ཧོང་ཀོང་ནང་རྒྱལ་ཁབ་ཀྱི་བདེ་འཇགས་ཀྱི་ཁྲིམས་ལུགས་གསར་བའི་འོག་ཉེན་རྟོག་པས་མི་མང་གི་ཁ་པར་དང་གློག་ཀླད་ཀྱི་གསང་གྲངས་ཐད་ཀར་ལེན་ཆོག་གི་ཡོད་འདུག The post ཧོང་ཀོང་ཉེན་རྟོག་པས་མི་མང་གི་ཁ་པར་གསང་གྲངས་ཐད་ཀར་ལེན་ཆོག་པར་བཟོས། appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༣ ཚེས་ ༢༣ ཉིན་སྙན་གྲགས་ཆེ་བའི་ཨ་རབ་འཇིག་རྟེན་ལྟེ་གནས་ཁང་ (Arab World Institute) དུ་བྷི་བྷ་ལོ་སི་ (Byblos) ཞེས་པའི་འགྲེམས་སྟོན་དབུ་འབྱེད་ཀྱི་མཛད་སྒོར་ལྟེ་གནས་ཁང་གི་འགན་འཛིན་ཨན་ཀེ་ལེ་རེ་ལེ་གེ་དྷར་ (Anne-Claire Legendre) ལགས་ཀྱིས་མགྲོན་འབོད་གནང་བ་བཞིན་སྦར་སིལ་སྐུ་ཚབ་དོན་གཅོད་འགན་ཁང་རིག་འཛིན་ལགས་མཉམ་ཞུགས་གནང་ཡོད། མཛད་སྒོའི་ཐོག་ཕ་རན་སིའི་སྲིད་འཛིན་ཨེ་མེ་ནོལ་མེག་རོན་མཆོག་ཕེབས་ཞུགས་གནང་ཡོད་པ་དང་། དབུ་འབྱེད་མཛད་སྒོའི་ཐོག་འཛམ་གླིང་ནང་མི་སྡོད་གནས་ཡུན་རིང་ཤོས་ཀྱི་གྲོང་ཁྱེར་རྙིང་ཤོས་ཡིན་པའི་བྷི་བྷ་ལོ་སི་ (Byblos) ཡི་ལོ་རྒྱུས་ཀྱི་ཤུལ་བཞག་དང་། དེ་བཞིན་མེ་ཌི་ཊེ་རཱ་ནི་ཡན་ (Mediterranean) ས་ཁུལ་གྱི་ལོ་རྒྱུས་ནང་གྲོང་ཁྱེར་དེའི་གལ་ཆེའི་འགན་ཁྲིད་ལ་སྲུང་བརྩི་ཞུས་ཡོད།མཛད་སྒོའི་ཐོག་སྦར་སིལ་སྐུ་ཚབ་དོན་གཅོད་འགན་ཁང་རིག་འཛིན་ལགས་མཉམ་ཞུགས་གནང་བ་ཡོད་པ་དང་། འདིའི་བརྒྱུད་རྒྱལ་སྤྱིའི་སྡིངས་ཆའི་ཐོག་སོ་སོའི་རིག་གཞུང་མཚོན་ཐུབ་པའི་ཐབས་ལམ་གལ་ཆེན་ཞིག་ཏུ་མངོན་པ་དང་། དེ་ལྟ་བུའི་འབྲེལ་ལམ་ནི་རིག་གཞུང་གི་གོ་རྟོགས་རྒྱ་ཆེ་སྤེལ་ཐུབ་པ་དང་། དེ་བཞིན་ས་ཁུལ་འདྲ་མིན་དང་འབྲེལ་ལམ་བསྐྲུན་ཐུབ་པའི་གོ་སྐབས་བཟང་པོ་ཞིག་ཡིན་པ་ངོས་འཛིན་བྱེད་ཀྱི་ཡོད། ཨན་ཀེ་ལེ་རེ་ལེ་གེ་དྷར་ (Anne-Claire Legendre) ལགས་ཀྱིས་ལོ་ངོ་སྟོང་ཕྲག་མང་པོའི་ལོ་རྒྱུས་ལྡན་པའི་ཤུལ་བཞག་འདི་ཉིད་གཏོར་བཤིག་མ་འགྲོ་བར་སྲུང་སྐྱོབ་བྱེད་དགོས་པའི་གལ་གནད་དང་། ལྷག་པར་ད་ལྟའི་ལེ་བྷེ་ནོན་ (Lebanon) ནང་འགྲོ་བཞིན་པའི་རྩོད་རྙོག་གི་གནས་སྟངས་འོག་རྩ་གཏོར་མ་འགྲོ་བར་སྲུང་སྐྱོབ་བྱེད་དགོས་པའི་སྐོར་ནན་བརྗོད་གནང་ཡོད།  ཕ་རན་སིའི་སྲིད་འཛིན་ཨེ་མེ་ནོལ་མེག་རོན་མཆོག་གིས་ལེ་བྷ་ནོན་ལ་ཕ་རན་སི་ཡིས་རྒྱབ་སྐྱོར་ཡོད་པ་བསྐྱར་ནན་གནང་བ་དང་འབྲེལ། ད་ལྟའི་ཆར་བྱུང་བཞིན་པའི་དམག་འཁྲུག་འཚམས་འཇོག་དགོས་པའི་འབོད་སྐུལ་ཞུས་ཡོད། དེ་བཞིན་ཕྱི་འབྲེལ་ཙམ་མ་ཡིན་པར་སྲིད་འཛིན་མཆོག་ནས་འགྲེམས་སྟོན་གྱི་མཚོན་དོན་གལ་ཆེའི་རང་བཞིན་སྐོར་འགྲེལ་བརྗོད་གནང་ཡོད།མཛད་སྒོའི་ཐོག་ཕ་རན་སི་ཕྱི་འབྲེལ་བློན་ཆེན་སྐུ་ཞབས་ཇཽ་ནོལ་བྷེ་རོཊ་ (Jean-Noël Barrot) མཆོག་དང་། རིག་གཞུང་བློན་ཆེན་ཁཱ་ཐེ་རིན་པེ་གར་ (Catherine...

ཨ་རིའི་ཆབ་སྲིད་ཚོགས་པ་གཉིས་ཀྱི་འཐུས་མིས་ཞུ་ཡིག་ཕུལ་ཏེ། ཨ་རིའི་བོད་དོན་དམིགས་བསལ་འབྲེལ་མཐུད་པས་ཨ་རིའི་བོད་དོན་དང་འབྲེལ་བའི་སྲིད་ཇུས་ཁག་ལག་བསྟར་རྒྱུན་སྐྱོང་དང་བོད་མིའི་རང་དབང་གི་མངོན་འདོད་མདུན་སྐྱོད་བྱེད་དགོས་པའི་འབོད་སྐུལ་ཞུས་འདུག The post ཨ་རིའི་བོད་དོན་དང་འབྲེལ་བའི་སྲིད་ཇུས་ཁག་ལག་བསྟར་གོང་འཕེལ་གཏོང་དགོས་པའི་འབོད་སྐུལ་ཞུས། appeared first on བོད་ཀྱི་དུས་བབ།.

ཕྱི་ལོ་༢༠༢༦ ཟླ་༣ ཚེས་༢༣ ཉིན། སྐབས་ ༡༧ པའི་གྲོས་ཚོགས་ཚོགས་དུས་བཅུ་གཅིག་པའི་ལས་ཉིན་བདུན་པའི་ཐོག སྤྱི་འཐུས་རྣམ་པས་བོད་ནང་གི་ཛ་དྲག་གནས་སྟངས་ལ་གདུང་སེམས་མཉམ་སྐྱེད་ཀྱི་གྲོས་ཆོད་དོན་ཚན་ལྔ་ཅན་ཞིག་དང་། རྒྱ་ནག་མི་དམངས་འཐུས་མི་ཚོགས་ཆེན་ཟེར་བས་ཕྱི་ལོ་༢༠༢༦ The post བོད་ནང་གི་ཛ་དྲག་གནས་སྟངས་དང་རྒྱ་གཞུང་གི་ཁྲིམས་ཡིག་གསར་པར་གདོང་ལེན་གྱི་གྲོས་ཆོད་གཉིས་སྤྱི་མོས་གཏན་འབེབས། appeared first on བོད་ཀྱི་བང་ཆེན།.

ཕྱི་ལོ་ ༢༠༢༥ ལོའི་ཕྱི་ཟླ་ ༧ པའི་ནང་དུ་མཚོ་ལྷོ་འབའ་རྫོང་གཙང་དགོན་པའི་དགེ་འདུན་པ་མཛེས་དགའ་རྒྱ་མཚོ་ལགས་མཚོ་སྔོན་ཞིང་ཆེན་ཟི་ལིང་གྲོང་ཁྱེར་ནས་འཛིན་བཟུང་བཙན་ཁྲིད་ཀྱིས་ཟླ་བ་དྲུག་རིང་བཀག་ཉར་འདྲི་རྩད་བྱས་རྗེས་གློད་བཀྲོལ་བཏང་ཡོད་འདུག དེ་ཡང་འབྲེལ་ཡོད་ནས་གནས་ཚུལ་ཤེས་རྟོགས་ལྟར་ན་ཉེ་ལམ་ཕྱི་ཟླ་ ༡ ཆེས་ ༢ ཉིན་ཁོང་གློད་བཀྲོལ་བཏང་ཡོད་ཀྱང་མིག་དང་། པུས་མོ། ལུས་པོའི་ཚིགས་ན་བ་སོགས་ཀྱི་འཕྲོད་བསྟེན་ལ་དཀའ་ཁག་ཡོད་པ་གསལ་བཤད་གནང་སོང་བ་མ་ཟད། རྒྱ་ནག་གཞུང་གིས་ཁོང་གློད་བཀྲོལ་བཏང་རྗེས་ཕྱོགས་ཡོངས་ནས་ཁོང་གི་འགྲོ་འདུག་ལ་དམ་དྲག་དང་སོ་ཉུལ་བྱེད་ཀྱི་ཡོད་པ་དང་ཆབས་ཅིག ནང་དུ་འབྱོར་རྗེས་སླར་ཡང་ཟི་ལིང་དུ་འབོད་འགུག་བྱས་ནས་རྒྱ་ནག་གི་སྒྲིག་ཁྲིམས་དང་མཐུན་པའི་བསམ་བློའི་སློབ་གསོ་བརྒྱབ་ཡོད་འདུག ཤེས་རྟོགས་བྱུང་བར་གཞིགས་ན། ཁོང་ཕྱི་ལོ་ ༢༠༢༥ ལོའི་ཕྱི་ཟླ་ ༧ པའི་ཚེས་འགོར་ཟི་ལིང་དུ་སྨན་པར་བསྟེན་གཏུག་བྱེད་དུ་ཕྱིན་སྐབས།  རྒྱ་གཞུང་ཉེན་རྟོག་པས་འཛིན་བཟུང་བཙན་ཁྲིད་བྱས་ཡོད་པ་མ་ཟད། ཕྱི་ལོ་ ༢༠༠༨ ལོར་ཁོང་གི་མ་སྤུན་བུ་མཁས་གྲུབ་རྒྱ་མཚོ་ལགས་འཛིན་བཟུང་བྱས་པ་ནས་བཟུང་གྲྭ་མཛེས་དགའ་རྒྱ་མཚོ་ལགས་གཙོ་བོར་གྱུར་བའི་གཉེན་ཉེ་དང་འབྲེལ་ཡོད་མང་པོ་ཞིག་ལ་རྒྱ་གཞུང་གིས་ལྟ་རྟོག་དང་དོགས་ཟོན་བྱ་སའི་ཁོངས་སུ་བཅུག་སྟེ་ཕྱི་ཕྱོགས་སུ་འབྲེལ་ལམ་ཡོད་སྐོར་བརྗོད་ནས་འདྲི་རྩད་དང་ཉེན་བརྡ་གཏོང་བ་སོགས་ཀྱི་སུན་གཙེར་ཐེངས་མང་པོ་བཟོས་ཡོད་འདུག རྩ་བའི་དགུང་ལོ་ ༤༨ ཡིན་པའི་དགེ་འདུན་པ་མཛེས་དགའ་རྒྱ་མཚོ་ནི་ཕ་བསོད་དབང་དང་མ་བཀྲ་ཤིས་གཉིས་ལ་བུ་གསུམ་དང་བུ་མོ་གསུམ་བཅས་ཁྱོན་བུ་རྒྱུད་དྲུག་ཡོད་པ་ལས་ཆེ་ཤོས་དེ་ཡིན་འདུག ཕྱི་ལོ་ ༢༠༠༢ ལོར་རྒྱ་གར་དུ་ཕེབས་ཏེ། སེར་བྱེས་གྲྭ་ཚང་དུ་ལོ་གཅིག་ཙམ་རིང་སློབ་གཉེར་བྱས་རྗེས། ཕྱི་ལོ་ ༢༠༠༣ ལོར་ཕྱིར་ཕ་ཡུལ་དུ་ལོག་སྟེ་རྭ་རྒྱ་ཤེས་རིག་ནོར་གླིང་དུ་སློབ་སྦྱོང་བྱས། དེ་སྔ་འཛིན་བཟུང་བཙན་ཁྲིད་མ་བྱས་གོང་། གཙང་དགོན་པའི་སློབ་གྲྭ་ལྔ་རིག་ལེགས་བཤད་གླིང་གི་བོད་ཡིག་དགེ་རྒན་གྱི་ཕྱག་ལས་གནང་འདུག The post མཚོ་ལྷོ་འབའ་རྫོང་གཙང་དགོན་པའི་དགེ་འདུན་པ་མཛེས་དགའ་རྒྱ་མཚོ་ལགས་གློད་བཀྲོལ་བཏང་འདུག appeared...

