིག༽ ཅེས་བྲིས་པ་ཞིག་ནམ་མཁར་བཏོར་ནས་སྐུ་གཟུགས་འགྱེང་ངེར་བཞུགས་ཤིང༌། བྲག་ཁོག་ཡར་བཏེག་སྟེ་ལག་གཉིས་འཕྲེད་དུ་བརྐྱངས་པའི་ཐོག་བོད་མི་རིགས་དང་རང་དབང་རང་བཙན་གྱི་དོན་དུ་རང་ལུས་མེར་སྲེག་ནས་བོད་དེ་རྒྱ་དམར་སྲིད་གཞུང་གིས་བཙན་བཟུང་བྱས་པའི་རྒྱལ་ཁབ་ཅིག་ཡིན་པ་དང་། བོད་མིའི་མུ་མཐུད་རང་བཙན་འཐབ་རྩོད་བྱེད་བཞིན་ཡོད་པ་འཛམ་གླིང་ལ་དྲན་སྐུལ་གནང༌། རྒྱལ་གཅེས་དཔའ་བོ་རང་བཙན་བློ་དགའ་ལགས་ཀྱིས་བོད་བསྟན་སྲིད་མི་རིགས་ཀྱི་སླད་སྐུ་ལུས་མེར་བསྲེགས་པར། དེ་ནམ་ཡང་སྣང་མེད་དུ་འཇོག་ཏུ་མི་རུང་བ་དང༌། ཁོང་གི་རང་སྲོག་བློས་གཏོང་གནང་བ་དེ་ནམ་ཡང་སུབ་མི་ཐུབ། བོད་མིའི་རང་དབང་འཐབ་རྩོད་ལ་དོ་སྣང་དང༌།...

བློ་དགའ་རང་བཙན་ལགས་ཀྱི་བློས་བཏང་ལ་རྗེས་དྲན་ཞུ་བཞིན་བོད་མི་རྣམས་ཀྱིས་དམ་པ་ཁོང་གི་ཁ་ཆེམས་ལ་ཤར་བསྐྱོད་གནང་དགོས་གལ་ཆེན་པོ་ཡིན་པ་གསུང་གི་འདུག བློ་དགའ་རང་བཙན་ལགས་ཀྱིས་ཕྱི་ཟླ་ ༧ ཚེས་ ༢ ཉིན་མཉམ་འབྲེལ་རྒྱལ་ཚོགས་ཀྱི་ལས་ཁུངས་ཀྱི་མདུན་དུ་བོད་དོན་ཆེེད་དུ་རང་ལུས་མེར་བསྲེགས་གནང་སྟེ། ད་ལྟའི་ཆར་བདུན་ཚིགས་གཉིས་ཕྱིན་ཚར་བའི་དུས་སྐབས་འདིར། བོད་མི་རྣམས་ཀྱིས་དམ་པ་ཁོང་གི་ཁ་ཆེམས་རྣམས་གཏིང་བརྗེད་དུ་གཏང་རྒྱུ་མིན་པའི་ཁས་ལེན་གནང་གི་འདུག དེ་ཡང་བསྟན་འཛིན་རང་གྲོལ་ལགས་ཀྱིས། བློ་དགའ་ལགས་ཀྱིས་གསུངས་པ་བཞིན་ང་ཚོས་ཆོལ་ཁ་ཆོས་ལུགས་དང་རྩོད་རེས་མི་བྱེད་པར་བོད་པ་གཅིག་འགྱུར་ཡིན་པའི་འདུ་ཤེས་བསྐྲུན་ཐོག བོད་དོན་ཕྱག་ལས་རྒྱུན་སྲིང་ཐོག་གནང་གལ་ཆེ་བ་གསུང་གི་འདུག་ལ། བསྟན་འཛིན་ཚེ་རིང་ལགས་ཀྱིས། བོད་ཀྱི་རིག་གཞུང་དང་སྐད་ཡིག་སྲུང་སྐྱོབ་དང་ཉམས་པ་སླར་གསོ། དེ་བཞིན་ཁོང་གི་ཁ་ཆེམས་ལྟར་དུ་...

