རྒྱ་ནག་གི་རྒྱལ་སྲུང་བློན་ཆེན་ཟུར་པ་ཝེ་ཧྥིན་ཧི་དང་ལི་ཧྲང་ཧྥུ་གཉིས་ཀྱིས་ལྐོག་རྔན་འབོར་ཆེན་བླངས་པའི་ནག་ཉེས་འོག་ལོ་གཉིས་ཕར་འགྱང་གི་སྲོག་ཁྲིམས་བཅད་འདུག་ལ་ལོ་གཉིས་ཀྱི་རྗེས་སུ་ཚེ་བཙོན་དུ་འཇོག་འཆར་ཡོད་འདུག ཁ་སང་ཕྱི་ཚེས་ ༧ ཉིན་རྒྱ་ནག་གི་ཤིན་ཧྭ་གསར་ཁང་གིས་གནས་ཚུལ་སྤེལ་བ་ལྟར་ན། རྒྱ་ནག་དམག་དོན་ཁྲིམས་ཁང་གིས་རྒྱ་ནག་དབུས་དམག་དོན་ལྷན་ཁང་གི་རྒྱུན་ལས་ཟུར་པ་དང་། རྒྱལ་སྲིད་སྤྱི་ཁྱབ་ཁང་གི་རྒྱུན་ལས་ཟུར་པ་། རྒྱལ་སྲུང་བློན་ཆེན་ཟུར་པ་ཝེ་ཧྥིན་ཧི་(魏凤和)དང་ལི་ཧྲང་ཧྥུ་(李尚福)གཉིས་ཀྱིས། ལྐོག་རྔན་འབོར་ཆེན་བླངས་བའི་ནག་ཉེས་འོག་ལོ་གཉིས་ཕར་འགྱང་གིས་སྲོག་ཁྲིམས་བཅད་ཡོད་འདུག ཁྲིམས་ཆད་སྐོར་ལ་རྒྱ་ནག་དམག་དོན་ཁྲིམས་ཁང་ཟེར་བས། ལོ་གཉིས་ཕར་འགྱང་གི་སྲོག་ཁྲིམས་བཅད་པའི་ཁར། ཆབ་སྲིད་ཀྱི་ཐོབ་ཐང་ཚེ་གང་ལ་འཕྲོག་པ་དང་། དེ་བཞིན་སྲོག་ཁྲིམས་ཕར་འགྱང་བྱས་པའི་ལོ་གཉིས་ཀྱི་དུས་ཡུན་རྫོགས་ཚང་རྗེས་ཚེ་བཙོན་དུ་འཇོག་རྒྱུ་ལས་ཁྲིམས་ཆད་གུ་ཡངས་དང་གློད་གྲོལ་གཏོང་རྒྱུ་མིན་ཚུལ་བསྒྲགས་འདུག ཝི་ཧྥུང་ཧི་ནི་ཕྱི་ལོ་༡༩༥༤ ལོར་རྒྱ་ནག་ཧྲན་ཏུང་ཞིང་ཆེན་དུ་ལོའོ་ཆི་གྲོང་ཁྱེར་དུ་སྐྱེས་ཡོད་ཅིང་། ཕྱི་ལོ་ ༡༩༧༠ ལོར་རྒྱ་ནག་མི་མང་བཅིངས་འགྲོལ་དམག་མི་ནང་ཞུགས། ཕྱི་ལོ་ ༡༩༨༤ ལོར་རྒྱ་ནག་མི་དམངས་བཅིངས་འགྲོལ་དམག་གི་མེ་ཤུགས་འཕུར་མདའ་དམག་དཔུང་བཀོད་འདོམས་སློབ་གླིང་ནས་སློབ་མཐར་ཕྱིན། མེ་ཤུགས་འཕུར་མདའ་དམག་དཔུང་ནས་དམག་སྤྱི་སོགས་བྱས་ཡོད་འདུག ལོར་མེ་ཤུགས་འཕུར་མདའི་ལག་རྩལ་སློབ་གྲྭ་ལོར་མེ་ཤུགས་འཕུར་མདའ་གཉིས་པའི་དམག་དཔུང་གི་བཀོད་འདོམས་སློབ་གླིང་གི་བཀོད་འདོམས་སྡེ་ཚན་གྱི་ཆེད་སྦྱོང་འཛིན་གྲྭར་སློབ་སྦྱོང་བྱས། མེ་ཤུགས་འཕུར་མདའ་གཉིས་པའི་དམག་དཔུང་གི་བཀོད་འདོམས་སློབ་གླིང་གི་བཀོད་འདོམས་སྡེ་ཚན་ནས་སློབ་མཐར་ཕྱིན། ཕྱི་ལོ་ ༢༠༡༢ རྒྱ་ནག་མི་མང་བཅིངས་གྲོལ་དམག་གི་མེ་ཤུགས་འཕུར་མདའ་གཉིས་པའི་དམག་དཔུང་གི་སྤྱི་ཁྱབ་དཔོན་བསྐོས། ཕྱི་ལོ་ ༢༠༡༨ ལོའི་ཟླ་ ༣ ཚེས་ ༡༩ ཉིན་རྒྱ་ནག་རྒྱལ་སྲུང་བློན་ཆེན་དང་རྒྱལ་སྲིད་སློབ་སྟོན་པ་གཉིས་ཀར་བསྐོ་བཞག་བྱས། ཕྱི་ལོ་ ༢༠༢༣ ལོའི་ཟླ་ ༩ ཚེས་ ༢༡...

རྒྱ་ནག་གི་བཅད་བགོས་བྱས་པའི་བོད་རང་སྐྱོང་ནང་ནག་ཆུའི་ཨ་མདོ་རྫོང་ཟེར་བའི་ནང་དུ་ཉི་འོད་གློག་འདོན་གྱི་མེ་ལོང་ ༡༥༩༢༧ སྒྲིག་སྦྱོར་ཆེད་འབྱོར་ཡོད་པ་དང་འབྲེལ། ལས་གཞི་དེ་དག་འཛུགས་སྐྲུན་ལ་ཁག་དཀྲིས་ཏེ་བོད་ཀྱི་འབྲོག་པ་མཚོན་པའི་མི་རིགས་རིག་གཞུང་རྩ་གཏོར་གྱི་སྲིད་བྱུས་ཤིག་ཡིན་པ་ནན་བརྗོད་གནང་སོང་། དེ་ཡང་ནག་ཆུའི་ཨ་མདོ་རྫོང་གི་ནང་དུ་སྔ་ལོའི་ཕྱི་ཟླ་ ༦ ནང་ཉི་འོད་གློག་འདོན་གྱི་ལས་གཞི་ཐུ་ཞུའོ་མེ་ག་བ་ཌི་ ༡༠༠ Tushuo 100 MW Concentrated Solar Power (CSP ) འགོ་འཛུགས་བྱས་ཏེ། ཟླ་བ་སྔོན་མའི་ཚེས་ ༣༠ ཉིན་ཟི་ཁྲོན་ཞིང་ཆེན་ནང་དུ་རྟེན་གཞི་བྱས་པའི་ Dongfang Boiler ཏོང་ཧྥང་བཟོ་གྲྭས་བཟོ་སྐྲུན་བྱས་པའི་ཉི་འོད་གློག་འདོན་གྱི་མེ་ལོང་ ༡༥༩༢༧ ཁུལ་དེར་སྒྲིག་སྦྱོར་ཆེད་འབྱོར་འདུག ལས་གཞི་དེ་ནི་འདི་ལོའི་ཕྱི་ཟླ་ ༡༠ ནང་ཡོངས་སུ་གྲུབ་འཆར་ཡོད་པ་དང་། དེ་གྲུབ་པའི་རྗེས་སུ་ལོ་རེར་གློག་ཤུགས་ཀི་ལོ་ཝཊ་ཆུ་ཚོད་ kWh ས་ཡ་ ༢༦༠ ཡས་མས་ཙམ་འདོན་ཐུབ་རྒྱུའི་ཚོད་དཔག་བྱེད་བཞིན་ཡོད་པ་དང་། དེའི་བརྒྱུད་ནས་ལོ་རེར་རྡོ་སོལ་ཊོན་ཁྲི་དྲུག་བེད་སྤྱོད་ཉུང་དུ་འགྲོ་རྒྱུ་མ་ཟད། ནག་རྫས་སྦགས་རླུང་ཊོན་ ༡༦༥༠༠༠ ཙམ་ཉུང་དུ་གཏོང་ཐུབ་རྒྱུ་ཡིན་ལུགས་བཤད་འདུག ད་དུང་ལས་གཞི་དེའི་ཐོག་ནས་ཨ་མདོ་རྫོང་ཟེར་བ་དང་དེའི་ཉེ་འཁོར་གྱི་ཁྱིམ་ཚང་ཁྲི་ལྔ་ལ་གློག་གི་མཐུན་རྐྱེན་སྐྲུན་ཐུབ་རྒྱུ་ཡིན་མ་ཟད། ལྷག་པར་དགུན་ཁའི་དུས་སུའང་གློག་གི་དཀའ་ངལ་སེལ་ཐུབ་རྒྱུ་ཡིན་ལུགས་བཤད་འདུག...

