༧གོང་ས་མཆོག་གིས་དེང་གི་འཆར་འཛམ་གླིང་ནང་དཀའ་ངལ་མང་པོ་འཕྲད་བཞིན་ཡོད་པའི་སྐབས་འདིར། བུད་མེད་རྣམས་ནི་གཞན་གྱི་བདེ་དོན་དང་ལྷག་པར་བྱམས་བརྩེའི་ཐོག་སེམས་ཁུར་ཆེ་བ་ཡོད་པ་ཚན་རིག་གི་དཔང་རྟགས་ཡོད་པར་བརྟེན། གལ་ཏེ་འཛམ་གླིང་འདིའི་ཐོག་བུད་མེད་ཀྱི་དབུ་ཁྲིད་མང་དག་ཅིག་བྱུང་བ་ཡིན་ན། འཛམ་གླིང་ནང་ཞི་བདེ་ཡོང་བར་ཕན་ཐོགས་ཡོད་པས། (Sarah Mullally)མཆོག་ཀེན་ཊར་བྷ་རི་(Canterbury)ཡེ་ཤུའི་མཆོད་དཔོན་དུ་བསྐོ་གཞག་བྱུང་བར་དགའ་བསུའི་འཚམས་འདྲི་མཛད་གནང་འདུག ཕྱི་ལོ་༢༠༢༦ ཟླ་༣ ཚེས་༢༨ The post ༸གོང་ས་མཆོག་གིས་སཱ་ར་མུ་ལེ་ལི་མཆོག་ཀན་ཊར་བྷེ་རིའི་མཆོད་དཔོན་དུ་བསྐོ་གཞག་བྱུང་བར་འཚམས་འདྲི་གནང་འདུག appeared first on བོད་ཀྱི་བང་ཆེན།.

དེ་རིང་ཚེས་ ༣༠ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཡེ་ཤུའི་བླ་ཆེན་གྱི་ཞི་བའི་བརྡ་ལན་ལ་རྒྱབ་སྐྱོར་དང་འབྲེལ། འཛམ་གླིང་དཀྱིལ་ཤར་གཙོས་པའི་ཨུ་རུ་སུ་དང་ཡུཀ་རེན་བར་གྱི་འཁྲུག་རྩོད་དང་དྲག་སྤྱོད་དེ་དག་གྲོས་མོལ་དང་རྒྱལ་འབྲེལ། ཕན་ཚུན་གུས་བརྩིའི་ལམ་ནས་སེལ་དགོས་ལམ་སྟོན་སྩལ་འདུག དེ་ཡང་ཁ་ཉིན་རེས་གཟའ་ཉི་མའི་ཉིན་མོ་དེ་ནི་ཡེ་ཤུའི་མཱ་ཤི་ཀ་ Jerusalem ཇི་རུ་ས་ལམ་ནང་ཕེབས་པའི་དུས་ཚིགས་ཁྱད་པར་ཅན་འཁེལ་གྱི་ཡོད་པ་དང་བསྟུན། ཨི་ཊ་ལི་ནང་དུ་རྟེན་གཞི་བྱས་པའི་ St. Peter’s Square ནང་དུ་ Palm Sunday Mass དུས་ཆེན་སྲུང་བརྩི་སྐབས་ཡེ་ཤུའི་བླ་ཆེན་ Pope Leo བཅུ་བཞི་པ་མཆོག་གིས་ཡེ་ཤུ་མཱ་ཤི་ཀ་ནི་ཞི་བདེའི་རྒྱལ་པོ་ལྟ་བུ་ཡིན་པ་དང་། དམག་འཁྲུག་ལ་ངོས་ལེན་གནང་གི་མེད་ཅེས་ནན་བརྗོད་ཐོག ཕན་ཚུན་སྤུན་མཆེད་ཀྱི་འདུ་ཤེས་དྲན་དགོས་གལ་ཡིན་པ་སོགས་གསུངས་འདུག གནད་དོན་དེ་དང་འབྲེལ་ནས་དེ་རིང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཀའ་ཡིག་ཅིག་སྩལ་བའི་ནང་། ཡེ་ཤུའི་ཆོས་དཔོན་ཁོང་གིས་གོ་མཚོན་དང་གནོད་འཚེ་སྤོང་དགོས་པའི་ལམ་སྟོན་དེ་ནི་མགོན་པོ་༸གང་ཉིད་མཆོག་གི་ཐུགས་དགོངས་དང་མཐུན་གྱི་ཡོད་པ་མ་ཟད། ཆོས་ལུགས་ཆེ་ཁག་ཚང་མས་བསླབ་བྱ་སྙིང་དོན་དེ་ཡིན་པ་བཀའ་སྩལ་འདུག ད་དུང་༸གོང་ས་མཆོག་གིས་ཡེ་ཤུ་དང་ནང་ཆོས། ཁ་ཆེ། ཧིན་རྡུ། འཇིའུ་སོགས་འཛམ་གླིང་གི་ཆོས་ལུགས་ཚང་མས་དོན་དམ་པའི་ཐོག་ལ་བྱམས་པ་དང་སྙིང་རྗེ། བཟོད་སྒོམ། དེ་བཞིན་རང་ཁྲིམས་རང་སྲུང་གི་གཞི་རྩའི་བསླབ་བྱ་བསྟན་གྱི་ཡོད་པ་གཅིག་མཚུངས་ཡིན་ཞིང་། བསླབ་བྱ་དེ་དག་གཞན་ལ་གནོད་འཚེ་དང་བྲལ་བ་ཞིག་ཡིན་པ་མ་ཟད། འཚེ་བས་འཚེ་བ་འཕེལ་བར་བྱེད་ཀྱི་ཡོད་སྟབས། ཡུན་གནས་ཀྱི་ཞི་བདེ་ཡོང་རྒྱུའི་ཐབས་ལམ་ཞིག་མིན་པ་འདས་པའི་ལོ་རྒྱུས་ཐོག་ནས་ཡང་ཡང་ར་སྤྲོད་བྱུང་ཡོད་པ་བཀའ་ནན་སྩལ་འདུག ལྷག་པར་ད་ལྟའི་ཆར་འཛམ་གླིང་དཀྱིལ་ཤར་མཚོན་པའི་ཨུ་རུ་སུ་དང་ཡུཀ་རེན་བར་གྱི་རྩོད་རྙོག་དེ་དག་ཕན་ཚུན་སྤུན་མཆེད་ཀྱི་འདུ་ཤེས་ཟབ་མོའི་འོག་ནས་གྲོས་མོལ་དང་རྒྱལ་འབྲེལ་ཐབས་བྱུས། ཕན་ཚུན་གུས་བརྩི་ལ་གཞི་བཞག་སྟེ། སེལ་དགོས་པའི་ལམ་སྟོན་དང་འབྲེལ། དམག་འཁྲུག་དང་འཚེ་བ་མྱུར་དུ་ཞི་བའི་ཐུགས་སྨོན་མཚམས་སྦྱོར་མཛད་འདུག རྩ་བའི་ཨུ་རུ་སུ་དང་ཡུཀ་རེན་བར་གྱི་དམག་འཁྲུག་དེ་ནི་ཕྱི་ལོ་...

༧གོང་ས་རྒྱལ་བ་རིན་པོ་ཆེ་མཆོག་ནས་ལོ་རྒྱུས་ཀྱིས་ང་ཚོར་དུས་ནས་དུས་སུ་དྲག་སྤྱོད་ཀྱིས་དྲག་སྤྱོད་མང་བ་འབྱུང་བ་དང་དེ་ནི་ཞི་བདེའི་རྨང་གཞི་ཡུན་རིང་པོ་ཞིག་མིན་པ་གསལ་པོ་བསྟན་ཡོད་ཅེས་གསུངས་འདུག ཡུལ་ལུང་ཁག་ཅིག་ནང་དམག་འཁྲུག་འབྱུང་བཞིན་ཡོད་པའི་རྐྱེན་གྱིས་འཛམ་གླིང་ས་ཕྱོགས་གང་སར་ཉིན་རེ་ནས་ཉིན་རེ་བཞིན་དཀའ་རྙོག་ཆེ་རུ་འགྲོ་བཞིན་ཡོད་པར་བརྟེན། དེ་རིང་ཕྱི་ཚེས་ ༣༡ ཉིན་༧གོང་ས་རྒྱལ་བ་རིན་པོ་ཆེ་མཆོག་ནས་དམག་འཁྲུག་འཕྲལ་དུ་མཚམས་འཇོག་དགོས་པའི་གསུང་འཕྲིན་ཞིག་བསྩལ་ཏེ། དཀའ་རྙོག་རིགས་ག་རེ་ཡིན་ནའང་གྲོས་མོལ་དང་། ཕྱི་འབྲེལ། ཕན་ཚུན་བརྩི་འཇོག་བཅས་ལ་གཞི་བཅོལ་ནས་སེལ་ཐབས་གནང་བ་ཡིན་ན་ཡུན་རིང་ཞི་བདེ་ཡོང་བའི་རྨང་གཞི་འཛུགས་ཐུབ་ཀྱི་ཡོད་པའི་ལམ་སྟོན་མཛད་འདུག དེ་ཡང་གསུང་འཕྲིན་ནང་། ངོས་ཀྱིས་སེམས་གཏིང་ནས་ཆོས་དཔོན་ལིའོ་མཆོག་གིས་ཞི་བདེའི་འབོད་སྐུལ་ནུས་ལྡན་ཞིག་གནང་བར་རྒྱབ་སྐྱོར་བྱེད་ཀྱི་ཡོད། ཁོང་གིས་མཚོན་ཆ་འཇོག་པ་དང་དྲག་ཤུགས་སྤང་དགོས་པའི་འབོད་སྐུལ་གནང་བ་དེར་སེམས་འགུལ་གཏིང་ཟབ་པོ་ཐེབས་བྱུང་། དེ་ནི་ཆོས་ལུགས་ཆེན་པོ་ཚང་མའི་ཆོས་ཀྱི་སྙིང་དོན་ཡིན། ང་ཚོས་ཡེ་ཤུ་ཆོས་ལུགས། ནང་ཆོས། ཁ་ཆེ། ཧིན་རྡུ། ཇིའུ་ཆོས་ལུགས་སོགས་འཛམ་གླིང་གི་ཆོས་ལུགས་གལ་ཆེན་གཞན་གང་ཞིག་ལ་བལྟས་ཀྱང་། སྙིང་པོ་གཅིག་པ་ཡིན་ཏེ་བྱམས་བརྩེ་དང་། སྙིང་རྗེ། བཟོད་བསྲན། རང་འདུལ་བཅས་རེད། དྲག་ཤུགས་ནི་ཆོས་ལུགས་གང་གི་བསླབ་བྱའི་ནང་དུའང་མེད།  ལོ་རྒྱུས་ཀྱིས་ང་ཚོར་དུས་ནས་དུས་སུ་དྲག་ཤུགས་ཀྱིས་དྲག་ཤུགས་མང་བ་འབྱུང་བ་དང་། དེ་ནི་ཞི་བདེའི་རྨང་གཞི་ཡུན་རིང་པོ་ཞིག་མིན་པ་གསལ་སྟོན་བྱས་ཡོད། ཅེས་གསུངས་འདུག ༧ཡང་མགོན་པོ་གང་ཉིད་ཀྱིས། དཀྱིལ་ཤར་ཡུལ་གྲུ་ཁག་དང་ཡང་ན། ཨུ་རུ་སུ་དང་ཡུག་རེན་བར་གྱི་འཁྲུག་རྩོད་ཚུད་པའི་འཁྲུག་རྩོད་རིགས་ཀྱི་ཡུན་རིང་བའི་ཐག་གཅོད་ནི་གྲོས་མོལ་དང་། ཕྱི་འབྲེལ། ཕན་ཚུན་བརྩི་འཇོག་བཅས་ལ་གཞི་བཅོལ་དགོས། དེ་ཡང་གཞི་རྩའི་ང་ཚོ་ཚང་མ་སྤུན་མཆེད་ཡིན་པའི་གོ་རྟོགས་ཐོབ་པ་དགོས། ཞེས་དང་། ངོས་ནས་དྲག་སྤྱོད་དང་འཁྲུག་རྩོད་འཕྲལ་དུ་མཚམས་འཇོག་ཡོང་བར་འབོད་སྐུལ་དང་སྨོན་ལམ་འདེབས་བཞིན་ཡོད། ཅེས་གསུངས་འདུག ཟླ་འདིའི་ཕྱི་ཚེས་ ༢༩ ཉིན་ཡེ་ཤུའི་ཆོས་དཔོན་རོ་བྷི་ཌི་པེ་ཝེ་སི་(Robert Prevost Pope Leo XIV) མཆོག་གིས། ང་ཚོ་དབུས་ཤར་གྱི་ཡེ་ཤུ་ཆོས་པ་ཚོ་དང་སྨོན་ལམ་གྱི་ཐོག་ནས་སྔར་ལས་ཉེ་བ་ཡོད། ཁོང་ཚོས་འཇིགས་སུ་རུང་བའི་འཁྲུག་རྩོད་ཀྱི་མཇུག་འབྲས་མྱོང་གི་ཡོད་པ་དང་། གནས་སྟངས་མང་པོའི་འོག་དགེ་བའི་ཉིན་མོ་འདི་དག་གི་ཆོ་ག་ཆ་ཚང་བྱེད་ཐུབ་ཀྱི་མེད། ཅེས་དང་། དམག་འཁྲུག་ཁྲོད་རྨས་སྐྱོན་ཕོག་པ་རྣམས་ལ་རོགས་རམ་དང་། ཞི་མཐུན་དང་ཞི་བདེའི་ལམ་བུ་དངོས་སུ་འབྱེད་པར་ཤོག  ཅེས་གསུངས་འདུག གསར་འགོད་པ། དཔལ་ལྡན། རྩོམ་སྒྲིག་བྱེད་མཁན། པདྨ་མཚོ། The...