རྩོམ་པ་པོ། རྔ་བ་རྒྱལ་ཁམས་པ། རྩོམ་ཁུངས། བོད་ཀྱི་དུས་བབ། སྔོན་གླེང་། རྒྱ་དམར་སྲིད་གཞུང་གིས་རྒྱ་ནག་གི་མངའ་ཁོངས་སུ་མི་རིགས་ལྔ་བཅུ་ང་དྲུག་ཡོད་ཅེས་སྒྲོག་ཀྱང་། དོན་དངོས་ཐོག་བོད་པ་ནི་རྒྱ་ནག་ཧན་རིགས་ཕུད། མི་རིགས་གཞན་པ་རྣམས་དང་བསྡུར་ཐབས་གཏན་ནས་མེད། ལོ་རྒྱུས་ཀྱི་ཆ་ནས་རྒྱ་ནག་རྫོགས་ལྡན་དུས་རབས་སུ་བརྗོད་པའི་ཐང་རྒྱལ་རབས་དང་། ཐི་བྷོད་བཙན་པོའི་རྒྱལ་རབ་གཉིས་སྟོབས་ཤུགས་དང་མངའ་ཐང་གི་ཐད་ཕན་ཚུན་དོ་མཉམ་པ་མ་ཟད། སྐབས་དེའི་ཨེ་ཤ་ཡའི་ནང་མངའ་ཐང་འགྲན་རྩོད་ཀྱི་ཐད་རང་རྐྱ་འཕེལ་བའི་བཙན་རྒྱལ་སྟོབས་ཆེ་ཤོས་གཉིས་ཡིན། ཐང་རྒྱལ་རབས་ཀྱིས་བོད་པའི་ངོ་སྲུང་དགོས་པའི་ལོ་རྒྱུས་མང་དག་ཅིག་བྱུང་མྱོང་། སངས་རྒྱས་ཆོས་ལུགས་རྒྱ་གར་ནས་བོད་དུ་དར་སྤེལ་བྱུང་རྗེས། བོད་པའི་དགྲ་འདུལ་གཉེན་སྐྱོང་གི་སེམས་ཁམས་མཁྲེགས་པོ་དེར་ཉི་འོད་ཀྱིས་འཁྱག་རོམ་བཞུས་པ་ལྟ་བུའི་འགྱུར་ལྡོག་བྱུང་ཡོད། སངས་རྒྱས་ཆོས་ལུགས་ཀྱི་ཡོན་ཏན་ལ་མངའ་བརྙེས་པའི་བོད་ཀྱི་བླ་མ་མང་བོ་བྱུང་སྟེ། རྒྱ་ནག་གི་རྒྱལ་བོ་དག་གིས་དབུའི་བླར་བཀུར་ཏེ་མཆོད་ཡོན་གྱི་འབྲེལ་བ་བྱས་པའི་གཡོ་ཇུས་ཀྱིས་ལོ་རྒྱུས་ཀྱི་རྩོད་གླེང་རྙོག་འཛིངས་ཅན་འདི་བྱུང་ཡོད། རྒྱ་ནག་ཁོང་ཚོར་མི་ལོ༥༠༠༠གི་ལོ་རྒྱུས་ལྡན་པའི་དཔལ་ཡོན་ཡོད་ཅེས་སྤོབས་པ་ཆེན་པོས་སྒྲོག་བཞིན་ཡོད། ཟོན་ཏེ་བོད་ཀྱི་གདོད་མའི་བོན་གྱི་དཔལ་ཡོན་དང་བསྡུར་ན་སྟོན་པ་གཤེན་རབས་མི་བོ་ཡེ་ལོ་སྔོན་གྱི་ལོ་ཉིས་སྟོང་ཡས་མས་ཀྱི་མཚམས་ཤིག་ཏུ་བྱུང་ཡོད་པར་ཆ་འཇོག་བྱས་ན་རྒྱ་བོད་ཀྱི་དཔལ་ཡོན་ལོ་རྒྱུས་བྱུང་བའི་དུས་ཚོད་ནི་ཕལ་ཆེར་གཅིག་ལ་ཁད་དུ་འགྱུར་རོ།། བོད་ཀྱི་ས་ཁུལ་གཞན་དག་ལས་བྱུང་བའི་ས་འོག་གི་དངོས་རྫས་ཀྱི་ལོ་ཚོད་དང་བསྡུར་ན་བོད་ཀྱི་དཔལ་ཡོན་ནི་རྒྱའི་དཔལ་ཡོན་དར་བའི་ལོ་དུས་ལས་ལྡབ་མང་བོས་སྔ་མོ་ནས་བྱུང་བ་ཞིག་ཡིན་ཟེར་དགོས་ཀྱང་། དངོས་དོན་དེ་དག་ལ་རྒྱའི་འོག་དྲང་བདེན་གྱི་ལོ་རྒྱུས་ཤིག་འགོད་མི་སྲིད། རྒྱ་གཞུང་གིས་བརྗོད་པའི་མི་རིགས་ལྔ་བཅུ་ང་དྲུག་ནང་བོད་ཀྱི་འཕྲོ་ནས་མི་རིགས་གཞན་དག་དང་བསྡུར་མི་འོས་པའི་མི་རིགས་ནི་སོག་པོ་དང་ཡུ་གུར་། མན་ཇུ་བཅས་རེད། ལོ་རྒྱས་ནང་སོག་པོ་དང་མན་ཇུ་ནི་རྒྱ་ནག་ལ་དབང་བསྒྱུར་མྱོང་བའི་མི་རིགས་གཉིས་ཡིན་ལ། ཡུ་གུར་ནི་ཐང་རྒྱལ་གྱི་རྒྱལ་ཁབ་རྒྱ་བསྐྱེད་གྲོགས་ཀྱི་རྒྱལ་ཁབ་ཅིག་དང་། ཐང་རྒྱལ་བོད་བཙན་པོའི་མངའ་འོག་ནས་སྐྱོབ་མཁན་གྱི་གྲོགས་པོ་བཟང་བོ་ཞིག་ཀྱང་རེད། སོག་པོ་ནི་བཙན་པོའི་དཔུང་ཤུགས་ཀྱིས་འཛམ་གླིང་ཕལ་ཆེར་དབང་འོག་ཏུ་བསྡུ་མྱོང་བའི་མི་རིགས་བཙན་ཤེད་ཅན་ཞིག་ཡིན་ལ། རྒྱ་ལས་བོད་ཀྱི་ཆོས་དང་རིག་གཞུང་གིས་ཤུགས་རྐྱེན་ལྡབ་འགྱུར་གྱིས་ཐེབས་ཡོད་པའི་མི་རིགས་ཤིག་ཀྱང་རེད། བོད་ཀྱི་བླ་མ་ས་སྐྱ་འགྲོ་མགོན་ཆོས་འཕགས་ཀྱིས་རྒྱ་མི་ཁྲི་སྟོང་མང་བོ་སྡེབ་གསོད་བྱེད་པའི་རྒྱའི་མི་ཡུར་ཆེན་པོ་བཀག་པའི་ལོ་རྒྱུས་ལྟ་བུ་གྲངས་ཉུང་དུ་བརྩི་བའི་མི་རིགས་དག་གི་ནང་ཡོད་མ་མྱོང་། འོན་ཏེ་རྒྱ་རིགས་ནང་ལོ་རྒྱུས་དེར་མཐོང་ཆེན་བྱེད་མཁན་གྱི་རྒྱ་རིགས་ཉིན་དཀར་ལྟར་དཀོན་པོ་ཡིན་པ་འདིས་ཀྱང་ཁོང་ཚོའི་རིགས་འདི་དྲང་བདེན་ལས་གཡོ་སྒྱ་ལ་གོམས་ཡོད་པའི་གཤིས་སྤྱོད་རྩིང་པོ་ཅན་ཞིག་ཨེ་ཡིན་སྙམ་དུ་ང་ནི་རྟོག དེས་ན་བོད་ནི་རྒྱ་ནག་གི་དབུ་བླ་དང་། སོག་པོ་དང་མན་ཇུ་ནི་དབང་བསྒྱུར་པ། ཡུ་གུར་ནི་རྒྱ་བོད་ཀྱི་བཙན་འོག་ནས་སྐྱོབ་གྲོགས་ཡིན་པས་རྒྱ་མིས་བརྗོད་པའི་མི་རིགས་དཀྱུས་མ་དག་གི་ནང་བགྲངས་ཏེ་ཁྲིམས་བཟོ་ཁུལ་བྱས་པ་ནི་དོན་དངོས་དང་གཏན་ནས་མི་མཐུན་པ་ཞིག་རེད། ངོ་སྤྲོད། ༢༠༢༦ ལོའི་ཟླ་༣ ཚེས་༡༢ ཉིན་རྒྱ་ནག་གི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱིས་མི་རིགས་མཐུན་སྒྲིལ་དང་ཡར་རྒྱས་ལ་སྐུལ་འདེད་གཏོང་བའི་སྐོར་གྱི་མི་དམངས་སྤྱི་མཐུན་རྒྱལ་ཁབ་ཀྱི་བཅའ་ཁྲིམས་ལ་འོས་ཤོག་༢༧༥༦ དང་ངོ་རྒོལ་༣། བར་གནས་སྤོང་འོས་༣...

