བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྒྲོལ་མ་ཚེ་རིང་མཆོག་གིས་༧གོང་ས་མཆོག་གི་སྐུ་དྲིན་ཉག་ཅིག་ལ་བརྟེན་ནས་ད་ལྟའི་ཆར་བོད་ཀྱི་བུད་མེད་རྣམས་ཀྱིས་འཛིན་སྐྱོང་དང་ཆབ་སྲིད་གཉིས་ཀའི་ནང་དུ་ལས་འགན་འཁུར་མུས་ཡིན་སྐོར་སོགས་གསུངས་སོང་། དེ་རིང་ཕྱི་ཟླ་ ༦ ཚེས་ ༡ ཉིན་བོད་མིའི་སྒྲིག་འཛུགས་ཀྱི་སྲིད་སྐྱོང་ཚོགས་ཁང་དུ། བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་གཙོ་བྱས་པའི་མཛད་གཙོ་རྣམ་པ་དབུ་བཞུགས་ཐོག སྐབས་བཅོ་བརྒྱད་པའི་བོད་མི་མང་སྤྱི་འཐུས་ཚོགས་གཙོ་སྒྲོལ་མ་ཚེ་རིང་མཆོག་དང་། ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་རྣམ་གཉིས་ཀྱིས་ཆེས་མཐོའི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གི་མདུན་ནས་ལས་འཁུར་དམ་འབུལ་ཞུས་སོང་། སྐབས་བཅོ་བརྒྱད་པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྒྲོལ་མ་ཚེ་རིང་མཆོག་གིས་འདི་གའི་གསར་འགོད་པར། སྔོན་མ་ང་རང་ཚོགས་གཞོན་རེད། སྐུ་ངོ་ལགས་ཚོགས་གཞོན་ཚོགས་གཙོ་རེད། གནས་ལུགས་དེའི་ཐོག་ནས་མི་རྟག་པ་ཡིན་པ་དང་། ཚང་མ་རྟག་པ་བརྟན་པོ་མེད་པ་ཚང་མས་ཧ་གོ་དགོས་ཀྱི་འདུག་ལ། སུ་ཞིག་གོ་གནས་གང་ཞིག་ལ་སླེབས་རུང་ལས་ཁུར་བྱས་པའི་རིང་ལ་ཁྲིམས་སྒྲིག་གི་དགོངས་དོན་བཞིན། ལྷག་བསམ་རྣམ་དག་གི་ཐོག་ནས་ཚང་མ་མཉམ་དུ་ཁྲིད་དགོས་པ་ནི་གལ་ཆེ་ཤོས་ཡིན་པའི་ཚོར་སྣང་བྱུང་། མི་མང་པོ་ཞིག་གིས་བུད་མེད་ཀྱི་ཚོགས་གཙོ་ཐོག་མ་ཡིན་མིན་གྱི་ཐོག་ནས་གླེང་སློང་མང་པོ་ཞིག་བྱུང་ཡང་། བོད་ཀྱི་བུད་མེད་ཅིག་གིས་བོད་ནང་ལ་ཆབ་སྲིད་ཀྱི་ཆ་ཤས་ལེན་ཐུབ་ཀྱི་མེད་ཀྱང་། ༧གོང་ས་རྒྱལ་བ་རིན་པོ་ཆེ་མཆོག་ནས་བཙན་བྱོལ་ནང་བོད་ཀྱི་བུད་མེད་ལ་བརྒྱ་ཆ་ལྔ་བཅུ་ཐམ་པའི་ས་མིག་ཅིག་གསོལ་སྩལ་གནང་ཡོད་པའི་བཀའ་དྲིན་གྱི་དབང་གིས། བོད་ཀྱི་བུད་མེད་རྣམས་ལ་སོ་སོའི་ནུས་པ་དང་ལྷག་བསམ། ཆོད་སེམས་ཡོད་པ་ཡིན་ན། ཁྲིམས་ཞིབ་པ་ཆེ་བ་དང་ཚོགས་གཙོའི་ཞབས་སྟེགས་སུ་ཕེབས་རྒྱུ་ཡོད་པ་ནི། དེ་རིང་ཚང་མར་བརྡ་ལན་ཞིག་ཆགས་ཡོད་རེད་བསམ་གྱི་འདུག ལྷག་པར་བོད་ཀྱི་བུད་མེད་རྣམས་ཀྱིས་སྔོན་མ་འཛིན་སྐྱོང་དང་ཆབ་སྲིད་ཀྱི་ནང་ལ་འགན་ཁུར་མ་བཞེས་པའི་སྐབས་ལའང་། སོ་སོའི་ཁྱིམ་ཚང་ཡག་པོ་བཟོ་ཡ་དང་སོ་སོའི་བུ་ཕྲུག་ལ་རང་མི་རིགས་ཀྱི་ཁྱད་ཆོས་དང་། མི་བཟང་པོ་དང་ཡག་པོ་ཞིག་བཟོ་རྒྱུའི་ཐད་ལ་བུད་མེད་རྣམས་ཀྱིས་ལེགས་སྐྱེས་ཕུལ་ཡོད། ད་ལྟའི་ཆར་ལ་འཛིན་སྐྱོང་དང་ཆབ་སྲིད་གཉིས་ཀའི་ནང་ལ་ལས་འགན་འཁུར་མུས་ཡིན་པ་ནི། ༧གོང་ས་རྒྱལ་བ་རིན་པོ་ཆེ་མཆོག་གི་སྐུ་དྲིན་ཉག་ཅིག་ལ་བརྟེན་ནས་བྱུང་བ་ཡིན་པའི་བཀའ་དྲིན་བསམ་ཤེས་ཤིག་བྱུང་། ཞེས་གསུངས་སོང་། ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་གིས། ད་ལྟ་བོད་མི་མང་སྤྱི་འཐུས་སྐབས་བཅོ་བརྒྱད་པའི་ཚོགས་གཞོན་གྱི་དམ་འབུལ་ཞུས་ཟིན་པ་རེད། ༧གོང་ས་རྒྱལ་བ་རིན་པོ་ཆེ་མཆོག་གིས་བོད་མི་ལ་དམངས་གཙོ་གསོལ་རས་གནང་སྟེ་ལོ་ངོ་ ༦༦ ལྷག་འགྲོ་ཡི་ཡོད་པ་རེད། དེར་བརྟེན་དམངས་གཙོ་དེ་ནུབ་ཕྱོགས་ཀྱི་རྒྱལ་ཁབ་མང་པོ་ཞིག་གིས་གལ་ཆེན་པོར་ངོས་འཛིན་གྱི་ཡོད་ལ། ང་ཚོ་ཤར་ཕྱོགས་ཁུལ་ནས་ལྷོ་ཨེ་ཤ་ཡའི་ནང་ལོགས་ནས་དམངས་གཙོའི་ཐོག་ལ་གོམ་པ་མདུན་སྤོས་བྱ་རྒྱུར་གལ་ཆེན་དུ་འཛིན་གྱི་ཡོད་པ་རེད། ༧གོང་ས་མཆོག་གི་རིང་ནས་སྙིང་དུ་བརྣགས་པའི་འདོད་པའི་དོན་གཅིག་དེ་བོད་མིར་དམངས་གཙོ་གསོལ་རས་གནང་ནས་སྐུ་དབང་རྩིས་སྤྲོད་གནང་རྒྱུ་གལ་ཆེན་པོ་ཡིན་ཞེས་པའི་བཀའ་དབང་ཕེབས་པ་གཞིར་བཟུང་། ང་ཚོ་སྤྱི་འཐུས་ལྷན་ཚོགས་དེ་གལ་ཆེན་པོ་ཞེ་དྲགས་རེད། སྤྱི་འཐུས་ལྷན་ཚོགས་ཀྱི་བཅའ་ཁྲིམས་ཀྱི་སྒྲོམ་གཞི་ལ་བལྟས་ན།...

ན་ནིང་རྒྱ་ནག་ནང་ནང་པའི་དགོན་པ་ཞིག་གི་མཁན་པོས་ལྐོག་ཟ་རུལ་སུངས་དང་བུད་མེད་དང་ངན་འབྲེལ་བྱས་པའི་ནག་ཉེས་འོག་དགོན་པའི་གོ་གནས་ནས་ཕྱི་ཕུད་པ་ཡོད་དང་། ཉེ་ཆར་ཁྲིམས་ཐག་བཅད་ནས་མི་ལོ་༢༤ རིང་བཙོན་འཇུག་ཉེས་ཆད་ཕོག་འདུག དེ་བཞིན་རྒྱ་ནག་ནང་ཆོས་ལུགས་མི་སྣ་ཚོ་ཁྲིམས་སྒྲིག་ལྟར་ལས་ཀ་བྱེད་ཆེད་སློབ་གསོ་ནན་ཏན་རྒྱག་དགོས་ཚུལ་བརྗོད། The post དགོན་པའི་མཁན་པོའི་བྱ་སྤྱོད་ལ་བརྟེན་ནས་ནང་པའི་མཚན་སྙན་ལ་དོ་ཕོག་བཏང་ཡོད་པ་བརྗོད། appeared first on བོད་ཀྱི་བང་ཆེན།.

The post སྐབས་བཅོ་བརྒྱད་པའི་ཚོགས་གཙོ་སྦྲེལ་པོའི་དམ་འབུལ། appeared first on བོད་ཀྱི་དུས་བབ།.

༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༦ ཚེས་ ༡ ཉིན་གྱི་སྔ་དྲོ་ཆུ་ཚོད་ ༡༡།༠༠ ཐོག བོད་མི་མང་སྤྱི་འཐུས་སྐབས་ ༡༨ པའི་རྒྱུན་ལས་ལྷན་ཚོགས་ཐེངས་དང་པོ་ཚོགས་གནང་ཡོད། དེ་ཡང་རྒྱུན་ལས་སྐབས་དང་པོར། དཔལ་ལྡན་ཚོགས་གཙོ་སྒྲོལ་མ་ཚེ་རིང་མཆོག་གིས་གཙོ་སྐྱོང་གནང་ཐོག དཔལ་ལྡན་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་དང་། སྤྱི་འཐུས་འཇུ་ཆེན་དཀོན་མཆོག་ཆོས་སྒྲོན་ལགས། སྤྱི་འཐུས་བསྟན་པ་ཡར་འཕེལ་ལགས། སྤྱི་འཐུས་དགེ་བཤེས་ལྷ་རམས་པ་ཨ་ཀྲུག་ཚེ་བརྟན་ལགས། སྤྱི་འཐུས་སློབ་དཔོན་ཐུབ་བསྟན་རྒྱལ་མཚན་ལགས། སྤྱི་འཐུས་དགེ་བཤེས་ཨ་ཀྲོང་རིན་ཆེན་རྒྱལ་མཚན་ལགས། སྤྱི་འཐུས་དཔོན་ཚང་བློ་བཟང་ཐུབ་བསྟན་ལགས། སྤྱི་འཐུས་ཆོས་གྲགས་རྒྱ་མཚོ་ལགས། སྤྱི་འཐུས་མགོན་པོ་དོན་གྲུབ་ལགས། སྤྱི་འཐུས་ག་རྒྱ་རྒྱལ་མཚན་ཆོས་སྐྱིད་ལགས་བཅས་ཚོགས་བཅར་གནང་ཡོད་ཅིང་། ཐོག་མར་དཔལ་ལྡན་ཚོགས་གཙོ་སྒྲོལ་མ་ཚེ་རིང་མཆོག་གིས་ཐོག་མར་བོད་མི་མང་སྤྱི་འཐུས་སྐབས་ ༡༨ པའི་རྒྱུན་ལས་ལྷན་ཚོགས་ཐེངས་དང་པོར་ཕེབས་པའི་ཚོགས་མི་ཡོངས་ལ་འཚམས་འདྲི་དང་སྦྲགས། བོད་མི་མང་སྤྱི་འཐུས་ལྷན་ཚོགས་ཀྱི་ལས་དོན་ཐོག་ཚང་མས་ཕྱར་གྲུ་མཉམ་འདེགས་ཡོང་བ་ཞུ་རྒྱུ་ཡིན་ཞེས་གསུངས་གནང་སོང་། སྤྱི་འཐུས་རྒྱུན་ལས་རྣམ་པ་སྡེ་ཚན་གསུམ་ལ་དབྱེ་བགོས་གནང་སྲོལ་བཞིན་གཤམ་གསལ་ལྟར་ལས་བགོས་བཀོད་སྒྲིག་གནང་། རྒྱུན་འབྲེལ་སྡེ་ཚན། ༡༽ སྤྱི་འཐུས་འཇུ་ཆེན་དཀོན་མཆོག་ཆོས་སྒྲོན་ལགས། ༢༽ སྤྱི་འཐུས་དགེ་བཤེས་ལྷ་རམས་པ་ཨ་ཀྲུག་ཚེ་བརྟན་ལགས། ཆབ་སྲིད་སྡེ་ཚན། ༡༽ སྤྱི་འཐུས་བསྟན་པ་ཡར་འཕེལ་ལགས།...

༄༅། །ཕྱི་ལོ་ ༢༠༢༦ ཟླ་བ་ ༦ ཚེས་ ༡ རེས་གཟའ་ཟླ་བ་ཉིན་གྱི་སྔ་དྲོ་ཆུ་ཚོད་ ༩།༣༠ ཐོག་བོད་མིའི་སྒྲིག་འཛུགས་ཀྱི་སྲིད་སྐྱོང་ཚོགས་ཁང་དུ་དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གི་མདུན་དུ་བདམས་ཐོན་བོད་མི་མང་སྤྱི་འཐུས་ཚོགས་གཙོ་སྒྲོལ་མ་ཚེ་རིང་མཆོག་དང་། བདམས་ཐོན་སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་རྣམ་གཉིས་ཀྱིས་ལས་ཁུར་དམ་བཅའ་ཕུལ་ཡོད། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༩།༣༠ ཐོག་དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་དང་། དཔལ་ལྡན་ཁྲིམས་ཞིབ་པ་གཞན་ཟླ་བ་ཕུན་སྐྱིད་མཆོག དཔལ་ལྡན་ཁྲིམས་ཞིབ་པ་གཞན་འཕགས་པ་ཚེ་རིང་མཆོག བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག རང་དབང་ཅན་གྱི་སྡེ་ཚན་ཁག་གི་འགན་འཛིན་རྣམ་པ། སྤྱི་འཐུས་རྣམ་པ། ལྷན་ཁང་ཁག་གི་དྲུང་ཆེ་རྣམ་པ་བཅས་བཞུགས་གྲལ་དུ་འཁོད་མཚམས་གནས་ཆུང་སྒྲ་དབྱངས་གླིང་གི་དགེ་འདུན་བཞི་གྲྭས་ཤིས་བརྗོད་གསུང་འདོན་གནང་བ་དང་། དེ་ནས་དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་པར་མཐོང་གྲོལ་རིན་པོ་ཆེར་མཎྜལ་རྟེན་གསུམ་འདེགས་འབུལ་དང་། རིམ་པས་བདམས་ཐོན་སྤྱི་འཐུས་ཚོགས་གཙོ་སྒྲོལ་མ་ཚེ་རིང་མཆོག་གིས་མཎྜལ་རྟེན་གསུམ་འདེགས་འབུལ་དང་། དཔལ་ལྡན་ཁྲིམས་ཞིབ་པ་ཆེ་བ་མཆོག་གི་མདུན་དུ་ལས་ཁུར་དམ་འབུལ་ཞུས་རྗེས། དཔལ་ལྡན་ཁྲིམས་ཞིབ་པ་ཆེ་བ་མཆོག་གིས་དཔལ་ལྡན་སྤྱི་འཐུས་ཚོགས་གཙོ་མཆོག་ལ་རྟེན་འབྲེལ་མཚོན་བྱེད་མཇལ་དར་སྒྲོན་འབུལ་གནང་གྲུབ་མཚམས་དམ་འབུལ་མ་དེབ་ཏུ་མཚན་རྟགས་བཀོད་གནང་སོང་། དེ་བཞིན་བདམས་ཐོན་སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་གིས་མཎྜལ་རྟེན་གསུམ་འདེགས་འབུལ་དང་། དཔལ་ལྡན་ཁྲིམས་ཞིབ་པ་ཆེ་བ་མཆོག་གི་མདུན་དུ་ལས་ཁུར་དམ་འབུལ་ཞུས་རྗེས། དཔལ་ལྡན་ཁྲིམས་ཞིབ་པ་ཆེ་བ་མཆོག་གིས་དཔལ་ལྡན་སྤྱི་འཐུས་ཚོགས་གཞོན་མཆོག་ལ་རྟེན་འབྲེལ་མཚོན་བྱེད་མཇལ་དར་སྒྲོན་འབུལ་གནང་གྲུབ་མཚམས་དམ་འབུལ་མ་དེབ་ཏུ་མཚན་རྟགས་བཀོད་གནང་སོང་། དེ་ནས་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་གཙོས་མཛད་གཙོ་རྣམ་པས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་པར་མཐོང་གྲོལ་རིན་པོ་ཆེར་མཎྜལ་རྟེན་དོད་དང་མཇལ་དར་སྒྲོན་འབུལ་དང་འབྲེལ། ཚོགས་གཙོ་སྦྲེལ་པོ་མཆོག་ལ་འཚམས་འདྲིའི་མཇལ་དར་སྒྲོན་ཏེ་དམ་འབུལ་གྱི་མཛད་སྒོ་གྲོལ་གནང་ཡོད་པ་བཅས། །

༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༦ ཚེས་ ༡ ཉིན་གྱི་སྔ་དྲོ་བདམས་ཐོན་སྤྱི་འཐུས་ཚོགས་གཙོ་སྒྲོལ་མ་ཚེ་རིང་མཆོག་དང་། བདམས་ཐོན་སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་རྣམ་གཉིས་ལས་ཁུར་དམ་འབུལ་མ་ཞུས་གོང་། སྔ་དྲོ་ཆུ་ཚོད་ ༧།༠༠ ནས་དྷ་ས་ཐེག་ཆེན་ཆོས་གླིང་གཙུག་ལག་ཁང་དང་། གནས་ཆུང་གྲྭ་དབྱངས་གླིང་གྲྭ་ཚང། དགའ་གདོང་གསལ་བྱེད་གླིང་གྲྭ་ཚང་བཅས་སུ་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དྲུང་བསོད་ནམས་རྡོ་རྗེ་ལགས་ཀྱིས་སྣེ་ཤན་ཞུས་ཏེ་གནས་གཟིགས་སུ་ཕེབས་ཡོད་པ་བཅས། །