༄༅། །ཕྱི་ལོ་ ༢༠༢༦ ཟླ་བ་ ༠༣ ཚེས་ ༣༡ ཉིན་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་བོད་མིའི་འཛིན་སྐྱོང་དང་སྤྱི་ཚོགས་བདེ་དོན་ཐེབས་རྩའི་མཐུན་འགྱུར་འོག་གསར་བཞེངས་གནང་བའི་བོད་མིའི་སྒྲིག་འཛུགས་ཀྱི་བསྟི་གནས་གངས་ཅན་སྐྱིད་གཤོངས་སུ་བོད་མིའི་སྒྲིག་འཛུགས་ཀྱི་ལས་ཤག་གསར་པ་དབུ་འབྱེད་གནང་སོང་། དེ་ཡང་གོང་ཚེས་ཉིན་གྱི་ཉིན་གུང་ཆུ་ཚོད་ ༡༢ ཐོག་གནས་ཆུང་གྲྭ་ཚང་གི་དགེ་འདུན་པ་ཁག་ཅིག་གིས་སྨོན་ལམ་གསུང་འདོན་གྱིས་རབ་གནས་གནང་གྲུབ་རྗེས་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ལས་ཤག་གསར་པ་དཔལ་འབར་ཁང་དང་། འཕེལ་རྒྱས་ཁང་གཉིས་རིམ་པར་དབུ་འབྱེད་དང་གཟིགས་སྐོར་གནང་སོང་། སྐབས་དེར་བཀའ་དྲུང་ཆུ་སྐྱ་སྦྲ་གཉིས་ཚེ་རྒྱལ་ལགས་དང་། ཆབ་སྲིད་དྲུང་ཆེ་བཀྲ་ཤིས་རྒྱ་མཚོ་ལགས། ནང་སྲིད་དྲུང་ཆེ་དཔལ་ལྡན་དོན་གྲུབ་ལགས། ཕྱི་དྲིལ་དྲུང་ཆེ་ཀརྨ་ཆོས་དབྱིངས་ལགས། འཕྲོད་བསྟེན་དྲུང་ཆེ་བྱམས་པ་ཕུན་ཚོགས་ལགས། དཔལ་འབྱོར་དྲུང་ཆེ་ཚེ་རིང་དོན་གྲུབ་ལགས། ཤེས་རིག་དྲུང་ཆེ་འཇིགས་མེད་རྣམ་རྒྱལ་ལགས། ལས་བྱེད་འདེམས་བསྐོ་ལྷན་ཁང་གི་དྲུང་ཆེ་བསྟན་འཛིན་ལེགས་གྲུབ་ལགས་གཙོས་པའི་ནང་སྲིད་ལས་ཁུངས་ཀྱི་ལས་བྱེད་བཅས་ཕེབས་ཡོད།།

༄༅། །ཕྱི་ལོ་ ༢༠༢༦ ཟླ་བ་ ༠༣ ཚེས་ ༣༡ ཉིན་གྱི་སྔ་དྲོར་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་སྐབས་བཅུ་བདུན་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བཅུ་གཅིག་པའི་ཐོག་གཏན་འབེབས་གནང་བའི་བོད་ཀྱི་རྒྱལ་དར་དང་། རྒྱལ་རྟགས། རྒྱལ་གླུ་བེད་སྤྱོད་བྱེད་ཕྱོགས་ཀྱི་སྒྲིག་གཞི་དང་འབྲེལ་བའི་ཁྲིམས་འཆར་ལ་མཚན་རྟགས་བཀོད་གནང་སོང་། སྐབས་དེར་དཔལ་ལྡན་སྲིད་སྐྱོང་མཆོག་གིས་སྐབས་བཅུ་བདུན་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བཅུ་གཅིག་པའི་ཐོག་བོད་ཀྱི་རྒྱལ་དར་དང་། རྒྱལ་རྟགས། རྒྱལ་གླུ་བཅས་ཀྱི་བེད་སྤྱོད་བྱེད་ཕྱོགས་ཀྱི་སྒྲིག་གཞི་གཏན་འབེབས་བྱས་ཡོད་ཅེས་དང་། དེ་ཡང་དེ་སྔ་བཀའ་བློན་ཁྲི་ཟུར་སློབ་དཔོན་ཟམ་གདོང་རིན་པོ་ཆེ་མཆོག་གི་སྐབས་སུ་ཚོགས་ཆུང་བཙུགས་པ་དེ་འདྲ་བྱུང་ཡོད་པ་དང་། ད་ལྟའི་ཆར་ཚོགས་ཆུང་ཐེངས་གསུམ་པ་དེ་ཆགས་ཡོད་པ་འགྲེལ་བརྗོད་གནང་། ཁོང་གིས་རང་བཙན་ཡོད་པའི་རྒྱལ་ཁབ་ཆ་ཚང་ལ་རྒྱལ་དར་དང་རྒྱལ་རྟགས། རྒྱལ་གླུ་བཅས་ཡོད་པ་དང་། བོད་དེ་ལོ་རྒྱུས་ཐོག་ནས་རང་བཙན་རྒྱལ་ཁབ་ཅིག་ཡིན་པའི་གནས་བབ་ཐོག་ནས་གཏན་འབེབས་བྱེད་དགོས་རྒྱུ་གལ་ཆེན་པོ་ཆགས་ཡོད། ད་བར་སྤྱི་ཚོགས་ནང་བོད་ཀྱི་རྒྱལ་དར་གྱི་མཚོན་མདོག་དང་ཚད་གཞི་སྣ་ཚོགས་བེད་སྤྱོད་བྱེད་བཞིན་པས་རྒྱལ་དར་གཅིག་གྱུར་མེད་པ་དང་། བོད་མི་མང་སྤྱི་འཐུས་ལྷན་ཚོགས་ཀྱིས་གཞུང་འབྲེལ་ཐོག་གཏན་འབེབས་གནང་ཐུབ་པ་དེས་ཕྱི་ཟླ་ལྔ་པ་ནས་བཟུང་གཅིག་གྱུར་བེད་སྤྱོད་བྱ་རྒྱུ་ཡིན་པ་གསུངས། དེ་བཞིན་དཔལ་ལྡན་སྲིད་སྐྱོང་མཆོག་གིས་བོད་མིའི་སྒྲིག་འཛུགས་ཀྱི་དྲ་ཚིགས་སྟེང་བོད་ཀྱི་རྒྱལ་དར་དང་རྒྱལ་རྟགས། རྒྱལ་གླུའི་པར་རིས་དང་ཚད་གཞི་བཅས་པ་འཇོག་རྒྱུ་ཡིན་པ་དང་། མི་མང་ཚོས་འདིར་གཞི་རྩར་བཞག་སྟེ་ཕབ་ལེན་གྱིས་བེད་སྤྱོད་གཏོང་དགོས་པའི་སྐུལ་མ་གནང་། ལྷག་པར་དུ་དེ་ཁྲིམས་སྒྲིག་གི་ངོ་བོའི་ཐོག་ནས་གཏན་འབེབས་གནང་ཡོད་པས་བོད་མི་ཚང་མས་བརྩི་སྲུང་བྱེད་དགོས་ཀྱི་ཡོད་ཅེས་གསུངས།།

དེ་རིང་ཕྱི་ཟླ་ ༣ པའི་ཚེས་ ༣༠ ཉིན་སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ༡༡ པའི་ལས་ཉིན་མཐའ་མའི་ཐོག་བོད་མིའི་སྒྲིག་འཛུགས་ཀྱི་རྩིས་ལོ་ ༢༠༢༦-༢༠༢༧ ལོའི་ལས་ཁུངས་མ་ལག་དང་བཅས་པའི་འགོད་དངུལ་སྔོན་རྩིས་བཀའ་འཁྲོལ་ཧིན་སྒོར་ས་ཡ་ ༣༤༠༨ ལྷག་ཙམ་གཏན་འབེབས་ཐོག་གྲོས་ཚོགས་ཚོགས་དུས་མཐའ་མ་དེ་མཇུག་བསྒྲིལ་གནང་སོང་། རྩ་བའི་དེ་རིང་སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ༡༡ པའམ་ཚོགས་དུས་མཐའ་མའི་ཐོག ༸སྐུའི་གཅུང་པོ་དམ་པ་སྤྱི་ཟུར་མངའ་རིས་རིན་པོ་ཆེ་མཆོག་ལ་གཞུང་འབྲེལ་མྱ་ངན་གུས་འདུད་ཀྱི་རྗེས་དྲན་གྲོས་ཆོད་དང་། བོད་ནང་གི་ཛ་དྲག་གནས་སྟངས་ཐོག་གཞུང་འབྲེལ་གདུང་སེམས་མཉམ་བསྐྱེད་ཀྱི་གྲོས་ཆོད། ལྷག་པར་རྒྱ་ནག་གཞུང་གིས་ཉེ་ལམ་གཏན་འབེབས་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་ཞེས་པའི་ངོ་རྒོལ་གྱིས་གཞུང་འབྲེལ་གྲོས་ཆོད་བཅས་གཏན་འབེབས་གནང་ཡོད་པ་མ་ཟད། བོད་ཀྱི་རྒྱལ་དར་དང་རྒྱལ་རྟགས། རྒྱལ་གླུ་བེད་སྤྱོད་ཚད་ལྡན་གཅིག་གྱུར་དང་འབྲེལ་བའི་ཁྲིམས་ཡིག་གཏན་འབེབས་གཙོས་པའི་ཁྲིམས་བཟོའི་ལས་དོན་ཁག་གཅིག དེ་བཞིན་༸རྒྱལ་བའི་གོ་སྟོན་དང་བསྟུན་ནས་ཕྱག་དེབ་གཉིས་ཕྱོགས་སྒྲིག་དང་འབྲེལ་བའི་ཚོགས་ཆུང་གི་སྙན་ཐོ་འགོད་འབུལ་སོགས་གནང་ཡོད་པ་རེད། སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་མཐའ་མ་དེ་མཇུག་བསྒྲིལ་བ་དང་འབྲེལ་དེ་རིང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་མཇུག་སྡོམ་གསུང་བཤད་ཁྲོད། འདས་པའི་ལོ་ལྔའི་རིང་གི་ཕྱོགས་བསྡོམས་ལས་དོན་སྙན་སྒྲོན་གནང་བ་དང་འབྲེལ། བོད་ཀྱི་བདེན་པའི་འཐབ་རྩོད་ནི་འཚེ་མེད་ཞི་བའི་ཐབས་ལམ་གྱི་ཐོག་གནང་དགོས་པ་དང་། དེ་ཡང་ཕན་ཚན་གྲོས་མོལ་གྱི་ལམ་ནས་དཀའ་རྙོག་སེལ་ཐུབ་རྒྱུ་ནི་ཐབས་ལམ་ཉག་གཅིག་ཁོ་ན་ཡིན་པ་སོགས་དྲན་སྐུལ་གནང་སོང་། ཐེངས་འདིའི་གྲོས་ཚོགས་ཐོག་ཕྱི་ལོ་ ༢༠༠༨ ནས་བཟུང་སྟེ་འཇོག་སྲོལ་ཡོད་པའི་བོད་ནང་གི་ཛ་དྲག་གནས་སྟངས་ལ་གཞུང་འབྲེལ་གདུང་སེམས་མཉམ་བསྐྱེད་ཀྱི་གྲོས་ཆོད་གྲོས་འཆར་གྱི་ཐོག་ལ་ཉེ་ཆར་རྒྱ་ནག་མི་མང་འཐུས་མི་ཚོགས་ཆེན་ཐོག་གཏན་བེབས་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་དེར་དུས་ནམ་ཡང་མོས་མཐུན་ཞུ་མ་ཐུབ་པ་དང་འབྲེལ་བའི་འཛིན་སྐྱོང་བཀའ་ཤག་གི་བསྣམས་ཕེབས་པའི་གྲོས་ཆོད་གྲོས་འཆར་གཏན་བེབས་གནང་ཐུབ་པ། དེ་བཞིན་ད་རེས་རྒྱལ་ཁབ་ཀྱི་ངོ་བོ་མཚོན་པའི་རྒྱལ་དར་དང་རྒྱལ་རྟགས། རྒྱལ་གླུ་བེད་སྤྱོད་བྱེད་ཕྱོགས་དང་འབྲེལ་ནས་སྒྲིག་གཞི་གཏན་འབེབས་གནང་ཐུབ་པ་དེ་དག་གིས་རྒྱ་ནག་ནས་བོད་ནང་ལག་ལེན་བསྟར་བཞིན་པའི་དྲག་གནོན་དང་མི་རིགས་རྩ་གཏོར་གྱི་སྲིད་བྱུས་རྣམས་ལ་གདོང་ལེན་གྱི་བརྡ་ལན་ནན་པོ་ཞིག་ཆགས་ཐུབ་པར་ངོས་འཛིན་གནང་བཞིན་ཡོད་པ་གསུངས་སོང་། ལྷག་པར་དུ་ཚོགས་གཙོ་མཆོག་གིས་བོད་མིའི་སྒྲིག་འཛུགས་ཀྱི་དཔལ་འབྱོར་གྱི་གནས་བབ་འདི་མང་བ་གཞན་རྟེན་ཁོ་ན་ཆགས་བསྡད་ཡོད་པ་དང་འབྲེལ། འཛིན་སྐྱོང་བཀའ་ཤག་དང་ལས་ཁུངས་ཁག་གི་ལས་དོན་རྣམས་ལག་བསྟར་སྐབས་སྲིད་ཚགས་ཀྱི་རྣམ་པའི་ཐོག་ནས་དོན་ཕན་ལྡན་པའི་ལག་ལེན་བསྟར་དགོས་གལ་ཡིན་པའི་ལམ་སྟོན་གནང་སོང་། གང་ལྟར་དེ་རིང་སྤྱི་འཐུས་རྣམས་ཀྱིས་བོད་མིའི་སྒྲིག་འཛུགས་ཀྱི་རྩིས་ལོ་ ༢༠༢༦-༢༠༢༧...