རྩོམ་པ་པོ། ཆབ་མདོ་ངག་ཕུན། རྩོམ་ཁུངས། བོད་ཀྱི་དུས་བབ། དེ་རིང་ངས་གླེང་འདོད་པ་ནི་བོད་ཀྱི་སྐད་ཡིག་སྐོར་ཡིན། བོད་ཆོས་ལྡན་གྱི་ཞིང་ཁམས་དེ་ཉིད་རྒྱ་དམར་གྱིས་བཙན་འཛུལ་བྱས་ནས་བགྲང་བྱ་ ༧༠ ལྷག་ཕྱིན་ཡོད། ལོ་ངོ་དེ་དག་གི་ནང་དུ་རྒྱ་དམར་གྱིས་བོད་ཀྱི་ཆོས་དང་རིག་གཞུང་ཡོངས་རྫོགས་རྩ་མེད་བཟོ་ཐབས་ཀྱི་ལས་འགུལ་སྣ་ཚོགས་ཤིག་སྤེལ་དང་སྤེལ་བཞིན་ཡོད། བོད་ནང་ “དམངས་གཙོ་བཅོས་བསྒྱུར” དང་། ཆེས་གདུག་རྩུབ་ཆེ་བའི་ “རིག་གནས་གསར་བརྗེ” སོགས་མིང་སྙན་པོ་སྣ་ཚོགས་བཏགས་ནས་བོད་མི་རིགས་རྩ་མེད་བཟོ་ཐབས་ཀྱི་ལས་འགུལ་སྤེལ་ཡོད། ཡིན་ནའང་། སྐབས་དེ་དུས་བོད་མི་རིགས་ལ་བཀའ་དྲིན་ཆེ་བའི་པཎ་ཆེན་རིན་པོ་ཆེ་མཆོག་གིས་ཡོད་ཚད་བློས་གཏོང་མཛད་དེ། ཀྲུང་དབྱངས་ཀྱི་མིང་ཐོག་ལ་ “ཡིག་འབྲུ་ཁྲི་བདུན་གྱི་སྙན་ཞུ” འབུལ་གནང་མཛད། དེའི་རྐྱེན་གྱིས་པཎ་ཆེན་རིན་པོ་ཆེ་མཆོག་རྒྱ་གཞུང་གིས་བཙོན་ཁང་དུ་བཅུག་ནས་མི་ལོ་བཅོ་བརྒྱད་རིང་དཀའ་སྡུག་དུ་མའི་འོག་ཏུ་བཞུགས་དགོས་བྱུང་ཡོད། དེ་འདྲའི་དཀའ་སྡུག་གི་འོག་ནས་བོད་རིགས་རྒྱལ་ཞེན་པ་དུ་མའི་སྲོག་ཤོར་ཡོད་མོད། ད་དུང་འཇིགས་ཞུམ་མེད་པར་མི་རིགས་ཀྱི་བདེན་དོན་ཆེད་དུ་རྩོད་ལེན་གནང་ཡོད། གནས་སྟངས་དེ་འདྲ་ཞིག་གི་འོག་ནས་མཐར་བོད་ནང་ཆབ་སྲིད་ཕྲན་བུ་ཙམ་གུ་ཡངས་ཕྱིན་པ་དང་བསྟུན། རིག་གསར་སྐབས་གཏོར་བཤིག་ཕྱིན་པའི་དགོན་སྡེ་ཁག་བསྐྱར་གསོ་ཐུབ་ཐབས་ལ་འབད་བརྩོན་གནང་ཡོད། རྒྱ་གཞུང་གིས་དེ་དག་མཐོང་དུས་ཁོ་ཚོའི་ཚོད་དཔག་ལས་ཡོངས་སུ་བརྒལ་ཡོད། རྒྱ་གཞུང་གིས་བོད་ཀྱི་ཆོས་དང་རིག་གཞུང་ནི་རྗེས་ལུས་ཡིན་རབས་སོགས་ཀྱི་འཇམ་རྩུབ་གཉིས་ཀྱི་ཐོག་ནས་སློབ་གསོ་བརྒྱབ་ཡོད་ཀྱང་། བོད་མི་རྒན་དར་གཞོན་གསུམ་གྱི་བོད་ཀྱི་ཆོས་དང་རིག་གཞུང་ལ་དོ་སྣང་ཉམས་དམན་དུ་གཏོང་ཐུབ་མེད། ཡང་རྒྱ་གཞུང་གིས་བོད་རིགས་རྣམས་དཔལ་འབྱོར་འཕེལ་རྒྱས་ཀྱིས་བསླུ་བྲིད་བྱེད་ཆེད་ལས་འགུལ་སྣ་མང་སྤེལ་བཞིན་ཡོད་ལ། ལྷག་པར་དུ་བོད་ཀྱི་སྐད་ཡིག་དེ་ཉིད་རྩ་མེད་བཟོ་ཐབས་སུ། བོད་ཡིག་བཀོལ་སྤྱོད་བྱེད་སའི་ཁོར་ཡུག་མེད་པ་བཟོ་བཞིན་ཡོད། བོད་ཀྱི་སློབ་གྲྭ་ཁག་ཏུ་བོད་ཡིག་སློབ་ཁྲིད་ཉུང་དུ་གཏོང་བཞིན་པ་དང་། བོད་ཀྱི་སྐད་ཡིག་ཐོག་ལས་དོན་གཉེར་མཁན་རྣམས་ལ་ཉེས་མིང་སྣ་ཚོགས་བཏགས་ནས་བཙོན་འཇུག་བྱེད་བཞིན་ཡོད། རྒྱ་གཞུང་གིས་བོད་ནང་ཆོས་དད་རང་དབང་ཡོད་ཚུལ་སྒྲོག་བཞིན་ཡོད་མོད། དོན་ངོ་མ་ནི་རང་གི་རྩ་བའི་བླ་མའི་མཚན་ཙམ་ཡང་འབོད་མི་ཆོག་པ་བཟོས་ཡོད། གལ་སྲིད་བོད་མི་སུ་འདྲ་ཞིག་གིས་རྩ་བའི་བླ་མའི་མཚན་སྨྲས་པ་དང་། སྐུ་པར་སྒྲིག་བཤོམ་བྱས་པ་སོགས་རྒྱ་གཞུང་གིས་ཤེས་ཚེ། བཙོན་དུ་བཅུག་ནས་ཁྲིམས་ཐག་གཅོད་ཀྱི་ཡོད།              རྒྱ་གཞུང་གིས་བོད་ལ་ “ཡར་རྒྱས་འཛུགས་སྐྲུན་”...

ངས་སོ་སོའི་མི་ཚེའི་ནང་བསམ་བློ་བརྟན་པོ་དང་བློ་ཁོག་ཆེན་པོ་དགོས་གལ་ཆེ་བ་ཚོར་བྱུང་ཞེས་གསུངས་བྱུང་།

ཟླ་འདིའི་ཕྱི་ཚེས་ ༢༧ ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གི་གསུང་ཆོས་ར་བའི་ནང་། སྐབས་ ༡༧ པའི་བཀའ་ཤག་གི་བདམས་ཐོན་སྲིད་སྐྱོང་སྤེན་པ་ཚེ་རིང་མཆོག་གི་ལས་ཁུར་དམ་བཅའ་འབུལ་བཞེས་ཀྱི་མཛད་སྒོ་འཚོག་གཏན་ཁེལ་འདུག དེ་ཡང་ཟླ་འདིའི་ཕྱི་ཚེས་ ༥ ཉིན་བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་ཁང་གིས་གསལ་བསྒྲགས་ཤིག་སྤེལ་བའི་ནང་། ཟླ་འདིའི་ཕྱི་ཚེས་ ༢༧ རེས་གཟའ་ལྷག་པའི་ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གི་གསུང་ཆོས་ར་བའི་ནང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་ཐོག སྐབས་ ༡༧ པའི་བཀའ་ཤག་གི་བདམས་ཐོན་སྲིད་སྐྱོང་སྤེན་པ་ཚེ་རིང་མཆོག་གིས་བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གི་མདུན་དུ་ལས་ཁུར་དམ་བཅའ་འབུལ་བཞེས་ཀྱི་མཛད་སྒོ་འཚོག་གཏན་ཁེལ་ཡོད་པ་རེད་འདུག མཛད་རིམ་ལ་གཞིགས་ན། སྔ་དྲོ་ཕྱག་ཚོད་ ༨ པའི་ཐོག་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང་སྐུ་མགྲོན་རྣམ་པ། དེ་བཞིན་སྲི་ཞུ་ལས་བྱེད་རྣམ་པ་དང་ས་གནས་མི་མང་བཅས་བཞུགས་གྲལ་དུ་འཁོད་བསྟུན་ཁྲིམས་ཞིབ་པ་ཆེ་བ་དང་བོད་མི་མང་སྤྱི་འཐུས་ཚོགས་གཙོ། དེ་བཞིན་བདམས་ཐོན་སྲིད་སྐྱོང་བཅས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་༸རྒྱལ་བའི་ཕོ་བྲང་གི་རྒྱལ་སྒོ་ནས་སྤྱན་རྒྱ་སྤོས་སྣེ་དང་བཅས་མཛད་སྒོའི་གཙོ་མགོན་དུ་གདན་འདྲེན་ཞུ་རྒྱུ་མ་ཟད། ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་མནྜལ་རྟེན་གསུམ་འདེགས་འབུལ་ཞུ་རྒྱུ་དང་། དེའི་རྗེས་སུ་ཁྲིམས་ཞིབ་པ་ཆེ་བ་མཆོག་གི་མདུན་དུ་བདམས་ཐོན་སྲིད་སྐྱོང་སྤེན་པ་ཚེ་རིང་མཆོག་ནས་ལས་ཁུར་དང་གསང་རྒྱའི་དམ་འབུལ་བཞེས་གནང་རྒྱུ་དང་སྦྲགས། སྲིད་སྐྱོང་མཆོག་ནས་དམ་འབུལ་ཡིག་ཆ་དང་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པའི་མཛད་ཁུར་དང་གསང་རྒྱའི་དམ་འབུལ་མ་དེབ་བཅས་སུ་མཚན་རྟགས་འགོད་རྒྱུ་ཡིན་པ་རེད་འདུག དམ་འབུལ་གྲུབ་རྗེས་སུ་སྲིད་སྐྱོང་མཆོག་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་མནྜལ་རྟེན་གསུམ་འདེགས་འབུལ་ཞུ་རྒྱུ་དང་རིམ་པས་བོད་མི་མང་སྤྱི་འཐུས་ཚོགས་གཙོ་སྦྲེལ་པོ་དང་། ཆེས་མཐོའི་ཁྲིམས་ཞིབ་པ་གཞན་གཉིས། སྐབས་ ༡༦ པའི་བཀའ་ཤག་གི་བཀའ་ཟུར་རྣམ་པ། དེ་བཞིན་རང་དབང་ཅན་གྱི་སྡེ་ཚན་གྱི་འགན་འཛིན་རྣམ་པ་དང་ལས་བྱེད་འདེམས་ལྷན་གྱི་ཚོགས་མི་རྣམ་པ་བཅས་ནས་སྲིད་སྐྱོང་མཆོག་ལ་རྟེན་འབྱུང་མཇལ་དར་འབུལ་བཞེས་གནང་རྒྱུ་ཡིན་པ་རེད་འདུག སྤྱིར་འདི་ལོའི་ཕྱི་ཟླ་ ༢ ཚེས་ ༡ ཉིན་རྒྱལ་སྤྱིའི་ཁྱོན་དུ་གནས་སྡོད་བཙན་བྱོལ་བོད་མི་རྣམས་ཀྱིས་ ༢༠༢༦ ལོའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུ་ཆེན་མོ་གནང་ཡོད་པ་དང་། སྔོན་འགྲོའི་འོས་བསྡུ་དེའི་ཁྲོད་བོད་མི་ཁྱོན་ ༥༡༠༠༠...