དེ་རིང་ཟླ་ ༣ ཚེས་ ༢༣ ཉིན་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ལས་ཉིན་བདུན་པའི་ཐོག་གཞུང་འབྲེལ་གདུང་སེམས་མཉམ་བསྐྱེད་དང་བོད་མིའི་སྒྲིག་འཛུགས་བཀའ་ཤག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་དང་འབྲེལ་བའི་གཞུང་འབྲེལ་གྲོས་ཆོད་གྲོས་འཆར་གཉིས་ཀར་སྤྱི་མོས་ཀྱིས་རྒྱབ་སྐྱོར་གནང་ཐོག་གཏན་འབེབས་གནང་སོང་། དེ་རིང་སྔ་དྲོ་གྲོས་ཚོགས་སུ་བོད་ནང་གི་ཛ་དྲག་གནས་སྟངས་ལ་གཞུང་འབྲེལ་གདུང་སེམས་མཉམ་བསྐྱེད་ཀྱི་གྲོས་ཆོད་གྲོས་འཆར་གྱི་ཡིག་ཆ་ཨང་ ༡༦ ཐོག་བགྲོ་གླེང་གནང་བའི་ཁྲོད་བོད་མིའི་སྒྲིག་འཛུགས་བཀའ་ཤག་ནས་ཉེ་ཆར་རྒྱ་གཞུང་གིས་གཏན་འབེབས་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་གསར་པར་ངོ་རྒོལ་དང་དེའི་ཚབས་ཆེའི་ཉེན་ཁ་རྣམས་བཟློག་ཐབས་སུ་གྲོས་ཆོད་གྲོས་འཆར་གྱི་ཡིག་ཆ་ཨང་ ༡༦ ཀ་པ་བསྣམས་ཕེབས་དོན་ལྟར་སྤྱི་འཐུས་ ༤༠ མ་ཟིན་ཙམ་གྱིས་བགྲོ་གླེང་གི་ཆ་ཤས་བཞེས་ཏེ་བཀའ་བསྡུར་ལྷུག་པོ་གནང་སོང་། སྐབས་དེར་སྤྱི་འཐུས་རྣམས་ནས་གཞུང་འབྲེལ་གདུང་སེམས་མཉམ་བསྐྱེད་དང་བཀའ་ཤག་གི་གཞུང་འབྲེལ་གྲོས་ཆོད་གྲོས་འཆར་གཉིས་ཀར་སྤྱི་མོས་ཀྱིས་རྒྱབ་སྐྱོར་ཞུས་པ་དང་འབྲེལ། རྒྱ་གཞུང་གིས་བོད་ནང་མུ་མཐུད་འཆར་གཞི་ལྡན་པའི་ཐོག་ནས་གདུག་རྩུབ་ཙན་གྱི་སྲིད་བྱུས་འདྲ་མིན་ལག་བསྟར་བྱས་དང་བྱེད་བཞིན་པའི་ཁོངས་སུ་ཆེས་སྡུག་ཤོས་དང་ད་ཆ་བོད་ནང་གི་ཛ་དྲག་གནས་སྟངས་ཆེ་ཤོས་དེ་བོད་སྐད་ཡིག་དང་རིག་གཞུང་རྩ་མེད་བཟོ་རྒྱུ་དེ་ཆགས་ཀྱི་ཡོད་པ་དང་། ལྷག་པར་དུ་ཉེ་ཆར་རྒྱ་ནག་གིས་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་གསར་པ་གཏན་འབེབས་བྱས་ཡོད་པ་དེ་ནི་དོན་དངོས་མི་རིགས་ཤིག་མཚོན་ན་ཧ་ཅང་སྡུག་རྩུབ་ཅན་དང་མི་རིགས་ཀྱི་ངོ་བོ་སྐད་ཡིག་རྩ་མེད་བཟོ་རྒྱུའི་སྲིད་བྱུས་ངན་པ་ཞིག་ཡིན་སྟབས་བོད་མི་ཡོད་དོ་ལྕག་གིས་དེ་རིང་ནས་བཟུང་རང་འགན་རང་འཁུར་གྱི་ཐོག་ནས་བོད་སྐད་ཡིག་སྲུང་སྐྱོབ་སླད་དམ་བཅའ་འཇོག་་ནས་ལག་ལེན་འཁྱོལ་བ་ཞིག་དགོས་ཞེས་གསུངས་ཡོད། དེ་བཞིན་སྤྱི་འཐུས་ཁག་གཅིག་གིས་བོད་ནང་གི་གཞིས་ལུས་བོད་མི་རྣམས་ལ་གདུང་སེམས་མཉམ་བསྐྱེད་ཞུ་ཐབས་ཡག་ཤོས་དེ་བཙན་བྱོལ་བོད་མི་རྣམས་ནས་གཞིས་ལུས་བོད་མི་ཚོའི་ཆེད་དུ་ལས་དོན་གང་སྤེལ་དགོས་པ་དང་སྤེལ་འོས་པ། སྤེལ་ཐུབ་པ་སོགས་ཀྱི་ཐོག་ལ་རྒྱ་ཆེ་མང་ཚོགས་ཀྱི་ཐུགས་སྣང་གལ་ཆེ་གནང་རྒྱུ་དེ་དུས་ལ་བབས་ཡོད་ཅེས་གསུངས་སོང་བ་མ་ཟད། ལ་ལས་ང་ཚོས་དེ་རིང་ནས་བཟུང་སྟེ་བོད་མི་ནང་ཁུལ་ལ་བོད་སྐད་གཙང་མ་སྤྱོད་རྒྱུ་ཡིན་ཞེས་པའི་གྲོས་ཆོད་དོན་ཚན་གཅིག་ཁ་སྣོན་བསྐྱོན་དགོས་པ་གསུངས་སོང་། བགྲོ་གླེང་ཁྲོད་སྤྱི་འཐུས་མི་ཉུང་བ་ཞིག་གིས་འདས་པའི་ལོ་ཤས་ནང་རྒྱ་གཞུང་གིས་མི་རིགས་ཡོངས་ཀྱི་མིང་དོན་མཚུངས་པའི་རང་སྐྱོང་གི་ཁྲིམས་སྒྲིག་ཁག་ལ་རིམ་པའི་སྒྱུར་བ་གཏོང་བཞིན་པའི་ཁྲོད་འདིར་ང་ཚོ་མུ་མཐུད་ཁྲིམས་སྒྲིག་དེའི་འོག་ཐོབ་ཐང་རྩོད་ནས་བསྡད་ན་འགྲིག་གམ་ཞེས་དང་། རྒྱ་ནག་གི་ཁྲིམས་ཡིག་གསར་པ་དེའི་འོག་ནས་དབུ་མའི་ལམ་གཞིར་བཟུང་བོད་མིར་མིང་དོན་མཚུངས་པའི་རང་སྐྱོང་གི་གནས་བབ་རྩོད་རྒྱུ་ཁག་པོ་ཡིན་པ་འགྲེལ་བརྗོད་ཀྱིས། ང་ཚོའི་དགྲ་ལ་དགྲ་བོའི་འདུ་ཤེས་འཛིན་རྒྱུའི་བསམ་བློ་མ་འདོར་བའི་ཐོག་ནས་ལས་དོན་སྤེལ་དགོས་སྟབས་བཀའ་ཤག་ངོས་ནས་རྒྱ་ནག་གི་ཁྲིམས་ཡིག་གསར་པར་ངོ་རྒོལ་གྱི་གཞུང་འབྲེལ་གྲོས་ཆོད་གྲོས་འཆར་བསྣམས་ཕེབས་པ་ཙམ་གྱིས་ཕན་ཐོགས་གང་ཡང་གཟིགས་ཀྱི་མེད་པ་དང་དབུ་མའི་ལམ་སྲིད་བྱུས་ལ་བསྐྱར་ཞིབ་དགོས་མིན་ཐད་ཞིབ་འཇུག་ཚད་ལྡན་ཞིག་གནང་དགོས་པ་སོགས་ཀྱི་དགོངས་ཚུལ་གསུང་མཁན་བྱུང་ཡོད། དེའི་ཁྲོད་སྤྱི་འཐུས་གཅིག་གིས་བོད་ནང་གི་ཛ་དྲག་གནས་སྟངས་སེལ་དགོས་ན་ངེས་པར་རྒྱ་གཞུང་དང་ཐད་ཀར་འབྲེལ་མོལ་གནང་དགོས་ཀྱི་ཡོད་སྟབས་འཛིན་སྐྱོང་བཀའ་ཤག་ནས་དེའི་ཐད་འདས་པའི་ལས་ཡུན་ནང་ཐབས་ཤེས་གང་གནང་ཡོད་མིན་སྐོར་བཀའ་འདྲི་ཕེབས་སོང་། གཞན་ཡང་གྲོས་ཆོད་གྲོས་འཆར་དེ་དང་འབྲེལ་བཙན་བྱོལ་བོད་མི་ཚོས་ཞལ་ནས་གདུང་སེམས་བསྐྱེད་ཡོད་གཅིག་པོ་གསུངས་བ་ཙམ་མིན་པར་བཙན་བྱོལ་བོད་མི་ནང་ཁུལ་དབར་ཆོལ་ཁ་དང་ཆོས་ལུགས་ཀྱི་འཐེན་འཁྱེར་མེད་པར་ཆིག་སྒྲིལ་གྱི་ནུས་པ་མཉམ་སྤུངས་དང་བོད་ནང་གི་བོད་མི་རྣམས་ལ་སེམས་ཤུགས་འཕར་གཞི་ཞིག་ཏུ་འགྲོ་ཐུབ་པའི་ཐོག་དོན་དམ་པའི་གདུང་སེམས་མཉམ་བསྐྱེད་གནང་གལ་ཡིན་པ་དང་སོགས་གསུངས་ཡོད། རྩ་བའི་དེ་རིང་གྲོས་ཚོགས་ཀྱི་ལས་ཉིན་བདུན་པའི་སྔ་དྲོར་སྤྱི་འཐུས་ལྷན་ཚོགས་ཀྱི་བོད་ནང་གི་ཛ་དྲག་གནས་སྟངས་ཐོག་ལ་གཞུང་འབྲེལ་གདུང་སེམས་མཉམ་བསྐྱེད་ཀྱི་གྲོས་ཆོད་གྲོས་འཆར་གཙོས་པའི་ཉེ་ལམ་རྒྱ་གཞུང་གིས་གཏན་འབེབས་བྱས་པའི་མི་རིགས་མཐུན་སྒྲིལ་ཡར་ཐོན་སྐུལ་དེད་ཀྱི་ཁྲིམས་ཡིག་སོགས་དང་འབྲེལ་ནས་འཛིན་སྐྱོང་བཀའ་ཤག་གི་ངོས་ནས་གྲོས་ཆོད་བསྣམས་ཕེབས་པར་སྤྱི་འཐུས་རྣམ་པས་བགྲོ་གླེང་གནང་བཞིན་པའི་ཁྲོད། སྲིད་སྐྱོང་མཆོག་ལས་དོན་གལ་ཆེན་རྐྱེན་པས་བགྲོ་གླེང་ནང་མཉམ་ཞུགས་གནང་ཐུབ་མེད་པའི་རྒྱུ་མཚན་ལ་གཞིགས་ཏེ། བོད་མིའི་སྒྲིག་འཛུགས་རང་དབང་ཅན་གྱི་སྡེ་ཚན་ཁག་གི་སྔོན་རྩིས་གཏན་འབེབས་ཀྱི་ལས་རིམ་ཐོག་ཕེབས་ཡོད་པ་ལྟར། དབུས་འོས་བསྡུ་ལས་ཁང་གི་སྔོན་རྩིས་དང་ལས་དོན་གནང་ཕྱོགས་ཐད་བགྲོ་གླེང་གནང་བའི་ཁྲོད། སྤྱི་འཐུས་རྣམ་པས་ད་ལན་བལ་ཡུལ་ནང་དུ་སྔོན་འགྲོའི་འོས་བསྡུའི་ཁྲོད་ས་གནས་ཁག་གཅིག་ལ་འོས་བསྡུའི་སྒྲིག་གཞི་གཞིར་བཟུང་གནང་ཐུབ་མེད་པར་ཐུགས་འཚབ་གསལ་སྟོན་གནང་ཐོག ལྷག་པར་དབུས་འོས་བསྡུ་ལས་ཁང་གི་ངོས་ནས་གནད་དོན་དེའི་ཐོག་ཞིབ་འཇུག་མཐིལ་ཕྱིན་གནང་མུས་ཡིན་སྐོར་གསལ་བསྒྲགས་སྤེལ་བ་ལྟར། ད་ལྟའི་ཆར་ཞིབ་འཇུག་གི་གནས་སྟངས་ཇི་ཡིན་གཙོས་གལ་ཏེ་ཞིབ་འཇུག་གནང་འབྲས་སུ་བལ་ཡུལ་ནང་སྲིད་སྤྱི་གཉིས་ཀྱི་སྔོན་འགྲོ་འོས་བསྡུའི་ཁྲོད་འོས་བསྡུའི་སྒྲིག་གཞིར་འགལ་འཛོལ་བྱུང་བའི་གནས་སྟངས་ར་སྤྲོད་བྱུང་ཚེ་སྔོན་འགྲོའི་འོས་བསྡུའི་གྲུབ་འབྲས་ལ་འགྱུར་བ་ཕྱིན་གྱི་ཡོད་མེད་ཐོག་གླེང་སློང་ཤུགས་ཆེ་གནང་སོང་། The post གཞུང་འབྲེལ་གདུང་སེམས་མཉམ་བསྐྱེད་དང་བཀའ་ཤག་གི་གཞུང་འབྲེལ་གྲོས་ཆོད་གྲོས་འཆར་གཉིས་ཀ་སྤྱི་མོས་ཐོག་གཏན་འབེབས། appeared first on vot.