ཕྱི་ཟླ་ ༣ པའི་ཚེས་ ༢༧ ནས་ ༣༠ བར་མགོ་ལོག་དགའ་བདེ་རྫོང་ལུང་སྔོན་དགོན་དུ། མཆོག་སྤྲུལ་ཧཱུྃ་ཀར་རྡོ་རྗེ་རིན་པོ་ཆེ་མཆོག་གི་དགོངས་རྫོགས་འདས་མཆོད་སྨོན་ལམ་འཚོགས་ཡོད་པ་དང་། སྐབས་དེར་རྒྱ་གཞུང་ཉེན་རྟོག་པས་དམ་དྲག་ཤུགས་ཆེན་བྱས་རྐྱེན་འདས་མཆོད་སྨོན་ལམ་ལ་བར་ཆད་ཆེན་པོ་བྱུང་འདུག འདི་ག་གསར་ཁང་ལ་འབྲེལ་ཡོད་ཞིག་གིས་གསུངས་པ་ལྟར་ན། འདས་མཆོད་སྨོན་ལམ་འགོ་བཙུགས་པ་ནས་བཟུང་ས་གནས་ཡུལ་མི་ཚོའི་འགྲོ་འདུག་སྤྱོད་གསུམ་ལ་དམ་དྲག་དོགས་ཟོན་ནན་མོ་བྱས་ཡོད་པ་དང་། ས་གནས་གཞན་ནས་འདས་མཆོད་ལ་མཉམ་ཞུགས་བྱེད་མཁན་མང་ཚོགས་དང་། མཆོག་སྤྲུལ་ཧཱུྃ་ཀར་རྡོ་རྗེ་རིན་པོ་ཆེ་མཆོག་གི་སློབ་མ་མང་ཆེ་བ་ས་གནས་ཉེན་རྟོག་པས་བཀག་འགོག་བྱས་ཡོད་འདུག ད་དུང་དགེ་འདུན་པ་སྐོར་ཅིག་ལ་ཁྲིམས་འགལ་གྱི་ནག་ཉེས་བཙུགས་ནས་རྡུང་རྡེག་བཏང་ཡོད་པའི་གནས་ཚུལ་འགྲེལ་བརྗོད་གནང་སོང་། བོད་ཀྱི་དུས་བབ་གསར་ཁང་གིས་གནས་ཚུལ་ལྟར་ན། དགེ་འདུན་པ་ཨོ་རྒྱན་བྱང་ཆུབ་ལགས་བཙན་ཁྲིད་བྱས་ཏེ་འགྲམ་ལྕག་གཞུས་ནས་གཅར་རྡུང་བྱས་ཡོད་པ་མ་ཟད། ཁོང་གི་གྲྭ་ཤག་གི་ཅ་དངོས་མང་པོ་ཞིག་གཏོར་བརླག་བཏང་བ་དང་། ཁ་པར་དང་གློག་ཀླད་སོགས་བཙན་འཕྲོག་གིས་བསྔོག་བཤེར་བྱས་ཏེ། ༸གོང་ས་རྒྱལ་བ་རིན་པོ་ཆེ་མཆོག་གི་སྐུ་པར་ཞིག་ཉར་ཚགས་བྱས་ཡོད་པ་ལག་སོན་བྱུང་འདུག་ལ། ཁོང་གི་གྲྭ་ཤག་གི་ཕྱི་ནང་གཉིས་ལའང་སྔོག་བཤེར་ནན་པོ་བྱས་ཡོད་འདུག ཁོང་ཉུང་མཐར་ཡང་ཟླ་བ་གཅིག་ལྷག་བཀག་ཉར་བྱ་རྒྱུ་དང་། གཅིག་བྱས་ན་དེ་ལས་མང་བ་བཀག་ཉར་བྱ་རྒྱུ་ཡིན་ལུགས་བཤད་ཡོད་པས་སེམས་འཁུར་ཆེན་པོ་བྱེད་བཞིན་ཡོད་སྐོར་འཁོད་འདུག The post མཆོག་སྤྲུལ་ཧཱུྃ་ཀར་རྡོ་རྗེ་རིན་པོ་ཆེའི་འདས་མཆོད་སྐབས་དམ་དྲག appeared first on vot.

ཉེ་ལམ་སུད་སི་སྐུ་ཚབ་དོན་གཅོད་འཕྲིན་ལས་ཆོས་སྐྱིད་ལགས་དང་། མཉམ་འབྲེལ་རྒྱལ་ཚོགས་ཀྱི་ཞུ་གཏུག་ལས་བྱེད་ཕུན་ཚོགས་སྟོབས་རྒྱལ་ལགས་རྣམ་གཉིས་ཀྱིས་ཅེག་སྤྱི་མཐུན་རྒྱལ་ཁབ་ཀྱི་རྒྱལ་ས་པ་རག་ནང་ཉིན་གསུམ་གྱི་གཞུང་འབྲེལ་ཕྱོགས་བསྐྱོད་ལ་ཕེབས་ཡོད་པ་དང་། ཐེངས་འདིའི་གཞུང་འབྲེལ་ཕྱོགས་བསྐྱོད་ཐོག་ཡུལ་དེའི་གནད་ཡོད་མི་སྣ་རྣམས་མཇལ་འཕྲད་བརྒྱུད་བོད་དོན་དང་འབྲེལ་བའི་གནད་དོན་གཙོ་བོ་ཁག་དང་། མ་འོངས་པར་ཞིབ་འཇུག་མཉམ་ལས་བྱ་རྒྱུའི་ནུས་པའི་སྐོར་སོགས་གྲོས་མོལ་གནང་ཡོད་པ་མ་ཟད། ཅེག་གྲོས་ཚོགས་འོག་མའི་བོད་དོན་རྒྱབ་སྐྱོར་ཚོགས་པ་བསྐྱར་གསོ་གནང་ཐུབ་པ་བྱུང་འདུག དེ་ཡང་བོད་མིའི་སྒྲིག་འཛུགས་ཀྱི་དྲྭ་གནས་ཐོག་དེ་འབྲེལ་གནས་ཚུལ་སྤེལ་བར་གཞིགས་ན། ཐེངས་འདིའི་གཞུང་འབྲེལ་ཕྱོགས་བསྐྱོད་ཁྲོད་ལས་དོན་གལ་ཆེ་ཤོས་ཤིག་ནི། ཅེག་གྲོས་ཚོགས་འོག་མའི་ནང་བོད་དོན་རྒྱབ་སྐྱོར་ཚོགས་པ་བསྐྱར་གསོ་གནང་བ་དེ་ཡིན་པ་དང་། དེ་ནི་ཕྱི་ལོ་ ༢༠༢༥ ཟླ་བ་ ༡༠ པའི་ནང་གྲོས་ཚོགས་འོག་མའི་འཐུས་མིའི་འོས་བསྡུ་གནང་བའི་རྗེས་སུ་བོད་དོན་ལས་འགུལ་ནང་གཞེན་སྐུལ་དང་དམ་བཅའ་གསར་པ་ཞིག་བཞག་པའི་མཚོན་རྟགས་ཡིན་པ་གསུངས་འདུག ཐེངས་འདིའི་གྲོས་ཚོགས་འོག་མའི་བོད་དོན་རྒྱབ་སྐྱོར་ཚོགས་པའི་ནང་དུ་སྲིད་དོན་ཚོགས་པ་འདྲ་མིན་གྱི་གྲོས་ཚོགས་འཐུས་མི་མང་པོས་མཉམ་ཞུགས་དང་རྒྱབ་སྐྱོར་གནང་བ་དང་། དེས་ཅེག་སྤྱི་མཐུན་རྒྱལ་ཁབ་ཀྱིས་འགྲོ་བ་མིའི་ཐོབ་ཐང་དང་། རང་དབང་། དྲང་བདེན་བཅས་ཀྱི་གཞི་རྩའི་ལམ་ལུགས་ལ་ཡུན་རིང་ནས་རྒྱབ་སྐྱོར་གནང་བའི་རྣམ་པ་གསལ་པོར་བཏོན་ཡོད་པ་མ་ཟད། སྲིད་དོན་གྱི་ལྟ་བ་མི་འདྲ་བའི་འཐུས་མི་རྣམས་འདི་ལྟར་གཅིག་ཏུ་བསྒྲིལ་བ་དེས་བོད་དོན་ཐོག་བཟང་སྤྱོད་ཀྱི་འགན་འཁྲི་ཟབ་མོ་ཡོད་པ་མཚོན་གྱི་ཡོད་སྐོར་འཁོད་འདུག དེ་བཞིན་གལ་ཆེའི་གོམ་པ་འདིའི་བརྒྱུད་རྒྱལ་སྤྱིའི་སྤྱི་ཚོགས་ལ་ནུས་པ་ལྡན་པའི་བརྡ་ལན་ཞིག་སྤྲད་ཡོད་ཅིང་། དེ་ནི་དེང་གི་རྙོག་འཛིང་ཆེ་བའི་རྒྱལ་སྤྱིའི་ཁོར་ཡུག་ནང་དུའང་ཅེག་གྲོས་ཚོགས་འཐུས་མི་རྣམས་ཀྱིས་བདེན་པ་དང་། དྲང་བདེན། འགྲོ་བ་མིའི་ཆེ་མཐོང་བཅས་ཀྱི་ཐོག་རྒྱབ་སྐྱོར་བརྟན་པོ་གནང་བ་མཚོན་གྱི་ཡོད་པ་དང་། གཞན་ཡང་བོད་དོན་རྒྱབ་སྐྱོར་ཚོགས་པ་འདི་བསྐྱར་གསོ་གནང་བ་དེས་སྲིད་དོན་གྱི་གདུང་སེམས་མཉམ་སྐྱེད་ཙམ་མ་ཟད། རྒྱལ་སྤྱིའི་སྟེང་བོད་མིའི་ཐོབ་ཐང་དང་རང་དབང་ལ་མུ་མཐུད་ཞུ་གཏུག་རྒྱབ་སྐྱོར་གནང་རྒྱུའི་དམ་བཅའ་མཚོན་གྱི་ཡོད་པ་དང་། དེས་དྲང་བདེན་འཚོལ་མཁན་རྣམས་ཀྱི་ནུས་པ་སྤེལ་བའི་ཐོག འགྲོ་བ་མིའི་ཐོབ་ཐང་གི་འཐབ་རྩོད་འདི་ནི་ཀུན་ལ་ཁྱབ་པའི་སྤྱི་ཡོངས་ཀྱི་འགན་འཁྲི་ཞིག་ཡིན་པ་འཛམ་གླིང་ལ་དྲན་སྐུལ་བྱས་ཡོད་ཅེས་གསལ་སྟོན་གནང་འདུག རྩ་བའི་འདི་ཚེས་ ༢༥ ཉིན་ཅེག་སྤྱི་མཐུན་རྒྱལ་ཁབ་ཀྱི་གྲོས་ཚོགས་གོང་མའི་ནང་༸གོང་ས་ཏཱ་ལའི་བླ་མ་སྐུ་ཕྲེང་བཅོ་ལྔ་པ་འདེམས་སྒྲུག་གི་ལས་དོན་ནི་བོད་མི་མང་ཁོ་ནར་དབང་བའི་གནད་དོན་ཞིག་ཡིན་པ་དང་། རྒྱ་ནག་མི་དམངས་སྤྱི་མཐུན་རྒྱལ་ཁབ་ལ་དེའི་ཐད་ཐེ་བྱུས་བྱ་རྒྱུའི་ཁྲིམས་ཐོག་ནས་དབང་ཚད་རྩ་བ་ནས་མེད་ཅེས་འབུར་སྟོན་གནང་བ་མ་ཟད། ༸གོང་ས་མཆོག་༸གང་ཉིད་ཀྱིས་ཉེ་ལམ་༸རྒྱལ་བའི་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཡོངས་ཁྱབ་གསལ་བསྒྲགས་མཛད་པར་རྒྱབ་སྐྱོར་དང་། དགའ་ལྡན་ཕོ་བྲང་ནི་༸རྒྱལ་བའི་ཡང་སྲིད་ངོས་འཛིན་ཐད་དབང་ཚད་ལྡན་པའི་ལས་ཁུངས་ཁོ་ན་དེ་ཡིན་པའི་གྲོས་ཆོད་ཅིག་སྤྱི་མོས་ཀྱིས་གཏན་འབེབས་གནང་ཡོད་པ་རེད། དེ་བཞིན་གྲོས་ཆོད་ནང་རྒྱ་ནག་གཞུང་གིས་ཉེ་ལམ་ཕྱི་ཟླ་ ༣ ཚེས་ ༡༢ ཉིན་མི་རིགས་མཐུན་སྒྲིལ་ཡར་ཐོན་སྐུལ་སྤེལ་བཅའ་ཁྲིམས་ཟེར་བ་ཞིག་ཁྲིམས་སུ་བཅད་པར་ཐུགས་འཚབ་དང་འབྲེལ། ཁྲིམས་ཡིག་འདི་ནི་གྲངས་ཉུང་མི་རིགས་ཁག་གི་ཆོས་དང་རིག་གཞུང་། སྐད་ཡིག་བཅས་ཀྱི་རང་དབང་ལ་ཚོད་འཛིན་བྱེད་པའི་ཁྲིམས་ཡིག་ཅིག་ཡིན་པ་དང་།...