༄༅། །ཕྱི་ལོ་ ༢༠༢༦ ཟླ་བ་ ༤ ཚེས་ ༢༩ ཉིན་ཡུ་རོབ་གྲོས་ཚོགས་སུ་རྒྱ་ནག་གཞུང་གིས་གཏན་འབེབས་བྱས་པའི་མི་རིགས་མཐུན་སྒྲིལ་སྐུལ་འདེད་ཀྱི་ཁྲིམས་ཡིག་ལ་སྐྱོན་བརྗོད་བྱས་པའི་གྲོས་ཆོད་ལ་མང་མོས་ཐོག་འོས་ཤོག་གྲངས་ ༤༣༩ ཐོག་ནས་གཏན་འབེབས་གནང་སྟེ་བདུན་གཅིག་ཟིན་ཙམ་གྱི་རྗེས་ཡུ་རོབ་གྲོས་ཚོགས་ཀྱི་འགྲོ་བ་མིའི་ཐོབ་ཐང་ནང་གསེས་ཚོགས་ཆུང་ (Subcommittee on Human Rights (DROI) དང་། ཡུ་རོབ་གྲོས་ཚོགས་ཀྱི་རྒྱ་ནག་མི་མང་སྤྱི་མཐུན་རྒྱལ་ཁབ་དང་འབྲེལ་བའི་སྐུ་ཚབ་ཚོགས་ཆུང་། (Delegation for Relations with the People’s Republic of China (D-CN) གཉིས་ནས་མང་ཚོགས་ཀྱི་ཉན་ཞིབ་ཞིག་བསྐོང་ཚོགས་ཀྱིས་ཁྲིམས་ཡིག་འདིའི་བརྒྱུད་ཡུ་གུར་དང་བོད་རིགས་ཚུད་པའི་དམིགས་དབེན་དུ་བཟུང་པའི་ཚོགས་སྡེ་ཁག་གཞན་ལ་ཤུགས་རྐྱེན་ཇི་ཞིག་ཐེབས་རྒྱུ་ཡིན་མིན་ཐོག་དཔྱད་ཞིབ་གནང་ཡོད། ཉན་ཞིབ་འདི་ནི་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱིས་ཁྲིམས་གསར་དེ་ཉིད་གཏན་འབེབས་བྱས་ནས་ཉིན་ཤས་རྗེས་ཕྱི་ཟླ་ ༣ ཚེས་ ༡༧ ཉིན་བསྐོང་ཚོགས་གནང་བའི་ཡུ་རོབ་གྲོས་ཚོགས་འཐུས་མི་བོད་དོན་རྒྱབ་སྐྱོར་ཚོགས་པའི་ཚོགས་འདུའི་ནུས་པ་ལས་བྱུང་བ་ཞིག་ཡིན།དེ་ཡང་ཡུ་རོབ་གྲོས་ཚོགས་ཀྱི་འགྲོ་བ་མིའི་ཐོབ་ཐང་ནང་གསེས་ཚོགས་ཆུང་གི་ཚོགས་གཙོ་སྐུ་ཞབས་མི་ནིར་ས་ཏོ་རི་ (M. Satouri) ལགས་ཀྱིས་གཙོ་སྐྱོང་གནང་ཞིང་། སྐབས་དེར་ཆེད་དོན་བགྲོ་གླེང་པ་ཡུ་རོབ་གྲོས་ཚོགས་ཀྱི་རྒྱ་ནག་མི་མང་སྤྱི་མཐུན་རྒྱལ་ཁབ་དང་འབྲེལ་བའི་སྐུ་ཚབ་ཚོགས་ཆུང་གི་ཚོགས་གཙོ་སྐུ་ཞབས་ཨེན་གིན་ཨེ་རོག་ལུ་ (MEP Eroglu)...

བོད་རང་སྐྱོང་ཟེར་བའི་ནག་ཆུའི་ཨ་མདོ་རྫོང་ནང་དུ་ཉི་འོད་གློག་འདོན་གྱི་མེ་ལོང་ ༡༥༩༢༧ འབྱོར་ཡོད་པ་རེད་འདུག དེ་ཡང་ནག་ཆུའི་ཨ་མདོ་རྫོང་གི་ནང་དུ་སྔ་ལོའི་ཕྱི་ཟླ་ ༦ པའི་ནང་ཉི་འོད་གློག་འདོན་གྱི་ལས་གཞི་ཐུ་ཞུའོ་མེ་ག་བ་ཌི་ ༡༠༠ Tushuo 100 MW Concentrated Solar Power (CSP ) འགོ་འཛུགས་བྱས་ཏེ། ཟླ་བ་སྔོན་མའི་ཕྱི་ཚེས་ ༣༠ ཉིན་ཟི་ཁྲོན་ཞིང་ཆེན་ནང་དུ་རྟེན་གཞི་བྱས་པའི་ Dongfang Boiler ཏོང་ཧྥང་བཟོ་གྲྭས་བཟོ་བསྐྲུན་བྱས་པའི་ཉི་འོད་གློག་འདོན་གྱི་མེ་ལོང་ ༡༥༩༢༧ ཁུལ་དེར་འབྱོར་ཡོད་པ་རེད་འདུག ཕྱི་ཟླ་ ༤ ཚེས་ ༣༠ ཉིན་འཛམ་གླིང་མཐོ་སྒང་གི་དམིགས་བསལ་གྱི་གནས་སྟངས་འོག་གཅིག་སྡུད་ཉི་འོད་ནུས་པའི་ (CSP) ལས་གཞི་ཆེ་ཤོས་ཏེ། བོད་ཀྱི་ཨ་མདོ་རྫོང་དུ་ཡོད་པའི་ཏུ་ཤོ་ ༡༠༠ MW CSP བཟོ་གྲྭའི་ནང་དུ་དོན་ཆེན་ཞིག་བསྒྲུབས་ཡོད་པ་སྟེ། དུང་ཕང་སླ་ང་བཟོ་གྲྭས་བཟོས་པའི་ཉི་འོད་གཅིག་སྡུད་བྱེད་པའི་མེ་ལོང་ ༡༥,༩༢༧ ཚང་མ་ལེགས་གྲུབ་བྱུང་ནས་འབྱོར་ཡོད།...