དེ་རིང་བཞུགས་སྒར་དུ་རྟེན་གཞི་བྱས་པའི་འགྲོ་ཕན་བོད་ཀྱི་སྨན་རྩིས་ཁང་གི་ཚོགས་ཁང་དུ་༸རྒྱལ་དབང་སྐུ་ཕྲེང་བཅུ་གསུམ་པ་ཆེན་པོ་མཆོག་གིས་ཕྱི་ལོ་ ༡༩༡༦ ལོར་ལྷ་ལྡན་འགྲོ་ཕན་སྨན་རྩིས་གླིང་ཕྱག་བཏབ་ནས་མི་ལོ་ ༡༡༠ དང་༸རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་གིས་ཕྱི་ལོ་ ༡༩༦༡ ལོར་བཞུགས་སྒར་རྡ་རམ་ས་ལར་འགྲོ་ཕན་བོད་ཀྱི་སྨན་རྩིས་ཁང་གསར་འཛུགས་སླར་གསོ་བསྐྱངས་ནས་ལོ་ངོ་ ༦༥ འཁོར་བའི་ཉིན་མོ་སྲུང་བརྩི་ཞུས་སོང་། དེ་ཡང་དེ་རིང་སྔ་དྲོ་ཕྱག་ཚོད་ ༡༠ ཐོག་བཞུགས་སྒར་རྡ་སམ་ས་ལའི་འགྲོ་ཕན་བོེད་ཀྱི་སྨན་རྩིས་ཁང་གི་ཚོགས་ཁང་དུ་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་འཕྲོད་བསྟེན་དྲུང་ཆེ་བྱམས་པ་ཕུན་ཚོགས་ལགས་དང་དམིགས་བསལ་སྐུ་མགྲོན་སྐུ་སྒེར་དྲུང་ཆེ་བློ་བཟང་སྦྱིན་པ་ལགས། ༸སྐུའི་བླ་སྨན་པ་རྣམ་པ་དང་སྨན་རྩིས་ཁང་གི་ལས་སློབ་བཅས་ཀྱི་གཙོས། བོད་མིའི་སྒྲིག་འཛུགས་ཀྱི་ཆོས་རིག་དང་ནང་སྲིད་དྲུང་ཆེ། དེ་བཞིན་སྤྱི་འཐུས་ཐུབ་བསྟན་དབང་ཆེན་ལགས་སོགས་མཉམ་ཞུགས་གནང་སོང་། མཛད་སྒོའི་ཐོག་སྐུ་མགྲོན་གཙོ་བོ་འཕྲོད་བསྟེན་དྲུང་ཆེ་བྱམས་པ་ཕུན་ཚོགས་ལགས་ཀྱིས་དེང་སྐབས་བོད་ཀྱི་གསོ་བོ་རིག་པའི་གཞུང་ལ་འཛམ་གླིང་ཁྱོན་ནས་དོ་སྣང་ཆེན་པོ་གནང་བཞིན་པའི་དུས་སྐབས་ཤིག་ཡིན་པ་དང་བསྟུན། ཚང་མས་བོད་ཀྱི་ཐུན་མོང་མ་ཡིན་པའི་གསོ་བ་རིག་པ་སྦྱངས་པ་ཙམ་མ་ཡིན་པར་ལག་ལེན་ཐོག་འཁྱེར་ཐུབ་པ་ཞིག་བྱ་དགོས་པ་དང་། བོད་ཀྱི་གསོ་བོ་རིག་པའི་བརྒྱུད་ནས་མི་གང་མང་ལ་ཕན་ཐོགས་ཡོང་བའི་ནུས་པ་སྟོན་དགོས་པ་གསུངས་སོང་། མ་ཟད་དེང་སང་འཛམ་གླིང་ཁྱོན་ཡོངས་ལ་བཅོས་མའི་རིག་ནུས་སམ་ AI ཡི་ནུས་པ་ཇེ་ཆེར་འགྲོ་བཞིན་པའི་དུས་སུ་བོད་ཀྱི་གསོ་བ་རིག་པ་ངོས་ནས་ཀྱང་བཅོས་མའི་རིག་ནུས་བཟུང་འབྲེལ་ཐོག་ནད་པ་བཅོས་ཐབས་བྱེད་དགོས་པ་དང་དེའི་ཐོག་ནས་སྤྱིར་མ་འོངས་འགྲོ་ཕན་བོད་ཀྱི་སྨན་རྩིས་ཁང་དང་ལྷག་པར་དུ་ནད་པ་རྣམས་ལ་ཕན་ཐོགས་ཡོང་ངེས་ཡིན་པ་གསུངས་སོང་། དེ་བཞིན་མཛད་སྒོའི་ཐོག་དམིགས་བསལ་སྐུ་མགྲོན་གྱི་ཕྱག་ནས་སྨན་སློབ་སྐབས་ ༢༣ དང་རྩིས་སློབ་སྐབས་ ༡༣ གྱི་སློབ་ཐོན་སྨན་རྩིས་པ་རྣམས་ལ་ཕྱག་འཁྱེར་འབུལ་བཞེས་དང་། སྨན་རྩིས་དང་འབྲེལ་བའི་དཔེ་དེབ་ ༡༠ དབུ་འབྱེད་གནང་སོང་བ་མ་ཟད། སྨན་སློབ་སྐབས་ ༢༣ ཁྲོད་རྒྱུད་གསུམ་ཆ་ཚང་རྒྱུགས་འབུལ་ཞུ་མཁན་སྨན་པ་གྲངས་ ༡ དང་སྨན་སློབ་སྐབས་ ༢༥ ལོ་འཁོར་ཡིག་རྒྱུགས་རྩེར་སོན་རྣམ་པ། དེ་བཞིན་སྨན་སློབ་སྐབས་ ༢༦ མན་ཌི་གཙུག་ལག་སློབ་ཆེན་གྱི་ཡིག་རྒྱུགས་གྲུབ་འབྲས་རྩེར་སོན་རྣམ་པ་སོགས་ལ་ཕྱག་འཁྱེར་འབུལ་བཞེས་གནང་སོང་།...