༄༅། །ཕྱི་ལོ་ ༢༠༢༦ ཟླ་བ་ ༠༣ ཚེས ༢༩ ཉིན་ཁེན་བྷེ་རར་གསར་བཞེངས་གནང་བའི་དཔལ་ས་སྐྱའི་ཞི་བདེའི་གཙུག་ལག་ཁང་ (Sakya Peace Temple) དུ་དཔལ་ས་སྐྱ་ཁྲི་འཛིན་ཞེ་གསུམ་པ་ཛྙཱན་བཛྲ་རིན་པོ་ཆེ་མཆོག་གིས་ས་གནས་གནས་སྡོད་བོད་མི་རྣམས་ལ་བཀའ་སློབ་གནང་ཡོད། དེ་ཡང་སྐབས་དེར་དཔལ་ས་སྐྱ་ཁྲི་འཛིན་ཞེ་གསུམ་པ་ཛྙཱན་བཛྲ་རིན་པོ་ཆེ་མཆོག་གིས་མི་ལུས་རིན་ཆེན་སྐོར་བཀའ་སློབ་གནང་ཞིང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་ནང་པའི་བླ་ཆེན་རྣམས་ཀྱིས་བཀའ་སློབ་ལམ་སྟོན་བཞིན་བྱམས་སྙིང་རྗེ་དང་། བཟང་སྤྱོད་སྒོམ་པའི་ཐོག་མི་ཚེ་དོན་དང་ལྡན་པ་ཞིག་བསྐྱེལ་དགོས་པ་གསུངས། དེ་ནས་རིན་པོ་ཆེ་མཆོག་གིས་བོད་ཀྱི་སྐད་ཡིག་དང་། རིག་གཞུང་། ཆོས་ཕྱོགས་ཀྱི་ལམ་སྲོལ་བཅས་སྲུང་སྐྱོབ་དགོས་གལ་དང་། ཕ་མས་ཕྲུ་གུར་བོད་ཀྱི་སྐད་ཡིག་དང་རིག་གཞུང་སློབ་དགོས་པ། དེ་བཞིན་སྤྱི་ཚོགས་ནང་ཁུལ་ཆིག་སྒྲིལ་དང་། འཆམ་མཐུན་དགོས་པའི་ནན་སྐུལ་གནང་ཡོད།སྐབས་དེར་ཨོ་གླིང་སྐུ་ཚབ་དོན་གཅོད་ཀརྨ་སེང་གེ་ལགས་ཀྱིས་སྐུ་ཚབ་དོན་ཁང་གི་ལས་འགན་དང་བྱེད་སྒོ་ཁག་ངོ་སྤྲོད་གནང་བ་དང་སྦྲགས། རིན་པོ་ཆེ་མཆོག་གིས་བདུན་གཅིག་རིང་ཞི་བདེ་དགོན་དུ་བཀའ་སློབ་དང་རྗེས་གནང་བཀའ་དྲིན་གནང་བར་ཐུགས་རྗེ་ཆེ་ཞུས་ཡོད། དེ་རྗེས་ཁེན་བྷེ་ར་བོད་རིགས་མཐུན་ཚོགས་ཀྱི་ཚོགས་གཙོ་བསྟན་འཛིན་གཡུ་རྒྱལ་ལགས་ཀྱིས་ཚོགས་པའི་ལས་གཞི་སྤེལ་བ་ཁག་གི་སྐོར་ངོ་སྤྲོད་སྙིང་བསྡུས་གནང་ཡོད་པ་བཅས།།

[བཞུགས་སྒར་དྷ་རམ་སར།] ཕྱི་ལོ་༢༠༢༦ ཟླ་༣ ཚེས་༣༠ ཉིན་གྱི་སྔ་དྲོར། ལས་ཉིན་༡༣ རིང་ཚོགས་པའི་སྐབས་བཅུ་བདུན་པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དུས་བཅུ་གཅིག་པའམ་མཐའ་མ་དེ་མཇུག་བསྒྲིལ་གནང་སོང་། ཚོགས་དུས་འདིའི་ཐོག་ཕྱི་ལོ་༢༠༢༦-༢༧ ལོའི་སྔོན་རྩིས་དང་། The post སྐབས་༡༧ པའི་གྲོས་ཚོགས་མཇུག་སྒྲིལ་དང་ཚོགས་གཙོའི་གསུང་བཤད། appeared first on བོད་ཀྱི་བང་ཆེན།.

ཉེ་ཆར་བོད་མགོ་ལོག་དགའ་བདེ་རྫོང་ལུང་སྔོན་དགོན་དུ་སྤྲུལ་སྐུ་ཧཱུྃ་ཀར་རྡོ་རྗེ་རིན་པོ་ཆེ་མཆོག་གི་དགོངས་རྫོགས་འདས་མཆོད་སྨོན་ལམ་འཚོག་སྐབས། རྒྱ་ནག་གཞུང་གི་ཉེན་རྟོག་པ་དང་དམག་མིས་དམ་དྲག་ཤུགས་ཆེན་བྱས་ཡོད་པ་དང་། དགེ་འདུན་པ་ཞིག་རྒྱུ་མཚན་གསལ་པོ་མེད་པར་འཛིན་བཟུང་གིས་ཉེས་རྡུང་ཚད་མེད་བཏང་འདུག ཕྱི་ལོ་༢༠༢༦ ཟླ་༣ ཚེས་༢༩ ཉིན་རྡ་ས་ཁུལ་གྱི་བརྒྱུད་ལམ་ཁག་ནས་གནས་ཚུལ་སྤེལ་དོན་ལ། ན་ནིང་ཕྱི་ལོ་༢༠༢༥ ཟླ་༣ The post སྤྲུལ་སྐུ་ཧཱུྃ་ཀར་རྡོ་རྗེའི་དགོངས་རྫོགས་འདས་མཆོད་སྐབས་དགེ་འདུན་པ་ཞིག་ལ་ཉེས་རྡུང་བཏང་འདུག appeared first on བོད་ཀྱི་བང་ཆེན།.

བོད་ཀྱི་ཁྱིམ་མཚེས་རྒྱལ་ཁབ་བལ་ཡུལ་ནང་ད་ཆར་སྲིད་བློན་གསར་པ་བསྐོས་ཡོད་པ་དང་། ཁོང་ནི་བལ་ཡུལ་གྱི་ལོ་རྒྱུས་ཁྲོད་སྲིད་བློན་ལོ་ན་ཆུང་ཤོས་ཤིག་ཡིན་པ་མ་ཟད། བལ་ཡུལ་ནང་ལོ་མང་ཞིག་གི་རྗེས་སུ་ཆབ་སྲིད་ཚོགས་པ་བྱེ་བྲག་པ་གཅིག་གིས་སྲིད་དབང་བཟུང་བ་ཐེངས་དང་པོ་དེ་ཆགས་ཀྱི་ཡོད་འདུག ཉེ་ཆར་ཁོང་གི་དམ་འབུལ་ཞུས་ཡོད་པས། བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་གིས་འཚམས་འདྲི་ཞུས་འདུག ཕྱི་ལོ་༢༠༢༦ ཟླ་༣ ཚེས་༢༨ ཉིན་སྲིད་སྐྱོང་སྤེན་པ་ཚེ་རིང་གིས་བོད་མིའི་སྒྲིག་འཛུགས་དང་བོད་མི་ཡོངས་ཀྱི་ཚབ་ཞུས་ཏེ་གསར་དུ་བདམས་ཐོན་བྱུང་བའི་བལ་ཡུལ་གྱི་སྲིད་བློན་གསར་པ་སྐུ་ཞབས་བྷ་ལེནྡྲ་ཤཱ་(Balendra The post སྲིད་སྐྱོང་སྤེན་པ་ཚེ་རིང་གིས་བལ་ཡུལ་གྱི་སྲིད་བློན་གསར་པར་འཚམས་འདྲི་ཞུས་པ། appeared first on བོད་ཀྱི་བང་ཆེན།.

སྤྱི་འཐུས་ཚོགས་གཙོ་མཆོག་གིས་རྒྱ་ནག་གཞུང་གིས་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཟེར་བའི་རྒྱ་སྒྱུར་སྲིད་ཇུས་དེ་བོད་མི་མང་ལྷན་ཚོགས་ཀྱི་མོས་མཐུན་བྱེད་ཐུབ་མེད་པའི་གྲོས་ཆོད་བཞག་པར་ཧ་ཅང་ཡག་པོ་བྱུང་ཡོད། ཅེས་གསུངས་སོང་། The post སྐབས་ ༡༧ པའི་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བཅུ་གཅིག་པ་མཇུག་སྒྲིལ་སོང་། appeared first on བོད་ཀྱི་དུས་བབ།.

༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༦ ཟླ་བ་ ༣ པའི་ཚེས་ ༣༠ ཉིན་གྱི་སྔ་དྲོ་ཆུ་ཚོད་ ༡༡།༠༧ ཐོག་ལས་ཉིན་གྲངས་ ༡༣ རིང་གི་སྐབས་བཅུ་བདུན་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་མཐའ་མའམ་བཅུ་གཅིག་པ་མཇུག་བསྒྲིལ་གནང་བ་དང་། སྐབས་དེའི་གྲོས་ཚོགས་ཐོག་བོད་མིའི་སྒྲིག་འཛུགས་ཀྱི་རྩིས་ལོ་ ༢༠༢༦་་༢༧ ལོའི་ལས་ཁུངས་མ་ལག་དང་བཅས་པའི་འགྲོ་གྲོན་སྔོན་རྩིས་བཀའ་འཁྲོལ་བསྡོམས་སྒོར་ ༣,༤༠༨,༨༣༦,༣༠༤ སྤྱི་མོས་ཐོག་གཏན་འབེབས་དང་། དེ་བཞིན་བོད་ཀྱི་རྒྱལ་དར་དང་། རྒྱལ་རྟགས་བེད་སྤྱོད་བྱེད་ཕྱོགས་ཀྱི་སྒྲིག་གཞི་གཏན་འབེབས། བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་དང་། ཁྲིམས་ཞིབ་པ་གཞན་གཉིས་བཅས་ཀྱི་ཕོགས་ཐོབ་དང་། ཟུར་ཕོགས། ལས་ཐོན་ཕོགས། ཐོབ་ཐང་གཞན་དག་བཅས་ཀྱི་སྒྲིག་གཞི་བསྐྱར་བཅོས་གཏན་འབེབས་བཅས་གནང་སོང་།   དེ་ཡང་སྔ་དྲོ་ཐོག་མར་ཁྲིམས་བཟོའི་ལས་དོན་བརྗོད་པ་གསུམ་པའི་ཐོག ཡིག་ཆ་ཨང་ ༢༨ པ། བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་དང་། ཁྲིམས་ཞིབ་པ་གཞན་གཉིས་བཅས་ཀྱི་ཕོགས་ཐོབ་དང་། ཟུར་ཕོགས། ལས་ཐོན་ཕོགས། ཐོབ་ཐང་གཞན་དག་བཅས་ཀྱི་སྒྲིག་གཞི་བསྐྱར་བཅོས་ཁྲིམས་འཆར་དང་། ཡིག་ཆ་ཨང་ ༢༩ པ། བོད་ཀྱི་རྒྱལ་དར་དང་།...