བོད་མི་བསོད་ནམས་དོན་གྲུབ་ལགས་ཀྱིས་ཧྥ་རན་སིའི་ལྷོ་ཤར་ཁུལ་ནས་བྱང་ཕྱོགས་སུ་བོད་དོན་རྐང་འཁོར་སྐོར་སྐྱོད་གྱི་ལས་འགུལ་སྤེལ་ཏེ་དགོས་འདུན་དོན་ཚན་ ༡༣ གྱི་ཐོག་ནས་བོད་དོན་དྲིལ་བསྒྲགས་གནང་བཞིན་འདུག ཧྥ་རན་སིའི་ནང་གནས་སྡོད་བོད་དོན་ལས་འགུལ་བ་བསོད་ནམས་དོན་གྲུབ་ལགས་ཀྱིས་བོད་དོན་དྲིལ་བསྒྲགས་ཆེད་དུ་འདི་ལོའི་ཕྱི་ཟླ་ ༤ ཚེས་ ༡ ཉིན་ནས་ཧྥ་རན་སིའི་ལྷོ་ཤར་ཁུལ་གྱི་མངའ་སྡེ་ (Grenoble) ནས་རྐང་འཁོར་སྐོར་སྐྱོད་ཀྱི་ལས་འགུལ་མགོ་འཛུགས་བྱས་ཏེ་དེ་རིང་ཧྥ་རན་སིའི་བྱང་ཕྱོགས་ཁུལ་གྱི་ (Rouen) གྲོང་ཁྱེར་དུ་འབྱོར་འདུག ཐེངས་འདིའི་ལས་འགུལ་དང་འབྲེལ་ནས་བོད་དོན་ལས་འགུལ་བ་བསོད་ནམས་དོན་གྲུབ་ལགས་ཀྱིས་འདི་གའི་གསར་འགོད་པར།  ད་བར་ཧྥ་རན་སིའི་གྲོང་ཁྱེར་ ༡༠ དང་སྤྱི་ལེ་ ༢༥༠༠ ཙམ་སྐོར་སྐྱོད་གནང་ཟིན་པ་དང་། བོད་པའི་གཞོན་སྐྱེས་རྣམས་ལ་སེམས་ཤུགས་སྤར་བའི་ཆེད་དུ་ལས་འགུལ་འདི་སྤེལ་གྱི་ཡོད་སྐོར་དང་། ལས་འགུལ་སྤེལ་བའི་རིང་སྒེར་ལ་དཀའ་ངལ་འཕྲད་པ་དེ་དག་ཉིན་ཐོའི་ནང་བྲིས་ཏེ། ཕྱིས་སུ་ལས་འགུལ་མཇུག་སྒྲིལ་རྗེས། དེ་འབྲེལ་དེབ་ཅིག་བཟོས་ཏེ་མ་འོངས་པར་སྤྱི་ཚོགས་ནང་དགྲམ་རྒྱུ་ཡིན་སྐོར་བརྗོད་བྱུང་། སྐོར་སྐྱོད་སྐབས་དཀའ་ངལ་ག་རེ་འཕྲད་ཡོད་མེད་ཐད་ཁོང་གིས། སྤྱིར་བཏང་ལས་འགུལ་སྤེལ་བའི་སྐབས་དཀའ་ངལ་རབ་དང་རིམ་པ་མང་པོ་ཞིག་ཡོང་གི་འདུག ངས་ཧྥ་རན་སིའི་ལྷོ་ཕྱོགས་ཁུལ་ནས་ལས་འགུལ་སྤེལ་མགོ་བཙུགས་ཡོད་པ་དང་། ལྷོ་ཕྱོགས་ཁུལ་དུ་གནམ་གཤིས་ཚ་དྲགས་པའི་རྐྱེན་གྱིས་སྣ་ཁྲག་ཡང་ཡང་ཐོན་པའི་དཀའ་ངལ་འཕྲད་པ་དང་། ཟེ་འབྲུ་ས་ལ་ལྷུང་བའི་འགོས་ནད་ (Pollen Allergies) ཕོག་ནས་བདུན་ཕྲག་གསུམ་རིང་མིག་ཟ་འཁྲུག་ལངས་པ་དང་། མིད་པ་འགག་པ། སྣ་ཆུ་ཐོན་པ།  མིག་བསྐྲངས་པ་སོགས་ཀྱི་དཀའ་ངལ་མང་པོ་བྱུང་། དེ་བཞིན་ལས་འགུལ་སྤེལ་སྐབས་གྲོང་གསེབ་ཁག་ཏུ་ཕྱིན་ནས་ཡུལ་མི་རྣམས་ལ་བོད་དོན་དྲིལ་བསྒྲགས་སྤེལ་ཐབས་བྱེད་བཞིན་ཡོད་པ་དང་། སྐབས་རེར་ཁྱི་ཡིས་རྗེས་འདེད་གཏོང་བ་དང་ཁྱིས་རྨུག་པའི་དཀའ་ངལ་ཡང་བྱུང་སྐོར་དང་། མ་འོངས་པར་མི་མང་གི་རྒྱབ་སྐྱོར་མུ་མཐུད་གནང་བ་དང་། གཞུང་གི་ངོས་ནས་རྒྱབ་སྐྱོར་འཐོབ་ཚེ། ཧྥ་རན་སིའི་རྒྱལ་ཡོངས་དང་། ཡུ་རོབ་ནང་གི་རྒྱལ་ཁབ་ཆ་ཚང་ལ་སྐོར་སྐྱོད་བྱེད་ཐབས་བྱ་རྒྱུ་ཡིན།...

མི་འགྱང་བར་ཨ་རིའི་སྲིད་འཛིན་ཊོམ་ཕུ་མཆོག་རྒྱ་ནག་ནང་ཕེབས་འཆར་ཡོད་པས་ཨ་རིའི་རྒྱལ་ས་ཁུལ་གྱི་བོད་མི་རྣམས་ཀྱིས་སྲིད་འཛིན་མཆོག་གིས་རྒྱ་ནག་གི་མགོ་ཁྲིད་ཞི་ཅིང་ཕིན་ལ་ཐུག་འཕྲད་གནང་སྐབས་བོད་དོན་གླེང་སློང་གནང་དགོས་པའི་འབོད་སྐུལ་ཞུ་རྒྱུ་ཡིན་འདུག ཟླ་འདིའི་ཕྱི་ཚེས་ ༡༤ དང་ ༡༥ ཉིན་གཉིས་རིང་ཨ་རིའི་སྲིད་འཛིན་ཊོ་ནལ་ཊོམ་ཕུ་མཆོག་རྒྱ་ནག་ནང་རྒྱལ་དོན་སྐོར་སྐྱོད་དུ་ཕེབས་འཆར་ཡོད་པ་དང་།  ཐེངས་འདིའི་སྐོར་སྐྱོད་སྐབས་རྒྱ་ནག་གི་མགོ་ཁྲིད་ཞིས་ཅིན་ཕིང་དང་ཐུག་འཕྲད་གནང་སྟེ། ཨ་རྒྱ་གཉིས་ཀྱི་ཚོང་འབྲེལ་དང་ཐའེ་ཝན་གྱི་གནད་དོན་སོགས་ཀྱི་ཐོག་གྲོས་མོལ་གནང་འཆར་ཡོད་འདུག  ཟླ་འདིའི་ཕྱི་ཚེས་ ༡༠ ཉིན་ནེའུ་ཡོག་དང་ནེའུ་ཇར་སི་ས་གནས་བོད་ཀྱི་གཞོན་ནུ་ལྷན་ཚོགས་ཀྱིས་སྲིད་འཛིན་ཊོམ་ཕུ་མཆོག་ལ་བོད་དོན་གླེང་སློང་གནང་དགོས་པའི་འབོད་སྐུལ་ཞུ་རྒྱུ་དང་། ཝ་ཤིན་ཊོན་ཌི་སི་རུ་ཡོད་པའི་རྒྱ་ནག་གཞུང་ཚབ་ཁང་གི་མདུན་དུ་ངོ་རྒོལ་སྐད་འབོད་གནང་རྒྱུ་ཡིན་འདུག ཁ་སང་རུའུ་ཊར་གསར་ཁང་གིས་ཨ་རིའི་ཕྱི་སྲིད་དྲུང་ཆེ་མཱར་ཁོ་རུ་བྷའོ་ (Marco Rubio)་ལགས་སུ་ཐེངས་འདིའི་སྲིད་འཛིན་གྱི་སྐོར་སྐྱོད་ཐད་དྲི་བ་དྲིས་པར་ཁོང་གིས། ཨ་རིའི་སྲིད་འཛིན་ཌོ་ནལ་ཊོམ་ཕུ་དང་རྒྱ་ནག་གི་སྲིད་འཛིན་ཞི་ཅིང་ཕིང་གཉིས་མཇལ་འཕྲད་སྐབས་གྲོས་མོལ་གྱི་བརྗོད་གཞི་གཙོ་བོ་ནི་ཐེ་ཝན་གྱི་གནད་དོན་ཡིན་པ་གཏན་ཁེལ་རེད། དེ་ནི་དུས་རྒྱུན་དུ་གླེང་སློང་བྱེད་བཞིན་པའི་གནད་དོན་ཞིག་ཡིན། ཨ་རྒྱ་རྒྱལ་ཁབ་གཉིས་ཀའི་ཕྱོགས་ནས་འཛམ་གླིང་འདི་ལ་བརྟན་ལྷིང་མེད་པའི་གནས་ཚུལ་ཡོང་རྒྱུར་སྤྲོ་སྣང་ཡོད་པ་མ་རེད་བསམ་གྱི་འདུག ང་ཚོར་ཐའེ་ཝན་དང་རྒྱ་གར་ཞི་བདེ་རྒྱ་མཚོའི་ས་ཁུལ་གང་དུའང་བརྟན་ལྷིང་མེད་པའི་གནད་དོན་ཞིག་དགོས་ཀྱི་མེད། ཅེས་བརྗོད་འདུག གནད་དོན་དབྱེ་ཞིབ་བ་ཚོས། ད་ལན་ཨ་རྒྱ་རྒྱལ་ཁབ་གཉིས་བར་གྱི་ཚོང་ལས་སོགས་འཕྲལ་སེལ་གྱི་གནད་དོན་རིགས་ཆུང་དུ་གཏོང་སྲིད་ཀྱང་། ཐའེ་ཝན་གྱི་གནད་དོན་ནི་རྒྱལ་སྤྱིའི་འབྲེལ་ལམ་ནང་གི་རྙོག་འཛིང་ཆེ་ཤོས་དང་འཐབ་ཇུས་ཀྱི་གནད་འགག་ཆེ་ཤོས་ཤིག་ཏུ་མུ་མཐུད་གནས་རྒྱུ་ཡིན་སྐོར་རྗོད་ཀྱི་འདུག ཟླ་འདིའི་ཕྱི་ཚེས་ ༢ ཉིན་ཨ་རིའི་ནིའུ་ཡོག་དང་ནིའུ་ཇར་སི་བོད་ཀྱི་གཞོན་ནུ་ལྷན་ཚོགས་ཀྱིས་བརྙན་ལམ་ནས་དེ་འབྲེལ་གསལ་བསྒྲགས་ཤིག་གནང་བའི་ནང་དུ། མགོ་འཁྲིད་གཉིས་ཀྱི་ཐུག་འཕྲད་སྐབས་བོད་དོན་གླེང་སློང་གནང་དགོས་པ་དང་བོད་དོན་འཐབ་རྩོད་ཐོག་རྒྱབ་སྐྱོར་གནང་དགོས་པའི་འབོད་སྐུལ་ཞུ་རྒྱུ་ཡིན་སྐོར་དང་། ས་གནས་བོད་ཀྱི་གཞོན་ནུ་ལྷན་ཚོགས་ཀྱི་གློག་འཕྲིན་བརྒྱུད་ཨ་རིའི་ཕོ་བྲང་དཀར་པོར་རེ་སྐུལ་ཞུ་ཡིག་ཕུལ་ཡོད་ལ། ངོ་རྒོལ་ལས་འགུལ་གྱི་སྐབས་སུ་ཕོ་བྲང་དཀར་པོའི་གནད་ཡོད་མི་སྣ་རྣམས་ལ་དངོས་སུ་སྙན་ཞུ་ཕུལ་རྒྱུ་དང་སྦྲགས། ཨ་རི་ལ་རང་དབང་ཐོབ་ནས་ལོ་ ༢༥༠ འཁོར་བར་རྟེན་འབྲེལ་ཞུ་རྒྱུ་དང་། ཨ་རིའི་གཞུང་མང་གཉིས་ཀྱིས་བོད་དོན་ཐོག་མུ་མཐུད་དུ་རྒྱབ་སྐྱོར་གནང་རྒྱུར་འབོད་སྐུལ་ཞུ་རྒྱུ་ཡིན་སྐོར་དང་། རྒྱ་ནག་གཞུང་གིས་བོད་ནང་བློ་ཡུལ་ལས་འདས་པའི་བཙན་གནོན་གཏོང་བཞིན་པ་དང་བསྟུན། བོད་ཀྱི་ཆོས་དང་རིག་གཞུང་།་སྐད་ཡིག་བཅས་རྩ་མེད་གཏོང་ཐབས་ཀྱི་སྲིད་ཇུས་གཏན་འབེབ་ལག་བསྟར་བྱེད་བཞིན་ཡོད་པས། བོད་མི་ཚོས་སོ་སོའི་ཁྱིམ་ཚང་མགོ་ཐོན་ཙམ་བྱུང་ན་འགྲིག་པའི་བསམ་བློ་མི་གཏོང་བར་བོད་རྒྱལ་ཁབ་དང་མི་རིགས་ཀྱི་རྒྱལ་ཞེན། འགན་འཁུར་ཡོད་པའི་ཐོག་ནས་བོད་དོན་བདེན་པའི་འཐབ་རྩོད་ལ་མི་རེ་ངོ་རེ་ནས་རྡོག་རྩ་ཆིག་སྒྲིལ་དང་ནུས་པ་མཉམ་སྤུངས་གནང་དགོས་པའི་དུས་ལ་བབ་ཡོད་སྐོར་བསྒྲགས་འདུག འདི་ལོའི་ཕྱི་ཟླ་ ༤...