ཨ་རིའི་གྲོས་ཚོགས་ཀྱི་རྒྱ་ནག་ལས་དོན་ཚོགས་ཆུང་གི་ཚོགས་གཙོ་ John Moolenaar ལགས་ནས་ཨ་མི་རི་ཀའི་རྒྱལ་ཚོགས་ཀྱི་སྐུ་ཚབ་སྐུ་ཞབས་ Michael Waltz ལགས་ཀྱི་ལྷན་དུ་མཉམ་འབྲེལ་རྒྱལ་ཚོགས་ནང་རྒྱ་ནག་གི་གནོད་འཚེ་ཅན་གྱི་ཤུགས་རྐྱེན་སྐོར་ལ་གྲོས་བསྡུར་དང་བགྲོ་གླེང་གི་ལས་རིམ་འཚོགས་གནང་འདུག་པ་དང་། དེའི་ཐོག་སྐུ་ཞབས་ Michael Waltz ལགས་ཀྱིས་རྒྱ་ནག་གིས་རྒྱལ་ཚོགས་ཀྱི་སྡིངས་ཆ་བེད་སྤྱོད་བཏང་སྟེ་རང་གི་ཐབས་བྱུས་ཀྱི་དམིགས་ཡུལ་སྒྲུབ་རྒྱུར་ངན་ཤུགས་སྤྲོད་བཞིན་པ་མངོན་གསལ་གནང་འདུག དེ་ཡང་ཉེ་ཆར་ཕྱི་ཚེས་ ༢༠ ཉིན་ཨ་རིའི་གྲོས་ཚོགས་ཀྱི་རྒྱ་ནག་ལས་དོན་ཚོགས་ཆུང་གི་དྲྭ་གནས་ཐོག་གནས་ཚུལ་སྤེལ་བར་གཞིགས་ན། ཉིན་དེར་ New York གྲོང་ཁྱེར་གྱི་ཨ་རིའི་མཉམ་འབྲེལ་རྒྱལ་ཚོགས་ཀྱི་དོན་གཅོད་ཁང་དུ་ཨ་རིའི་གྲོས་ཚོགས་ཀྱི་ཉན་ཞིབ་ལས་རིམ་ཁྲོད་བགྲོ་གླེང་གི་ལས་རིམ་དེ་འཚོགས་འདུག   དེའི་ཐོག་གྲོས་ཚོགས་འཐུས་མི་ John Moolenaar ལགས་ཀྱིས། བདུན་ཕྲག་འདིའི་འགོ་སྟོད་དུ་ཨ་རིའི་གྲོས་ཚོགས་ཀྱི་རྒྱ་ནག་ལས་དོན་ཚོགས་ཆུང་གིས་རྒྱ་ནག་གཞུང་གིས་རྒྱལ་ཚོགས་ནང་དུ་དཔལ་འབྱོར་མཐུན་འགྱུར་བརྒྱུད་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་ལས་བྱེད་པ་རྣམས་རྒྱལ་ཚོགས་ཀྱི་གནད་འགག་ཆེ་བའི་གནས་རིམ་ཐོག་བསྐོ་བཞག་བྱས་པ་སོགས་ཀྱི་ངན་བྱུས་འདྲ་མིན་བརྒྱུད་རྒྱལ་ཚོགས་ནང་དུ་རང་གི་ཤུགས་རྐྱེན་སྤེལ་བཞིན་པའི་སྐོར་སྙན་ཐོ་ཞིག་འདོན་སྤེལ་གནང་ཡོད་པ་ལུང་འདྲེན་དང་སྦྲགས། ཨ་མི་རི་ཀའི་ངོས་ནས་མཉམ་ལས་པ་དང་མཐུན་གྲོགས་རྒྱལ་ཁབ་ཚོ་དང་ལྷན་དུ་མཉམ་འབྲེལ་རྒྱལ་ཚོགས་ཀྱི་ལས་ཁུངས་ཀྱི་ཕྱི་གསལ་ནང་གསལ་གྱི་གནས་བབ་དང་དྲང་ཚུགས་ཀྱི་རང་བཞིན་རྒྱུན་འཁྱོངས་བྱ་རྒྱུ་དང་། རྒྱ་ནག་དང་བྱང་ཀོ་རི་ཡ། ཨི་རན། ཨུ་རུ་སུ་ལྟ་བུའི་རྒྱལ་ཁབ་བཅས་ཀྱིས་ཆབ་སྲིད་ཀྱི་དམིགས་ཡུལ་ཆེད་དུ་བེད་སྤྱོད་དུ་མི་འགྲོ་བའི་ཐབས་ལམ་ཇི་ལྟར་འཚོལ་བཞིན་ཡོད་མེད་སྐོར་ལ་བཀའ་འདྲི་ཞུས་པར། སྐུ་ཞབས་ Michael Waltz ལགས་ཀྱིས་རྒྱ་ནག་གིས་དཔལ་འབྱོར་མཐུན་འགྱུར་གྱི་གནོན་ཤུགས་བརྒྱུད་ནས་གོ་གནས་ཀྱི་ཐོག་ལ་བཙན་ཤུགས་ཆེན་པོ་བྱེད་བཞིན་པ་མངོན་རྒྱུ་ཡོད་པ་དང་། དེའང་རྒྱལ་སྤྱིའི་མཚོ་འགྲུལ་སྒྲིག་འཛུགས་དང་། འཛམ་གླིང་བརྡ་འཕྲིན་མཉམ་འབྲེལ་མཐུན་ཚོགས། ཟས་རིགས་དང་ཞིང་ལས་ཚོགས་པ། འཛམ་གླིང་ཤེས་རིག་བདག་དབང་ཚོགས་པ་བཅས་ཡིན་སྐོར་དང་འབྲེལ། ཨ་རིའི་ངོས་ནས་ཐབས་བྱུས་ལྡན་པའི་ཐོག་གནད་འགག་ཆེ་བའི་གོ་གནས་ཐོག་འོས་ཞིང་འཚམས་པའི་ཨ་རིའི་མི་སྣ་བསྐོ་འཛུགས་བྱེད་བཞིན་ཡོད་ཀྱང་། ང་ཚོའི་ཤུགས་མང་བ་རྒྱག་དགོས་ས་དེ་རྒྱ་ནག་གི་མི་སྣ་བསྐོ་འཛུགས་ཐོག་ཤུགས་རྒྱག་བཞིན་པའི་ལས་བྱེད་དམའ་རིམ་དང་མཐའ་ན་ཉམས་གསོག་ལས་བྱེད་སྡེ་ཚན་དེ་ཡིན་པ་གསུངས་འདུག དེ་བཞིན་དེ་རིང་གི་བགྲོ་གླེང་ལས་རིམ་ཁྲོད་སྐུ་ཞབས་ Waltz...

དེ་རིང་འགྲོ་ཕན་བོད་ཀྱི་སྨན་རྩིས་ཁང་༧རྒྱལ་བ་སྐུ་ཕྲེང་བཅུ་བཞི་པ་མཆོག་གིས་ཕྱི་ལོ་༡༩༦༡ ལོར་བཞུགས་སྒར་རྡ་སར་འགྲོ་ཕན་བོད་ཀྱི་སྨན་རྩིས་ཁང་གསར་འཛུགས་བསྐྱར་གསོ་མཛད་ནས་མི་ལོ་༦༥ འཁོར་བའི་དུས་ཆེན་སྲུང་བརྩི་ཞུས་སོང་། སྐབས་དེར་སྨན་སློབ་སྐབས་༢༣ པ་དང་རྩིས་སློབ་སྐབས་༡༣ པའི་སྨན་པ་དང་རྩིས་པ་ཁྱོན་༢༦ སློབ་ཐོན་གནང་སོང་ལ། དེའི་ནང་ནས་སྨན་པ་ཁྱོན་༡༨ དང་རྩིས་པ་༨ The post འགྲོ་ཕན་བོད་ཀྱི་སྨན་རྩིས་ཁང་དབུ་བརྙེས་ནས་མི་ལོ་༦༥ འཁོར་བའི་དུས་ཆེན་དང་སློབ་ཐོན་མཛད་སྒོ། appeared first on བོད་ཀྱི་བང་ཆེན།.