བོད་ཀྱི་གསེར་རྟ་བླ་རུང་སྒར་དུ་གྲྭ་བཙུན་གྱི་བཞུགས་ཤག་བཤིག་གཏོར་གྱི་ལས་འགུལ་ཁྲོད་ནས་དཀའ་ངལ་གསར་པ་འཕྲད་བཞིན་པ།

སེཊེམ་རིག་ཚན་འགྲེམས་སྟོན་བརྒྱུད་བོད་པའི་གཞོན་སྐྱེས་ཁྲོད་ཚན་རིག་པ་གང་མང་སྐྱེད་སྲིང་ཐུབ་པའི་རེ་བ་གནང་གི་ཡོད་ཅེས། ཤེས་རིག་བཀའ་བློན་མཆོག་གིས་གསུང་གི་འདུག སློབ་མ་ས་སོ་སོར་ཚན་རིག་པ་ཆགས་ཐུབ་པའི་ནུས་པ་ཡོད་མེད་ངོས་འཛིན་ཐུབ་དགོས་གལ་ཆེ་བས། ཤེས་རིག་ལས་ཁུངས་ནས་ལོ་ལྟར་གོ་སྒྲིག་ཞུས་པའི་སེཊེམ་རིག་ཚན་འགྲེམས་སྟོན་བརྒྱུད་སློབ་མ་རྣམས་ལ་གསར་གཏོད་ཀྱི་ནུས་པ་དང་། དཔྱད་ཞིབ་ཀྱི་བསམ་བློ། ཚན་རིག་གི་ལག་ལེན་ནུས་རྩལ་བཅས་མངོན་པར་བྱེད་པའི་སྡིངས་ཆ་ཞིག་བསྐྲུན་ཏེ། བོད་པའི་སྤྱི་ཚོགས་ཁྲོད་ཚན་རིག་པ་མང་ཙམ་སྐྱེད་སྲིང་ཐུབ་པའི་ཆ་རྐྱེན་བསྐྲུན་བཞིན་ཡོད་པ། ཤེས་རིག་བཀའ་བློན་ཨོ་རྒྱན་བསྟན་འཛིན་ལགས་ཀྱིས་འདི་ག་ཨེ་ཤེ་ཡ་རང་དབང་རླུང་འཕྲིན་ཁང་ལ་གསུངས་བྱུང་། འདས་ལོ་བཞིའི་ནང་ཤེས་རིག་ལས་ཁུངས་ནས་མཐོ་སློབ་ཀྱི་སློབ་ཡོན་བཞེས་མཁན་ཁོངས་རིག་ཚན་ཐོག་བསྐྱོད་མཁན་བརྒྱ་ཆ་ ༣༠ ཙམ་ཕར་འདུག

བྷང་ལ་དྷེ་ཤིའི་སྲིད་བློན་ཟུར་པ་ཧ་སི་ནཱ་འདི་ལོའི་ལོ་མཇུག་ཏུ་རང་ཡུལ་ལ་ལོག་རྒྱུ་ཡིན་ཚུལ་བརྗོད་ཡོད་ཀྱང་། མོ་རང་དེ་སྔོན་རང་ཡུལ་བྷང་ལ་དྷེ་ཤིའི་ནང་སློབ་མ་སྟོང་ཚོ་མང་པོས་ངོ་རྒོལ་བྱེད་སྐབས་དྲག་གནོན་ཚབས་ཆེན་བྱས་ཡོད་པར་བརྟེན། ཕྱིར་རང་ཡུལ་ལོག་དུས་སྲོག་ཁྲིམས་ཕོག་སྲིད་པའི་ཉེན་ཁ་ཆེན་པོ་ཡོད་འདུག The post བྷང་ལ་དྷེ་ཤིའི་སྲིད་བློན་ཟུར་པ་རང་ཡུལ་ལ་ལོག་རྒྱུ་ཡིན་པ་བཤད་ཀྱང་སྲོག་ཁྲིམས་ཕོག་སྲིད་པ་བརྗོད། appeared first on བོད་ཀྱི་བང་ཆེན།.