ལྷ་སའི་སྤྱི་ཁྱབ་གཞོན་པ་དགྲ་འདུལ་གྱིས་ཁྲིམས་སྒྲིག་ནས་འགལ་བའི་བརྟག་དཔྱད་བྱེད་བཞིན་ཡོད་པ།

འཕགས་བོད་འབྲེལ་མཐུད་ཚོགས་པ་ལོ་ ༢༨ འཁོར་བའི་དུས་དྲན་དང་རྒྱལ་ཡོངས་མགོ་འཁྲིད་ཀྱི་ལྷན་ཚོགས་འཚོགས་འདུག The post ལུས་སེམས་གཉིས་ཀྱི་ཐོག་ནས་བོད་དོན་འཐབ་རྩོད་མུ་མཐུད་བྱ་རྒྱུ་ཡིན། appeared first on བོད་ཀྱི་དུས་བབ།.

[དྷ་རམ་ས་ལར།] ཕྱི་ལོ་༢༠༢༦ ཟླ་༥ ཚེས་༢ ཉིན། རྒྱལ་སྤྱིའི་གསར་འགྱུར་བརྒྱུད་ལམ་ཁག་གིས་གནས་ཚུལ་སྤེལ་གསལ་ལྟར་ན། འཛམ་གླིང་གི་གྲངས་འཛིན་ཐོབ་ཐང་(Digital Rights)སྐོར་གྱི་ལྷན་ཚོགས་ཆེ་ཤོས་དེ་རྒྱ་ནག་གི་གནོན་ཤུགས་འོག་གློ་བུར་དུ་ཕྱིར་འཐེན་བྱེད་དགོས་བྱུང་ཡོད་འདུག ༡༽ The post རྒྱ་ནག་གི་གནོན་ཤུགས་འོག་ལྷན་ཚོགས་ཆེ་ཤོས་ཤིག་ཕྱིར་འཐེན་བྱས་འདུག appeared first on བོད་ཀྱི་བང་ཆེན།.

དགའ་ལྡན་བྱང་རྩེ་གྲྭ་ཚང་གི་ཏྲེ་ཧོར་ཁམས་ཚན་ནས་ཡིན་པའི་དགེ་འདུན་པ་བཀྲ་ཤིས་དོན་གྲུབ་ལགས་དམར་གསོད་གཏོང་མཁན་གྱི་དོགས་ཡོད་ཉེས་ཅན་ལྔ་འཛིན་བཟུང་བྱས་ཏེ་ཁྲིམས་ཁང་དུ་ཁྲིམས་གཏུག་གནང་རྒྱུ་ཡིན་འདུག The post དགེ་འདུན་པ་ཞིག་དམར་གསོད་བཏང་བའི་དོགས་ཡོད་ཉེས་ཅན་ལྔ་འཛིན་བཟུང་བྱས་འདུག appeared first on བོད་ཀྱི་དུས་བབ།.

རིང་མིན་ཟླ་བ་འདིའི་ཕྱི་ཚེས་ ༡༤ དང་ ༡༥ བཅས་ཉིན་གྲངས་གཉིས་རིང་ཨ་རིའི་སྲིད་འཛིན་ Donald Trump མཆོག་རྒྱ་ནག་ཏུ་ཕྱོགས་བསྐྱོད་གནང་གི་ཡོད་པ་ལྟར། ཁ་སང་ཨ་རིའི་ཕྱི་སྲིད་དྲུང་ཆེ་སྐུ་ཞབས་ Marco Rubio མཆོག་གིས་ཨ་རྒྱ་གཉིས་ཀྱི་འགོ་ཁྲིད་ཐུག་འཕྲད་ཀྱི་མཛད་རིམ་ཐོག་འགྲོ་བ་མིའི་ཐོབ་ཐང་གི་གནད་དོན་དང་འབྲེལ་ནས་ཨ་རི་གཙོས་རྒྱལ་སྤྱིའི་སྤྱི་ཚོགས་ཀྱིས་སེམས་འཚབ་ཆེན་པོ་བྱེད་བཞིན་པའི་བོད་དང་ཤར་ Turkistan དེ་བཞིན་ཧོང་ཀོང་བཅས་ཀྱི་ཆེས་ཞན་པའི་འགྲོ་བ་མིའི་ཐོབ་ཐང་གི་གནད་དོན་སྐོར་གླེང་སློང་གནང་རྒྱུ་ཡིན་པ་བསྒྲགས་འདུག དེ་ཡང་ཁ་སང་ཕྱི་ཚེས་ ༥ ཉིན་ཨ་རིའི་ཕོ་བྲང་དཀར་པོའི་འཆར་ཅན་གསར་འགོད་ལྷན་ཚོགས་ཐོག  ཕྱི་སྲིད་དྲུང་ཆེ་སྐུ་ཞབས་ Marco Rubio མཆོག་གིས་ཨ་རིའི་སྲིད་འཛིན་རྒྱ་ནག་ལ་འཚམས་འདྲིར་ཕེབས་འཆར་དང་འབྲེལ་དྲི་བར་ལན་འདེབས་ཁྲོད། ཨ་རྒྱ་གཉིས་ཀྱི་འགོ་ཁྲིད་ཐུག་འཕྲད་ཀྱི་མཛད་རིམ་ཁྲོད་ཨ་རིའི་ངོས་ནས་ངེས་པར་དུ་རྒྱ་ནག་གི་འགོ་ཁྲིད་དང་ལྷན་རྒྱ་གཞུང་གིས་རྒྱ་ནག་སྤྱི་དང་བྱེ་བྲག་ཏུ་རྒྱའི་བཙན་གནོན་འོག་ཡོད་པའི་གྲངས་ཉུང་མི་རིགས་རྣམས་ཀྱི་གཞི་རྩའི་ཐོབ་ཐང་རྡོག་རོལ་གཏོང་བའི་གནད་དོན་སྐོར་གླེང་སློང་གནང་རྒྱུ་ཡིིན་པ་དང་། ལྷག་པར་ཨ་རིས་དེ་སྔ་ནས་སེམས་འཚབ་ཆེན་པོ་བྱེད་བཞིན་པའི་ Falun Gong ཧྥ་ལུང་གོང་རྗེས་འབྲངས་པ་རྣམས་ཀྱི་འགྲོ་བ་མིའི་ཐོབ་ཐང་གི་གནད་དོན་དང་འབྲེལ། རྒྱ་ནག་གཞུང་གིས་ཆོས་བརྒྱུད་དེའི་རྗེས་འབྲངས་པ་ས་ཡ་མང་པོ་འཛིན་བཟུང་བཀག་ཉར་དང་མནར་གཅོད་བཏང་བ། ངལ་རྩོལ་བཙན་སྐུལ་དང་བཙོན་འཇུག དེ་བཞིན་རྗེས་འབྲངས་པ་ཚོས་གཟུགས་པོའི་ནང་ཁྲོལ་ཚོང་འགྲེམས་བྱས་པ་སོགས་ཀྱི་གནད་དོན་སྐོར་གླེང་སློང་གནང་རྒྱུ་ཡིན་པ་གསུངས་འདུག མ་ཟད། ཐེ་ཝན་གྱི་གནད་དོན་དང་འབྲེལ། ཨ་རིའི་ངོས་ནས་ཐེ་ཝེན་གྱི་གནད་དོན་དེར་དམག་དང་དྲག་པོའི་ལམ་ནས་ཐག་གཅོད་བྱས་ཚེ་ཨ་རྒྱ་གཉིས་ཀར་ཕན་ཐོགས་ཡོང་གི་མེད་པས། ཐེ་ཝན་གྱི་གནད་དོན་དེ་ནི་ཞི་བ་དང་གྲོས་མོལ་གྱི་ལམ་ནས་སེལ་ཐབས་བྱ་དགོས་པའི་ཐོག་གྲོས་མོལ་གནང་རྒྱུ་ཡིན་པ་གསུངས་འདུག ཡང་ཨ་རྒྱ་གཉིས་ཀྱི་འགོ་ཁྲིད་ཐུག་འཕྲད་དང་འབྲེལ་རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་ཐོན་ཁག་ལ་གཞིགས་ན། ཁ་སང་ཨ་རིའི་སྲིད་འཛིན་ Donald Trump མཆོག་གིས་ Salem...