རྩོམ་པ་པོ། དོ་སྤྲུལ་ཆོས་དབྱིངས་ཡེ་ཤེས་སམ་ཀླུ་སྨྱོན་ཧེ་རུ་ཀ རྩོམ་ཁུངས། བོད་ཀྱི་དུས་བབ། དང་པོ། ཁོ་བོར་མཚོན་ན་སྤྱི་ལོ་༢༠༡༣ ལོར་རང་སློབ་ཨ་རི་བ་བཅུ་གྲངས་ཤིག་ཁྲིད་ནས་རྒྱ་གར་ལ་གནས་སྐོར་དུ་ཕྱིན་པ་ནི་གནས་མཆོག་དེར་བསྐྱོད་ཐེངས་མཐའ་མ་དེ་ཡིན། ལོ་དེ་ནི་ཧ་ཅང་སེམས་འགུལ་ཐེབས་པ་དང་ཧ་ཅང་རྩ་ཆེ་བའི་དུས་སྐབས་ཤིག་ཡིན། ལོ་ངོ་ཉི་ཤུའི་རྗེས་སུ་རང་གི་དྲིན་ཆེན་ཕ་མ་གཉིས་སོགས་ལ་ཤར་ཕྱོགས་ཀྱི་མུ་ཏིག་ཏུ་གྲགས་པའི་ཧོང་ཀོང་འབྲུག་དགུའི་གྲོང་ཁྱེར་དུ་མཇལ་འཛོམས་བྱུང་བ་དང་། ནང་མི་ལྷན་འཛོམས་ཀྱི་ཉིན་ཤས་དེའི་དུས་ཚོད་དང་སྐར་མ་རེ་རེ་ཡང་ཧ་ཅང་དོན་སྙིང་ལྡན་པ་ཞིག་ཏུ་གྱུར། ཚ་གདུག་ཆེ་མིན་ལ་མ་ལྟོས་པར་ཕ་མ་གཉིས་སོགས་དང་མཉམ་དུ་ཧོང་ཀོང་གྲོང་ཁྱེར་གྱི་རྒྱབ་ཕྱོགས་སུ་ཡོད་པའི་སངས་རྒྱས་ཀྱི་སྐུ་བརྙན་ཆེན་པོ་དེར་མཇལ་ཁ་ཞུ་རུ་བསྐྱོད་པ་དང་། དགོང་པའི་ཚོང་ཁྲོམ་དུ་རྒྱ་རིགས་གཞས་མ་གྲགས་ཅན་ཞིག་གིས་སྐྱོར་བའི་བོད་བརྒྱུད་ནང་བསྟན་གྱི་གཟུངས་སྔགས་ཀྱི་གདངས་དབྱངས་ཧ་ཅང་སྙན་མོ་ཞིག་ཐོས་ཏེ་གོམ་པ་སྤོ་མཚམས་བཞག་སྟེ་ཉན་བསྡད་པ། ཕ་མ་གཉིས་ཀྱི་བརྩེ་བའི་ཁ་བརྡ་འདྲ་མིན་ལ་ཉན་པ། བདག་ཆེན་རིན་པོ་ཆེའི་ཆོས་གྲོགས་རྒྱ་བླ་མ་གྲགས་ཅན་ཀན་ཙུའི་ཆོས་ཚོགས་སུ་མགོན་དཀར་གཡང་སྒྲུབ་ཀྱི་ཚོགས་དཔོན་དུ་བསྡད་པ་དང་། རྒྱ་རིགས་ཆོས་ཚོགས་པ་ཚོས་ཡིག་སྐོགས་དམར་པོའི་ཆར་ཕབས་པ། ཟས་རིགས་ཞིམ་པོ་སྣ་ཚོགས་ལ་ལོངས་སུ་སྤྱད་པ་སོགས་ནམ་ཡང་མི་བརྗེད་དྲན་པའི་ངོས་སུ་འཐིམས་འདུག ཐེངས་འདིར་རྒྱ་གར་དུ་བསྐྱོད་དོན་ནི་རྡེ་ར་རྡུན་གྲོང་ཁྱེར་གྱི་ཉེ་འདབས་ཀ་ལུ་མན་གྲོང་དུ་བསྟི་གནས་བྱས་པའི་འོག་མིན་ཨོ་རྒྱན་སྨིན་གྲོལ་གླིང་དུ། ཀརྨ་པ་བཅོ་ལྔ་པ་མཁའ་ཁྱབ་རྡོ་རྗེའི་གསང་ཡུམ་མཁའ་འགྲོའི་རྣམ་སྤྲུལ་སྨིན་གླིང་མཁའ་འགྲོ་མཆོག་གིས་ཇི་ལྟར་གསོལ་བ་བཏབ་པ་བཞིན། སྐྱབས་རྗེ་ཞེ་ཆེན་རབ་འབྱམས་རིན་པོ་ཆེ་མཆོག་གིས་སྔ་འགྱུར་རྙིང་མའི་ཡབ་ཆོས་བླ་ན་མེད་པ། རྙིང་མ་བཀའ་མ་ཞེས་པའི་བཀའ་ཆོས་རྩ་ཆེན་པོ་དེ་གསུང་རྒྱུ་ཡིན་པས། བསྐལ་པ་སྟོང་ལ་འཐོབ་དཀའ་བའི་གོ་སྐབས་བཟང་པོ་འདི་མི་འཆོར་བའི་ཆེད་དུ་དམིགས་ནས། གྲོགས་པོ་བློ་བཟང་གི་རོགས་རམ་འོག་དྲ་ལམ་ནས་རྒྱ་གར་ཐོངས་མཆན་ཞུས་པ་དང་། ས་གནས་དམིགས་བསལ་བར་བསྐྱོད་པར་དགོས་ངེས་ཀྱི་ཆོག་མཆན་དམིགས་བསལ་དེ་ཡང་ཞུས་པ་ཡིན། བོད་པའི་གཞིས་ཆགས་གང་དུ་ཡོད་པ་དེའི་ས་གནས་དེར་ཕྱི་རྒྱལ་ལག་ཁྱེར་བཟུང་བའི་མི་སུ་ཞིག་བསྐྱོད་ཀྱང་། ཆོག་མཆན་དམིགས་བསལ་བ་ཞིག་ཞུ་དགོས་པ་ནི་རྒྱུན་སྲོལ་ཞིག་ཡིན་པ་དང་། རྡོ་རྗེ་གདན་དང་ཝ་ར་ཎ་སི་སོགས་རྒྱ་གར་གནས་སྐོར་ལ་བསྐྱོད་ན་དམིགས་བསལ་ཆོག་མཁན་དེ་རིགས་ཞུ་དགོས་མེད། བདག་ལ་མཚོན་ན་རྡེ་ར་རྡུན་ཞེས་པའི་ས་གནས་ཀྱི་མིང་དེ་མི་ལོ་སུམ་ཅུའི་ཡར་སྔོན་དུ་རྒྱ་གར་ལྷོ་ཕྱོགས་སུ་ཡོད་དུས། ཨ་མྱེས་རྨ་ཆེན་བོད་ཀྱི་རིག་གཞུང་ཞིབ་འཇུག་ཁང་གིས་པར་སྐྲུན་བྱས་པའི་དཔེ་དེབ་གྲགས་ཅན་<<བོད་ནང་ལོ་བདུན>>་ཞེས་པ་དེ་ཀློག་སྐབས། དེབ་དེའི་རྩོམ་པ་པོ་ཧེ་རེས་ཧན་རིག་དང་ཁོའི་རོགས་པ་གཉིས་རྒྱ་གར་བྱང་ཕྱོགས་ཀྱི་རྡེ་ར་རྡུན་ས་གནས་སུ་ཡོད་པའི་དམག་མིའི་བཙོན་སྒར་ནས་བྲོས་ཏེ། ཧི་མ་ལ་ཡའི་རི་བརྒྱུད་བརྒལ་ནས་བྱང་ཐང་བརྒྱུད་དེ་བོད་དབུས་ལྷ་སར་འབྱོར་རྗེས། སྐབས་དེའི་བོད་གཞུང་གི་ཆོག་མཆན་དང་གཟིགས་སྐྱོང་འོག་བོད་ནང་ལོ་བདུན་བསྡད་པའི་དངོས་བྱུང་ལོ་རྒྱུས་ཀྱི་དེབ་དེ་དང་འབྲེལ་བ་ཡོད། རྗེས་སུ་སྤྱི་ལོ་ ༢༠༠༢ ལོའི་དཔྱིད་ཀར་ཁོ་བོ་རྡེ་ར་རྡུན་དུ་ཡོད་པའི་དཔལ་ས་སྐྱའི་ཁྲི་ཆེན་རིན་པོ་ཆེའི་དགོན་པར་ཟླ་བ་གཉིས་མ་ཟིན་ཙམ་ལ་བསྡད་པ་དང་། དེའི་སྐབས་སུ་ཚ་གདུག་དང་བཤལ་ནད་ཁེར་རྐྱང་གི་སུན་སྣང་སོགས་ཀྱིས་རྡེ་ར་རྡུན་གཡས་གཡོན་དུ་དེ་ཙམ་འགྲུལ་བཞུད་བྱེད་མ་ཐུབ། ཡིན་ན་ཡང་ས་གནས་དེའི་ཡུལ་ལྗོངས་ཀྱི་བཀོད་པས་ཡིད་དབང་འཕྲོགས་པ་དེ་ད་དུང་ཡང་དྲན་ལམ་ན་འདུག སྤྱིར་ན་རྒྱ་གར་བྱང་རྒྱུད་ཀྱི་རི་མཐོན་པོ་ཕྱི་བརྩེགས་ནང་བརྩེགས་སུ་འགྱིངས་པ་དེ་དག་གི་འདབས་རོལ་ཏུ་ཆགས་པའི་གྲོང་བརྡལ་འདྲ་མིན་གྱི་བཀོད་པ་ནི་ཧ་ཅང་ཡིད་དབང་འཕྲོག་པ་ཞིག་ཡིན་ཞིང་། ཁྱེད་ཀྱིས་རྫོང་གསར་མཁྱེན་བརྩེ་རིན་པོ་ཆེས་བཟོས་པའི་གློག་བརྙན་གྲགས་ཅན་<<ཕོར་པ>>་ཞེས་པ་དེ་ལས་ཀྱང་ཡུལ་ལྗོངས་དེའི་མཛེས་སྡུག་གི་ཟུར་ཞིག་མཐོང་ཐུབ་ལ། མཁྱེན་བརྩེ་རིན་པོ་ཆེའི་དགོན་པ་རྫོང་གསར་བཤད་གྲྭ་ཆགས་ཡུལ་སྦིར་ས་གནས་ཀྱི་ཡུལ་ལྗོངས་ཀྱི་བཀོད་པ་ཡང་རི་མོ་མཁན་གྱིས་བྲིས་པ་ཇི་བཞིན་ཧ་ཅང་མཛེས་ཤིང་བརྗིད་ཉམས་ཀྱིས་ཕྱུག་པ་ཞིག་ཡིན་པ།...

བོད་མིའི་སྒྲིག་འཛུགས་ཀྱི་ལས་ཁུངས་མ་ལག་དང་བཅས་པའི་རྩིས་ལོ་ ༢༠༢༦་་་༢༠༢༧ ལོའི་དགོས་དངུལ་བཀའ་འཁྲོལ་ཐོབ་པའི་ཕྱོགས་བསྡོམས་ཧིན་སྒོར་ ༣,༤༠༨,༨༣༦,༣༠༤ རེད་འདུག The post རྩིས་ལོ་ ༢༠༢༦་་༢༠༢༧ ནང་དགོས་དངུལ་བཀའ་འཁྲོལ་ཧིན་སྒོར་ས་ཡ་ ༣༤༠༨ ལྷག་སྤྱི་མོས་གཏན་འབེབས་གནང་། appeared first on བོད་ཀྱི་དུས་བབ།.