དེ་རིང་ཕྱི་ཟླ་ ༧ ཚེས་ ༡༧ ཉིན་བོད་རིག་པའི་ཆེད་མཁས་པ་དང་། མཚོ་སྔོན་མི་རིགས་སློབ་ཆེན་གྱི་དགེ་རྒན་ཆེན་མོ་ཟུར་བ་བདེ་མཆོག་ལགས་དགུང་ལོ་ ༨༦ སྟེང་སྐུ་གྲོངས་པའི་གནས་ཚུལ་ཐོན་ཡོད་ཅིང་། བོད་ནང་གི་མཁས་པ་དང་། ཤེས་ཡོན་ཅན། འདས་པོ་གང་གི་སློབ་མ། དེ་བཞིན་བོད་ཀྱི་རིག་གནས་ལ་དོ་སྣང་ཡོད་མཁན་མང་དག་ཅིག་གིས་མྱ་ངན་དང་རྗེས་དྲན་ཞུ་མུས་ཡིན་པ་མ་ཟད།  བོད་ནང་གི་དྲ་ལམ་ཕལ་མོ་ཆེར་ཁོང་ལ་རྗེས་དྲན་ཞུ་བའི་མཆོད་མེ་དང་ཁོང་གི་སྐུ་པར་གྱིས་ཁེངས་འདུག The post བོད་རིག་པའི་མཁས་དབང་བདེ་མཆོག་ལགས་སྐུ་གྲོངས། appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༧ ཚེས་ ༡༥ ཉིན་བེལ་ཇི་ཡམ་གྲོས་ཚོགས་ཀྱི་ཕྱི་སྲིད་ལས་དོན་ཚོགས་ཆུང་གི་ཚོགས་འདུའི་ཐོག་གྲོས་ཚོགས་འཐུས་མི་ཁག་གཅིག་གིས་སྲིད་གཞུང་ནས་རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ལ་ངོ་རྒོལ་ཤུགས་ཆེ་གནང་དགོས་པའི་འབོད་སྐུལ་དང་། ཁྲིམས་གསར་འདིའི་བརྒྱུད་མི་རིགས་སིམ་སྒྱུར་ལམ་ལུགས་ལྡན་པ་དང་རྒྱ་ནག་ཕྱི་ལོགས་སུ་དྲག་གནོན་སྔར་ལྷག་ཇེ་ཤུགས་ཆེ་རུ་འགྲོ་ཉེན་ཡོད་པ་གསུངས་ཡོད། གྲོས་ཚོགས་ཚོགས་འདུའི་ཐོག་བེལ་ཇི་ཡམ་གྲོས་ཚོགས་འཐུས་མི་ཕྱི་སྲིད་ལས་དོན་ཚོགས་ཆུང་གི་ཚོགས་གཙོ་ལྕམ་སྐུ་ཨེལ་སི་ཝན་ཧོབ་ (Els Van HOOF) ལགས་དང་། གྲོས་ཚོགས་འཐུས་མི་ཁ་ཊི་རིན་ཝན་རི་ཊི་ (Katrijn van Riet) ལགས། བི་རིཊ་ཧུའེ་བྷེར་ཆིཊ་ (Britt Huybrechts) ལགས། ཨན་ནིག་ལམ་བྷེ་རེ་ཆི་ (Annick Lambrecht) ལགས་བཅས་ནས་བེལ་ཇི་ཡམ་གྱི་སྲིད་བློན་གཞོན་པ་དང་ཕྱི་སྲིད་བློན་ཆེན་མེཀ་སིམ་ པྲེ་བོ་ (Maxime Prévot) མཆོག་ལ་ཕྱི་ལོ་ ༢༠༢༦ ཟླ་བ་ ༧ ཚེས་ ༡ ཉིན་ལག་བསྟར་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བའི་ཐོག་དྲི་བ་བཏོན་ཡོད། སྐབས་དེར་གྲོས་ཚོགས་འཐུས་མི་རྣམས་ནས་ཁྲིམས་གསར་ལ་ཐུགས་འཚབ་ཤུགས་ཆེ་བསྟན་པ་དང་སྦྲགས། ཁྲིམས་གསར་འདིའི་བརྒྱུད་བོད་མི་དང་།...

ཟླ་འདིའི་ཕྱི་ཚེས་ ༥ ཉིན་བོད་ཀྱི་རྒྱལ་ས་ལྷ་སར་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་བཅའ་ཁྲིམས་ཟེར་བར་སློབ་སྦྱོང་དང་། དྲིལ་བསྒྲགས། ལག་བསྟར་བྱེད་པའི་བཞུགས་མོལ་ཚོགས་འདུ་ཞིག་འཚོགས་ཡོད་ཅིང་། ཚོགས་འདུ་དེའི་ཐོག་རྒྱ་ནག་གཞུང་གིས་བོད་ནང་མི་རིགས་མཐུན་སྒྲིལ་ཡར་སྐུལ་ཟེར་བའི་བཅའ་ཁྲིམས་ཀྱི་ནུས་པ་ཐོན་པར་སྐུལ་འདེད། The post ཉིན་གྲངས་ ༡༧ ནང་བོད་དུ་བྱུང་བའི་ཆོས་དང་ཆབ་སྲིད་ཀྱི་གནས་ཚུལ་ཁག་ཅིག appeared first on བོད་ཀྱི་དུས་བབ།.

རྒྱ་ནག་གཞུང་གིས་བོད་དང་རྒྱ་གར་གྱི་མཐའ་མཚམས་ཁུལ་དུ་གྲོང་ཚོ་ལྔ་འཛུགས་སྐྲུན་བྱས་ཚར་ཡོད་ལུགས་བསྒྲགས་པ་མ་ཟད། མཐའ་མཚམས་ཀྱི་གྲོང་ཚོའི་ནང་དུའང་ཚོང་ལས་གཉེར་མཁན་རྒྱ་རིགས་ཤ་སྟག་ཡིན་འདུག The post རྒྱ་ནག་གཞུང་གིས་རྒྱལ་སྲུང་མཐའ་མཚམས་ཀྱི་གྲོང་ཚོ་ལྔ་པ་དེ་འཛུགས་སྐྲུན་བྱས་ཚར་ཡོད་ཟེར། appeared first on བོད་ཀྱི་དུས་བབ།.