ཉེ་ཆར་ཕྱི་ཟླ་ ༤ ཚེས་ ༢༩ ཉིན་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་དུ་རྟེན་གཞི་བྱས་པའི་བྱེས་ཀྱི་གདན་ས་དགའ་ལྡན་བྱང་རྩེ་གྲྭ་ཚང་གི་གྲྭ་བཀྲ་ཤིས་དོན་གྲུབ་ལགས་སུ་རྐང་ལག་བསྡམས་ཏེ་བསད་རྗེས་ཕུང་པོ་རྙེད་སོན་བྱུང་ཡོད་པ་དང་འབྲེལ། ཉིན་དྲུག་པ་འགྲོ་བཞིན་པ་དང་བསྟུན་ཁ་ཉིན་ས་གནས་ཉེན་རྟོག་པས་ཉེས་ཅན་པ་མི་གསུམ་འཛིན་བཟུང་དང་ཁ་སང་ཉེས་ཅན་པ་མི་༢ འཛིན་བཟུང་དང་སྦྲགས་ཁྱོན་ཉེས་ཅན་པ་ ༥ ཆ་ཚང་འཛིན་བཟུང་བྱས་འདུག དེ་ཡང་ཟླ་ ༤ ཚེས་ ༢༩ ཉིན་གྱི་སྔ་དྲོར་གྲྭ་བཀྲ་ཤིས་དོན་གྲུབ་ལགས་ཀྱི་ཕུང་པོ་དྷར་ཝཌ་གྲོང་ཁྱེར་གྱི་མཐའ་མཚམས་ཤིག་ཏུ་རྙེད་སོན་བྱུང་ཡོད་པ་དང་། ཤེས་རྟོགས་བྱུང་བར་གཞིགས་ན། ཉིན་གཅིག་གོང་གི་དགོང་མོའི་ཕྱག་ཚོད་ ༡༡ ཡོལ་ཙམ་ལ་གྲྭ་བཀྲ་ཤིས་དོན་གྲུབ་ལགས་ཀྱི་རྐང་ལག་བསྡམས་ཏེ་བཀྲོངས་ཡོད་པ་མ་ཟད། ཉེན་རྟོག་པས་དོན་རྐྱེན་འདིར་རྩད་གཅོད་བྱས་པའི་རྗེས་སུ་ཁ་ཉིན་ཉེས་ཅན་པ་གསུམ་འཛིན་བཟུང་དང་ཁ་སང་མི་གཉིས་འཛིན་བཟུང་བྱས་ཡོད་འདུག གནས་ཚུལ་ལ་གཞིགས་ན་གྲྭ་བཀྲ་ཤིས་དོན་གྲུབ་ལགས་དངུལ་གྱི་ཆེད་དུ་བསད་པ་ཞིག་ཆགས་ཀྱི་འདུག་པ་མ་ཟད། ཐོག་མར་མི་བསད་མཁན་དེ་དག་གིས་གྲྭ་བཀྲ་ཤིས་དོན་གྲུབ་ལགས་ལ་དངུལ་ཡོད་པར་བསམ་ནས་བཙན་ཁྲིད་བྱས་པ་དང་རྗེས་སུ་གྲྭ་ བཀྲ་ཤིས་དོན་གྲུབ་ལགས་ལ་དངུལ་སྒོར་གཅིག་ཀྱང་མེད་པ་ཤེས་རྗེས་ཁོང་བསད་དེ་ཉེས་ཅན་པ་དེ་དག་བྲོས་ཡོད་འདུག རྩ་བའི་ཉེས་ཅན་པ་དེ་དག་རྒྱ་གར་གྱི་མངའ་སྡེ་མ་ཧ་རཱས་ཊ་ནས་མོན་གྷོ་རྫོང་ཁོངས་སུ་ལོ་ལྟར་བུར་ཤིང་གཅོད་འབྲེག་ཆེད་དུ་སླེབས་ཀྱི་ཡོད་པ་དང་ཁོང་རྣམས་ཀྱིས་གྲྭ་བཀྲ་ཤིས་དོན་གྲུབ་ལགས་བསད་རྗེས་ལམ་ཞོར་དུ་ཕུང་པོ་གཡུགས་ཡོད་འདུག ཤེས་རྟོགས་བྱུང་བར་གཞིགས་ན་ད་བར་ཉེན་རྟོག་པས་མི་ལྔ་འཛིན་བཟུང་བྱས་པ་དེ་དག་ནས་གསུམ་ནི་ Sangeetha Yadav དང་། Vaibhav Chavan དེ་བཞིན་ Siddesh Bhosle བཅས་ཡིན་པ་དང་། མི་གཞན་གཉིས་ཀྱི་མིང་ད་ལྟའི་ཆར་ཁ་གསལ་མེད་པ་དང་ཁོང་ལྔ་པོ་མཱ་ཧ་ར་ས་ཊ་མངའ་སྡེ་ནས་ཡིན་པ་རེད་འདུག གནད་དོན་དེ་འབྲེལ་འདི་ག་རླུང་འཕྲིན་ཁང་གིས་ལྷོ་སྤྱི་འཇིགས་མེད་ཚུལ་ཁྲིམས་ལགས་སུ་བཀའ་འདྲི་ཞུས་པར་ཁོང་གིས། དེ་རིང་དྷར་ཝཌ་ས་གནས་ཉེན་རྟོག་པ་དང་ཚོགས་འདུ་འཚོགས་ཡོད་པ་དང་འབྲེལ། སྐབས་དེར་ཉེན་རྟོག་པ་རྣམས་ཀྱིས་སང་ཉིན་ནས་བཟུང་ཁྲིམས་ཁང་ལ་ཁྲིམས་གཏུག་གནང་རྒྱུ་ཡིན་པ་མ་ཟད། ཉེས་ཅན་པ་དེ་དག་ལ་ཉེས་པ་ཚབས་ཆེན་ཕོག་ཐབས་བྱེད་ཀྱི་ཡིན་པ་སོགས་གསུངས་འདུག The...

ཧྥ་རན་སི་ནང་གནས་སྡོད་གནང་མཁན་བོད་དོན་ལས་འགུལ་བ་བོད་མི་བསོད་ནམས་དོན་གྲུབ་ལགས་ཀྱིས། ཟླ་བ་སྔོན་མ་ནས་འགོ་འཛུགས་གནང་བའི་བོད་དོན་དྲིལ་བསྒྲགས་ཆེད་རྐང་འཁོར་སྐོར་སྐྱོད་ཀྱི་ལས་འགུལ་དེ་བཞིན་དེ་རིང་ཉིན་གྲངས་ ༣༤ པ་ཆགས་ཀྱི་ཡོད་པ་དང་། ད་བར་སྤྱི་ལེ་ ༢༤༠༠ ལྷག་ཙམ་བསྐྱོད་ཡོད་པ་རེད་འདུག རྩ་བའི་བསོད་ནམས་དོན་གྲུབ་ལགས་ཀྱིས་རྐང་འཁོར་སྐོར་སྐྱོད་ཀྱི་ལས་འགུལ་དེ་བཞིན་ཟླ་བ་སྔོན་མའི་ཚེས་ ༡ ཉིན་ཧྥ་རན་སིའི་བྱང་ཕྱོགས་མངའ་སྡེ་ Grenoble ནས་འགོ་འཛུགས་གནང་ཡོད་པ་དང་། ཐེངས་འདིའི་ལས་འགུལ་ཐོག་ཁོང་གིས་རྒྱ་ནག་དམར་ཤོག་ཚོགས་པའི་གདུག་རྩུབ་ཀྱི་བྱ་སྤྱོད་ཡོངས་གྲགས་ཡིན་པ་དང་། ཁོ་ཚོས་གསར་བརྗེའི་མིང་ཐོག་ནས་མི་གསོད་ཁྲག་སྦྱོར་གྱི་བྱ་སྤྱོད་སྤེལ་ཏེ་ ༡༩༥༩ ལོར་མགོ་སྐོར་བསླུ་བྲིད་དང་གདུག་རྩུབ་ཐོག་བོད་བཙན་བཟུང་བྱས་ཡིན་པ་དང་། ད་ཆ་ཡང་བོད་ནང་རྒྱ་ནག་གིས་སྲིད་བྱུས་འདྲ་མིན་བརྒྱུད་མི་རིགས་སིམ་བསྒྱུར་བྱེད་མུས་ཡིན་པ་སོགས་ད་ལྟའི་དངོས་ཡོད་ཛ་དྲག་གནས་སྟངས་མངོན་གསལ་དང་འབྲེལ། རྒྱ་གཞུང་གིས་ཁྲིམས་འགལ་ཐོག་བཙན་ཁྲིད་བྱས་པའི་ཆུང་སྲིད་༸པཎ་ཆེན་རིན་པོ་ཆེ་མཆོག་གི་འདས་སོན་གྱི་གནས་ཚུལ་ཁ་གསལ་བཟོ་དགོས་པ། དེ་བཞིན་རྒྱ་ནག་གི་བཙོན་ཁང་ནང་དུ་ཡོད་པའི་བོད་ཀྱི་བླ་སྤུལ་རྣམས་དང་། ཉེས་མེད་བཙོན་པ་རྣམས་གློད་བཀྲོལ་གཏོང་དགོས་པ་སོགས་ཀྱི་ཐོག་ནས་བོད་དང་འབྲེལ་བའི་དོན་ཚན་ ༡༣ ཐོག་དྲིལ་བསྒྲགས་གནང་བཞིན་པ་ཡོད་པ་རེད། འདི་གའི་གསར་འགོད་པས་དེ་འབྲེལ་བསོད་ནམས་དོན་གྲུབ་ལགས་སུ་བཀའ་འདྲི་ཞུ་སྐབས་ཁོང་གིས། ཟླ་བ་སྔོན་མ་ནས་འགོ་འཛུགས་ཀྱིས་ཉིན་ལྟར་སྤྱི་ལེ་ ༧༠ འམ་ ༨༠ ཙམ་སྐོར་སྐྱོད་གནང་གི་ཡོད་པ་དང་། ད་བར་གྲོང་ཁྱེར་ཆེ་ཁག་ ༩ ཙམ་ནང་སྐོར་སྐྱོད་གནང་ནས་དེ་རིང་ Pont-Audemer ཞེས་པའི་གྲོང་གསེབ་ཏུ་འབྱོར་ཡོད་པ་འགྲེལ་བརྗོད་གནང་བ་དང་འབྲེལ། སྤྱིར་བཏང་ཧྥ་རན་སི་གནང་རྐང་འཁོར་སྐྱོར་སྐྱོད་གནང་སྐབས་ཡུལ་ལྗོངས་ཁོ་ན་བལྟ་ནས་འགྲོ་སའི་ལམ་ཞིག་ཡོད་ཀྱང་། ཁོང་ལམ་དེ་ནས་མ་བསྐྱོད་པར་ཁུལ་དེའི་གྲོང་གསེབ་སྐོར་ནས་ཡུལ་མི་མང་དག་ཅིག་ལ་བོད་དོན་དྲིལ་བསྒྲགས་གནང་ཐབས་གནང་གི་ཡོད་པ་དང་། དེ་ལྟར་གྲོང་གསེབ་བརྒྱུད་ནས་བསྐྱོད་སྐབས་སྐབས་རེ་ཁྱི་ཡིས་རྗེས་འདེད་བཏང་བ་སོགས་ཀྱི་དཀའ་ངལ་ཡོད་པ་གསུངས་སོང་། རྩ་བའི་བསོད་ནམས་དོན་གྲུབ་ལགས་ནས་བོད་དོན་དྲིལ་བསྒྲགས་ཀྱི་ལས་འགུལ་དེ་བཞིན་སྤེལ་བ་ཐེངས་དང་པོ་མིན་པར་འདས་པའི་ལོ་བཞི་ཙམ་ནང་ལོ་ལྟར་སྲུང་བརྩི་ཞུ་བཞིན་པའི་འཛམ་གླིང་རྒྱལ་དར་ཉིན་མོར་མཉམ་ཞུགས་གནང་མྱོང་ཡོད་པ་མ་ཟད། གཞན་ཡང་དེ་སྔོན་ཁོང་ནས་བོད་དོན་དྲིལ་བསྒྲགས་ཆེད་ཞི་བའི་གོམ་བགྲོད་སོགས་ཀྱི་ལས་འགུལ་ལའང་མཉམ་ཞུགས་གནང་མྱོང་ཡོད་པ་རེད། The post...