༼དྷ་རམ་ས་ལ།༽ཕྱི་ལོ་༢༠༢༦ཟླ་༣ཚེས་༢༣ཉིན།སྐབས་བཅུ་བདུན་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བཅུ་གཅིག་པའི་ལས་ཉིན་བདུན་པའི་ཐོགདབུས་འོས་བསྡུ་ལས་ཁང་གི་ལས་དོན་བྱེད་ཕྱོགས་དང་འབྲེལ།སྤྱི་འཐུས་མང་པོ་ཞིག་གིས་བལ་ཡུལ་ནང་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུའི་སྐབས་སྒྲིག་གཞི་ལག་བསྟར་ཚུལ་བཞིན་མ་བྱུང་བའི་གནད་དོན་ཐོག་དགོངས་ཚུལ་ལྷུག་པོ་གསུངས་སོང་། སྤྱི་འཐུས་ཁག་ཅིག་གིས་འོས་བསྡུའི་སྒྲིག་གཞི་དོན་ཚན་སོ་གསུམ་པའི་ནང་གསེས་དང་པོའི་ནང་།འོོས་བསྡུ་བྱ་ཡུལ་སོོ་སོོར་འོོས་བསྡུ་ཟིིན་མཚམས་སྡེེ་ཚན་དེེའིི་འགན་འཛིིན་དང་ལས་བྱ་རྣམས་མཉམ་འཛོོམས་ཐོོག་འོོས་སྒམ་དེེ་དག་གི་ཁུང་བུ་ནས་འོས་ཤོག་འཇུག་འདོན་མི་ཐུབ་པའི་དམ་སྦྱར་བྱེད་དགོས།ཞེས་བྲིས་ཡོད་ན་ཡང་།བལ་ཡུལ་ནང་ཁུག་མ་ཁྱེར་ནས་འོས་ཤོག་བསྡུ་ལེན་བྱས་པའི་གནས་ཚུལ་བྱུང་ཡོད་པ་དང་།ཡིག་གཟུགས་གཅིག་པ་ཡིན་པའི་འོས་ཤོག་གྲངས་༢༠ལྷག་ཙམ་མཉམ་དུ་ཐོན་ཡོད་པ་སོགས་ནི་སྒྲིག་གཞི་དང་མི་མཐུན་པའི་བྱེད་བབ་ཅིག་ཡིན་པར་སྐྱོན་བརྗོད་དང་སྦྲགས།ཕྱི་ལོ་༢༠༡༠ལོར་བལ་ཡུལ་དུ་འོས་སྒམ་འཕྲོག་ཡོད་པ་དང་།ད་ཆར་འོས་བསྡུའི་ལས་དོན་ལ་བཀའ་འཁྲོལ་ཞུས་ཡོད་མེད་ཐོག་ལན་འདེབས་དགོས་པའི་དགོངས་འཆར་ཕུལ་སོང་། དེ་བཞིན་རང་དབང་ལྡན་པའི་གཞུང་འབྲེལ་མ་ཡིན་པའི་ཚོགས་པ་དེ་འདྲས་བཙན་བྱོལ་བོད་མིའི་འོས་བསྡུ་ལ་བརྟག་དཔྱད་དང་ཞིབ་འཇུག་གིས་ཚད་དང་ལྡན་པ་ཡིན་པའི་སྙན་ཐོ་བཏོན་ཡོད་ན་ཡང་།ད་ལྟའི་ཆར་ལས་བྱེད་རེ་ཟུང་གིས་ཁུག་མ་ཁྱེར་ནས་འོས་ཤོག་བསྡུ་ལེན་བྱས་པ་སོགས་འོས་བསྡུ་དྲང་པོ་ཞིག་མ་བྱུང་ན།སྲིད་སྤྱི་གཉིས་ཀྱི་འོས་ཤོག་ལ་མི་མང་གི་ཡིད་ཆེས་དང་རྒྱལ་སྤྱིའི་ཐོག་ཆེ་མཐོང་ལ་གནོད་གཞི་ཆགས་ཀྱི་ཡོད་པ་མ་ཟད།༧གོང་ས་མཆོག་གིས་བོད་མིར་གསོལ་བསྩལ་གནང་བའི་མང་གཙོའི་ལམ་ལུགས་ལ་ནག་ཐིག་ཕབ་པ་ལྟ་བུ་ཆགས་འགྲོ་བས།འོས་བསྡུ་ལས་ཁང་ནས་སྟངས་འཛིན་ནན་པོ་གནང་དགོས་པའི་འབོད་སྐུལ་གནང་སོང་། ལྷག་པར་དུ་སྤྱི་འཐུས་གཅིག་གིས་སེམས་འཚབ་ཆེན་པོ།ས་གནས་སུ་འོས་བསྡུའི་ལས་ཀ་བྱེད་མཁན་ཚོས་འབྲེལ་ཡོད་ཁ་ཤས་ལ་ཡག་པོ་ཡོང་ཐབས་ཙམ་མ་ཡིན་པ།སྤྱི་སྙོམ་དྲང་བདེན་ཡོང་རྒྱུའི་ཐོག་འབད་བརྩོན་བྱེད་གལ་ཆེ་ཞེས་དང་།  དྷ་སའི་ཆབ་སྲིད་ཀྱི་དཀྱིལ་འཁོར་ནང་གི་རྩོད་རྙོག་དེ་དག་ད་ལྟའི་ཆར་ཆབ་སྲིད་པ་རེ་ཟུང་གིས་ཆོས་བརྒྱུད་ཁག་གི་ནང་དུ་ཁྱབ་སྤེལ་བྱེད་ཐབས་བྱེད་བཞིན་པ་དེས།མ་འོངས་པར་བཙན་བྱོལ་སྤྱི་ཚོགས་ནང་ཡིད་ཆེས་དང་རེ་བ་བྱེད་སའི་གཞི་རྩ་བརྟན་པོ་ཡོད་པའི་དགོན་སྡེ་ཁག་ཆོས་བརྒྱུད་སོ་སོ་ཡིན་ཡང་མགོ་ལས་རྨ་ཆེ་བ་དང་།བཙན་བྱོལ་སྤྱི་ཚོགས་ནང་རེ་བ་རྒྱག་ས་གང་ཡང་མེད་པ་ཞིག་ཏུ་འགྱུར་ཉེན་ཡོད་པས་དབུས་ས་གཉིས་ནས་སྟངས་འཛིན་ནན་པོ་གནང་དགོས་གལ་ཆེ་ཞེས་གསུངས་སོང་།  རྩ་བས་བལ་ཡུལ་ནང་ཆབ་སྲིད་ཀྱི་དཀའ་ངལ་སོགས་ལ་བརྟེན།གནས་སྡོད་བོད་མི་ཚོ་ལ་ཡང་དཀའ་ངལ་སྣ་ཚོགས་ཤིག་འཕྲད་བཞིན་ཡོད་པ་དང་།ལྷག་པར་དུ་འོས་བསྡུ་དང་འབྲེལ།ཕྱི་ལོ་༢༠༡༠ཟླ་༡༠ཚེས་༣རེས་གཟའ་ཉི་མའི་ཉིན།བལ་ཡུལ་དུ་གནས་སྡོད་བོད་མི་རྣམས་ཀྱིས་བཙན་བྱོལ་བོད་མིའི་བཀའ་སྤྱིའི་སྔོན་འགྲོའི་འོས་ཤོག་འཕེན་སྐབས་གློ་བུར་དུ་བལ་ཡུལ་གཞུང་གི་ཉེན་རྟོག་མི་སྣ་བསླེབས་སྟེ་འོས་སྒམ་བཙན་འཕྲོག་བྱས་ཡོད་པ་རེད།ད་ལྟའི་ཆར་ཕྱི་ལོ་༢༠༢༦ལོའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུ་དེ་ཚར་ཡང་།ཉེ་ཆར་དབུས་འོས་བསྡུ་འགན་འཛིན་སྤྱི་ཟུར་བློ་བཟང་ཡེ་ཤེས་ལགས་ཀྱིས་བལ་ཡུལ་དུ་སྔོན་འགྲོའི་འོས་བསྡུ་དེ་སྒྲིག་གཞི་ལྟར་གནང་ཐུབ་མེད་པ་དང་།ད་ལྟ་ཞིབ་འཇུག་བྱེད་མུས་ཡིན་པ་བརྗོད་ཡོད།། གསར་འགོད་པ།བློ་བཟང་རྒྱ་མཚོ། The post བལ་ཡུལ་དུ་སྲིད་སྤྱི་གཉིས་ཀྱི་འོས་བསྡུ་བྱེད་ཕྱོགས་སྐོར་སྤྱི་འཐུས་ཀྱི་སེམས་འཚབ། appeared first on བོད་ཀྱི་བང་ཆེན།.

བོད་ནང་གི་ཛ་དྲག་གི་གནས་སྟངས་ལ་གདུང་སེམས་མཉམ་སྐྱེད་ཀྱི་གྲོས་ཆོད་གྲོས་འཆར་ཡིག་ཆ་ཨང་ ༡༦ དང་། གཞུང་འབྲེལ་གྲོས་ཆོད་གྲོས་འཆར་ཡིག་ཆ་ཨང་ ༡༦ ཀ་པ་གཉིས་ཀྱི་ཐད་བགྲོ་གླེང་གནང་རྗེས་སྤྱི་མོས་གཏན་འབེབས་གནང་སོང་།   The post མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་དེར་ངོས་ལེན་མེད་པའི་གྲོས་ཆོད་སྤྱི་མོས་གཏན་འབེབས་གནང་། appeared first on བོད་ཀྱི་དུས་བབ།.

འཕྲོད་བསྟེན་དྲུང་ཆེ་བྱམས་པ་ཕུན་ཚོགས་ལགས་ཀྱིས་བཅོས་མའི་རིག་ནུས་དང་གསོ་བ་རིག་པ་མཉམ་འབྲེལ་གྱིས་སྤྱི་ཚོགས་ལ་ནུས་པ་སྤྲོད་རྒྱུ་དང་འཛམ་གླིང་ཁྱོན་ཡོངས་ལ་གོ་རྟོགས་སྤེལ་རྒྱུ་གལ་ཆེན་པོ་ཡིན་སྐོར་གསུངས་སོང་། The post འགྲོ་ཕན་བོད་ཀྱི་སྨན་རྩིས་ཁང་གསར་འཛུགས་སླར་གསོ་བསྐྱངས་ནས་ལོ་ངོ་ ༦༥ འཁོར་བའི་དུས་ཆེན་སྲུང་གཙི་ཞུས། appeared first on བོད་ཀྱི་དུས་བབ།.

བོད་རྨ་ལྷོ་སོག་རྫོང་གཙང་དགོན་པའི་དགེ་འདུན་པ་མཛེས་དགའ་རྒྱ་མཚོ་ལགས་ཀློད་འདུག་ཀྱང་མིག་གཉིས་སྐྱོ་བོ་ཆགས་པ་སོགས་འཕྲོད་བསྟེན་ཐོག་དཀའ་ངལ་འཕྲད་བཞིན་འདུག འདས་ལོའི་ཕྱི་ཟླ་ ༧ ཚེས་ ༢ ཡས་མས་ཙམ་ལ་བོད་རྨ་ལྷོ་སོག་རྫོང་གཙང་དགོན་པའི་དགེ་འདུན་པ་མཛེས་དགའ་རྒྱ་མཚོ་ལགས། རྒྱ་ནག་ཉེན་རྟོག་པས་ཟི་ལིང་གྲོང་ཁྱེར་ནས་བཙན་འཁྲིད་བྱས་ཏེ། འདི་ལོའི་ཕྱི་ཟླ་༡ ཆེས་ ༢ ཉིན་ཏེ་ཟླ་བ་དྲུག་རིང་བཀག་ཉར་འདྲི་བརྩད་བྱས་རྗེས་ཀློད་གྲོལ་བཏང་ཡོད་ཀྱང་། མིག་མི་བདེ་བ་དང་པུས་མོ་ན་བ་སོགས་འཕྲོད་བསྟེན་གྱི་དཀའ་ངལ་འཕྲད་བཞིན་ཡོད་པའི་ཁར། རྒྱ་ནག་གཞུང་གིས་ལྟ་རྟོག་ནན་པོ་བྱེད་བཞིན་ཡོད་པའི་རྐྱེན་གྱིས། ད་བར་གནས་ཚུལ་གང་ཡང་ཕྱིར་བསྒྲགས་མ་ཐུབ་པར་ལུས་ཡོད་འདུག འབྲེལ་ཡོད་ཀྱིས་འདི་གའི་གསར་འགོད་པར། གྲྭ་མཛེས་དགའ་རྒྱ་མཚོ་ལགས་ཀྱི་ལུས་པོའི་ཚིགས་ན་བ་དང་། དེ་སྔོན་མིག་ལ་དཀའ་ངལ་གང་ཡང་མེད་ནའང་། བཀག་ཉར་སྐབས་གློག་འོད་ཆེན་པོའི་འོག་ཡུན་རིང་བཙན་བཀག་བྱས་རྐྱེན་མིག་གཉིས་སྐྱོ་བོ་ཆགས་འདུག ཡིན་ནའང་། དམ་དྲག་གི་དབང་གིས་ཞིབ་ཕྲའི་གནས་ཚུལ་རག་ཐབས་མེད་སྐོར་བརྗོད་བྱུང་།  ཡང་འབྲེལ་ཡོད་དེས། རྒྱ་ནག་གཞུང་གིས་ཁོང་ཀློད་གྲོལ་བཏང་རྗེས། རྒྱ་ནག་གཞུང་གིས་ཕྱོགས་ཡོངས་ནས་ཁོང་གི་འགྲོ་འདུག་སྤྱོད་གསུམ་ལ་དམ་དྲག་དང་སོ་ཉུལ་བྱེད་ཀྱི་ཡོད་པ་དང་། ནང་ལ་འབྱོར་ནས་ཉིན་གསུམ་གྱི་རྗེས་སླར་ཡང་ཟི་ལིང་དུ་འབོད་འགུག་བྱས་ཏེ། རྗེས་མར་རྒྱ་ནག་གཞུང་གི་འདོད་བློ་དང་མི་མཐུན་པའི་ལས་ཀ་རིགས་བྱ་རྒྱུ་མིན་པའི་ཡིག་ཆ་ཞིག་ཀྱང་འཇོག་ཏུ་བཅུག་ཡོད་འདུག འདི་ལོའི་ལོ་སར་རྗེས་དགོན་པར་ལོག་ཡོད་ཀྱང་གནས་སྟངས་ག་འདྲ་ཡིན་གསལ་ཁ་གང་ཡང་མེད་སྐོར་བརྗོད་བྱུང་། འདས་ལོའི་ཕྱི་ཟླ་ ༧ པའི་ཚེས་མགོར་ཁོང་གི་གཟུགས་གཞི་བདེ་མིན་གྱི་རྐྱེན་གྱིས་གྲོང་ཁྱེར་ཟི་ལིང་དུ་སྨན་པར་བསྟེན་གཏུག་བྱེད་དུ་ཕྱིན་སྐབས།  རྒྱ་གཞུང་ཉེན་རྟོག་པས་ཟི་ལིང་ནས་འཛིན་བཟུང་བཙན་ཁྲིད་བྱས་ཡོད་པ་མ་ཟད། ཕྱི་ལོ་ ༢༠༠༨ ལོར་ཁོང་གི་མ་སྤུན་བུ་མཁས་གྲུབ་རྒྱ་མཚོ་ལགས་འཛིན་བཟུང་བྱས་པ་ནས་བཟུང་གྲྭ་མཛེས་དགའ་རྒྱ་མཚོ་ལགས་གཙོ་བོར་གྱུར་བའི་གཉེན་ཉེ་དང་འབྲེལ་ཡོད་མང་པོ་ཞིག་ལ་རྒྱ་གཞུང་གིས་ལྟ་རྟོག་དང་དོགས་ཟོན་བྱ་སའི་ཁོངས་སུ་བཅུག་སྟེ་ཕྱི་ཕྱོགས་སུ་འབྲེལ་ལམ་ཡོད་སྐོར་བརྗོད་ནས་འདྲི་བརྩད་དང་ཉེན་བརྡ་གཏོང་བ། དུས་ཚོད་ངེས་མེད་ལ་ཉེན་རྟོག་ཁང་དུ་སྐད་གཏོང་བ་སོགས་སུན་གཙེར་ཐེངས་མང་པོ་བཟོས་ཡོད་འདུག དགེ་འདུན་པ་མཛེས་དགའ་རྒྱ་མཚོ་ནི། ད་ལྟ་དགུང་ལོ་ ༤༨ ཡིན་ཞིང་། ཕ་བསོད་དབང་དང་མ་བཀྲ་ཤིས་གཉིས་ལ་བུ་གསུམ་དང་བུ་མོ་གསུམ་བཅས་ཁྱོན་བུ་རྒྱུད་དྲུག་ཡོད་ལས་ཆེ་ཤོས་དེ་ཡིན་འདུག...