སྐབས་བཅོ་བརྒྱད་པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོར་སྒྲོལ་མ་ཚེ་རིང་ལགས་དང་ཚོགས་གཞོན་དུ་མཁན་པོ་བསོད་ནམས་བསྟན་འཕེལ་ལགས་འདེམས་ཐོན་བྱུང་སོང་། དེ་རིང་ཕྱི་ཚེས་ ༣༡ ཉིན་སྔ་དྲོར་སྐབས་བཅོ་བརྒྱད་པའི་བོད་མི་མང་སྤྱི་འཐུས་ལྷན་ཚོགས་ཀྱི་བར་བརྒལ་ཚོགས་གཙོ་སྤྱི་འཐུས་ཟླ་བ་ཚེ་རིང་ལགས་ཀྱིས་ཆེས་མཐོའི་ཁྲིམས་ཞིབ་པའི་མདུན་དུ་དམ་བཅའ་ཕུལ་རྗེས། འདེམས་ཐོན་བྱུང་བའི་སྤྱི་འཐུས་རྣམ་པས་ཁོང་གི་མདུན་ནས་དམ་འབུལ་ཞུས་སོང་། ཉིན་རྒྱབ་བཞུགས་མོལ་ཚོགས་འདུ་འཚོགས་ཏེ་སྤྱི་འཐུས་ཚོགས་གཙོ་སྦྲེལ་པོ་འོས་འདེམས་གནང་སྐབས། སྤྱི་འཐུས་ཚོགས་གཙོའི་འོས་མི་རྙིང་མའི་སྤྱི་འཐུས་མཁན་པོ་བསོད་ནམས་བསྟན་འཕེལ་ལགས་སུ་འོས་གྲངས་ ༢༠ དང་། དབུས་གཙང་སྤྱི་འཐུས་སྒྲོལ་མ་ཚེ་རིང་ལགས་སུ་འོས་གྲངས་ ༢༢ ཐོབ་སྟེ་སྐབས་བཅོ་བརྒྱད་པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོར་འོས་འདེམས་བྱུང་། དེ་བཞིན་སྤྱི་འཐུས་ཚོགས་གཞོན་གྱི་འོས་མི་མདོ་སྨད་སྤྱི་འཐུས་ཀརྨ་དགེ་ལེགས་ལགས་སུ་འོས་གྲངས་ ༢༠ དང་། རྙིང་མའི་སྤྱི་འཐུས་མཁན་པོ་བསོད་ནམས་བསྟན་འཕེལ་ལགས་སུ་འོས་གྲངས་ ༢༢ ཐོབ་སྟེ། ཁོང་སྐབས་བཅོ་བརྒྱད་པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཞོན་དུ་འདེམས་ཐོན་བྱུང་སོང་། དབུས་གཙང་སྤྱི་འཐུས་སྒྲོལ་མ་ཚེ་རིང་ལགས་ཀྱིས་མི་ལོ་ ༢༦ དགེ་རྒན་གནང་ཞིང་། ཕྱི་ལོ་ ༢༠༠༠ ལོར་བོད་གཞུང་ཤེས་རིག་ལས་ཁུངས་ཀྱིས་མི་ལོ་ ༢༥ མ་འོངས་བོད་ཀྱི་སོན་རྩའི་ཤེས་ཡོན་ཐོག་ཞབས་ཕྱི་ཞུས་པའི་གཟེངས་བསྟོད་ཀྱི་བྱ་དགའ་ཐོབ། ཕྱི་ལོ་ ༢༠༠༡ ལོར་ཨ་རིར་ Fulbright Scholarship ཐོག་དམིགས་བསལ་དགོས་མཁོ་ཅན་གྱི་ཤེས་ཡོན་ཆེད་ལོ་གཅིག་སློབ་བསྐྱོད་སྐབས་སློབ་སྦྱོང་གི་ཞོར་དུ་རྒྱལ་སྤྱིའི་སློབ་ཕྲུག་རྣམས་ལ་བོད་དོན་གོ་རྟོགས་སྤེལ་བ་དང་། དབུས་གཙང་དམ་པ་ཆོས་ཀྱི་ཆོལ་ཁའི་དབུས་རྒྱུན་སྐབས་དགུ་པ་དང་བཅུ་པའི་ཚོགས་གཙོ་ལོ་ ༦ དང་སློབ་སྟོན་པ་གནང་། དེ་བཞིན་བོད་མི་མང་སྤྱི་འཐུས་སྐབས་བཅུ་གསུམ་པ་དང་བཅུ་བཞི། སྐབས་བཅོ་ལྔ་པ་དང་བཅུ་དྲུག་བཅས་ལ་སྤྱི་འཐུས་སུ་འདེམས་ཐོན་བྱུང་བ་མ་ཟད། སྤྱི་འཐུས་རྒྱུན་ལས་དང་གྲོས་ཚོགས་ཀྱི་ཚོགས་ཆུང་མང་པོའི་ནང་ཕྱག་ལས་གནང་། ཕྱི་ལོ་...

སྐབས་ ༡༨ པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོར་སྤྱི་འཐུས་བཀྲས་ཁང་སྒྲོལ་མ་ཚེ་རིང་ལགས་དང་ཚོགས་གཞོན་དུ་སྤྱི་འཐུས་མཁན་པོ་བསོད་ནམས་བསྟན་འཕེལ་ལགས་གཉིས་འོས་འདེམས་བྱུང་སོང་། སྐབས་ ༡༨ པའི་བདམས་ཐོན་བྱུང་བའི་སྤྱི་འཐུས་རྣམས་ཀྱིས་ལས་འཁུར་དམ་འབུལ་ཞུས་གྲུབ་རྗེས་གསང་བའི་འོས་ཤོག་འཕངས་ཏེ་སྤྱི་འཐུས་ཚོགས་གཙོ་དང་ཚོགས་གཞོན་གཉིས་འོས་བསྡུ་གནང་སོང་བར། ཚོགས་གཙོའི་འོས་བསྡུའི་སྐབས་སྤྱི་འཐུས་བཀྲས་ཁང་སྒྲོལ་མ་ཚེ་རིང་ལགས་ལ་འོས་གྲངས་ ༢༢ དང་སྤྱི་འཐུས་མཁན་པོ་བསོད་ནམས་བསྟན་འཕེལ་ལགས་ལ་འོས་གྲངས་ ༢༠ ཐོབ་སྟེ་སྤྱི་འཐུས་སྒྲོལ་མ་ཚེ་རིང་ལགས་སྤྱི་འཐུས་ཚོགས་གཙོར་གཏན་འཁེལ་བྱུང་པ་ནི་ལོ་རྒྱུས་ཐོག་བེུད་ཀྱི་སྤྱི་འཐུས་ཚོགས་གཙོ་ཐོག་མར་དེ་ཆགས་ཡོད། ཚོགས་གཞོན་གྱི་འོས་བསྡུའི་ནང་སྤྱི་འཐུས་མཁན་པོ་བསོད་ནམས་བསྟན་འཕེལ་ལགས་ལ་འོས་གྲངས་ ༢༢ དང་སྤྱི་འཐུས་ཀརྨ་དགེ་ལེགས་ལགས་ལ་འོས་གྲངས་...


 ཕྱི་ལོ་༢༠༢༦ ཟླ་༥ ཚེས་༣༡ ཉིན་སྔ་དྲོ་ཆུ་ཚོད་༩།༡༥ ཐོག བར་བརྒལ་ཚོགས་གཙོ་ཟླ་བ་ཚེ་རིང་གིས་ཆེས་མཐོའི་ཁྲིམས་ཞིབ་ཁང་གི་སྲོང་བཙན་ཚོམས་ཆེན་དུ་ཁྲིམས་ཞིབ་པ་ཆེ་བ་ཡེ་ཤེས་དབང་མོའི་དྲུང་དུ་ལས་ཁུར་དམ་འབུལ་ཞུས་རྗེས། སྔ་དྲོ་ཆུ་ཚོད་༡༠།༠༠ པའི་ཐོག The post སྤྱི་འཐུས་ཀྱི་དམ་འབུལ་དང་ཚོགས་གཙོ་བགྲེས་གཞོན་འོས་འདེམས།
 appeared first on བོད་ཀྱི་བང་ཆེན།.

༄༅། །ཕྱི་ལོ་ ༢༠༢༦ ཟླ་ ༥ ཚེས་ ༣༡ ཉིན་རྒྱབ་ཆུ་ཚོད་ ༢།༠༠ ཐོག་བཙན་བྱོལ་བོད་མིའི་འོས་བསྡུའི་སྒྲིག་གཞི་དགོངས་དོན་ལྟར། འོས་བསྡུ་ལས་ཁང་གི་གཙོ་སྐྱོང་འོག་སྐབས་ ༡༨ པའི་བོད་མི་མང་སྤྱི་འཐུས་ཚོགས་གཙོ་བགྲེས་གཞོན་གྱི་འོས་བསྡུ་གནང་དོན་བཞིན། སྤྱི་འཐུས་སྒྲོལ་མ་ཚེ་རིང་མཆོག་སྐབས་བཅོ་བརྒྱད་པའི་སྤྱི་འཐུས་ཚོགས་གཙོར་བདམས་ཐོན་དང་། སྤྱི་འཐུས་མཁན་པོ་བསོད་ནམས་བསྟན་འཕེལ་མཆོག་ཚོགས་གཞོན་དུ་བདམས་ཐོན་བྱུང་སོང་། དེ་ཡང་འོས་བསྡུ་ལས་ཁང་གི་གཙོ་སྐྱོང་འོག ཚོགས་གཙོའི་འོས་ཁོངས་ནས་འོས་ཤོག་མང་རིམ་རྩེ་བཏོགས་ཀྱིས་སྤྱི་འཐུས་སྒྲོལ་མ་ཚེ་རིང་མཆོག་ལ་འོས་གྲངས་ ༢༢ དང་། སྤྱི་འཐུས་མཁན་པོ་བསོད་ནམས་བསྟན་འཕེལ་མཆོག་ལ་འོས་གྲངས་ ༢༠། རྩིས་མེད་ ༣ བཅས་བྱུང་སྟེ། སྤྱི་འཐུས་སྒྲོལ་མ་ཚེ་རིང་མཆོག་སྐབས་ ༡༨ པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོར་བདམས་ཐོན་དང་། དེ་རྗེས་མུ་མཐུད་ཚོགས་གཙོ་གཞོན་པ་འོས་འདེམས་ཀྱིས་སྤྱི་འཐུས་མཁན་པོ་བསོད་ནམས་བསྟན་འཕེལ་མཆོག་ལ་འོས་གྲངས་ ༢༢ དང་། སྤྱི་འཐུས་ཀརྨ་དགེ་ལེགས་མཆོག་ལ་འོས་གྲངས་ ༢༠། རྩིས་མེད་ ༣ བཅས་བྱུང་སྟེ། སྤྱི་འཐུས་མཁན་པོ་བསོད་ནམས་བསྟན་འཕེལ་མཆོག་ཚོགས་གཞོན་དུ་བདམས་ཐོན་བྱུང་བ་བཅས་དབུས་འོས་བསྡུ་ལས་ཁང་གི་འགན་འཛིན་མཆོག་གིས་གསལ་བསྒྲགས་གནང་སོང་། གསར་དུ་བདམས་ཐོན་བྱུང་བའི་སྤྱི་འཐུས་ཚོགས་གཙོ་སྒྲོལ་མ་ཚེ་རིང་མཆོག་ནི། གངས་ལྗོངས་ཆོས་སྲིད་གཉིས་ཀྱི་བླ་ན་མེད་པ་༸གོང་ས་༸སྐྱབས་མགོན་ཆེན་པོ་མཆོག་གིས་དབུ་འཁྲིད་པའི་བཙན་བྱོལ་བོད་གཞུང་དགའ་ལྡན་ཕོ་བྲང་པའི་བཀྲིན་ཉག་ཅིག་ལས་བསླབ་པ་མཐར་སོན་རྗེས་དབྱིན་བོད་གཉིས་ཀྱི་ཐོག་དགེ་རྒན་འོས་སྦྱོང་དང་མཐོ་སློབ་ལེགས་ཐོན་བྱུང་། ༡༽...

༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༥ ཚེས་ ༣༡ ཉིན་གྱི་སྔ་དྲོ་ཆུ་ཚོད་ ༩།༡༥ ཐོག་བར་བརྒལ་ཚོགས་གཙོ་སྤྱི་འཐུས་ཟླ་བ་ཚེ་རིང་མཆོག་གིས་ཆེས་མཐོའི་ཁྲིམས་ཞིབ་ཁང་གི་སྲོང་བཙན་ཚོམས་ཆེན་དུ་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གི་དྲུང་དུ་ལས་ཁུར་དམ་བཅའ་འབུལ་བཞེས་གནང་བ་དང་། དེ་རྗེས་སྔ་དྲོ་ཆུ་ཚོད་ ༡༠།༠༠ པའི་ཐོག་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་ཁང་ནང་བོད་མི་མང་སྤྱི་འཐུས་སྐབས་ ༡༨ པར་བདམས་ཐོན་སྤྱི་འཐུས་རྣམ་པས་རེ་རེ་བཞིན་བར་བརྒལ་ཚོགས་གཙོ་སྤྱི་འཐུས་ཟླ་བ་ཚེ་རིང་མཆོག་གི་དྲུང་དུ་ལས་ཁུར་དམ་འབུལ་ཞུས་གནང་ཡོད། སྐབས་དེར་བར་བརྒལ་ཚོགས་གཙོ་མཆོག་གིས་གསུངས་དོན། དཔལ་ལྡན་སྲིད་སྐྱོང་མཆོག་མི་མང་གིས་མང་མོས་ཚད་མཐོ་པོའི་ཐོག་ནས་ཐེངས་གཉིས་པར་སྲིད་སྐྱོང་དུ་བདམས་ཐོན་བྱུང་བ་དང་། ཕྱག་སྦྲེལ་སྤྱི་འཐུས་རྣམ་པ་ཚང་མ་ལོགས་སྐབས་བཅོ་བརྒྱད་པའི་སྤྱི་འཐུས་སུ་བདམས་ཐོན་བྱུང་བར་འཚམས་འདྲིའི་ཀྲ་ཤིས་བདེ་ལེགས་ཞུ་རྒྱུ་ཡིན། དེ་རིང་ནས་བཟུང་ལོ་ལྔའི་རིང་ང་ཚོ་ཚང་མས་གཙོ་བོ་དེ། སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་བཀའ་དྲིན་བསམས་པའི་ཐོག་ནས་མགོན་པོ་གང་ཉིད་ཀྱི་བཀའ་དགོངས་དང་ལམ་སྟོན་གཞིར་བཟུང་། གཙོ་བོ་གཞིས་ལུས་མི་མང་དང་། ཡང་སྒོས་སུ་མི་མང་གི་མངོན་འདོད་གཞིར་བཟུང་བོད་བསྟན་སྲིད་དང་མི་རིགས་ཀྱི་ཆེད་དུ་ཕྱག་ལས་གནང་དགོས་པ་དེ་ང་རང་ཚོ་ཚང་མའི་འགན་གཙོ་བོ་དེ་ཆགས་བསྡད་ཡོད་རེད། དེ་འདྲའི་ཐོག་ནས་ང་ཚོ་ཚང་མས་ནུས་པ་མཉམ་སྤུངས་ཀྱི་ཐོག་ནས་ཕྱག་ལས་གནང་དགོས་པ་དེ་གལ་ཆེན་པོ་རེད། རྩ་བའི་ནང་མི་གཅིག་ཡིན་ནའང་རེད། སྤྱི་ཚོགས་ཆེ་ཆུང་གང་འདྲ་ཞིག་ཡིན་ནའང་རེད། བསམ་ཚུལ་མཐུན་དང་མི་མཐུན་དེ་འདྲ་ཏན་ཏན་ཡོང་སྲིད་པ་རེད། ཡིན་ནའང་མཐའ་མའི་རྡོག་བསྒྲིལ་ས་དེ་རྩ་དོན་རང་གི་ཐོག་ལ་རྡོག་བསྒྲིལ་ནས་ཕྱག་ལས་གནང་ཐུབ་པ་ཡིན་ན། གཞིས་ལུས་མི་མང་གི་ད་བར་གྱི་ལྷག་བསམ་རི་བོ་ལྟར་མུ་མཐུད་གནས་ཐུབ་པ་དང་། བོད་ཀྱི་བདེན་མཐའ་གསལ་ཐུབ་པ། ལྷག་དོན་དུ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་དགུང་ལོ་མཐོན་པོར་ཕེབས་བསྡད་དུས། སྙན་སུན་མེད་པར་བོད་མི་མང་སྤྱི་འཐུས་ཚོས་མང་ཚོགས་ཀྱི་མངོན་འདོད་གཞིར་བཟུང་ཕྱག་ལས་གནང་སྟེ། ཐུགས་བདེ་པོའི་ངང་བཞུགས་ཐུབ་རྒྱུར་ཏན་ཏན་ང་ཚོས་ཞབས་འདེགས་ཆེན་པོ་འགྲུབ་རྒྱུ་ཡོད་རེད་བསམས་ཀྱི་འདུག དེ་འདྲའི་ཐོག་ནས་ལོ་ལྔའི་རིང་ང་ཚོ་ཚང་མས་སོ་སོའི་རང་ནུས་གང་ཐུབ་ཀྱི་ཐོག་ནས་བསྟན་སྲིད་དོན་དུ་ཞབས་ཕྱི་ཞུ་ཐུབ་རྒྱུར་རེ་བ་དང་། ཡིད་ཆེས། སྨོན་ལམ་རྒྱག་གི་ཡོད། ཐུགས་རྗེ་ཆེ། དམ་འབུལ་གྱི་ལས་རིམ་འདི་ནས་གྲུབ་པ་ཡིན་ཞེས་གསུངས་སོང་། ད་ལྟའི་སྐབས་...

༄༅། །ཕྱི་ལོ་ ༢༠༢༦ ཟླ་བ་ ༥ ཚེས་ ༣༡ རེས་གཟའ་ཉི་མ་ཉིན་ཆེས་མཐོའི་ཁྲིམས་ཞིབ་ཁང་གི་སྲོང་བཙན་ཚོམས་ཆེན་དུ་སྐབས་ ༡༨ པའི་བོད་མི་མང་སྤྱི་འཐུས་ལྷན་ཚོགས་ཀྱི་བར་བརྒལ་ཚོགས་གཙོ་ཟླ་བ་ཚེ་རིང་ལགས་ཀྱི་ལས་ཁུར་དམ་འབུལ་མཛད་སྒོ་ཚོགས་སོང་། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་  ༩ སྟེང་དཔལ་ལྡན་ཁྲིམས་ཞིབ་པ་ཆེ་བ་མཆོག་དང་། ཁྲིམས་ཞིབ་པ་གཞན་གཉིས་མཆོག བར་བརྒལ་ཚོགས་གཙོ་ཟླ་བ་ཚེ་རིང་ལགས་བཅས་སྲོང་བཙན་ཚོམས་ཆེན་དུ་བཞུགས་གྲལ་ལ་འཁོད་བསྟུན། དཔལ་ལྡན་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་པར་མཐོང་གྲོལ་རིན་པོ་ཆེར་མཎྜལ་རྟེན་གསུམ་འདེགས་འབུལ་ཞུས་གྲུབ་བསྟུན། བར་བརྒལ་ཚོགས་གཙོ་ཟླ་བ་ཚེ་རིང་ལགས་ཀྱིས་མཎྜལ་རྟེན་གསུམ་འདེགས་འབུལ་ཞུས་ཏེ་ཁྲིམས་ཞིབ་པ་ཆེ་བ་མཆོག་གི་མདུན་དུ་ལས་ཁུར་དམ་བཅའ་འབུལ་བཞེས་གྲུབ་མཚམས་དཔལ་ལྡན་ཁྲིམས་ཞིབ་པ་ཆེ་བ་མཆོག་གིས་བར་བརྒལ་ཚོགས་གཙོ་ཟླ་བ་ཚེ་རིང་ལགས་ལ་རྟེན་འབྱུང་མཇལ་དར་དང་རྟེན་འབྲེལ་མཚོན་བྱེད་བསྒྲོན་འབུལ་གནང་། དེ་ནས་ཁྲིམས་ཞིབ་པ་གཞན་གཉིས་མཆོག་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་པར་མཐོང་གྲོལ་རིན་པོ་ཆེར་མཇལ་དར་དང་རྟེན་དོད་ཕུལ་བསྟུན། བར་བརྒལ་ཚོགས་གཙོར་རྟེན་འབྱུང་མཇལ་དར་དང་རྟེན་འབྲེལ་མཚོན་བྱེད་བསྒྲོན་གནང་། མཐར་རྟེན་འབྲེལ་མཚོད་བྱེད་གསོལ་ཇ་དང་འབྲས་སིལ་ཕུལ་ཏེ་དམ་འབུལ་གྱི་མཛད་སྒོ་ལེགས་གྲུབ་བྱུང་ཡོད་པ་བཅས།།

༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་ ༥ པའི་ཚེས་ ༢༨ ཉིན་གྱི་ཕྱི་དྲོ་ཆུ་ཚོད་ ༤།༠༠ པའི་ཐོག་དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་དང་། དཔལ་ལྡན་ཚོགས་གཞོན་སྒྲོལ་མ་ཚེ་རིང་མཆོག་རྣམ་གཉིས་ནས་སྤྱི་འཐུས་རྒྱུན་ལས་ཚོགས་ཁང་ནང་ཨིན་ཡུལ་ངལ་རྩོལ་ཚོགས་པའི་གྲོས་ཚོགས་འཐུས་མི་ལྕམ་སྐུ་ཀེ་རི་ (Kerry McCarthy) མཆོག་དང་། ཨིན་ཡུལ་གྲོས་ཚོགས་འཐུས་མི་བོད་དོན་རྒྱབ་སྐྱོར་ཚོགས་པའི་ཚོགས་མི་ལྕམ་སྐུ་ཝེ་ར་ཧོབ་ཧའུས་ (Wera Hobhouse) མཆོག་དང་ཁོང་གི་སྐུ་ཟླ་སྐུ་ཞབས་ཝི་ལམ་ཧོབ་ཧའུས་ (Willam Hobhouse) ལགས་བཅས་དང་ལྷན་མཇལ་འཕྲད་གནང་ཡོད། གཞི་རྩའི་ཁོང་རྣམས་སྲིད་སྐྱོང་དམ་འབུལ་མཛད་སྒོའི་སྐུ་མགྲོན་དུ་ཕེབས་ཡོད་པ་རེད། སྐབས་དེར་ཨིན་ལེན་བོད་ཀྱི་སྐུ་ཚབ་དོན་གཅོད་ཁང་གི་དྲུང་ཆེ་བསྟན་འཛིན་ཀུན་དགའ་ལགས་ཆེད་ཕེབས་གནང་འདུག དཔལ་ལྡན་ཚོགས་གཞོན་མཆོག་གིས་གཙོ་བོ་གསུངས་དོན། ད་ལན་ཨིན་ལེན་གྱི་སྐུ་ཚབ་ཚོགས་ཆུང་བཞུགས་སྒར་རྡ་རམ་ས་ལར་ཕེབས་པ་དེས་གཞིས་བཞུགས་བོད་མི་རྣམས་ལ་རེ་བ་གསར་པ་ཞིག་དང་། བོད་ཀྱི་རྩ་དོན་ཐོག་རྒྱལ་སྤྱིའི་རྒྱབ་སྐྱོར་མུ་མཐུད་ཡོད་པའི་བརྡ་ལན་ཤུགས་ཆེན་ཞིག་རྒྱ་ནག་དམར་གཞུང་ལ་བཏང་ཡོད་སྐོར་གསུངས། རྒྱ་ནག་དམར་གཞུང་གི་དབང་བསྒྱུར་འོག བོད་ནང་བོད་མི་ཚོར་འཕྲད་པའི་དཀའ་ངལ་ཁག་གསལ་སྟོན་གྱིས་བོད་ནང་གི་ད་ལྟའི་ཛ་དྲག་གནས་སྟངས་སྐོར་ངོ་སྤྲོད་གནང་བ་དང་། ལྷག་པར་དུ་བོད་ཕྲུག་རྣམས་རྒྱའི་གཏན་འཇགས་སློབ་གྲྭའི་ནང་བཙན་ཤེད་ཐོག་སློབ་འཇུག་བྱེད་བཅུག་སྟེ། བོད་ཀྱི་ཆོས་དང་། སྐད་ཡིག རིག་གཞུང་སློབ་སྦྱོང་བྱ་རྒྱུའི་རང་དབང་འཕྲོག་བཞིན་པ་སོགས་རྒྱ་དམར་གཞུང་གིས་བོད་མི་རིགས་རྩ་མེད་དང་། མི་རིགས་མཉམ་སྲེས་གཏོང་རྒྱུའི་སྲིད་བྱུས་ལག་བསྟར་བྱས་དང་བྱེད་བཞིན་ཡོད་པའི་སྐོར་སོགས་ཀྱི་ཐོག་གསུངས་སོང་། དེ་རྗེས་སྐུ་མགྲོན་རྣམ་པ་གྲོས་ཚོགས་ཀྱི་ཚོགས་ཁང་ནང་གཟིགས་སྐོར་སྣེ་ཁྲིད་དང་། དགོང་དྲོ་ཨིན་ཡུལ་གྲོས་ཚོགས་འཐུས་མི་རྣམས་ལ་བོད་མི་མང་སྤྱི་འཐུས་ལྷན་ཚོགས་ནས་བཞུགས་སྒར་དྷ་རམ་ས་ལ་མེག་གྷན་བོད་ཀྱི་གསོལ་སྟོན་ཁང་དུ་གསོལ་སྟོན་ཞིག་བཤམས་ཡོད་པ་བཅས། །

༄༅། །ཕྱི་ལོ་ ༢༠༢༦ ཟླ་བ་ ༠༥ ཚེས་ ༣༠ ཉིན་དྷ་ས་ཉེ་འདབས་སུ་ཆགས་པའི་བདེ་སྲུང་ཁྱབ་ཁོངས་འཛིན་སྐྱོང་སྦྱོང་བརྡར་བསྟི་གནས་ཁང་དུ་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་གོ་སྒྲིག་འོག་བོད་པའི་སློབ་གྲྭ་ཁག་གི་སཱི་ཤེས་ཡོན་སློབ་གསོའི་མཐུན་སྦྱོར་བ་རྣམས་ལ་ཉིན་གསུམ་རིང་སཱི་ཤེས་ཡོན་སློབ་གསོའི་ཐོག་གི་ཟབ་སྦྱོང་ཚོགས་ཡོད། དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༩ ཐོག་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་དང་། ཨེ་མོ་རི་གཙུག་ལག་སློབ་གཉེར་ཁང་གི་སཱི་ཤེས་ཡོན་སློབ་གསོའི་འགན་འཛིན་གཞོན་པ་བརྩོན་འགྲུས་བསམ་འཕེལ་ལགས།  ཤེས་རིག་ཤེས་ཡོན་ལྷན་ཚོགས་ཀྱི་འགན་འཛིན་བསྟན་འཛིན་པདྨ་ལགས། དེ་བཞིན་བོད་པའི་སློབ་གྲྭ་ཁག་ ༡༩ ནས་ཕེབས་པའི་སློབ་གྲྭའི་སློབ་སྤྱི་དང་། དགེ་ཆེ། དགེ་ཆེ་ཕྱག་རོགས། དགེ་རྒན། དྷ་ས་ཉེ་འཁྲིས་ཀྱི་སཱི་ཤེས་ཡོན་མཐུན་སྦྱོར་བ། ཟུར་ཉན་པ་བཅས་ཁྱོན་མི་གྲངས་ ༣༩ བཅས་ཚང་འཛོམས་གནང་ཡོད།ཐོག་མར་ཤེས་རིག་ཤེས་ཡོན་ལྷན་ཚོགས་ཀྱི་འགན་འཛིན་བསྟན་འཛིན་པདྨ་ལགས་ཀྱིས་ཕེབས་བསུའི་གསུང་བཤད་གནང་སྐབས་ཟབ་སྦྱོང་གི་ངོ་སྤྲོད་དང་འབྲེལ། འདས་པའི་ལོ་ངོའི་ནང་སྤྱི་ཚོགས་དང་། སློབ་གྲྭ་ཁྲོད་སཱི་ཤེས་ཡོན་ཐོག་དོ་སྣང་ཆེ་རུ་ཕྱིན་ཡོད་པ་དང་། ཐེངས་འདིའི་ཟབ་སྦྱོང་དེ་བཞིན་༸གོང་ས་ཏཱ་ལའི་བླ་མའི་དགེ་རྩ་ནས་མཐུན་འགྱུར་གནང་ཞིང་། དེར་སློབ་གྲྭའི་སློབ་སྤྱི་དང་དགེ་ཆེ། དགེ་ཆེ་ཕྱག་རོགས་བཅས་ལ་གཙོ་བོར་དམིགས་ཏེ་ཚོགས་གནང་བ་ཡིན་པ་ངོ་སྤྲོད་གནང་། དེ་བཞིན་སཱི་ཤེས་ཡོན་གྱི་མཐུན་སྦྱོར་བ་རྣམས་ནས་རང་ཉིད་ཉམས་ལེན་ཡོད་པའི་སྒོ་ནས་སློབ་ཕྲུག་ཚོར་ཁ་ཡོད་ལག་ཡོད་ཀྱི་དམིགས་དཔེ་བཟང་པོ་ཞིག་བསྐྲུན་དགོས་པའི་འབོད་གནང་ཡོད།དེ་རྗེས་ཨེ་མོ་རི་གཙུག་ལག་སློབ་གཉེར་ཁང་གི་སཱི་ཤེས་ཡོན་སློབ་གསོའི་འགན་འཛིན་གཞོན་པ་བརྩོན་འགྲུས་བསམ་འཕེལ་ལགས་ཀྱིས་སཱི་ཤེས་ཡོན་གྱི་ལས་གཞི་ནི་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་རྒྱ་ཆེ་བའི་དགོངས་པ་ཡིན་ཞིང་། སཱི་ཤེས་ཡོན་ནི་དེང་རབས་ཀྱི་ཤེས་ཡོན་དང་ལྷན་དུ་དགོས་ངེས་ཀྱི་ཤེས་ཡོན་ཞིག་ཡིན་པ་མ་ཟད། ལྷག་པར་དེང་དུས་འཛམ་གླིང་ནང་སེམས་ཁམས་ཀྱི་ན་ཚ་ཇེ་མང་དུ་འགྲོ་བཞིན་པའི་དུས་སྐབས་སུ་སློབ་གྲྭ་དང་སྒྲིག་འཛུགས་ཁག་ཏུ་སཱི་ཤེས་ཡོན་ནི་མེད་དུ་མི་རུང་བ་ཞིག་ཡིན་ཞེས་གསུངས་གྲུབ་མཚམས་སྐུ་མགྲོན་གཙོ་བོ་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་སཱི་ཤེས་ཡོན་ནི། དུས་རྒྱུན་དུ་གལ་འགངས་བརྩི་བཞིན་ཡོད་པ་མ་ཟད། བོད་མིའི་སྒྲིག་འཛུགས་ཀྱི་སྐུ་མགྲོན་རྣམ་ལའང་སོ་སོའི་རྒྱལ་ཁབ་ཁག་ཏུ་སཱི་ཤེས་ཡོན་གྱི་བསླབ་གཞི་འཇོག་དགོས་གལ་སྐོར་ནན་བརྗོད་གནང་གི་ཡོད་པ་གསུངས།སཱི་ཤེས་ཡོན་ནི་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་རླབས་ཆེན་གྱི་མཛད་པ་ཡིན་པ་གང་ཞིག སྔར་སློབ་གྲྭ་ཁག་ཏུ་སྤྱི་ཚོགས་དང་སེམས་མྱོང་སོགས་ལ་དམིགས་པའི་བསླབ་གཞི་ཡོད་ཀྱང་བཟང་སྤྱོད་ཀྱི་བསླབ་གཞི་མེད་པས་མགོན་པོ་མཆོག་གིས་འཇིག་རྟེན་ཀུན་ལ་ཁྱབ་ཀྱི་དགོངས་པ་དེ་བཞེས་གནང་བ་ཡིན་པ་དང་། སཱི་ཤེས་ཡོན་ནི་ཆོས་ལུགས་དང་། མི་རིགས། རིག་གཞུང་གང་ཅི་ལ་མ་ལྟོས་པར་ཚང་མར་དགོས་གལ་ཆེ་བ་ཡིན་པ་འགྲེལ་བརྗོད་གནང་།དེ་བཞིན་དཔལ་ལྡན་སྲིད་སྐྱོང་མཆོག་གིས་སཱི་ཤེས་ཡོན་འདི་སློབ་ཚན་བྱེ་བྲག་པ་ཁོ་ན་ཞིག་མིན་པར་རྒྱུན་ལྡན་བསམ་བློ་གཏོང་དགོས་པ་ཞིག་དང་། འཚོ་བའི་ཁྲོད་ལག་ཆ་ལྟ་བུ་སྤྱི་ཡོངས་ཀྱི་ཤེས་ཡོན་ཞིག་ལ་ངོས་འཛིན་གནང་གི་ཡོད་པ་དང་། ང་ཚོའི་ངོས་ནས་༸གོང་ས་མཆོག་གི་རླབས་ཆེན་གྱི་དགོངས་གཞི་དེ་མ་འོངས་པའི་མི་རབས་གསར་པ་དང་།...