༄༅། །ཕྱི་ལོ ༢༠༢༦ ཟླ་བ་ ༧ ཚེས་ ༡༦ ཉིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་སྦིར་སྡེ་ནང་གསུམ་དུ་གཞུང་འབྲེལ་འཚམས་གཟིགས་གནང་ཡོད། དེ་ཡང་དཔལ་ལྡན་སྲིད་སྐྱོང་མཆོག་སྦིར་སྡེ་ནང་གསུམ་དུ་ཕེབས་འབྱོར་སྐབས་སྦིར་བོད་ཚོགས་ཀྱི་ས་གནས་འགོ་འཛིན་ཀརྨ་རྣམ་རྒྱལ་ལགས་དང་། སྦིར་ནང་ཆེན་ས་གནས་འགོ་འཛིན་བསམ་གཏན་ཆོས་འཕེལ་ལགས། སྦིར་སྡེ་དགེ་ས་གནས་འགོ་འཛིན་དཀོན་མཆོག་ལྷ་མོ་ལགས་བཅས་ནས་ཕེབས་བསུའི་སྣེ་ལེན་གཟབ་རྒྱས་ཞུས་ཡོད། འཚམས་གཟིགས་རིང་དཔལ་ལྡན་སྲིད་སྐྱོང་མཆོག་གིས་ས་གནས་ཀྱི་དགོན་སྡེ་ཁག་དང་། ས་གནས་འགོ་འཛིན་གྱི་ལས་ཁུངས། ས་གནས་འཐུས་ཚོགས་ལས་ཁུངས། ས་གནས་རང་བདེན་ཚོགས་ཆུང་གི་ལས་ཁུངས། ས་གནས་འཕྲོད་བསྟེན་སྨན་ཁང་། སཾ་བྷོ་ཊ་སློབ་གྲྭ། ཅོན་ཏ་ར་བོད་ཁྱིམ། ཡན་ལག་སྨན་རྩིས་ཁང་། དོན་ལྡན་གླིང་རྒན་གསོ་ཁང་སོགས་སུ་གཟིགས་ཞིབ་གནང་ཡོད།དེ་རྗེས་དཔལ་ལྡན་སྲིད་སྐྱོང་མཆོག་ཅོན་ཏ་ར་བོད་ཕྲུག་ཁྱིམ་སྡེར་ཕེབས་འབྱོར་སྐབས་སློབ་གྲྭའི་སློབ་སྤྱི་པ་སངས་ཚེ་རིང་ལགས་གཙོས་པའི་དགེ་ལས་སློབ་ཕྲུག་རྣམས་ནས་ཕེབས་བསུ་ཞུས་གྲུབ་མཚམས། སློབ་གྲྭའི་ཚོགས་ཁང་དུ་དཔལ་ལྡན་སྲིད་སྐྱོང་མཆོག་གིས་དགེ་ལས་སློབ་ཕྲུག་རྣམས་ལ་གསུང་བཤད་གནང་དོན། སློབ་མ་རྣམས་ནས་བོད་པའི་གནའ་དེང་གཉིས་ཀྱི་ལོ་རྒྱུས་ཐོག་སློབ་གཉེར་གནང་དགོས་པ་དང་། དེ་བཞིན་རྒྱ་ནག་གཞུང་གི་དབང་བསྒྱུར་འོག་བོད་ནང་རང་བྱུང་གི་ཐོན་ཁུངས་དང་། ཐུན་མོང་མ་ཡིན་པའི་བོད་པའི་སྐད་དང་རིག་གཞུང་བཅས་པ་རྩ་གཏོར་དུ་གཏོང་བཞིན་པའི་གནས་སྟངས་ཐོག་རྒྱུད་ལོན་གཏིང་ཟབ་གཏོང་དགོས་པའི་སྐུལ་འདེད་གནང་ཡོད། ད་ལྟའི་བོད་མི་རྣམས་བཙན་བྱོལ་དུ་གནས་སྟངས་ཚགས་ཚུད་དེ་ལྟ་བུ་ཞིག་ལོངས་སུ་སྤྱོད་རྒྱུ་ཡོད་པ་ནི་མི་རབས་རྒན་པ་རྣམས་དང་། ལྷག་པར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་རྗེའི་བཀའ་དྲིན་ཉག་གཅིག་ལ་བརྟེན་ནས་བྱུང་བར་སོང་དེ་དག་སེམས་ལ་དྲན་དགོས་པའི་ལམ་སྟོན་དང་། མ་འོངས་པའི་བོད་མིའི་རང་དབང་འཐབ་རྩོད་ནི་གཞོན་སྐྱེད་རྣམས་ལ་རག་ལས་ཡོད་པས། སློབ་མ་ཚོས་སློབ་སྦྱོར་ཧུར་ཐག་གནང་སྟེ་བོད་པའི་སྤྱི་ཚོགས་དང་བོད་དོན་ཐོག་ཞབས་འདེགས་ཞུ་ཐུབ་པ་ཞིག་དགོས་པ་གསུངས། དེ་བཞིན་སློབ་གྲྭའི་དུས་ཡུན་རིང་འགོ་ཁྲིད་ཀྱི་ནུས་པ་གོང་མཐོར་གཏོང་དགོས་གལ་ཐོག་ལའང་གསུང་བཤད་གནང་ཡོད།ཕྱོགས་མཚུངས་དཔལ་ལྡན་སྲིད་སྐྱོང་མཆོག་གིས་སྦིར་སྡེ་ནང་གསུམ་གྱི་གཞིས་མི་རྣམས་ལ་གསུང་བཤད་གནང་དོན། ད་ལྟའི་ཆར་བོད་པའི་སློབ་གྲྭའི་ནང་སློབ་མ་གསར་འཇུག་གི་གྲངས་ཇེ་ཉུང་དུ་འགྲོ་བཞིན་པའི་ཐོག་གསལ་སྟོན་གྱིས། བོད་ཕྲུག་ཁྱིམ་སྡེ་དང་མ་སུ་རི་བོད་ཁྱིམ། སཾ་བྷོ་ཊ་བོད་སློབ་བཅས་ཀྱི་ནང་འཕྲད་བཞིན་པའི་དཀའ་ངལ་དག་འབྲེལ་ཡོད་འགན་འཛིན་དང་ལྷན་བགྲོ་གླེང་གིས་རྒྱུན་རིང་གི་ཐབས་ལམ་ཞིག་འཚོལ་ཐབས་བྱ་རྒྱུ་ཡིན་པ་དང་། དེ་ལྟར་སློབ་མ་གསར་འཇུག་གི་གྲངས་ཇེ་ཉུང་དུ་འགྲོ་དགོས་དོན་ནི་གཙོ་བོ་བོད་ནང་དམ་དྲག་ཆེ་རྐྱེན་བཙན་བྱོལ་དུ་སླེབས་མཁན་ཉུང་དུ་འགྲོ་བཞིན་པ་དང་། བཙན་བྱོལ་ནང་སྐྱེ་འཕེལ་གྲངས་ཚད་ཉུང་དུ་འགྲོ་བཞིན་པ། དེ་བཞིན་ཕྱི་རྒྱལ་ཡུལ་གྲུ་ཁག་ཏུ་གཞིས་སྤོས་བཅས་ལས་བྱུང་བ་ཡིན་སྐོར་དང་འབྲེལ། ཉེ་བའི་ཆར་མི་འབོར་ཞིབ་བཤེར་ལ་གཞིགས་ན་རྒྱ་གར་དང་བལ་ཡུལ་དུ་བོད་ཕྲུག་གྲངས་ ༤༠༠ ལས་སྐྱེས་མེད་སྐོར་བཅས་གསུངས་ཡོད།ཕྱོགས་མཚུངས་དཔལ་ལྡན་སྲིད་སྐྱོང་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གསོལ་སྩལ་གནང་བའི་མང་གཙོའི་ལམ་ལུགས་ཀྱི་གནལ་གནད་དང་། བོད་མི་དང་ལྷག་པར་གཞོན་སྐྱེས་རྣམས་ནས་བཙན་བྱོལ་ནང་ཡོད་པའི་སྒྲིག་འཛུགས་ཁག་ལ་མཉམ་ཞུགས་གནང་བའི་སྒོ་ནས་མང་གཙོའི་ལམ་ལུགས་དེ་བཞིན་རིན་ཐང་ཅན་ཞིག་དང་སྲུང་སྐྱོབ་བྱེད་དགོས་པའི་འབོད་སྐུལ་གནང་ཡོད།...