རྒྱ་གར་བྱང་ཤར་ཨ་རུ་ནཱ་ཅལ་མངའ་སྡེའི་ནང་སྲིད་བློན་ཆེན་མཆོག་གིས་ཨ་རུ་ནཱ་ཅལ་མངའ་སྡེ་དང་རྒྱ་ནག་གི་བཙན་བཟུང་བྱས་པའི་བོད་བར་ས་མཚམས་ཡོད་པ་ནན་བརྗོད་གནང་འདུག དེ་ཡང་ཟླ་བ་འདིའི་ཚེས་ ༡ ནས་ ༣ བར་ཉིན་གྲངས་གསུམ་རིང་ཇམ་མུ་ནང་དུ་རྟེན་གཞི་བྱས་པའི་ Galaxy College of Education, Jammu མཐོ་སློབ་དེའི་ནང་རྒྱལ་ཡོངས་བདེ་འཇགས་ཀྱི་གོ་རྟོགས་ལྷན་ཚོགས་ The Forum for Awareness of National Security (FANS) ཀྱི་ལོ་འཁོར་ཚོགས་ཆེན་ཐེངས་ ༡༡ པ་དེ་འཚོགས་འདུག་པ་དང་། ལྷན་ཚོགས་དེའི་ཐོག་སྐུ་མགྲོན་གཙོ་བོར་ཨ་རུ་ནཱ་ཅལ་མངའ་སྡེའི་ནང་སྲིད་དང་མཐའ་མཚམས་བློན་ཆེན་ Mama Natung མཱ་མཱ་ནཱ་ཏུང་ལགས་གདན་ཞུས་གནང་འདུག་ཅིང་། ཁོང་གིས་གསར་འགོད་པའི་དྲི་བར་ལས་འདེབས་ཁྲོད། རྒྱ་ནག་གིས་ས་མཚམས་གནད་དོན་དང་འབྲེལ་ནས་བྱེད་བབ་ལ་སྐྱོན་བརྗོད་ཀྱིས། ད་ལྟའི་རྒྱ་གར་ནི་རྒྱ་ནག་གི་ཧམ་འཛུལ་ལ་གླགས་རྙེད་པ་ཞིག་ཡོད་སྐོར་གསུངས་བ་མ་ཟད། རྒྱ་གར་དང་འབྲེལ་བའི་རྒྱལ་སྤྱིའི་ས་མཚམས་ ༧ ཡོད་པའི་ནང་ནས་ཨ་རུ་ནཱ་ཅལ་ལ་གསུམ་སྟེ། Myanmar འམ་འབར་མ་དང་། འབྲུག  དེ་བཞིན་རྒྱ་ནག་གིས་དབང་འགྱུར་བྱས་པའི་བོད་ཡིན་ཞིང་། བོད་ནི་རྒྱ་གར་གྱི་ཁྱིམ་མཚེས་རྒྱལ་ཁབ་ཡིན་པ་ལས་རྒྱ་ནག་མ་རེད་ཅེས་ནན་བརྗོད་ཀྱིས། ཕྱི་ལོ་...

ཝཱ་ཎ་དབུས་བོད་ཀྱི་གཙུག་ལག་སོབ་གཉེར་ཁང་ནྱི་༸སྱི་ནོར་༸གོང་ས་སྐྱབས་མགོན་སྐུ་ཕེང་བཅུ་བཞྱི་པ་ཆེན་པོ་མཆོག་གྱི་དགོངས་གཞྱི་ལྟར་རྒྱ་གར་ དབུས་གཞུང་གྱི་མཐུན་རེན་འགོ ་བཙུགས་པའྱི་བོད་ཀྱི་གཙུག་ལག་སོབ་གཉརེ ་ཁང་ཞྱིག་ཡྱིན་པ་མ་ཟད། རྒྱ་གར་ག་ྱི མཐོ་སོབ་མཐུན་སྦྱིན་ལྷན་ཚགོ ས་(UGC)ཁྱིམས་ ཡྱིག་༡༩༥༦གྱི་དོན་ཚན་གསུམ་པའྱི་དགོངས་དོན་ལྟར་མཐོ་སོབ་ཏུ་ཚད་འཛིན་ངོས་བཞེས་ཐོབ་པ་ཞྱིག་ཡྱིན་པ་དང་། རྒྱ་གར་རྒྱལ་ཡོངས་ཞྱིབ་དཔོད་ཚད་འཛིན་ལྷན་ ཚགོས་(NAACorNationalAssessmentandAccreditationCouncil)ནས་རྒྱལ་ཡོངས་ཚད་མཐོའ་ིཨང་རྱིམ་ཀ་པའྱི་གདེང་འཇོག་གནང་ ཡོད། The post ཕྱི་ལོ་༢༠༢༦-༢༠༢༧ ལོའི་སློབ་དུས་ཀྱི་འཛུལ་རྒྱུགས་ཆེན་མོའི་ཡོངས་ཁྱབ་གསལ་བསྒྲགས། appeared first on བོད་ཀྱི་བང་ཆེན།.

ཕྲུ་གུ་ངུ་ས་ཕ་མ་ཡིན་པར་བརྟེན་ཐེངས་འདིར་ཆེས་མཐོའི་ཁྲིམས་ཞིབ་ཁང་ལ་བཅར་བ་ཡིན་ཞེས་བལ་ཡུལ་མཆོད་འཇོར་སྐུ་ཚབ་ཀྱིས་གསུངས་པ།

བོད་ནང་དྲག་རྩུབ་ཀྱི་གནས་སྟངས་ངོས་འཛིན་གྱི་ཁྲིམས་འཆར་ཞིག་ཨ་རིའི་གྲོས་ཚོཊ་འཐུས་མིས་བཏོན་པ།