དེ་རིང་གྲོས་ཚོགས་ཀྱི་ལས་ཉིན་ ༦ པ་འདི་བཞིན་བོད་ཀྱི་རྒྱལ་དར་དང་རྒྱལ་རྟགས་རྒྱལ་གླུ་བེད་སྤྱོད་བྱེད་ཕྱོགས་ཀྱི་བརྗོད་པ་དང་པོའི་ཁྲིམས་བཟོའི་ལས་དོན་ཐོག་ཕེབས་པའི་ཁྲོད། སྤྱི་འཐུས་མང་དག་ཅིག་ནས་ཆ་ཤས་བླངས་ཏེ་བོད་ཀྱི་རྒྱལ་དར་དང་རྒྱལ་རྟགས། རྒྱལ་གླུའི་གདངས་རོལ་དང་བཅས་པ་ཁྲིམས་ཐོག་ནས་གཅིག་གྱུར་གཏན་འབེབས་ཀྱིས་ཚད་ལྡན་བཟོ་རྒྱུ་ཐད་དགོངས་ཚུལ་དང་བཀའ་འདྲི་ཁག་ཅིག་ཞུས་སོང་། དེ་ཡང་ཕྱི་ལོ་ ༢༠༢༥ ལོར་བོད་མི་མང་སྤྱི་འཐུས་ལྷན་ཚོགས་ཀྱིས་ཆེད་འཛུགས་གནང་བའི་བོད་ཀྱི་རྒྱལ་དར་དང་རྒྱལ་རྟགས། རྒྱལ་གླུ་ཚོགས་ཆུང་གིས་དེ་རིང་བོད་རྒྱལ་ཁབ་ཆེན་པོའི་རྒྱལ་དར་དང་རྒྱལ་རྟགས་ཀྱི་བཟོ་དབྱིབས་དང་མཚོན་མདོག བོད་ཀྱི་རྒྱལ་གླུའི་གདངས་དབྱངས་རིང་ཐུང་བཅས་ཚད་མཐུན་གཅིག་འགྱུར་ཡོང་ཆེད་ཞིབ་འཇུག་གནང་བའི་གྲུབ་དོན་སྙན་ཐོ་གྲོས་ཚོགས་སུ་སྙན་སྒྲོན་དང་སྦྲགས། བརྗོད་པ་དང་པོའི་ཁྲིམས་བཟོའི་ལས་དོན་ཐོག་ཕེབས་ཡོད་པ་དང་། སྐབས་དེར་སྤྱི་འཐུས་མང་དག་ཅིག་ནས་བོད་ཀྱི་རྒྱལ་དར་དང་རྒྱལ་རྟགས། རྒྱལ་གླུ་བེད་སྤྱོད་བྱེད་ཕྱོགས་ཀྱི་སྒྲིག་གཞི་ལེའུ་གཉིས་པའི་ནང་གསེས་དོན་ཚན་བཞི་པ། རྒྱལ་དར་གྱི་བྱུང་རིམ་ལས་འཕྲོས་ཏེ་བོད་ཀྱི་རྒྱལ་དར་དེ་དམག་དར་ནས་ཕྱིས་སུ་བསྒྱུར་བ་ཞིག་ཡིན་པའི་གསུངས་ཚུལ་ལ་མི་འདོད་པ་དང་སྦྲགས་ནས་གླེང་མོལ་གང་ཙམ་བྱུང་སོང་། སྐབས་དེར་ཚོགས་ཆུང་གི་ཚོགས་གཙོ་དགེ་བཤེས་ལྷ་རམས་པ་ཨ་ཀྲུག་ཚེ་བརྟན་ལགས་ཀྱིས། བོད་ཀྱི་རྒྱལ་དར་ནི་དུས་རབས་བདུན་པའི་ནང་བོད་ཀྱི་རྒྱལ་པོ་སྲོང་བཙན་སྒམ་པོའི་སྐུ་དུས་སུ་བྱུང་བའི་མི་ལོ་སྟོང་ཕྲག་བརྒལ་བའི་ལོ་རྒྱུས་ཡོད་པའི་འཛམ་གླིང་གི་རྒྱལ་དར་རྙིང་གྲས་ཤིག་ཡིན་ལ། འཛམ་གླིང་གི་རྒྱལ་དར་སོ་སོའི་བྱུང་རིམ་དང་ཕྱོགས་མཚུངས། དམག་དར་ནས་ཕྱིས་སུ་རྒྱལ་དར་དུ་བསྒྱུར་བ་ཞིག་དང་དེ་ཡང་གངས་ལྗོངས་ཆོས་སྲིད་གཉིས་ཀྱི་དབུ་ཁྲིད་༸རྒྱལ་དབང་སྐུ་ཕྲེང་ ༡༣ པ་ཆེན་པོས་དམག་དར་གྱི་བཀོད་རིས་སྔར་ཡོད་ལ་གཞི་བཅོལ་ཏེ་དུས་བསྟུན་གཅིག་གྱུར་མཛད་ནས་ད་ཡོད་ཀྱི་རྒྱལ་དར་འདི་བྱུང་བ་ཡིན་ཞེས་གསུངས་ཡོད། དེ་བཞིན་སྤྱི་འཐུས་རྣམ་པས་རྒྱལ་དར་གྱི་ཚད་གཞི་དང་འབྲེལ་ནས་དེའི་བཟོ་དབྱིབས་དང་མཐོ་ཚད་རིང་ཚད། དེའི་ནང་གི་རི་མོའི་བཀོད་པ་བཅས་ཀྱི་སྐོར་ལ་དོགས་འདྲི་དང་སྦྲགས་རྒྱལ་དར་གྱི་ཚད་གཞི་དེ་ Ratio འམ་བསྡུར་ཚད་ལ་གཟིགས་དགོས་པའི་དགོངས་ཚུལ་བཏོན་སོང་། དེའི་ཁྲོད་སྤྱི་འཐུས་རྣམ་པས་བོད་ཀྱི་རྒྱལ་དར་བེད་སྤྱོད་བྱེད་ཕྱོགས་དང་འབྲེལ་བའི་དོན་ཚན་ཁག་ཅིག་ནང་སོགས་སྒྲ་གང་ཙམ་བཀོད་ཡོད་པའི་ཐད་ཐུགས་འཚབ་ཀྱིས་དེས་མ་འོངས་ལག་བསྟར་གནང་མཁན་རྣམས་ལ་དཀའ་ངལ་འཕྲད་རྒྱུ་ཡིན་སྟབས་ངེས་པར་ས་མཚམས་སྤྱོད་མཚམས་ཤིག་དགོས་གལ་གཟིགས་ཀྱི་ཡོད་པ་དང་། ལྷག་པར་དེ་འབྲེལ་གྱི་དོན་ཚན་གཅིག་ནང་བོད་མི་སུ་འདྲ་ཞིག་གིས་ཀྱང་མི་མང་གི་མདུན་སར་བོད་ཀྱི་རྒྱལ་དར་རམ་ཡང་ན་དེའི་ཆ་ཤས་མེ་ལ་བསྲེག་པའམ། བཙོག་པ་བཟོ་བ། རྡོག་རྫིས་གཏོང་བ་སོགས་ཀྱི་གནས་སྟངས་འབྱུང་ཚེ་དོ་བདག་དེར་ཉེས་ཆད་དུ་ལོ་ལྔའི་རིང་གདམ་བྱ་འདེམས་བྱེད་ཀྱི་ཐོབ་ཐང་འཕྲོག་དགོས་ཞེས་འཁོད་ཡོད་པ་དེའི་གོ་བ་ལེན་ཕྱོགས་སྐོར་བཀའ་འདྲི་ཕེབས་ཡོད། དེ་རིང་གི་གྲོས་ཚོགས་ཐོག་གཞན་ཡང་བོད་ཀྱི་རྒྱལ་དར་ཕྱེད་ཕབ་ཀྱིས་མྱ་ངན་གུས་འདུད་ཞུ་ཕྱོགས་དང་སྐུ་ཕུང་ལ་རྒྱལ་དར་འགེབས་ཆོག་གཉིས་ཀྱི་སྐོར་གླེང་སློང་ཤུགས་ཆེ་གནང་བ་མ་ཟད། བོད་ཀྱི་རྒྱལ་རྟགས་ཀྱི་སྤྱི་བཤད་དང་འབྲེལ་ནས་དེའི་བྱུང་རིམ་ནང་རྒྱལ་རྟགས་ངོས་སུ་ཡོད་པའི་བདེན་པ་ཉིད་རྣམ་པར་རྒྱལ་གྱུར་ཅིག་ཅེས་པའི་ཚིག་འདི་མ་བཅུག་པའི་རྒྱུ་མཚན་གསལ་བཤད་དགོས་པའི་དགོངས་ཚུལ་ཕུལ་མཁན་ཡང་བྱུང་སོང་། མ་ཟད་བོད་ཀྱི་རྒྱལ་རྟགས་བེད་སྤྱོད་བྱ་ཚུལ་ཐད་བགྲོ་གླེང་ཁྲོད་སྤྱི་འཐུས་ཁག་གཅིག་གིས་བོད་ཀྱི་རྒྱལ་དར་དེ་བཞིན་འགྲོ་ལམ་དང༌གྱོན་ཆས་སོགས་ལ་འབྲི་འགོད་ཆོག་པའི་གུ་ཡངས་སྤྲོད་ཡོད་པ་དེ་ལྟར་ཡང་བོད་ཀྱི་རྒྱལ་རྟགས་དེ་འགྲོ་ལམ་དང༌། གྱོན་ཆས། ས་གདན་སོགས་མཐོང་ཆུང་འགྲོ་གཞིའི་རིགས་ལ་དཔར་བ་དང་འབྲི་འགོད་རིགས་མི་ཆོག་ཅེས་ནན་པོ་བཀོད་ཡོད་པས་དེ་ལྟར་ཐག་གཅོད་གནང་དགོས་པའི་རྒྱུ་མཚན་ཇི་ཡིན་ཐོག་བཀའ་འདྲི་གནང་སོང་བར་ཚོགས་གཙོ་མཆོག་གིས། རྒྱལ་དར་དེ་གཞུང་དམངས་གཉིས་ཀའི་བེད་སྤྱོད་ཆོག་ཀྱང་རྒྱལ་རྟགས་དེ་བཞིན་དབུས་དང་ས་གནས་ཁག་གི་ལས་ཤོག་དང༌། མཚན་བྱང་། ལས་ཐམ་བཅས་ལ་མ་གཏོགས་དེ་མིན་གཞུང་འབྲེལ་མིན་པའི་ཚོགས་སྡེ་གཞན་སུས་ཀྱང་བོད་ཀྱི་རྒྱལ་རྟགས་བེད་སྤྱོད་གཏོང་ཆོག་གི་མེད་པ་གསུངས་སོང་། ཡང་སྤྱི་འཐུས་ཁག་གཅིག་གིས་བོད་ཀྱི་རྒྱལ་གླུའི་བྱུང་རིམ་དང་འབྲེལ་བགྲོ་གླེང་གནང་བའི་ཁྲོད། བཙན་བྱོལ་དུ་འབྱོར་རྗེས་ཡོངས་འཛིན་ཁྲི་བྱང་རིན་པོ་ཆེ་མཆོག་གིས་རྒྱལ་གླུའི་ཚིག་སྦྱོར་ལ་བསྐྱར་བཅོས་ཀྱིས་ད་ལྟ་གཏོང་བཞིན་པའི་རྒྱལ་གླུ་སྲིད་ཞིའི་ཕན་བདེ་མ་འདི་གཏོང་བཞིན་ཡོད་པས། དེ་འབྲེལ་ཡོངས་འཛིན་ཁྲི་བྱང་རིན་པོ་ཆེ་མཆོག་གིས་རང་འགྲེལ་ཡོད་མིན་དང་།...