New U.S. Bill Puts Tibetan Leadership on the World Stage ཨ་རིའི་གྲོས་ཚོགས་འོག་མའི་འཐུས་མི་ Jim McGovern ལགས་དང་། Michael McCaul ལགས་རྣམ་གཉིས་ཀྱིས་བཏོན་པའི་ཁྲིམས་འཆར་གསར་པ་༢༠༢༦ མ་འོངས་བོད་ཀྱི་འགན་ལེན་ཁྲིམས་འཆར་ འདིས་དབུས་བོད་མིའི་སྒྲིག་འཛུགས་ལ་ཨ་རིའི་ཕྱི་སྲིད་ལས་ཁུངས་ཀྱིས་ངོས་འཛིན་གོང་མཐོར་གཏོང་རྒྱུའི་ཆ་རྐྱེན་བསྐྲུན་གྱི་འདུག ཁྲིམས་འཆར་གསར་པ་དེའི་ནང་གནད་དོན་གཙོ་བོ་བཞི་གླེང་ཡོད་པ། དང་པོ་། དབུས་བོད་མིའི་སྒྲིག་འཛུགས་ལ་ངོས་འཛིན། དེ་ཡང་དབུས་བོད་མིའི་སྒྲིག་འཛུགས་དེ་ནི་བོད་མི་མང་གི་ཁྲིམས་མཐུན་གྱི་མགྲིན་ཚབ་པ་ཞིག་མཚོན་གྱི་ཡོད་པ་སོགས་བཀོད་ཡོད་པར་བརྟེན། དབུས་བོད་མིའི་སྒྲིག་འཛུགས་ལ་རྒྱབ་སྐྱོར་བྱེད་པ་ནི་ཁྲིམས་འཆར་དེའི་འོག་ཨ་རིའི་གཞུང་འབྲེལ་གྱི་སྲིད་ཇུས་ཤིག་ཏུ་འགྱུར་རྒྱུ་ཡིན་པ་རེད། གཉིས་པ། མཉམ་འབྲེལ་རྒྱལ་...

བལ་ཡུལ་མཆོད་འཇོར་ས་གནས་ཀྱི་འོས་བསྡུའི་གྱོད་དོན་ཐད་གྱོད་ཡ་ཞུ་སྦྱོར་བའི་ཁྲིམས་རྩོད་པས་སླར་ཡང་ཆེས་མཐོའི་ཁྲིམས་ཞིབ་ཁང་དུ་བཅར་ཏེ། ཞིབ་འཇུག་ཚོགས་ཆུང་འཛུགས་དགོས་པའི་བར་བརྒལ་བཀོད་ཁྱབ་ཀྱི་ཞུ་སྙན་ཞིག་ཕུལ་འདུག མཆོད་འཇོར་ས་གནས་ཀྱི་འོས་བསྡུའི་གྱོད་དོན་ཐད་གྱོད་ཡ་ཞུ་སྦྱོར་བའི་ཁྲིམས་རྩོད་པས། ཉེ་ལམ་མཆོད་འཇོར་ས་གནས་སུ་དངོས་སུ་བཅར་ཏེ་གནས་སྟངས་རྟོགས་ཞིབ་བྱེད་སྐབས་སྟོང་ཆ་མང་དག་ཅིག་མཐོང་ཡོད་པས། གལ་ཏེ་ཆེས་མཐོའི་ཁྲིམས་ཞིབ་ཁང་གིས་སྤྱི་དམངས་གཏུག་བཤེར་གྱི་དོན་ཚན་བརྒྱད་བཅུ་དེ་ལག་བསྟར་གྱིས་བར་བརྒལ་བཀོད་ཁྱབ་བཏང་ཚེ། དེའི་བརྒྱུད་དངོས་ཡོད་གནས་ཚུལ་ལ་རྟོགས་ཞིབ་བྱེད་མཁན་གྱི་ཚོགས་ཆུང་ཞིག་བྱུང་ཐུབ་ན། དངོས་གཞིའི་འོས་བསྡུ་དང་འབྲེལ་བའི་གནད་དོན་མང་པོ་ཁ་གསལ་ཆགས་ཤིང་། མ་འོངས་བདམས་ཐོན་སྤྱི་འཐུས་རྣམས་ལ་མང་ཚོགས་ཀྱིས་ཁྲིམས་མཐུན་ངོས་ལེན་ཐུབ་པ་ཞིག་ཡོང་གི་རེད་ཅེས། ཟླ་ ༥ ཚེས་ ༢༩ ཉིན...

༧གོང་ས་༧སྐྱབས་མགོན་ཆེན་པོ་མཆོག་གིས་ནང་ཆོས་ཀྱི་སྙིང་པོ་བྱམས་སྙིང་རྗེས་སོ་སོའི་སེམས་རྒྱུད་བཟང་དུ་བཏང་ནས་འཛམ་གླིང་ཞི་བདེ་སྤེལ་དགོས་པའི་བཀའ་སློབ་བསྩལ་འདུག དེ་ཡང་༧གོང་ས་ཏཱ་ལའི་བླ་མ་དཔེ་མཛོད་དང་ཡིག་ཚགས་ཁང་དུ་༧གོང་ས་ཏཱ་ལའི་བླ་མའི་དགེ་རྩ་ཚོགས་པ་དང་། ཨེ་མོ་རིའི་བྱམས་བརྩེའི་བསྟི་གནས་ཁང་ཐུན་མོང་གི་གོ་སྒྲིག་འོག་༧གོང་ས་༧སྐྱབས་མགོན་ཆེན་པོ་མཆོག་དགུང་གྲངས་ ༩༠ ཕེབས་པའི་༧སྐུའི་གོ་སྟོན་སྲུང་བརྩིའི་ཆ་ཤས་སུ་༧གོང་ས་མཆོག་གི་དགོངས་གཞི་ལྟར་ཚན་རིག་དང་བཟང་སྤྱོད། སྙིང་རྗེ་བཅས་གོང་མཐོར་གཏོང་བའི་བརྗོད་གཞིའི་ཐོག་ཉིན་གསུམ་གྱི་ཚོགས་འདུ་མཇུག་སྒྲིལ་དང་འབྲེལ་ཚོགས་བཅར་བ་རྣམས་ཀྱིས་༧གོང་ས་༧སྐྱབས་མགོན་ཆེན་པོ་མཆོག་གི་མཇལ་ཁ་ཞུས་ཡོད་པ་དང་། མཇལ་ཁའི་སྐབས་༧གོང་ས་མཆོག་གིས། ལས་གཞི་དེ་བཞིན་སྤེལ་བར་བསྔགས་བརྗོད་གནང་བ་དང་སྦྲགས། གཙོ་བོ་སྐུ་མདུན་གྱི་གསུངས་པའི་བཀའ་སློབ་ནི། ནང་ཆོ...

བོད་གཞུང་དགའ་ལྡན་ཕོ་བྲང་གི་བཀའ་ཤག་གི་གཞུང་ཐམ་”སྲིད་ཞི་བདེ་སྐྱིད་མ་”འདི་ནི་བོད་རྒྱལ་ཁབ་ཀྱི་ངོ་བོ་དང་། ཆེས་མཐོའི་འཛིན་སྐྱོང་དབང་ཆའི་མཚོན་རྟགས་བླ་ན་མེད་པ་དེ་ཆགས་ཡོད། གཞུང་ཐམ་འདི་ག་དུས་ནས་གསར་བཟོ་གནང་བ་ཞིག་དང་ལོ་རྒྱུས་ཀྱི་རྒྱབ་ལྗོངས་གནད་འགག་གང་འདྲ་ཡོད་དམ། བཞུགས་སྒར་ཁུལ་དུ་ཡོད་པའི་སཱ་ར་བོད་ཀྱི་མཐོ་རིམ་སློབ་གཉེར་ཁང་གི་ལོ་རྒྱུས་སློབ་དཔོན་བགྲེས་པ་གཙང་ཕྲུག་སྟོབས་ལགས་ཀྱིས། བཀའ་ཤག་གི་ཐམ་ག་འདི་༧རྒྱལ་བ་སྐུ་ཕྲེང་བདུན་པའི་སྐབས་སུ་ ༡༧༥༡ ལོར་དེ་དུས་ཀྱི་བཀའ་བློན་བཞི་ལ་ཐམ་ག་འདི་བསྩལ་གནང་སྟེ། ཐམ་ག་འདི་མཉམ་དུ་ད་དུང་སེལ་ཐམ་དང་རྟགས་ཐམ་ཟེར་ཐམ་ག་གཉིས་བཅས་ཚང་མ་བསྩལ་གནང་ནས་༧རྒྱལ་བ་རིན་པོ་ཆེ་མཆོག་གིས་ཐུགས་སྨོན་དང་བཅས་བོད་དང་བོད་ཆེན་པོར་དབང་བསྐུར་གནང་ཡོད་ཅེས་གསུངས་བྱུང་། ༧རྒྱལ་མཆོག་༧སྐུ་ཕྲེང་ ༧ པའི་སྐུ་དུས་སུ་བྱུང་པ། བཀའ་ཐམ་སྲིད་ཞི་བད...