༄༅། །བོད་མིའི་སྒྲིག་འཛུགས་ཀྱི་ནང་སྲིད་བཀའ་བློན་དཔལ་ལྡན་དོན་གྲུབ་མཆོག་ཕྱི་ལོ་ ༢༠༢༦ ཟླ་བ་ ༧ ཚེས་ ༨ ནས་ ༡༣ བར་འབྲས་ལྗོངས་མངའ་སྡེའི་བྱང་ཕྱོགས་བོད་མིའི་འདུས་སྡོད་ས་གནས་ལ་ཆུང་དང་ལ་ཆེན་ཁུལ་གྱི་ཀ་བྷི་དང་། མ་ནུལ། པད་ཀོང་། ཅུང་ཐང་། མུ་ཤྰི་ཐང་། འབྲོག་ཡུལ་ཐང་གུ། ཚ་སྟེང་བཅས་དང། སྒང་ཏོག་ཁུལ་གྱི་གུ་རུ་སྐུ་འབུམ་ལྷ་ཁང་དང་། རུམ་བཏེག་དགོན་པ། ས་སྐྱ་ངོར་དགོན་པ། རོང་ངེ་རྒས་གསོ་ཁང་། སེར་བྱེས་དགོན་པ་སོགས་དང་། ནུབ་གྷེང་གལ་མངའ་ཁུལ་རྡོར་གླིང་ཁྱབ་ཁོངས་ས་གནས་ཁག་ཏུ་གཞུང་འབྲེལ་འཚམས་གཟིགས་བསྐྱངས་ཡོད།དེ་ཡང་ཕྱི་ཚེས་ ༨ ཉིན་གྱི་སྔ་དྲོ་འབྲས་ལྗོངས་རྒྱལ་ས་སྒང་ཏོག་ནས་ཕེབས་ཐོན་གྱིས་ཕེབས་ལམ་དུ་ཀ་བྷི་དང་། མ་ནུལ་བོད་མིའི་འདུས་སྡོད་མཇལ་འཕྲད་ཀྱིས་པད་ཀོང་དུ་མུ་ཤི་ཏང་དང་། ཅུང་ཐང་། པད་ཀོང་བཅས་ཀྱི་མི་མང་མཇལ་འཕྲད་གནང་ཐོག་གཞུང་འབྲེལ་གསུང་བཤད་གནང་སྟེ། བཀའ་འདྲི་ཞུས་ཁག་ལ་ལན་འདེབས་ཞིན་ཕྲ་གནང་། ཕྱི་ཚེས་ ༩ ཉིན་ཡུམ་ཐང་དང་ལ་ཆུང་བརྒྱུད་ལ་ཆེན་ཁུལ་གྱི་ཐང་གུ་རུ་ཕེབས་འབྱོར་གྱིས་དེར་ཡོད་མི་མང་དང་། འབྲོང་གུ་དང་ལྷོ་ནག་བོད་རིགས་འབྲོག་པ་རྣམས་མཇལ་འཕྲད་གནང་སྟེ་གསུང་བཤད་དང་དྲི་བ་ཁག་ལ་ལན་འདེབས། དེ་བཞིན་གནས་དེར་ཡོད་པའི་ཉེ་སྔོན་མེ་སྐྱོན་ཤོར་བའི་དགོན་སྡེ་རུ་གཟིགས་ཞིབ་ཏུ་ཕེབས་ཏེ་དཀའ་ངལ་ཞུས་ཁག་གསན་བཞེས་གནང་། དེ་ཉིན་ཉིན་རྒྱབ་ཚ་སྟེང་དུ་ཕེབས་ཏེ་མི་མང་རྣམས་ལ་གསུང་བཤད་གནང་སྟེ། ཕྱི་ཉིན་ཏེ། ཕྱི་ཚེས་ ༡༠ ཉིན་ཚ་སྟེང་ནས་སྒང་ཏོག་ཏུ་ཕྱིར་ཕེབས་གནང་།ཕྱི་ཚེས་ ༡༡...