ཕྱི་ལོ་ ༢༠༢༦ ལོའི་ཕྱི་ཟླ་ ༣ ཚེས ༡༠ ནས་བཟུང་མགོ་ལོག་གི་ཁྲ་གླིང་དགོན། ལུང་སྔོན་དགོན་སོགས་ལ་ཆོས་ལུགས་ཁྱབ་ཁུངས་ཀྱི་ཡིག་ཆ་དང་པོ་ཟེར་བའི་བྱེད་སྒོ་ཆེན་པོ་ཞིག་འཚོགས་ཡོད་འདུག ཆོས་ལུགས་ཁྱབ་ཁུངས་ཀྱི་ཡིག་ཆ་དང་པོ་ཟེར་བའི་དྲིལ་བསྒྲགས་ནང་དུ་གཅིག་བཤད་གཉིས་བརྟན་གསུམ་སྐུལ་གྱི་བྱེད་སྒོ་ཟེར་བ་ཕྱི་ལོ་ ༢༠༢༦ ཟླ་ ༣ ཚེས་ ༡༢ ཉིན་རྒྱ་ནག་མི་དམངས་འཐུས་མི་ཚོགས་ཆེན་སྐབས་ ༡༤ པའི་ཚོགས་འདུ་ཐེངས་ ༤ པའི་ཐོག་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་གྱི་ཁྲིམས་ཡིག་གཏན་འབེབས་བྱས་རྗེས་དམིགས་བསལ་དྲིལ་བསྒྲགས་ཤིག་ཆགས་ཡོད་འདུག འབྲེལ་ཡོད་བརྒྱུད་ནས་ཤེས་གསལ་ལྟར་ན་གཙོ་བོ་སྤྱི་ཚོགས་རིང་ལུགས་ཀྱི་སྤྱི་ཚོགས་དང་། ཆོས་ལུགས་བར་གྱི་མཐུན་སྒྲིལ། ཀྲུང་གོ་ལུགས་ཅན་གྱི་བོད་བརྒྱུད་ནང་བསྟན་རྒྱུད་འཛིན། སྔོན་ཐོན་དཔེ་ལེགས་ཅན་གྱི་མི་སྣ་ལ་སློབ་སྦྱོང་བྱེད་དགོས་ཚུལ་གྱི་སློབ་གསོ་། ཏང་གི་འགོ་ཁྲིད་ལ་བརྩི་བཀུར་དང་། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ལ་དགའ་ཞེན། རྒྱ་ནག་ཆབ་སྲིད་ཀྱི་ངོས་འཛིན་དང་། བསམ་བློའི་ངོས་འཛིན། རྣམ་གཞག་གི་ངོས་འཛིན། སེམས་ཚོར་གྱི་ངོས་འཛིན་བཅས་རྒྱུན་ཆད་མེད་པར་ཆེ་རུ་གཏོང་བ་དང་། ཆོས་ལུགས་མི་སྣའི་སེམས་ཁམས་རྒྱ་ཁབ་ལ་ཕྱོགས་པ། ཏང་ལ་དགའ་བ་དང་། རྒྱལ་ཁབ་ལ་དགའ་བ། སྤྱི་ཚོགས་རིང་ལུགས་ལ་དགའ་བའི་བསམ་བློ་གཏིང་ཟབ་ཏུ་གཏོང་བ། “ཏང་གི་སྐད་ཆར་ཉན་པ། ཏང་གི་རྗེས་སུ་འབྲང་བ། ཏང་གི་བཀའ་དྲིན་དྲན་པ་”བཅས་ཀྱི་གདེང་ཚོད་དང་སེམས་ཐག་ཇེ་བརྟན་དུ་གཏོང་དགོས་པ་བཅས་ཡིན་འདུག The post མགོ་ལོག་དར་ལག་རྫོང་གི་དགོན་པ་ཁ་ཤས་ནང་དུ་ཆོས་ལུགས་ཁྱབ་ཁུངས་ཀྱི་ཡིག་ཆ་དང་པོའི་དགོངས་དོན་ཟེར་བའི་བྱེད་སྒོ་སྤེལ་བ།...

བོད་མི་མང་སྤྱི་འཐུས་ལྷན་ཚོགས་ཀྱི་ཆེད་འཛུགས་གནང་བའི་བོད་རྒྱལ་ཁབ་ཆེན་པོའི་རྒྱལ་དར་དང་། རྒྱལ་རྟགས། རྒྱལ་གླུ་ཚོགས་ཆུང་གི་གྲུབ་དོན་སྙན་ཐོའི་ཐོག་གྲོས་ཚོགས་ནང་བརྗོད་པ་དང་པོའི་ཐོག་ནས་བགྲོ་གྲེང་གནང་སོང་། The post བོད་ཀྱི་རྒྱལ་དར་དང་རྒྱལ་རྟགས་རྒྱལ་གླུ་བཅས་ཀྱི་ཚན་མཐུན་གཅིག་འགྱུར་གྱི་སྙན་ཐོར་བགྲོ་གླེང་གནང་སོང་། appeared first on བོད་ཀྱི་དུས་བབ།.

རྒྱ་ནག་གཞུང་གིས་གྲངས་ཉུང་མི་རིགས་ཀྱི་ངོ་བོ་ཉམས་རྒུད་བཟོ་ཐབས་སུ་འབྲེལ་ཡོད་ཁྲིམས་ཡིག་ཁག་ལ་བཟོ་བཅོས་བྱེད་བཞིན་ཡོད་པ་དང་། དེའི་ནང་དུ་བོད་མིའི་སྐད་ཡིག་དང་རིག་གཞུང་ཡང་ཚུད་འདུག རྩོམ་མཁན། ཅིན་ལེ་ཡཱང་། སྒྱུར་མཁན། ན་བུན། རྩོམ་ཁུངས། བོད་ཀྱི་དུས་བབ། The post པེ་ཅིན་གཞུང་གིས་བོད་མི་དང་གྲངས་ཉུང་མི་རིགས་གཞན་དག་རྒྱ་སྒྱུར་བྱ་བ་ཁྲིམས་མཐུན་བཟོ་བཞིན་འདུག appeared first on བོད་ཀྱི་དུས་བབ།.

ཨ་རིའི་ཆབ་སྲིད་ལས་འགུལ་བ་ལུ་མར་ལགས་ཀྱིས་༸གོང་ས་རྒྱལ་བ་རིན་པོ་ཆེ་མཆོག་ནས་མུ་མཐུད་དུ་རང་དབང་ལ་འཇིགས་སྐུལ་བྱེད་པར་གདོང་ལེན་གྱིས་ལངས་ཕྱོགས་བརྟན་པོ་བཟུང་བར་ཆེ་བསྟོད་གནང་། The post ཨ་རིའི་ཆབ་སྲིད་ལས་འགུལ་བ་ལུ་མར་ལགས་ཀྱིས་༸གོང་ས་མཆོག་ལ་མཇལ་བཅར་ཞུས། appeared first on བོད་ཀྱི་དུས་བབ།.

ཕྱི་ཟླ་༣ ཚེས་༡༨ ཉིན། དྲ་ལམ་ཁག་ཏུ་གནས་ཚུལ་སྤེལ་གསལ་ལྟར་ན། ཉེ་ཆར་བོད་རང་སྐྱོང་ལྗོངས་ཟེར་བའི་ཁྱབ་ཁོངས་ས་གནས་ཤིག་ཏུ་བོད་ཀྱི་སོ་ནམ་འདེབས་ལས་འགོ་འཛུགས་བྱེད་པའི་སྐབས། ས་གནས་དཔོན་པོ་འགའ་ཤས་ཀྱིས། དྲིལ་བསྒྲགས་དང་རྒྱ་ནག་གི་སྲིད་འཛིན་ཞི་ཅིན་ཕིང་ལ་སྤྲེལ་ལད་འཁྲབ་ཐབས་སུ། ཞི་ཅིན་ཕིང་གི་འདྲ་པར་ཆེན་པོ་ཞིག་གིས་སྣེ་ཁྲིད་པའི་རྗེས་སུ་ལྭ་བ་དཀར་པོ་གྱོན་ཞིང་ལག་ཏུ་ཁ་བཏགས་དཀར་པོ་འཛིན་མཁན་བོད་མི་མང་པོ་ཞིག་གིས་བྲོ་འཁྲབ་པ་དང་བང་བསྒྲིགས་ནས་འགྲོ་བཞིན་པའི་བརྙན་དང་པར་དྲ་ཐོག་ཏུ་སྤེལ་ཡོད་འདུགབོད་ཀྱི་གོམས་སྲོལ་དུ་གོས་དཀར་པོ་གྱོན་པ་ནི་བཀྲ་ཤིས་པའི་རྟགས་ཤིག་ཡིན་ན་ཡང་། རྒྱ་ནག་གི་ལུགས་སྲོལ་ལྟར་ན། The post སོ་ནམ་འདེབས་ལས་ཀྱི་དྲིལ་བསྒྲགས་དེ་ཞི་ཅིན་ཕིང་ལ་འཕྱ་སྨོད་ཀྱི་གླེང་གཞིར་གྱུར་པ། appeared first on བོད་ཀྱི་བང་ཆེན།.