མཆོག་སྤྲུལ་ཧཱུཾ་ཀར་རྡོ་རྗེ་རིན་པོ་ཆེ་དམ་པའི་དགོན་པ་ལུང་སྔོན་དགོན་པར་རྒྱ་ནག་གིས་མཐའ་བསྐོར་ཏེ་དམ་དྲག་ཆེན་པོ་བྱེད་བཞིན་འདུག ཟླ་འདིའི་ཕྱི་ཚེས་ ༢༧ ནས་༣༠ བར་ཉིན་གྲངས་བཞིའི་རིང་བོད་མགོ་ལོག་དགའ་བདེ་རྫོང་ལུང་སྔོན་དགོན་དུ། མཆོག་སྤྲུལ་ཧཱུྃ་ཀར་རྡོ་རྗེ་རིན་པོ་ཆེ་མཆོག་གི་དགོངས་རྫོགས་འདས་མཆོད་སྨོན་ལམ་འཚོག་བཞིན་ཡོད་སྟབས། རྒྱ་གཞུང་ཉེན་རྟོག་པ་དང་དམག་མིས་དགོན་པའི་མཐའ་ནས་བསྐོར་ཏེ། བོད་མིའི་འགྲོ་འདུག་སྤྱོད་གསུམ་ལ་དམ་དྲག་དོགས་ཟོན་ནན་མོ་བྱེད་མུས་ཡིན་པའི་ཁར། ཕྱི་ཚེས་ ༢༧ ཉིན་རྒྱུ་མཚན་གང་ཡང་མ་བཤད་པར་དགེ་འདུན་པ་ཨོ་རྒྱན་བྱང་ཆུབ་ལགས་དགའ་བདེ་རྫོང་གི་ཉེན་རྟོག་ཁང་དུ་འཛིན་བཟུང་བཙན་ཁྲིད་བྱས་ཏེ་ཉེས་རྡུང་ཚད་མེད་བཏང་རྗེས་མཚན་གུང་ཀློད་འདུག ཡིན་ནའང་། ཉིན་གྲངས་གསུམ་གྱི་རྗེས་ནས་ས་གནས་བཀག་ཉར་ཁང་དུ་ཡོང་དགོས་པའི་བཀའ་རྒྱ་བཏང་ཡོད་འདུག་ཀྱང་། ད་ལྟ་དམ་དྲག་ཆེ་བའི་རྐྱེན་གྱིས་གནས་ཚུལ་གང་ཡང་ཤེས་རྟོགས་ཐུབ་ཀྱི་མི་འདུག དགོངས་རྫོགས་མཆོད་འབུལ་གྱི་ཉིན་དང་པོར་རྒྱ་ནག་ཉེན་རྟོག་པས། རིན་པོ་ཆེ་མཆོག་གི་མཆོད་འབུལ་དང་འབྲེལ་བའི་དབྱིན་ཡིག་གི་སྒོ་བྱང་དང་། སྒོའི་གཡས་གཡོན་དུ་དཔྱངས་པའི་ལེགས་བཤད་ཚང་མ་བཙན་གྱིས་མར་ཕབ་བཅུག་ཡོད་པ་མ་ཟད། ཡུལ་མི་དང་དགོན་པའི་དགེ་འདུན་པ་རྣམས་ཀྱིས་འདས་མཆོད་དང་འབྲེལ་བའི་པར་དང་བརྙན་རིས་དྲ་ལམ་སོགས་སུ་བརྒྱུད་སྤེལ་དང་ཁྱབ་བསྒྲགས་སོགས་བྱ་མི་ཆོག་པའི་བཙན་བཀའ་བཏང་སྟེ་སུན་གཙེར་ཆེན་པོ་བཟོ་ཡི་ཡོད་འདུག དེའི་ཐད་འབྲེལ་ཡོད་བོད་མི་ཞིག་གིས་འདི་གའི་གསར་འགོད་པར། ད་ལྟ་འཆི་བ་ལས་གསོན་པར་སྐྲག་གི་འདུག ད་ལན་རྒྱ་ནག་གཞུང་གིས་དཀའ་ལས་ཆེན་པོ་གཏད་སོང་། ཞེས་བརྗོད་བྱུང་། ཡང་འབྲེལ་ཡོད་བོད་མི་གཞན་ཞིག་གིས། དགེ་འདུན་པ་ཨོ་རྒྱན་བྱང་ཆུབ་ལགས་བཙན་ཁྲིད་བྱས་ཏེ་འགྲམ་ལྕག་གཞུས་ནས་གཅར་རྡུང་བྱས་ཡོད་པ་མ་ཟད། ཁོང་གི་གྲྭ་ཤག་གི་ཅ་དངོས་མང་པོ་ཞིག་གཏོར་བརླག་བཏང་བ་དང་། ཁ་པར་དང་གློག་ཀླད་སོགས་བཙན་འཕྲོག་གིས་བསྔོག་བཤེར་བྱས་ཏེ། ༧གོང་ས་རྒྱལ་བ་རིན་པོ་ཆེ་མཆོག་གི་སྐུ་པར་ཞིག་ཉར་ཚགས་བྱས་ཡོད་པ་ལག་སོན་བྱུང་འདུག་ལ། ཁོང་གི་གྲྭ་ཤག་གི་ཕྱི་ནང་གཉིས་ལའང་སྔོག་བཤེར་ནན་པོ་བྱས་ཡོད་ལུགས་དང་། ཁོང་ཉུང་མཐར་ཡང་ཟླ་བ་གཅིག་ལྷག་བཀག་ཉར་བྱ་རྒྱུ་དང་། གཅིག་བྱས་ན་དེ་ལས་མང་བ་བཀག་ཉར་བྱ་རྒྱུ་ཡིན་ལུགས་བཤད་ཡོད་པས་སེམས་འཁུར་ཆེན་པོ་བྱེད་བཞིན་ཡོད་སྐོར་སོགས་བརྗོད་བྱུང་། ཕྱི་ལོ་ ༢༠༢༤ ཟླ་ ༨ པའི་ནང་རྒྱ་ནག་གཞུང་གིས་ངོས་འཛིན་བྱས་པའི་༧པཎ་ཆེན་རྒྱལ་མཚན་ནོར་བུ་ཟེར་བ་མགོ་ལོག་ཁུལ་དུ་སླེབ་སྐབས། ཧཱུྃ་ཀར་རྡོ་རྗེ་རིན་པོ་ཆེ་མཆོག་གིས་རྒྱ་གཞུང་གི་རེ་འདོད་ལྟར་སྣེ་ལེན་ཟབ་རྒྱས་མ་ཞུས་པ་དང་། རྒྱ་ནག་གཞུང་གིས་ཁོང་གིས་དགོན་པ་དང་སློབ་གྲྭ་མང་པོ་བཙུགས་པ། ཉམ་ཆུང་དབུལ་ཕོངས་ཀྱི་ཐོབ་ཐང་རྩོད་ལེན་གནང་ནས་རྙོག་ཟིང་བསླངས་ཡོད་སྐོར་གྱི་ཉེས་མིང་གཡོགས་ཏེ་སུན་གཙེར་ཡང་ཡང་བཟོས་རྐྱེན་སྐབས་ཤིག་རིང་གར་སོང་ཆ་མེད་དུ་གྱུར། ཕྱི་ལོ་...

དེ་རིང་སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ༡༡ པའི་ལས་ཉིན་ ༡༢ པའི་ཐོག ནང་སྲིད་ལས་ཁུངས་ཀྱི་ལས་ཁུངས་མ་ལག་དང་བཅས་པའི་སྔོན་རྩིས་ཐོག་བགྲོ་གླེང་གི་ལས་རིམ་ཐོག་མུ་མཐུད་ཕེབས་པའི་ཁྲོད། གཞིས་སྤོས་ཀྱི་ལས་གཞི་གང་ལེགས་བྱུང་བར་སྤྱི་འཐུས་མང་ཆེ་བས་བསྔགས་བརྗོད་ཞུས་པ་དང་འབྲེལ། དེང་སྐབས་ཕྱི་རྒྱལ་ཡུལ་གྲུ་ཁག་ཏུ་གནས་སྡོད་བོད་མི་ཁག་གཅིག་མི་ཚེའི་མཐའ་འཇུག་དེ་ཚུར་རྒྱ་གར་ནང་སྐྱེལ་འདོད་ཡོད་པ་དང་འབྲེལ་ནས་གནས་སྤོ་བྱེད་འདོད་ཡོད་མཁན་མང་པོ་ཞིག་ཡོད་པ་དེ་དག་ལ་ནང་སྲིད་ལས་ཁུངས་ནས་ཀྱང་མཐུན་རྐྱེན་ཞིག་བསྐྲུན་དགོས་པའི་སྐུལ་འདེབས་ཞུས་གནང་སོང་། དེ་ཡང་སྤྱི་འཐུས་ལྷན་ཚོགས་སུ་སྔ་དྲོ་ཕྱག་ཚོད་ ༩།༣༠ ཐོག་གྲོས་ཚོགས་འགོ་བཙུགས་མ་ཐག་ནང་སྲིད་ལས་ཁུངས་ཀྱི་སྔོན་རྩིས་ཐོག་བགྲོ་གླེང་གི་ལས་རིམ་ཐོག་ཕེབས་པའི་ཁྲོད། སྤྱི་འཐུས་མང་དག་ཅིག་གིས་བོད་མིའི་གཞིས་སྤོས་ལས་གཞིའི་འགྲོ་ལུགས་ཧ་ཅང་ཡག་པོ་བྱུང་ཡོད་པ་དང་། ལྷག་པར་དུ་བོད་ནས་རྗེས་འབྱོར་བ་མང་པོ་ཞིག་ལ་སྡོད་ཁང་གི་ཆ་རྐྱེན་བསྐྲུན་ཐུབ་པར་བསྔགས་བརྗོད་ཞུ་མཁན་བྱུང་སོང་ལ། སྐབས་དེར་སྤྱི་འཐུས་ཁག་གཅིག་གིས་དེང་སྐབས་དེ་སྔ་ཕྱི་རྒྱལ་དུ་ཕེབས་རྗེས་ད་ལྟ་སོ་སོའི་མི་ཚེའི་མཐའ་འཇུག་ཏུ་རྒྱ་གར་དུ་རང་གི་སྤྱི་ཚོགས་དང་དགོན་སྡེ་ཁག་གི་འགྲམ་དུ་བཅའ་སྡོད་བྱེད་རྒྱུའི་འདོད་པ་ཡོད་མཁན་མང་པོ་ཡོང་བཞིན་ཡོད་སྐོར་དང་འབྲེལ། དེ་དག་གི་ཐོག་ལ་ནང་སྲིད་ལས་ཁུངས་ཀྱི་མཐུན་འགྱུར་གནང་རྒྱུའི་སྐུལ་འདེབས་གནང་བར། ནང་སྲིད་བཀའ་བློན་གཅིག་ལྕོགས་སྲིད་སྐྱོང་སྤེན་པ་ཚེ་རིང་མཆོག་གིས་སྤྱིར་ནང་སྲིད་ལས་ཁུངས་ཀྱི་ངོས་ནས་ཕྱིར་སྡོད་བོད་མི་རྣམས་ལ་ OCI ཡིག་ཆ་རག་ཐབས་ཐོག་འབད་བརྩོན་གནང་མུས་ཡིན་ཡང་དེ་དག་གཞན་དབང་སྟབས་བསྟུན་ཡིན་པ་ལྟར་ངེས་གཏན་ཐོག་གང་ཡང་གསུང་ཐུབ་ཀྱི་མེད་པ་ལས། ཕྱིར་སྡོད་བོད་མི་ཞིག་གིས་གཞིས་ཆགས་ཁག་ནང་ཁང་པ་ཉོ་བ་དང་གསར་རྒྱག་བྱེད་པ་སོགས་ཆོག་གི་མེད་པ་དེ་ལྟར་ཡང་། ཚོགས་སྒེར་ཁག་གཅིག་ནས་དེའི་ཐོག་ཐབས་ཤེས་སྟོན་བཞིན་ཡོད་པ་གསུངས་སོང་། དེ་བཞིན་དེ་རིང་གི་བགྲོ་གླེང་ཁྲོད་སྤྱི་འཐུས་ཁག་གཅིག་ནས་སྤྱི་མཐུན་མཉམ་འབྲེལ་གྱི་གནས་སྟངས་དང་མཉམ་འབྲེལ་དང་ས་གནས་འགོ་འཛིན་དབར་གྱི་འབྲེལ་བ་ཡག་པོ་དགོས་པ། དེ་སྔ་ Bandara མཉམ་ལས་ཀྱི་རྙོག་གླེང་གི་གནས་སྟངས། དེ་བཞིན་འདས་པའི་ལོ་མང་ནས་བོད་མིའི་སྒྲིག་འཛུགས་ཀྱི་འབྲས་ལྗོངས་དང་རྡ་རམ་ས་ལའི་བོད་ཀྱི་གསོལ་སྒྲོན་ཁང་དེ་གཉིས་སྤྱི་མཐུན་མཉམ་འབྲེལ་ལ་གླ་ཆ་ཉུང་ཉུང་ཐོག་བོག་མ་བཏང་ཡོད་པ་དེ་དག་ཡག་པོ་ཡོང་ཐུབ་ཀྱི་མེད་པ་སོགས་དང་འབྲེལ་ནས་དགོངས་འཆར་དང་དྲི་བ་བཏང་མཁན་བྱུང་བར། སྲིད་སྐྱོང་མཆོག་གིས་རྩ་བའི་ས་ཁག་འདྲ་མིན་གྱི་མཉམ་འབྲེལ་གྱི་གནས་སྟངས་མི་འདྲ་བ་ཡོད་པ་དང་། ད་ལྟའི་ཆར་ Mainpat མཉམ་འབྲེལ་འདི་མི་མང་གི་མ་རྩ་ཆེ་ཤོས་བཙུགས་པའི་མཉམ་འབྲེལ་ཞིག་ཆགས་ཡོད་པ། དེ་བཞིན་ Bandara རྙོག་གླེང་ནང་ཚུད་པའི་མི་དེ་ད་ལྟའང་གར་སོང་ཆ་མེད་དུ་གྱུར་ཏེ་ཞིབ་དཔྱོད་བྱེད་དཀའ་བ་སོགས་ཀྱི་གནས་སྟངས་ངོ་སྤྲོད་དང་སྦྲགས། སྤྱིར་མཉམ་འབྲེལ་སོགས་སྒྲིག་འཛུགས་གང་འདྲ་ཞིག་ཡིན་རུང་ནོར་འཁྲུལ་ཆེ་ཤོས་དེ་སྟངས་འཛིན་ཡག་པོ་མེད་པའི་རྐྱེན་གྱི་དཀའ་ངལ་ཆགས་ཀྱི་ཡོད་པ་ལྟར། སྒྲིག་འཛུགས་ཚང་མའི་ངོས་ནས་ཕྱག་ལས་ག་རེ་གནང་བ་ཡིན་ནའང་ཁྲིམས་མཐུན་ཚད་ལྡན་གནང་དགོས་གལ་ཡིན་པ་སོགས་གསུངས་སོང་། དེ་བཞིན་དེ་རིང་ནང་སྲིད་ལས་ཁུངས་ཀྱི་སྔོན་རྩིས་ཐོག་བགྲོ་གླེང་ཁྲོད། ན་གཞོན་ལས་མེད་རོགས་སྐྱོར་ལས་གཞི་དང་ནང་སྲིད་ཁྱབ་ཁོངས་གཞིས་ཆགས་ཁག་ཏུ་སོ་ནམ་འདེབས་ལས་དང་འབྲེལ་ནས་ག་སྨུག་འདེབས་ལས་ཀྱི་ས་འོག་གི་འཐུང་ཆུ་འབག་བཙོག་འགྲོ་བཞིན་པ། དེ་བཞིན་ལོ་ལྟར་ཧི་མ་ཅལ་མངའ་སྡེའི་ཀུ་ལུ་...