ནིའུ་ཡོག་དང་ནིའུ་ཇར་སིའི་ས་གནས་བོད་ཀྱི་གཞོན་ནུ་ལྷན་ཚོགས་ཀྱིས་ནིའུ་ཡོག་གྲོང་ཁྱེར་དུ་ཡོད་པའི་རྒྱ་ནག་གཞུང་ཚབ་ཁང་ལ་ཡི་གེ་ཞིག་སྐྱེལ་རྩིས་བྱེད་སྐབས་རྒྱ་ནག་གཞུང་ཚབ་ཡན་ལག་ཁང་དུ་འཛུལ་རྒྱུར་བཀག་འགོག་བྱས་པ་མ་ཟད་ལྕགས་སྒོ་དེ་རྒྱབ་ནས་ལས་འགུལ་བ་ཚོ་འཛུལ་བཅུག་མི་འདུག ལས་འགུལ་འདི་ནི་ཕྱི་ཟླ་ ༧ ཚེས་ ༢ ཉིན་མཉམ་འབྲེལ་རྒྱལ་ཚོགས་ཀྱི་ལས་ཁུངས་ཀྱི་ཕྱི་ཕྱོཊ་སུ་བློ་དགའ་རང་བཙན་ལགས་ཀྱིས་རང་ལུས་མེར་བསྲེགས་གནང་སྟེ་སྐུ་གཤེཊ་པ་ཁོང་ལ་རྗེས་དྲན་དང་མཇུག་འདེད་ཀྱི་ལས་འགུལ་ཞིག་ཆགས་ཀྱི་ཡོད་པ་རེད། ལས་འགུལ་ནང་མཉམ་ཞུགས་གནང་མཁན་ངག་དབང་བཀྲིས་ལགས་ཀྱིས་གསུང་དོན་དུ། བློ་དགའ་རང་བཙན་ལགས་ཀྱིས་རང་ལུས་མེར་སྲེག་གནང་བའི་རྗེས། བོད་ཀྱི་གནད་དོན་ལ་རྒྱལ་སྤྱིའི་མང་ཚོགས་ཀྱིས་ཡང་བསྐྱར་དོ་སྣང་བྱེད་འགོ་ཚུགས་པ་མཐོང་བྱུང་ལ། དེས་རྒྱ་ནག་ལའང་གང་ཙམ་གྱི་གནོན་ཤུགས་སླེབས་ཡོད། ང་ཚོས་ཕུལ་བའི་ཡི་གེར་རྒྱ་ནག་གི...

【དྷ་རམ་སར། 】 བརྒྱུད་ལམ་ཁག་གིས་གནས་ཚུལ་སྤེལ་གསལ་ལྟར་ན། ཕྱི་ལོ་༢༠༢༦ ཟླ་༧ ཚེས་ ༡༣ ཉིན། རྒྱ་ནག་གཞུང་གིས་བོད་ཤར་མཐའ་ཤར་རྒྱལ་མོ་ཚ་བ་རོང་ས་ཁུལ་གྱི་མགྱོགས་ལམ་འཛུགས་སྐྲུན་གྱི་བརྒྱུད་ལམ་དུ་འཁེལ་ཡོད་པར་ཁ་གཡར་ནས། The post རྒྱ་གཞུང་གིས་ལོ་ངོ་སྟོང་ཕྲག་གི་ལོ་རྒྱུས་ལྡན་པའི་རྒྱལ་རོང་གི་མཁར་རྫོང་གཏོར་བཤིག་བཏང་། appeared first on བོད་ཀྱི་བང་ཆེན།.