ཕྱི་ལོ་ ༢༠༢༦ ལོའི་ཟླ་ ༥ ཚེས་ ༢༢ ཉིན་ཨ་རིའི་གྲོས་ཚོགས་འོག་མའི་འཐུས་མི་ Jim Mcgovern ལགས་དང་། Michael McCaul ལགས་རྣམ་གཉིས་ཀྱིས་ Assuring the Future of Tibet Act of 2026 བོད་ཀྱི་མ་འོངས་འགན་སྲུང་བྱེད་པའི་ ༢༠༢༦ ལོའི་ཁྲིམས་འཆར་གསར་པ་ཞིག་ཆེད་འདོན་གནང་འདུག་པ་དང་། དེའི་ནང་ཨ་རིའི་གཞུང་གིས་དབུས་བོད་མིའི་སྒྲིག་འཛུགས་ལ་ངོས་འཛིན་དང་མཉམ་ལས་གོང་མཐོར་གཏོང་དགོས་པ་སོགས་ཀྱི་གནས་ཚུལ་འཁོད་ཡོད་པ་རེད།  དེ་ཡང་ཨ་རིའི་གྲོས་ཚོགས་འོག་མའི་འཐུས་མི་རྣམ་གཉིས་ཀྱིས་འདི་ཚེས་ ༢༢ ཉིན་ཆེད་འདོན་གནང་བའི་ Assuring the Future of Tibet Act of 2026 བོད་ཀྱི་མ་འོངས་འགན་སྲུང་བྱེད་པའི་ཁྲིམས་འཆར་གསར་པ་ཨང་ 8982 ཞེས་པ་འདི་ནི་ཨ་རིའི་ངོས་ནས་བོད་མིའི་སྒྲིག་འཛུགས་ལ་རྒྱབ་སྐྱོར་གནང་བའི་ལོ་རྒྱུས་ཀྱི་དོན་སྙིང་ལྡན་པའི་ཁ་སྒྱུར་ཞིག་མཚོན་གྱི་ཡོད་ལ།...

དེ་ཪིང་ཁ་མཆུ་ཨང་ ༢༢ པའི་ཞུ་སྦྱོར་བ་བློ་བཟང་ཚེ་རིང་ལགས་དང་། ཁོང་གི་ཁྲིམས་རྩོད་པ་བཅས་ཆེས་མཐོའི་ཁྲིམས་ཞིབ་ཁང་ལ་ཁ་མཆུ་དེ་དང་འབྲེལ་བའི་བར་བརྒལ་བཀའ་ཁྱབ་སླད་བཅར་བ་དང་འབྲེལ། ཆེས་མཐོའི་ཁྲིམས་ཞིབ་ཁང་ནས་ཕྱི་ཚེས་ ༣༡ ཉིན་སྐབས་ ༡༨ པའི་བར་བརྒལ་ཚོགས་གཙོའི་དམ་འབུལ་བཞེས་གཏན་ཁེལ་བ་དེ་གནས་སྐབས་ཕར་འགྱངས་ཀྱིས། མཆོད་འཇོར་མང་ཚོགས་ཀྱི་འོས་བསྡུའི་ཐོབ་ཐང་བཀག་སྐྱིལ་དང་འབྲེལ་བའི་གནད་དོན་ཐོག་ཞིབ་འཇུག་ཚོགས་ཆུང་ཆེད་འཛུགས་དགོས་པའི་ཞུ་སྙན་ཕུལ་འདུག རྩ་བའི་འགྲོ་ལུགས་ལྟར། ཕྱི་ཚེས་ ༣༡ ཉིན་གྱི་སྔ་དྲོ་སྐབས་ ༡༨ པའི་བར་བརྒལ་ཚོགས་གཙོ་ནས་ཆེས་མཐོའི་ཁྲིམས་ཞིབ་ཁང་དུ་ཁྲིམས་ཞིབ་པ་ཆེ་བའི་དྲུང་ནས་དམ་འབུལ་ཞུས་པའི་རྗེས་སུ། བོད་མི་མང་སྤྱི་འཐུས་ལྷན་ཚོགས་སུ་སྐབས་ ༡༨ པའི་འདམས་ཐོན་སྤྱི་འཐུས་རྣམས་ནས་བར་བརྒལ་ཚོགས་གཙོའི་དྲུང་ནས་དམ་འབུལ་ཞུས་ཏེ། ཕྱི་ཚེས་ ༣༡ གི་ཉིན་རྒྱབ་ཏུ་ཚོགས་གཙོ་དང་ཚོགས་གཞོན་གསར་པ་འདེམས་རྒྱུའི་འོས་བསྡུའི་ལས་རིམ་བསྐྱང་གནང་གི་ཡོད་པ་རེད། དེ་རིང་ཁ་ཆུ་ཨང་ ༢༢ པའི་ཞུ་སྦྱོར་བའི་ཞུ་སྙན་ཕུལ་བ་བཞིན། ཆེས་མཐོའི་ཁྲིམས་ཞིབ་ཁང་ནས་བར་བརྒལ་ཚོགས་གཙོའི་དམ་འབུལ་མཛད་སྒོ་ཕྱིར་འགྱངས་གནང་བ་ཡིན་ན། དེའི་རྗེས་ཀྱི་སྤྱི་འཐུས་རྣམ་པའི་དམ་འབུལ་དང་ཚོགས་གཙོ་ཚོགས་གཞོན་འདེམས་རྒྱུ་སོགས་ཀྱི་ལས་རིམ་ཡོངས་རྫོགས་འགྲོ་ཐུབ་ཀྱི་མེད་པ་རེད། དེ་ཡང་འདི་ག་རླུང་འཕྲིན་ཁང་གིས་ཞུ་སྦྱོར་བ་བློ་བཟང་ཚེ་རིང་ལགས་ཀྱི་ཁྲིམས་རྩོད་པ་རིན་ཆེན་དབང་རྒྱལ་ལགས་སུ་དེའི་སྐོར་བཀའ་འདྲི་ཞུ་སྐབས་ཁོང་གིས། གནངས་ཕྱི་ཚེས་ ༣༡ ཉིན་བར་བརྒལ་ཚོགས་གཙོ་མཆོག་གིས་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ཡི་ཤེས་དབང་མོ་མཆོག་གི་དྲུང་དུ་ལས་ཁུར་དམ་བཅའ་འབུལ་བཞེས་གནང་གཏན་ཁེལ་ཡོད་པ་དང་བསྟུན། ཁོང་རྣམས་ནས་ཆེས་མཐོའི་ཁྲིམས་ཞིབ་ཁང་ལ་སྤྱི་མང་གཏུག་བཤེར་འགྲོ་ལུགས་རྩ་འཛིན་ཁྲིམས་ཡིག་གི་ནང་གསེས་དོན་ཚན་ ༧༦ བར་བརྒལ་གྱི་བཀའ་ཁྱབ། ནང་གསེས་ཀ་པའི་ ༣ པ། (བྱ་བ་གང་ཞིག་དེ་འཕྲལ་བྱས་པའམ་མ་བྱས་པའི་རྐྱེན་གྱིས་གྱོད་ཡ་གཞན་དེར་གནོད་སྐྱོན་ཕོག་གཞི་ཆགས་པ། བཅས་གང་རུང་ར་འཕྲོད་བྱུང་ན་ཁྲིམས་ཞིབ་ཁང་ནས་ཁ་མཆུ་ཐག་ཆོད་མ་བྱུང་བར་རམ།...