ཟླ་བ་འདིའི་ཕྱི་ཚེས ༡༥ ཉིན་བོད་མངའ་རིའི་སྒར་རྫོང་དུ། རྒྱ་ནག་ས་གནས་སྲིད་གཞུང་གིས་དཔྱིད་དུས་དམག་གསར་བསྡུ་བའི་ལས་གཞི་འགོ་བཙུགས་ཡོད་ཅིང་། དེར་ས་གནས་བོད་རིགས་གཞོན་སྐྱེས་མང་པོ་ཞིག་འཛུལ་ཞུགས་དང་འབྲེལ། སྒར་གྲོང་ཚོའི་ནང་དུ་དམག་མི་གསར་ཞུགས་ཀྱི་མཛད་སྒོ་འཚོགས་འདུག དེ་ཡང་འདི་ག་གསར་ཁང་ལ་གནས་ཚུལ་འབྱོར་བ་ལྟར་ན། ལོ་ཤས་སྔོན་ནས་བོད་ནང་གི་ས་གནས་ས་ཁུལ་གྱི་ན་གཞོན་ཚོ་དམག་ནང་དུ་ཞུགས་དགོས་པའི་བརྡ་ཐོ་ཐེངས་མང་པོ་ཁྱིམ་ཚང་རེ་རེ་ལ་འབྱོར་ཡོད་པ་དང་། ལོ་རེར་དམག་ནང་དུ་འཛུལ་ཞུགས་བྱེད་མཁན་གྲོང་ཚོ་རེ་ནས་བོད་རིགས་གཞོན་སྐྱེས་ ༢༠ ཡས་མས་ཡོད་པ་མ་ཟད། ཁོ་ཚོ་མང་ཆེ་བ་དང་པོ་རྒྱ་ནག་ནང་གི་ས་ཁུལ་མི་འདྲ་བར་སྦྱོང་བརྡར་བྱེད་དུ་འགྲོ་དགོས་ཡོད་པ་རེད། གནད་དོན་དེ་འབྲེལ་ས་གནས་ནང་མི་ཞིག་གིས། ཁོ་ཚོ་ཕ་མ་དང་ཁ་བྲལ། རང་གི་རིག་གཞུང་དང་ཁ་བྲལ། བོད་པའི་དགོན་སྡེ་དང་ཡུལ་སྲོལ་དང་བར་ཐག་རིང་དུ་འགྲོ་བཞིན་འདུག་པས་མ་འོངས་པར་བོད་ཀྱི་ན་གཞོན་འདི་ཚོའི་ཤེས་ཡོན་དང་། ཀུན་སྤྱོད། བོད་རང་གི་འདུ་ཤེས་སོགས་ལ་སེམས་ཁྲལ་ཆེན་པོ་ཡོད་པ་འགྲེལ་བརྗོད་གནང་སོང་། སྤྱིར་དམག་མིར་གསར་ཞུགས་ཀྱི་ལས་འཆར་འདི་ཆུ་ཤུར་རྫོང་། སྟོད་ལུང་བདེ་ཆེན་རྫོང་། ཡུན་ནན་བོད་རིགས་ས་ཁུལ། རྔ་བ་ཁུལ་སོགས་བོད་རིགས་ས་ཁུལ་མང་པོར་སྤེལ་ཡོད་པ་དང་།  དམག་དོན་སྟོབས་ཆེར་གཏོང་བའི་བསམ་བློའི་སློབ་གསོ་འདི་གཙོ་བོ་རུ་ཐོག་རྫོང་གི་ཁུངས་གཏོགས་ཡིན་པ་དང་། དེ་ནི་གཙོ་བོར་སློབ་ཆེན་སློབ་མ་དམིགས་ཡོད་པ་མ་ཟད། ལོ་ཚད་ལོན་པའི་བོད་པ་སུ་ཡིན་རུང་འཛུལ་ཞུགས་བྱ་ཆོག་གི་ཡོད་པ་རེད་འདུག གལ་ཏེ་སློབ་ཆེན་སློབ་མ་དམག་མིར་ཞུགས་ན་སློབ་ཡོན་ལ་རོགས་རམ་དང་། ཁྱིམ་ཚང་གི་དཀའ་ཁག་རྒྱལ་ཁབ་ཀྱིས་སེལ་ཐུབ་པ་ཁས་ལེན་བྱས་འདུག The post བོད་མངའ་རིའི་སྒར་རྫོང་དུ་ ༢༠༢༦ ལོའི་དཔྱིད་དུས་དམག་གསར་བསྡུ་ཐོའི་ནང་བོད་པའི་ན་གཞོན་མང་པོ་བསྡུས་འདུག appeared first on vot.

ཨོ་གླིང་དང་ནིའུ་ཛེ་ལན་ཌི་རྒྱལ་ཁབ་ཀྱི་ཕྱི་འབྲེལ་དང་བདེ་སྲུང་བློན་ཆེན་ཐུན་མོང་གིས་བོད་ནང་ཆོས་དང་རིག་གཞུང་། སྐད་ཡིག་སོགས་ཉམས་རྒུད་དུ་འགྲོ་བཞིན་པར་བློ་འཚབ་ཡོད་པའི་བསྒྲགས་གཏམ་སྤེལ། The post བོད་ནང་གི་ཆོས་དང་རིག་གཞུང་སོགས་ཉམས་རྒུད་དུ་འགྲོ་བཞིན་པར་བློ་འཚབ་བསྟན། appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༠༣ ཚེས་ ༡༧ ཉིན་ཨོསྟྲེ་ལི་ཡ་དང་ནིའུ་ཛི་ལེནྜ་གྱི་ཕྱི་སྲིད་དང་བདེ་སྲུང་བློན་ཆེན་ཐུན་མོང་ནས་བོད་ནང་གི་འགྲོ་བ་མིའི་ཐོབ་ཐང་ཐོག་སེམས་འཚབ་བསྟན་པའི་ཟུང་འབྲེལ་བསྒྲགས་གཏམ་ཞིག་སྤེལ་ཡོད། ཟུང་འབྲེལ་བསྒྲགས་གཏམ་དེ་ཡང་ཨོསྟྲེ་ལི་ཡ་དང་ནིའུ་ཛི་ལེནྜ་གྱི་ཕྱི་སྲིད་དང་བདེ་སྲུང་ལས་ཁུངས་ཀྱི་ཚོགས་འདུ་ (ANZMIN 2+2) ཚོགས་པའི་རྗེས་སུ་གོང་གསལ་རྒྱལ་ཁབ་གཉིས་ཀྱིས་བོད་ནང་དུ་ཆོས་ལུགས་དང་། རིག་གཞུང་། ཤེས་ཡོན། སྐད་ཡིག་བཅས་ཀྱི་རང་དབང་དང་ཐོབ་ཐང་རྡོག་རོལ་གཏོང་གཞིན་པར་སེམས་འཚབ་བསྟན་པའི་བསྒྲགས་གཏམ་སྤེལ་ཡོད། ཨོསྟྲེ་ལི་ཡ་དང་ནིའུ་ཛི་ལེནྜ་གཉིས་ཀྱིས་བོད་ཀྱི་གནད་དོན་དེ་བཞིན་འཛམ་གླིང་གི་འགྲོ་བ་མིའི་ཐོབ་ཐང་གི་གནད་དོན་ཐོག་གླེང་སྟེ་རིག་གཞུང་དང་ཆོས་ལུགས་འདྲ་མིན་སྲུང་སྐྱོབ་དགོས་གལ་ཡིན་པ་ནན་བརྗོད་གནང་ཡོད། བསྒྲགས་གཏམ་དེ་ནི་རྒྱལ་སྤྱིའི་སྟེང་བོད་ནང་གི་འགྲོ་བ་མིའི་ཐོབ་ཐང་ཐོག་ཞིབ་བཤེར་གནང་བཞིན་པའི་དུས་སྐབས་སུ་སྤེལ་བ་ཞིག་དང་། དེར་ཡུ་རོབ་མཐུན་ཚོགས་དང་ཨ་རི་སྲིད་གཞུང་གཉིས་ནས་ཀྱང་ཉེ་ཆར་དེ་མཚུངས་ཐུགས་འཚབ་བསྟན་ཡོད། (ANZMIN 2+2) ཚོགས་འདུ་དེ་ཡང་ཕྱི་ལོ་ ༢༠༢༦ ལོར་ཁེན་སྦེ་རར་ཚོགས་ཡོད་ཅིང་། སྐབས་དེར་ཨོསྟྲེ་ལི་ཡ་དང་ནིའུ་ཛི་ལེནྜ་རྒྱལ་ཁབ་གཉིས་ཀྱི་ཕྱི་སྲིད་དང་བདེ་སྲུང་བློན་ཆེན་ཕེབས་ཏེ་རྒྱལ་ཁབ་ཀྱི་ཐབས་བྱུས་དང་། བདེ་འཇགས། ཕྱི་འབྲེལ་སྲིད་བྱུས་བཅས་ཀྱི་ཐོག་གྲོས་མོལ་གནང་ཡོད།།

རྒྱ་ནག་གི་ཉེན་རྟོག་པས་བོད་ཀྱི་གྲྭ་པ་ཞིག་ལ་མནར་གཅོད་ཚད་མེད་བཏང་སྟེ་བཙོན་ཁང་དུ་བཀྲོངས་ཡོད་འདུག་ཅིང་། ཁོང་གི་ཕུང་པོ་དགོན་པར་རྩིས་སྤྲོད་བྱེད་སྐབས་གནས་ཚུལ་གང་ཡང་ཕྱིར་བསྒྲགས་མི་ཆོག་པའི་བཀའ་རྒྱ་བཏང་ཡོད་འདུག ཁོང་གི་འཆི་རྐྱེན་ནི་བོད་ཀྱི་དགོན་སྡེ་ཁག་ལ་དམིགས་པའི་རྒྱ་ནག་གི་དྲག་གནོན་གྱི་སྲིད་བྱུས་ཀྱི་མཚོན་རྟགས་ཤིག་ཡིན་འདུག ཕྱི་ལོ་༢༠༢༦ ཟླ་༣ ཚེས་༡༧ ཉིན་བོད་གནས་ལྟ་ཞིབ་ཁང་གིས་གནས་ཚུལ་སྤེལ་བ་ལྟར་ན། ན་ནིང་ཕྱི་ཟླ་༡༢ ནང་། The post རྒྱ་གཞུང་གི་ཉེན་རྟོག་པས་བོད་ཀྱི་གྲྭ་པ་ཞིག་ལ་མནར་གཅོད་བཏང་སྟེ་བཙོན་ཁང་ནང་བཀྲོངས་འདུག appeared first on བོད་ཀྱི་བང་ཆེན།.

ཨོ་གླིང་གྲོས་ཚོགས་ནས་རྒྱ་ནག་གཞུང་གིས་བོད་ནང་དྲག་གནོན་དང་༸གོང་ས་རྒྱལ་བ་རིན་པོ་ཆེ་མཆོག་གི་ཡང་སྲིད་ཐད་ཐེ་ཇུས་བྱེད་བཞིན་པར་སྐྱོན་བརྗོད་གནང་འདུག The post ཨོ་གླིང་གྲོས་ཚོགས་ཀྱིས་བོད་དོན་ཐོག་གྲོས་འཆར་བཏོན། appeared first on བོད་ཀྱི་དུས་བབ།.

[རྡ་རམ་ས་ལ།] ཕྱི་ལོ་༢༠༢༦ ཟླ་༣ ཚེས་༡༨ རེས་གཟའ་ལྷག་པའི་སྔ་དྲོ་ཆུ་ཚོད་ ༡༡:༠༠ ཐོག དབུས་འོས་བསྡུ་ལས་ཁང་གིས་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་དུ། སྐབས་༡༨ The post དབུས་འོས་བསྡུ་འགན་འཛིན་གྱིས་བལ་ཡུལ་ནང་འོས་བསྡུའི་སྒྲིག་གཞི་གཞི་བཟུང་གནང་ཐུབ་མེད་པ་གསལ་པོ་རེད་ཅེས་གསུངས། appeared first on བོད་ཀྱི་བང་ཆེན།.