ཉེ་ལམ་ཟླ་བ་འདིའི་ཕྱི་ཚེས་ ༢༥ ཉིན་ Dame Sarah Mullally མཆོག་ Archbishop of Canterbury འམ་ཡི་ཤུའི་ཆོས་དཔོན་ཆེན་མོ་ ༡༠༦ པར་ཁྲི་འདོན་མཛད་པ་དང་།  ཁོང་ནི་ལོ་ངོ་ ༡༤༠༠ ལྷག་གི་ལོ་རྒྱུས་ནང་ Canterbury ཆོས་དཔོན་གྱི་མཛད་འཁུར་བཞེས་མཁན་བུད་མེད་ཐོག་མ་དེ་ཡིན་པ་ལྟར། དེ་རིང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཆོས་དཔོན་མཆོག་ལ་དམིགས་བསལ་འཚམས་འདྲི་མཛད་པ་དང་འབྲེལ། ཁོང་ཆོས་དཔོན་གྱི་གོ་གནས་དེའི་ཐོག་བསྐོ་བཞག་བྱུང་བ་དེ་ནི་རེ་བའི་འོད་སྣང་ཞིག་ཡིན་པ་བཀའ་སྩལ་འདུག Dame Sarah Mullally མཆོག་ནི་ཕྱི་ལོ་ ༢༠༡༨ ནས་བཟུང་ལོན་ཌོན་གྱི་ཆོས་དཔོན་དང་། དེའི་སྔོན་ལ་ལོ་མང་རིང་སྨན་ཞབས་པའི་ཕྱག་ལས་གནང་མྱོང་ཡོད་པ་རེད། ༸གོང་ས་མཆོག་གིས་དེ་རིང་ཆོས་དཔོན་དེ་ཉིད་ལ་མཛད་པའི་འཚམས་འདྲའི་གསུང་འཕྲིན་ནང་། དེང་སྐབས་འཛམ་གླིང་ནང་དཀའ་ངལ་མང་དག་ཅིག་འཕྲད་བཞིན་ཡོད་པ་དེ་དག་ནི་གཞི་རྩའི་འགྲོ་བ་མིའི་རིན་ཐང་ལ་ཚོད་བགམ་བྱེད་པའི་དུས་སྐབས་ཤིག་ཡིན་པར་བཀའ་སྩལ་བ་དང་འབྲེལ།  རིན་ཐང་འདི་དག་བསྐྱར་གསོ་དང་དེ་དག་ཐོག་རྒྱ་ཆེ་ས་ནས་དོ་སྣང་ཡོང་བར་བྱ་རྒྱུ་ནི་མགོན་པོ་༸གང་ཉིད་མཆོག་ཆོས་ལུགས་དབུ་ཁྲིད་ཅིག་ཡིན་པའི་ཆ་ནས་འགན་འཁྲི་དམིགས་བསལ་ཞིག་ལ་ངོས་འཛིན་མཛད་ཀྱི་ཡོད་ཅེས་བཀའ་སྩལ་བ་མ་ཟད།  འཛམ་གླིང་གི་ཆོས་ལུགས་ཆེ་ཁག་ཚང་མས་སྙིང་རྗེ་དང་། བཟོད་སྒོམ། ཚུལ་ཁྲིམས། ཆོག་ཤེས་བཅས་ཀྱི་བསླབ་བྱ་དང་། དེ་དག་སྐྱེད་སྲིང་བྱེད་སྟངས་ཀྱི་ལམ་སྟོན་ངོ་མ་གནང་གི་ཡོད་པ་ལྟར། རིན་ཐང་འདི་དག་ནི་ང་ཚོས་འགྲོ་བ་མི་ཡོངས་དང་ལྷན་དུ་དོན་སྙིང་ལྡན་པའི་ཐོག་བརྒྱུད་སྐུལ་དང་ཕན་ཚུན་ཉམས་སུ་མྱོང་ཐུབ་རྒྱུ་ཞིག་ཡིན་པ་བཀའ་སྩལ་འདུག མ་ཟད་༸གོང་ས་མཆོག་གིས་ཡི་ཤུའི་ཆོས་དཔོན་ཆེན་མོ་ Dame Sarah...

གཞས་མ་གཏམ་གྱི་གླུ་བ་ནས་སྲིད་དོན་པར་གྱུར་བ་སྐུ་ཞབས་ Balendra Shah མཆོག་ནས་ཁ་སང་རེས་གཟའ་པ་སངས་ཉིན་བལ་ཡུལ་སྲིད་བློན་གྱི་ལས་འཁུར་དམ་འབུལ་ཞུས་པ་དང་འབྲེལ།  དེ་རིང་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་ནས་སྐུ་ཞབས་བཱ་ལེན་ཌ་རཱ་ཤཱ་མཆོག་ལ་འཚམས་འདྲི་ཞུས་འདུག དེའང་ཁ་སང་ཕྱི་ཚེས་ ༢༧ ཉིན་བལ་ཡུལ་གྱི་རྒྱལ་ས་ Kathmandu ནང་དུ་རྟེན་གཞི་བྱས་པའི་ Sheetal Niwas ཞེས་སྲིད་འཛིན་གྱི་བཞུགས་གནས་སུ་བལ་ཡུལ་གྱི་སྲིད་འཛིན་ Ram Chandra Paudel མཆོག་གིས་གཙོ་སྐྱོང་བཀོད་སྒྲིག་དང་། ཧིན་རྡུ་དང་ནང་པའི་དགེ་འདུན་པའི་སྨོན་ལམ་གསུང་འདོན་འོག བལ་ཡུལ་གྱི་ལོ་རྒྱུས་ནང་ད་བར་གྱི་སྲིད་བློན་ལོ་ན་ཆུང་ཤོས་ཡིན་པ་སྐུ་ཞབས་ Balendra Shah བྷ་ལེན་ཌ་ར་ཤཱ་མཆོག་ནས་སྲིད་བློན་གྱི་དམ་འབུལ་ཞུས་ཡོད་པ་རེད། དམ་འབུལ་གྱི་མཛད་སྒོའི་ཁྲོད་སྐུ་ཞབས་བྷ་ལེན་ཌ་ར་ཤཱ་མཆོག་ནས་ཡུལ་དེའི་གྲོས་ཚོགས་འཐུས་མི་ཟུར་པ་ Shishir Khanal མཆོག་ཡུལ་དེའི་ཕྱི་སྲིད་བློན་ཆེན་དང་།  Harvard མཐོ་སློབ་ནས་བསླབ་པ་མཐར་སོན་བྱུང་བའི་དཔལ་འབྱོར་རིང་ལུགས་མཁས་པ་ Swarnim Wagle ལགས་དཔལ་འབྱོར་བློན་ཆེན། དེ་བཞིན་བལ་ཡུལ་ནང་གི་གཞོན་སྐྱེས་ཚོའི་ལས་འགུལ་སྣེ་འཁྲིད་གནང་མཁན་གཙོ་བོའི་གྲས་སུ་ཡོད་པ་སྐུ་ཞབས་ Sudan Gurung ལགས་ནང་སྲིད་བློན་ཆེན་དུ་བསྐོ་བཞག་སོགས་ཁོང་གི་བཀའ་ཤག་ནང་གི་བློན་ཆེན་མང་ཆེ་བ་རང་ལོ་ ༢༠ དང་ ༣༠ ཡི་ནང་ཆགས་ཀྱི་ཡོད་པ་རེད་འདུག...