ཁ་ཉིན་ཕྱི་ཚེས་ ༢༧ ཉིན་སླར་ཡང་བོད་མིའི་སྒྲིག་འཛུགས་ཀྱི་སྲིད་སྐྱོང་དུ་བདམས་ཐོན་བྱུང་བ་སྐུ་ཞབས་སྤེན་པ་ཚེ་རིང་མཆོག་ནས་ལས་འཁུར་དམ་འབུལ་ཞུས་པར།  རྒྱལ་སྤྱིའི་ཁྲོད་ཀྱི་གཞུང་འབྲེལ་མི་སྣ་དང་གྲོས་ཚོགས་འཐུས་མི་སོགས་གནད་ཡོད་མི་སྣ་མང་དག་ཅིག་ནས་སྲིད་སྐྱོང་མཆོག་ལ་འཚམས་འདྲི་དང་སྦྲགས།  མ་འོངས་ལས་དོན་ལམ་ལྷོང་ཡོང་བ་མ་ཟད།  བོད་དོན་ཐོག་རྒྱབ་སྐྱོར་མུ་མཐུད་གནང་རྒྱུ་ཡིན་པ་གསུངས་འདུག དེ་ཡང་ཁ་སང་ཕྱི་ཚེས་ ༢༨ ཉིན་བོད་མིའི་སྒྲིག་འཛུགས་ཀྱི་དྲྭ་གནས་ཐོག་སྤེལ་བའི་གནས་ཚུལ་ནང་གསལ་ལྟར་ན།  ཨ་རི་བོད་དོན་དམིགས་བསལ་འབྲེལ་མཐུད་པ་ Riley Barnes རེ་ཡི་ལི་བྷར་ནེ་སི་ལགས་ཀྱིས་སྲིད་སྐྱོང་སྤེན་པ་ཚེ་རིང་མཆོག་སླར་ཡར་སྲིད་སྐྱོང་དུ་འོས་འདེམས་བྱུང་བར་འཚམས་འདྲི་དང་འབྲེལ།  ཨ་རིའི་ངོས་ནས་འཛམ་གླིང་ས་ཕྱོགས་གང་སར་གནས་པའི་བོད་མིར་རྒྱབ་སྐྱོར་སླད་མང་གཙོའི་ལམ་ལུགས་ཀྱི་ཐོག་ནས་འོས་འདེམས་བྱུང་བའི་བོད་མིའི་འགོ་ཁྲིད་དང་ལྷན་དུ་ཕྱག་ལས་མུ་མཐུད་གནང་རྒྱུ་ཡིན་པ་གསུངས་འདུག་ལ།  ལྷག་པར་དབུས་བོད་མིའི་སྒྲིག་འཛུགས་དང་བཙན་བྱོལ་བོད་མིའི་འོས་བསྡུ་ཆེན་མོར་འཚམས་འདྲི་གནང་འདུག དེ་བཞིན་ཨོསྟྲེ་ལི་ཡའི་གྲོས་ཚོགས་འཐུས་མི་ལྕམ་སྐུ་ Susan Templeman སུ་སན་ཊེམ་པལ་མེན་ལགས་དང་། གྲོས་ཚོགས་གོང་མའི་འཐུས་མི་སྐུ་ཞབས་ Dean Smith ཌིན་སི་མིཏ་ལགས། གྲོས་ཚོགས་གོང་མའི་འཐུས་མི་ལྕམ་སྐུ་ Barbara Pocock སྦར་བ་ར་པོ་ཀོག་ལགས་བཅས་ཀྱིས་ཨ་གླིང་གྲོས་ཚོགས་འཐུས་མི་བོད་དོན་རྒྱབ་སྐྱོར་ཚོགས་པའི་ཚབ་ཞུས་ཏེ་སྲིད་སྐྱོང་མཆོག་ལ་འཚམས་འདྲི་དང་སྦྲགས། སྲིད་སྐྱོང་མཆོག་ལ་སླར་ཡང་འོས་བསྡུའི་རྒྱལ་ཁ་ཐོབ་པ་དེས་བོད་མི་ཚོས་སྲིད་སྐྱོང་མཆོག་གི་དབུ་ཁྲིད་ལ་ཡིད་ཆེས་བློ་གཏད་ཡོད་པ་མཚོན་གྱི་ཡོད་སྐོར་དང་འབྲེལ།  བོད་མི་ཚོའི་རེ་བ་དང་མངོན་འདོད་སྒྲུབ་སླད་མུ་མཐུད་ལས་དོན་ལམ་ལྷོང་ཡོང་བའི་སྨོན་འདུན་ཡོད་ཅེས་དང་།  སྲིད་སྐྱོང་མཆོག་མ་འོངས་ཨོསྟྲེ་ལི་ཡར་ཕེབས་པའི་གོ་སྐབས་ལ་རེ་སྒུག་གནང་བཞིན་ཡོད་པ་གསུངས་འདུག  ལྷག་པར་དུ་གྲོས་ཚོགས་འཐུས་མི་རྣམས་ནས་བོད་མིའི་རང་དབང་དང་། ཆེ་མཐོང་། གཞི་རྩའི་འགྲོ་བ་མིའི་ཐོབ་ཐང་བཅས་ལ་རྒྱབ་སྐྱོར་གནང་རྒྱུའི་ཆོད་སེམས་བསྐྱར་ནན་དང་སྦྲགས། བོད་རྒྱ་གཉིས་ཀྱི་དཀའ་རྙོག་དེ་དོན་སྙིང་ལྡན་པའི་གྲོས་མོལ་བརྒྱུད་ནས་སེལ་ཐབས་བྱེད་རྒྱུར་མུ་མཐུད་རྒྱབ་སྐྱོར་གནང་རྒྱུ་ཡིན་པ་གསུངས་འདུག་པ་མ་ཟད།  ༸སྐུའི་ཡང་སྲིད་ཀྱི་གནད་དོན་དང་འབྲེལ།  སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཡང་སྲིད་ནི་ཆོས་དད་རང་དབང་དང་། ཆོས་ཕྱོགས་ཀྱི་ལམ་སྲོལ་ཞིག་ཡིན་པས་དེར་རྒྱ་ནག་གཞུང་གིས་ཐེ་བྱུས་གང་ཡང་མི་ཆོག་པའི་ལངས་ཕྱོགས་བསྐྱར་ནན་གནང་འདུག མ་ཟད་ཟླ་འདིའི་ཕྱི་ཚེས་ ༢༦...

ཉེ་ཆར་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་བསྐྱར་དུ་སྲིད་སྐྱོང་ལ་འོས་འདེམས་བྱུང་བར་ཕྱི་ནང་གི་རྒྱལ་ཁབ་མང་པོ་ཞིག་གི་གྲོས་ཚོགས་འཐུས་མི་དང་བོད་དོན་རྒྱབ་སྐྱོར་བ་ཁག་ཅིག་གིས་འཚམས་འདྲི་གནང་འདུག The post ཐའེ་ཝན་དང་ཨོ་སི་ཌོ་ལི་ཡའི་གྲོས་ཚོགས་འཐུས་མིས་འཚམས་འདྲི་གནང་འདུག appeared first on བོད་ཀྱི་བང་ཆེན།.

དེ་རིང་བོད་མིའི་ཁྲིམས་ལུགས་རིག་པ་བའི་ཚོགས་པ་བརྒྱུད་བལ་ཡུལ་མཆོད་འཇོར་གྱི་ཞུ་སྦྱོར་བས་ཆེས་མཐོའི་ཁྲིམས་ཞིབ་ཁང་ལ་བར་བརྒལ་བཀའ་ཁྱབ་གཏོང་གནང་ཡོང་བའི་སྙན་ཞུ་བསྐྱར་དུ་ཕུལ་སོང་། The post བལ་ཡུལ་མཆོད་འཇོར་གྱི་ཞུ་སྦྱོར་བས་བསྐྱར་དུ་བར་བརྒལ་བཀའ་ཁྱབ་གཏང་དགོས་པའི་སྙན་ཞུ་ཕུལ། appeared first on བོད་ཀྱི་དུས་བབ།.

ཐའེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པ་དེ་ནི་ཕྱི་ལོ་ ༢༠༠༩ ལོར་ཐོག་མ་གསར་འཛུགས་གནང་བ་ཞིག་ཡིན་པ་དང་། ཐའེ་ཝན་རྒྱལ་ཡོངས་རང་བཞིན་གྱི་ཚད་ལྡན་དེབ་སྐྱེལ་ཡོད་པའི་ཁེ་མེད་ཚོགས་པ་ཞིག་ཡིན་ཞིང་། དེ་ནི་བོད་བརྒྱུད་ནང་བསྟན་གྱི་ཐུན་མིན་ཁྱད་ཆོས་དང་གནང་སྒོ་ཁག་རྒྱུན་འཛིན་ཙམ་མ་ཡིན་པར་རྒྱ་བརྒྱུད་ནང་བསྟན་དང་ལྷོ་བརྒྱུད་ནང་བསྟན་བཅས་དང་ལྷན་དུ་བགྲོ་གླེང་དང་བསྟན་པ་སྤྱི་ཚན་ལ་དམིགས་ནས་ཆོས་ཕྱོགས་ཀྱི་གནང་སྒོ་ཁག་སྤེལ་གྱི་ཡོད་པ་རེད་འདུག ལྷག་པར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་སློབ་ལམ་སྟོན་ལྟར་ཆོས་ལུགས་ནང་ཕན་ཚུན་འཆམ་མཐུན་དང་མཐུན་སྒྲིལ་ཐོག་ལས་དོན་སྤེལ་བཞིན་ཡོད་པ་དང་། ཚོགས་པ་དེའི་ནང་ཚོགས་མི་ལྟ་བུ་མཚོན་ན་བོད་ཀྱི་ཆོས་བརྒྱུད་ཆེན་པོ་བཞིའི་འཐུས་ཚབ་ཡོད་པ་ཞིག་ཆགས་ཀྱི་འདུག འདི་ག་རླུང་འཕྲིན་ཁང་ནས་ཐའེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་ཚོགས་གཙོ་རྫོང་སར་མཁན་པོ་ཚེ་དབང་རིག་འཛིན་ལགས་སུ། ཚོགས་པ་དེ་ཐོག་མ་གསར་འཛུགས་གནང་བའི་བརྒྱུད་རིམ་དང་། དམིགས་ཡུལ། དེ་བཞིན་ལས་དོན་གལ་ཆེན་ཁག ལྷག་པར་ཁུལ་དེར་རྟེན་གཞི་བྱས་པའི་རྒྱ་བརྒྱུད་དང་ལྷོ་བརྒྱུད་ནང་བསྟན་ལྷན་དུ་མཉམ་ལས་གནང་ཕྱོགས། དེ་བཞིན་བོད་བརྒྱུད་ནང་བསྟན་དང་བརྒྱུད་པ་གཞན་བར་ཆོས་ཕྱོགས་ཀྱི་གནང་སྒོ་ལ་ཁྱད་པར། མ་ཟད་མ་འོངས་ལས་དོན་གནང་ཕྱོགས་བཅས་ཀྱི་སྐོར་ལ་བཀའ་འདྲི་ཞུས་ཡོད་པས་གོང་གི་སྒྲ་སྒམ་ནས་གསན་གནང་ཡོང་བ་ཞུ། The post ཐའེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་སྐོར་བཅར་འདྲི། appeared first on vot.

ཐའེ་ཝན་གྱི་ཕྱི་འབྲེལ་བློན་ཆེན་དང་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པ། ཨོ་གླིང་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པ། ཨ་རིའི་བོད་དོན་དམིགས་བསལ་འབྲེལ་མཐུད་པ་སོགས་ཀྱིས་སྲིད་སྐྱོང་སྤེན་པ་ཚེ་རིང་མཆོག་ལ་འཚམས་འདྲི་ཞུས་འདུག The post ཨ་རིའི་བོད་དོན་དམིགས་བསལ་འབྲེལ་མཐུད་པ་སོགས་ཀྱིས་སྲིད་སྐྱོང་མཆོག་ལ་འཚམས་འདྲི་ཞུས། appeared first on བོད་ཀྱི་དུས་བབ།.