སྲས་མཁས་གྲུབ་དོན་འགྲུབ་ཀྱིས་བརྩམས། གོང་བུས་དབྱིན་ཡིག་ནས་བོད་ཡིག་ཏུ་བསྒྱུར།  བོད་པ་ཚོས་ངེས་པར་དུ་གདོང་ལེན་བྱ་དགོས་པའི་སྐྱུག་བྲོ་བའི་བདེན་པ་ཞིག་ཡོད། ད་དུང་ཡང་རྒྱ་ནག་དམར་ཤོག་ཚོགས་པས་ (CCP) ཉིན་ཞིག་བོད་ལ་དངོས་གནས་ཀྱི་རང་སྐྱོང་སྤྲོད་ངེས་པར་ཡིད་ཆེས་མཁན་རྣམས་ནི་འཁྲུལ་སྣང་ཞིག་ལ་འཇུས་ནས་བསྡད་ཡོད། བོད་ནང་གི་དམར་ཤོག་ཚོགས་པའི་ལོ་རྒྱུས་ནི་འདུམ་འགྲིག་དང་གྲོས་མོལ། རིག་གཞུང་གི་ངོ་བོར་བརྩི་བཀུར་གྱི་ལོ་རྒྱུས་མ་རེད། དེ་ནི་ཚོད་འཛིན་དང་། རྒྱ་བསྒྱུར། གཉའ་གནོན་གྱི་ལོ་རྒྱུས་ཤིག་ཡིན། དེ་ལྟའི་ལམ་ལུགས་ཤིག་གློ་བུར་ཞི་འཇམ་དུ་གྱུར་ནས་བོད་པ་ཚོར་རང་དབང་ངང་འཚོ་བའི་གོ་སྐབས་སྤྲོད་ངེས་རེད་ཅེས་བསམ་པ་ནི་རེ་བ་ཙམ་ལ་བརྟེན་པའི་འཆར་སྣང་ཞིག་ཡིན།  དམར་ཤོག་ཚོགས་པའི་དབང་སྒྱུར་འོག་དེང་སང་གི་བོད་ནང་གི་འཚོ་བ་ནི་ལྟ་རྟོག་གིས་ཁྱབ་ཡོད་དེ།  ལམ་མདོ་རེ་རེར་པར་ཆས་བཙུགས་ཏེ་དགོན་པ་དང་། གྲོང་ཚོ། ཐ་ན་སྒེར་གྱི་ཁྱིམ་ཚང་ཚུན་ཆད་ལ་ལྟ་ཞིབ་བྱེད་ཀྱི་ཡོད། བོད་ཀྱི་རིག་གཞུང་ཉམས་རྒུད་ཇེ་ཆེར་འགྲོ་བཞིན་ཡོད། སློབ་གྲྭ་ཁག་ཏུ་བོད་ཀྱི་སྐད་ཡིག་ཟུར་ཕུད་བྱེད་བཞིན་ཡོད། ཆོས་ལུགས་ཀྱི་ཉམས་ལེན་ལ་བཀག་སྡོམ་བྱས་ཡོད། དེང་རབས་ཅན་ཞེས་པའི་མིང་འོག་ནས་སྲོལ་རྒྱུན་རྣམས་རིམ་བཞིན་ཉམས་ཆག་ཏུ་འགྲོ་བཞིན་ཡོད། ཆབ་སྲིད་ཀྱི་གཉའ་གནོན་ནི་ད་དུང་ཡང་རྒྱ་ཁྱབ་ཏུ་གནས་ཡོད།  མི་མཐུན་པའི་སྐད་ཆ་སྟེ་སྙན་ངག་གམ་ཡང་ན་སྨོན་ལམ་ཞིག ཡང་ན་ངོ་རྒོལ་གྱི་ལས་འགུལ་གང་ཞིག་ཡིན་ཡང་། མྱུར་དུ་དྲག་གནོན་བཀག་སྡོམ་བྱེད་ཀྱི་ཡོད། འདྲ་མཉམ་མིན་པའི་དཔལ་འབྱོར་གྱི་ཧེ་བག་ཇེ་ཆེར་འགྲོ་བཞིན་ཡོད། ས་གནས་ཀྱི་ཡུལ་མི་ལས་ཧན་མི་རིགས་གཞིས་ཆགས་པར་ཕན་པའི་རྒྱལ་ཁབ་ཀྱི་ཁེ་ལས་དང་འཛུགས་སྐྲུན་མང་བས།  བོད་པ་ཚོ་རང་གི་ཕ་ས་ཕ་ཡུལ་དུའང་ཟུར་དུ་ལུས་པའམ་གྲངས་ཉུང་ཆགས་ཡོད།  གལ་ཏེ་རང་སྐྱོང་དངོས་གནས་ཡོང་སྲིད་པ་ཡིན་ན། ད་ལྟའི་དམར་ཤོག་གི་ལམ་ལུགས་འོག་འཚོ་ཀྱིན་པའི་བོད་པ་ཚོས་ད་ལྟ་ནས་དེའི་རྟགས་མཚན་མཐོང་དགོས། འོན་ཀྱང་ཁོང་ཚོས་མཐོང་བ་ནི་དེའི་ལྡོག་ཕྱོགས་རེད། ཁོང་ཚོས་ནི་རྒྱ་ནག་རྒྱལ་ཁབ་དང་སྔར་ལས་ཟབ་པའི་སྒོ་ནས་མཉམ་བསྲེས་བྱེད་པ་དང་། དམ་དྲག་སྔར་ལས་ཆེ་བ། བོད་ཀྱི་ངོ་བོ་གསོན་གནས་ཐུབ་པའི་བར་སྟོང་སྔར་ལས་ཆུང་དུ་འགྲོ་བ་མཐོང་གི་ཡོད།  རྒྱ་ནག་དམར་ཤོག་ཚོགས་པས་ལོ་རབས་རེ་རེ་བཞིན་རང་གི་གཞི་རྩའི་ལངས་ཕྱོགས་མི་བསྒྱུར་བ་གསལ་བོ་བསྟན་ཚར་ཡོད། དམར་ཤོག་ཚོགས་པའི་ལྟ་གྲུབ་ཀྱི་གཞི་རྩ་ནི་ཚོད་འཛིན་ལ་བརྟེན་པ་ལས་འདུམ་འགྲིག་ལ་མིན། དེ་ལྟའི་ལམ་ལུགས་ཤིག་གི་ནང་གི་རང་སྐྱོང་ནི་དངོས་གནས་ཀྱི་རང་སྐྱོང་མ་རེད། དེ་ནི་རང་དབང་ལ་བརྫུས་པའི་གཡོ་སྒྱུའི་སྐེ་ཐག་ཅིག་ཡིན།  རང་བཙན་གཙང་མ་ནི་རང་ཐག་རང་གཅོད་ཀྱི་ཐོབ་ཐང་ངེས་སྲུང་བྱེད་པའི་ལམ་བུ་ཁོ་ན་དེ་ཡིན།  དེས་པེ་ཅིང་གི་སྒེར་གཅོད་ཀྱི་ཚབ་ཏུ་བོད་པ་ཚོར་རང་གི་མ་འོངས་པ་ཐག་གཅོད་བྱེད་པའི་གོ་སྐབས་སྤྲོད་ངེས་ཡིན་པ་མ་ཟད། དེས་བོད་ཀྱི་སྐད་ཡིག་དང་།...

ཁོར་ཡུག་སྲུང་སྐྱོབ་ལས་འགུལ་བ་ལ་དྭགས་བསོད་ནམས་དབང་ཕྱུག་གིས་རྒྱ་གར་གྱི་རྒྱལ་ས་ལྡི་ལིར་དུས་ཚོད་ངེས་མེད་ཀྱི་ཟས་བཅད་ངོ་རྒོལ་གྱི་ལས་འགུལ་སྤེལ་ནས་དེ་རིང་བར་ཉིན་གྲངས་༡༩ འཁོར་བཞིན་འདུག ཁོང་གི་དགོས་འདུན་གཙོ་བོ་ནི། རྒྱ་གར་དབུས་གཞུང་གི་ཤེས་རིག་བློན་ཆེན་ལས་གནས་ནས་དགོངས་པ་ཞུ་དགོས་པ་དང་། ལ་དྭགས་ལ་མངའ་སྡེའི་ཐོབ་ཐང་སྤྲོད་དགོས་པ་བཅས་ཡིན་འདུག The post ཤེས་རིག་བློན་ཆེན་དགོངས་པ་ཞུ་དགོས་པ་དང་ལ་དྭགས་ལ་མངའ་སྡེའི་ཐོབ་ཐང་དགོས་པའི་ཟས་བཅད་ངོ་རྒོལ། appeared first on བོད་ཀྱི་བང་ཆེན།.

དཀར་མཛེས་ཁུལ་སྐྱེས་ཁམས་ཁོར་ཡུག་ཚན་པའི་འགན་འཛིན་ཟུར་བ་དཀོན་མཆོག་གིས་རྒྱ་ནག་དམར་ཤོག་ཚོགས་པར་བཟུང་པའི་བསམ་འདུན་ཉམས་པ་སོགས་ཀྱི་དབང་གིས་རྒྱ་ནག་དམར་ཤོག་ཚོགས་པའི་སྐྱིད་སྡུག་ཟེར་བ་ནས་ཕྱིར་ཕུད་བྱས་ཏེ་ཞིབ་བཤེར་བྱེད་མུས་ཡིན་འདུག The post དཀར་མཛེས་ཁུལ་སྐྱེ་ཁམས་ཁོར་ཡུག་ཚན་པའི་འགན་འཛིན་ཟུར་བ་དཀོན་མཆོག་ལ་ཞིབ་བཤེར་བྱེད་ཀྱིན་འདུག appeared first on བོད་ཀྱི་དུས་བབ།.