༄༅། །ཕྱི་ལོ་ ༢༠༢༦ ཟླ་བ་ ༣ ཚེས་ ༢༨ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སཱ་ར་མུ་ལེ་ལི་ (Sarah Mullally) མཆོག་ཀེན་ཊར་བྷ་རི་ (Canterbury) ཡེ་ཤུའི་མཆོད་དཔོན་དུ་བསྐོ་གཞག་བྱུང་བར་དགའ་བསུའི་འཚམས་འདྲི་མཛད་ཡོད། དེ་ཡང་འཚམས་འཕྲིན་ནང་འཁོད་དོན། དེང་གི་འཆར་འཛམ་གླིང་ནང་དཀའ་ངལ་མང་དག་ཅིག་འཕྲད་བཞིན་ཡོད་པ་དེ་ནི་འགྲོ་བ་མིའི་གཞི་རྩའི་རིན་ཐང་ལ་ཚོད་བགམ་བྱེད་པའི་དུས་སྐབས་ཤིག་ཡིན་ཞེས་དང་། ཆོས་ལུགས་ཀྱི་དབུ་ཁྲིད་ཅིག་ཡིན་པའི་ཆ་ནས་རིན་ཐང་དེ་དག་བསྐྱར་གསོ་དང་མི་མང་ལ་རྒྱ་ཆེ་ས་ནས་དོ་སྣང་ཡོང་བར་བྱ་རྒྱུར་འགན་འཁྲི་དམིགས་བསལ་ཞིག་ཡོད་པ་ཐུགས་ཡིད་ཆེས་ཡོད་པ་བཀའ་སྩལ་བ་མ་ཟད། འཛམ་གླིང་གི་ཆོས་ལུགས་ཆེ་ཁག་ནས་བྱམས་བརྩེ་དང་། བཟོད་སེམས། ཚུལ་ཁྲིམས། ཆོག་ཤེས་བཅས་ཀྱི་བསླབ་བྱ་དང་། དེ་དག་ཉམས་ལེན་བྱེད་ཕྱོགས་ལ་ལམ་སྟོན་གནང་གི་ཡོད་པ་དང་། རིན་ཐང་དེ་དག་ནི་ང་ཚོས་འགྲོ་བ་མིའི་ཡོངས་ལ་དོན་སྙིང་ལྡན་པའི་སྒོ་ནས་མཉམ་སྤྱོད་གནང་ཐུབ་རྒྱུ་ཞིག་ཡིན་པ་བཀའ་སྩལ་འདུག དེ་བཞིན་མགོན་པོ་གང་ཉིད་མཆོག་གིས། སྐུ་ཉིད་ཨང་གི་ལི་ཀན་ཡི་ཤུའི་ལྷ་ཁང་ (Anglican Church) གི་བུད་མེད་ཀྱི་དབུ་ཁྲིད་ཐོག་མ་དེ་ཆགས་པར་ཐུགས་དགྱེས་ཚོར་ཆེན་པོ་བྱུང་ཞེས་དང་། བུད་མེད་རྣམས་གཞན་གི་བདེ་དོན་དང་ལྷག་པར་བྱམས་བརྩེའི་ཐོག་སེམས་ཁུར་ཆེ་བ་ཡོད་པ་ཚན་རིག་གི་དཔང་རྟགས་ཡོད་པར་བརྟེན། གལ་ཏེ་འཛམ་གླིང་འདིའི་ཐོག་བུད་མེད་ཀྱི་དབུ་ཁྲིད་མང་དག་གཅིག་འབྱུང་བ་ཡིན་ན། ཕན་ཚུན་བསམ་ཤེས་དང་ཞི་བདེ་ལྔག་ལྷག་ཡོང་རྒྱུའི་ཡིད་ཆེས་ཡོད་སྐོར་བཀའ་སྩལ་བ་དང་འབྲེལ། སྐུ་ཉིད་ཀེན་ཊར་བྷ་རི་ (Canterbury) ཡེ་ཤུའི་མཆོད་དཔོན་དུ་བསྐོ་གཞག་བྱུང་བ་ནི་རེ་བའི་སྒྲོན་མེ་ཞིག་ཀྱང་ཡིན། ཞེས་དང་། མཐར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སཱ་ར་མུ་ལེ་ལི་མཆོག་ལ་ཐུགས་སྨོན་མཛད་ཡོད་པ་བཅས། །

༄༅། །ཕྱི་ལོ་ ༢༠༢༦ ཟླ་བ་ ༣ ཚེས་ ༢༨ དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་བོད་མིའི་སྒྲིག་འཛུགས་དང་བོད་མི་ཡོངས་ཀྱི་ཚབ་ཞུས་ཏེ་གསར་དུ་བདམས་ཐོན་བྱུང་བའི་བལ་ཡུལ་གྱི་སྲིད་བློན་གསར་པ་སྐུ་ཞབས་བལེན་དྲ་ཤཱ་ (Balendra Shah) མཆོག་ལ་དགའ་བསུའི་འཚམས་འདྲི་ཞུས་གནང་ཡོད། དེ་ཡང་འཚམས་འཕྲིན་ནང་དཔལ་ལྡན་སྲིད་སྐྱོང་མཆོག་གིས་ཉེ་ལམ་ (Gen z) གཞོན་སྐྱེས་ཀྱིས་སྣེ་ཁྲིད་པའི་ལས་འགུལ་འདིའི་རྗེས་ལོ་ན་ཆུང་ཤོས་ཀྱི་སྲིད་བློན་དུ་བདམས་ཐོན་བྱུང་ཡོད་པ་ནི་བལ་ཡུལ་མི་མང་དང་། ལྷག་པར་བལ་ཡུལ་གྱི་གཞོན་སྐྱེས་ཚོའི་མངོན་འདོད་མཚོན་གྱི་ཡོད། ཅེས་དང་། དེ་བཞིན་དཔལ་ལྡན་སྲིད་སྐྱོང་མཆོག་གིས་བོད་དང་བལ་ཡུལ་དབར་དུས་རབས་མང་པོའི་རིང་ལོ་རྒྱུས་དང་རིག་གཞུང་གི་འབྲེལ་བ་དམ་ཟབ་ཡོད་པ་དང་། ཕྱིས་སུ་བོད་ས་བཙན་བཟུང་བྱས་རྗེས་བོད་མི་རྣམས་བལ་ཡུལ་དུ་བཙན་བྱོལ་དུ་འབྱོར་སྐབས་བོད་མི་རྣམས་ཀྱིས་སོ་སོའི་རིག་གཞུང་ཉར་ཚགས་ཙམ་དུ་མ་ཟད། བལ་ཡུལ་གྱི་སྤྱི་ཚོགས་དང་དཔལ་འབྱོར་གོང་འཕེལ་ལ་ཕན་གྲོགས་བྱེད་ཐུབ་པ་འདིས། ཕྱོགས་གཉིས་ཀྱི་འབྲེལ་ལམ་སྔར་ལྷག་སྲ་བརྟན་དུ་བཏང་ཡོད། འདི་དག་ནི་གཙོ་བོ་བལ་ཡུལ་གྱི་གཞུང་མང་གཉིས་ཀྱི་བཀའ་དྲིན་ལས་བྱུང་བ་ཞིག་ཡིན་པས་ཐུགས་རྗེ་ཆེ་ཞེས་གསུངས་ཡོད། མཐར་དཔལ་ལྡན་སྲིད་སྐྱོང་མཆོག་གིས་བལ་ཡུལ་གྱི་ལོ་རྒྱུས་ནང་གལ་གནད་ཆེ་བའི་དུས་སྐབས་འདིར་སྐུ་ཉིད་ཀྱིས་དབུ་ཁྲིད་གནང་བའི་རིང་ལས་དོན་ཐམས་ཅད་ལམ་ལྷོངས་ཡོང་བའི་སྨོན་འདུན་ཞུས་པ་དང་ཆབས་ཅིག བོད་དང་བལ་ཡུལ་དབར་འབྲེལ་བ་ཇེ་བརྟན་དུ་འགྲོ་བའི་ཐུགས་རེ་དང་། བལ་ཡུལ་རྒྱལ་ཁབ་ཏུ་གང་ཅིའི་ཐད་ནས་ཡར་རྒྱས་ཕུན་སུམ་ཚོགས་པ་དང་། བཟང་ཕྱོགས་ཀྱི་འགྱུར་བའི་ཕྱོགས་སུ་མདུན་བསྐྱོད་ཐུབ་པའི་སྨོན་འདུན་ཞུས་ཡོད། བལ་ཡུལ་གྱི་སྲིད་བློན་དུ་བདམས་ཐོན་བྱུང་བའི་སྐུ་ཞབས་བལེན་དྲ་ཤཱ་མཆོག་གིས་ཕྱི་ལོ་ ༢༠༢༦ ཟླ་བ་ ༣ ཚེས་ ༢༧ ཉིན་སྲིད་བློན་གྱི་ལས་འཁུར་དམ་འབུལ་ཞུས་ཡོད་པ་བཅས།།

༸གོང་ས་རྒྱལ་བ་རིན་པོ་ཆེ་མཆོག་གིས་དབྱིན་ཇིའི་ཆོས་དཔོན་ས་ར་མུ་ལ་ལི་ལགས་སུ་འཚམས་འཕྲིན་བསྩལ་ནས་བུད་མེད་མང་པོ་མགོ་འཁྲིད་ཀྱི་གོ་གནས་སུ་ཡོད་ན་འཛམ་གླིང་འདི་གོ་རྟོགས་དང་ཞི་བདེ་ཆེ་བ་ཡོང་བར་ཡིད་ཆེས་བརྟན་པོ་ཡོད་ཅེས་གསུངས། The post ༸གོང་ས་རྒྱལ་བ་རིན་པོ་ཆེ་མཆོག་གིས་དབྱིན་ཇིའི་ཆོས་དཔོན་ས་ར་མུ་ལ་ལི་ལགས་སུ་འཚམས་འདྲི་མཛད། appeared first on བོད་ཀྱི་དུས་བབ།.

བལ་ཡུལ་ནང་ལོ་སྔོན་མ་གཞོན་སྐྱེས་ཚོས་ངོ་རྒོལ་བྱས་ནས་སྲིད་གཞུང་མགོ་རྟིང་སློག་རྗེས་བསྐྱར་དུ་འོས་བསྡུ་བྱས་ཏེ། ད་ཆར་སྲིད་གཞུང་གསར་པ་ཞིག་བཙུགས་ཡོད་པ་དང་། སྲིད་གཞུང་གསར་པས་ཁ་སང་དམ་འབུལ་བྱས་འདུག དེ་རིང་ཞོགས་པར་སྲིད་བློན་ཟུར་པ་ (KP Sharma Oli) ཁོང་། དེ་སྔོན་གཞོན་སྐྱེས་ཚོས་ངོ་རྒོལ་བྱེད་སྐབས་མི་བསད་དོན་རྐྱེན་དང་། The post བལ་ཡུལ་གྱི་སྲིད་བློན་གསར་པའི་དམ་འབུལ་དང་སྲིད་བློན་ཟུར་པ་འཛིན་བཟུང་བྱས་འདུག appeared first on བོད་ཀྱི་བང་ཆེན།.

ཉེ་བའི་ཆར་རྒྱ་ནག་གཞུང་གིས་དཔལ་འབྱོར་གྱི་གནས་བབ་ཡར་རྒྱས་གཏོང་ཆེད། ཡུལ་དེའི་ནང་མཐོང་མཆན་མི་དགོས་པར་བསྐྱོད་ཆོག་མཁན་རྒྱལ་ཁབ་གྱི་ཁ་གྲངས་མང་དུ་བཏང་སྟེ། ད་ཆ་འཛམ་གླིང་གི་རྒྱལ་ཁབ་ ༥༠ ལྷག་གི་མི་རིགས་ ༧༧ ཙམ་ལ་རྒྱ་ནག་ཏུ་ཉིན་ ༣༠ རིང་མཐོང་མཆན་མི་དགོས་པར་འགྲུལ་བཞུད་བྱེད་ཆོག་པ་བཟོས་ཡོད་ཀྱང་། བོད་ནི་སྔར་བཞིན་དམིགས་བསལ་གྱི་ཆོག་མཆན་ལོགས་སུ་དགོས་པ་སོགས་མུ་མཐུད་དམ་དྲག་ཡོད་ས་ཞིག་ཏུ་ལུས་ཡོད་ཅེས་གསུངས་འདུག རྩ་བའི་རྒྱ་གཞུང་གིས་ཕྱི་ལོ་ ༢༠༢༣ ལོ་མཇུག་ནས་བཟུང་ཡུལ་དེའི་ནང་མཐོང་མཆན་མི་དགོས་པར་འགྲུལ་བཞུད་བྱེད་ཆོག་པའི་ལས་གཞི་ཤུགས་ཆེན་སྤེལ་འགོ་བཙུགས་པ་དང་། ཁ་སང་ཕྱི་ཚེས་ ༢༧ ཉིན་ Travel and Tour World ཞེས་པའི་ཡུལ་སྐོར་དྲྭ་ཚིགས་ཐོག་འཁོད་པ་ལྟར་ན། འདི་ལོའི་ཕྱི་ཟླ་ ༢ པའི་བར་དུ་རྒྱལ་ཁབ་ ༥༠ ཙམ་གྱི་མི་སེར་ལ་རྒྱ་ནག་ཏུ་ཚོང་ལས་དང་། ནང་མིར་ཐུག་འཕྲད། འགྲུལ་བཞུད་བརྒྱུད་ལམ་བཅས་ཀྱི་ཆེད་དུ་ཉིན་གྲངས་ ༣༠ རིང་མཐོང་མཆན་མི་དགོས་པར་འཛུལ་ཞུགས་བྱེད་ཆོག་པ་བཟོས་ཡོད་པ་མ་ཟད། དེའི་ཐོག་རྒྱ་གཞུང་གིས་རྒྱལ་ཁབ་གཞན་ ༢༩ དང་ཕན་ཚུན་མཐོང་མཆན་མེད་པར་བལྟ་སྐོར་བྱེད་ཆོག་པའི་གྲོས་མཐུན་ཡོད་པ་བརྒྱུད། ད་ཆ་ཡུ་རོབ་མཐུན་ཚོགས་ཀྱི་རྒྱལ་ཁབ་མང་ཆེ་བ་དང་། དབྱིན་ཡུལ། ཨོ་གླིང་། ནིའི་ཛི་ལེན་ཌི། ཉི་ཧོང་། ལྷོ་ཀོ་རི་ཡ་སོགས་ཀྱི་རྒྱལ་ཁབ་མང་དག་ཅིག་ནས་ཁྱོན་མི་རིགས་...