བལ་ཡུལ་མཆོད་འཇོར་ས་གནས་མི་མང་གི་འཐུས་ཚབ་བློ་བཟང་ཚེ་རིང་ལགས་ཀྱིས་བལ་ཡུལ་མཆོད་འཇོར་ས་གནས་མི་མང་དང་དགོན་སྡེ་ཁག་དྲུག་བཅས་ཀྱི་ཐོབ་ཐང་བཀག་སྐྱིལ་བྱས་པར་དབུས་འོས་བསྡུ་ལས་ཁང་ལ་ཁྲིམས་གཏུགས་བྱ་རྒྱུའི་སླད་ཆེས་མཐོའི་ཁྲིམས་ཞིབ་ཁང་ལ་ཕེབས་ཡོད་པ་གསུངས་སོང་། དེ་ཡང་ཉེ་ཆར་ཕྱི་ཟླ་ ༢ པའི་ཚེས་ ༡ ཉིན་བཙན་བྱོལ་བོད་མིའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུའི་སྐབས་བལ་ཡུལ་མཆོད་འཇོར་ས་ཁུལ་ནས་འོས་བསྡུའི་སྒྲིག་གཞིར་འགལ་འཛོལ་ཚབས་ཆེ་བྱུང་བའི་ངོས་འཛིན་དང་འབྲེལ། དབུས་འོས་བསྡུ་ལས་ཁང་གིས་ཟླ་བ་འདིིའི་ཚེས་ ༢༣ ཉིན་མཆོད་འཇོར་ས་གནས་མང་ཚོགས་ལ་དངོས་གཞི་འོས་འཕང་རྒྱུའི་ཐོབ་ཐང་ཕྱིར་འཐེན་གནང་རྒྱུའི་ཐག་གཅོད་གནང་ཡོད་པ་ལྟར། སྤྱི་ཚོགས་ནང་གནད་དོན་དེའི་ཐོག་སེམས་འཚབ་ཀྱིས་ལབ་གླེང་ཤུགས་ཆེ་བྱུང་བ་དང་། ལྷག་པར་དུ་མཆོད་འཇོར་ས་གནས་མི་མང་གིས་ཡིག་ངག་གཉིས་ཐོག་ནས་རེ་སྐུལ་ནན་པོ་ཞུས་པ་མ་ཟད། དེ་རིང་ཉིན་རྒྱབ་ཆུ་ཚོད་ ༣ ཡོལ་ཙམ་ལ་མཆོད་འཇོར་ས་གནས་མི་མང་གི་སྐུ་ཚབ་ཞུ་འབྱོར་བ་བློ་བཟང་ཚེ་རིང་ལགས་དང་ཁོང་གི་ཁྲིམས་རྩོད་པ་བཅས་བཞུགས་སྒར་དབུས་བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་ཁང་ལ་ཁྲིམས་གཏུགས་ཀྱི་ཞུ་སྙན་ཕུལ་བར་ཆེད་བཅར་ཞུས་གནང་སོང་། སྐབས་དེར་འདི་གའི་གསར་འགོད་པས་ཞུ་འབྱོར་བ་བློ་བཟང་ཚེ་རིང་ལགས་སུ་དེ་རིང་འདིར་ཕེབས་དགོས་དོན་དང་འབྲེལ་ནས་བཀའ་འདྲི་ཞུ་སྐབས། ཁོང་གིས་ད་རེས་མཆོད་འཇོར་ས་གནས་མི་མང་གི་རྒྱབ་སྐྱོར་ཐོག་ནས་གཙོ་བོ་དབུས་འོས་བསྡུ་ལས་ཁང་གིས་བལ་ཡུལ་མཆོད་འཇོར་ས་གནས་མི་མང་དང་དགོན་སྡེ་ཁག་དྲུག་བཅས་ཀྱི་ཐོབ་ཐང་བཀག་སྐྱིལ་བྱས་པར་ཁྲིམས་གཏུགས་བྱ་ཆེད་འདིར་ཕེབས་ཡིན་སྐོར་འགྲེལ་བརྗོད་དང་འབྲེལ། ཐེངས་འདིའི་དངོས་གཞིའི་འོས་བསྡུའི་ཁྲོད་མཆོད་འཇོར་ས་གནས་མང་ཚོགས་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གསོལ་རྩལ་མཛད་པའི་མང་གཙོའི་ཁེ་དབང་བཙན་འཕྲོག་བྱས་པའི་ཐད་བློ་ཕམ་ཆེན་པོ་བྱུང་ཡོད་ཅེས་གསུངས་སོང་། བློ་བཟང་ཚེ་རིང་ལགས་ཀྱི་ཁྲིམས་གཏུགས་རྩོད་ལེན་པ་བཙན་བྱོལ་བོད་མིའི་ཁྲིམས་ལུགས་རིག་པ་བའི་སྤྱི་ཁྱབ་དྲུང་ཆེ་བསྟན་འཛིན་སྒྲོལ་དཀར་ལགས་སུ་བཀའ་འདྲི་ཞུ་སྐབས། ཁོང་གིས་བློ་བཟང་ལགས་ཁ་སང་བོད་མིའི་ཁྲིམས་ལུགས་པའི་ལས་ཁུངས་སུ་ཕེབས་པ་དང་ཁོང་གི་གྱོད་དོན་ཐོག་གྲོས་བསྡུར་ཞིབ་འཇུག་གནང་རྗེས་དེ་རིང་ཆེས་མཐོའི་ཁྲིམས་ཞིབ་ཁང་ལ་གནད་དོན་དེ་ཉིད་སྐོར་ཁྲིམས་གཏུགས་ཀྱི་ཞུ་སྙན་ཕུལ་ཡོད་པ་དེ་ལྟར་ཡང་། ཁྲིམས་ཁང་ནས་དེའི་ཐོག་ཞིབ་འཇུག་གིས་ལྗགས་ལན་གནང་རྒྱུ་ཡིན་པའི་བཀའ་ལན་ཕེབས་ཡོད་པ་གསུངས་སོང་། མ་ཟད་བཙན་བྱོལ་བོད་མིའི་ཁྲིམས་ལུགས་རིག་པའི་ཁྲིམས་མཐུན་ལས་བྱེད་རིན་ཆེན་དབང་རྒྱལ་ལགས་སུ་དེའི་སྐོར་བཀའ་འདྲི་ཞུ་སྐབས། ཁོང་གིས་དེ་རིང་གི་ཁྲིམས་གཏུགས་ཞུ་སྙན་དེར་མཆོད་འཇོར་ས་གནས་མི་མང་དང་དགོན་སྡེ་ཁག་དྲུག་བཅས་ནས་ཁྱོན་མང་ཚོགས་ ༣༠༠ མན་ཙམ་གྱིས་རྒྱབ་གཉེར་དཔང་རྟགས་གནང་ཡོད་པ་གསུངས་སོང་། གནད་དོན་འདི་དང་འབྲེལ་འདི་ག་རླུང་འཕྲིན་ཁང་གིས་དེ་རིང་ཉིན་རྒྱབ་ཏུ་དབུས་འོས་བསྡུའི་སྤྱི་ཁྱབ་འགན་འཛིན་སྤྱི་ཟུར་བློ་བཟང་ཡེ་ཤེས་ལགས་སུ་བཅར་འདྲི་ཞུ་སྐབས། ཁོང་གིས་དབུས་འོས་བསྡུ་ལས་ཁང་ངོས་ནས་དེ་སྔོན་མཆོད་འཇོར་ཁུལ་ནས་འོས་བསྡུའི་སྒྲིག་གཞིར་འགལ་འཛོལ་ཚབས་ཆེན་བྱུང་བའི་ངོས་འཛིན་འོག་ས་གནས་དེར་དངོས་གཞིའི་འོས་བསྡུའི་ལས་རིམ་ཐེངས་གཅིག་ཕྱིར་འཐེན་གནང་རྒྱུའི་ཐག་གཅོད་གནང་བའི་རྗེས་སུ། འབྲེལ་ཡོད་ཀྱིས་དེ་སྔ་ནོར་འཁྲུལ་ངོས་ལེན་མ་གནང་བ་དག་ཕྱིས་སུ་ངོས་ལེན་གནང་ཡོད་པ་མ་ཟད། ས་གནས་མང་ཚོགས་ནས་དབུས་འོས་བསྡུ་ལས་ཁུངས་ལ་ས་གནས་ས་ཐོག་ཞིབ་འཇུག་འཕར་མ་གནང་སྐྱོང་ཡོང་བ་དང་འབྲེལ། མང་ཚོགས་ཀྱི་འོས་འཕང་རྒྱུའི་ཐོབ་ཐང་ཕྱིར་སློག་གནང་དགོས་པའི་རེ་སྐུལ་ཞུས་ཡོད་པ་དང་། གནད་དོན་དེ་དག་ལ་གཞིགས་ཏེ་ཟླ་བ་སྔོན་མའི་ཚེས་ ༢༨ ཉིན་དབུས་འོས་བསྡུ་འགན་འཛིན་གྱིས་ངག་ཐོག་ནས་འབྲེལ་ཡོད་ལ་མཆོད་འཇོར་ས་གནས་སུ་ཞིབ་འཇུག་གནང་རྒྱུ་དང་ལྷན་མང་ཚོགས་ལ་འོས་འཕང་རྒྱུའི་ཐོབ་ཐང་གནང་དགོས་པའི་ཐག་གཅོད་མངོན་གསལ་གནང་ཡོད་པ་གསུངས་སོང་།   ཡིན་ནའང་ས་གནས་སུ་འོས་བསྡུའི་གྲ་སྒྲིག་གི་བརྒྱུད་རིམ་ཁྲོད་འབྲེལ་ཡོད་ཁག་ནས་ཕྱར་གྲུ་མཉམ་འདེགས་གནང་ཐུབ་མིན་དང་ཞིབ་འཇུག་ཚོགས་ཆུང་ནང་བཞུགས་ཐུབ་མིན་གྱི་ཐོག་ནས་གླེང་སློང་གང་ཙམ་བྱུང་རྗེས། ཟླ་བ་འདིའི་ཚེས་ ༡ ཉིན་ཆོས་འབྱོར་ས་གནས་འོས་བསྡུ་འགན་འཛིན་ནས་འོས་བསྡུའི་ལས་རིམ་གྲ་སྒྲིག་ཐུབ་རྒྱུ་ཡིན་པའི་སྐོར་གསུངས་ནས་ཞིབ་འཇུག་ཚོགས་ཆུང་ཆེད་འཛུགས་གནང་བ་མ་ཟད། ས་གནས་སུ་དངོས་གཞིའི་འོས་བསྡུ་བསྐྱར་དུ་བྱ་རྒྱུའི་ཐག་གཅོད་ཀྱི་བཀོད་ཁྱབ་ཀྱང་བཏང་ཟིན་ཡོད་པ་དེ་ལྟར་ཡང། ཕྱི་ཚེས་...

ང་རང་བློ་རྩེ་གཅིག་གཏད་ཀྱིས་སྤྱི་ནོར་༧གོང་ས་༧སྐྱབས་མགོན་སྐུ་ཕྲེང་ ༡༤ པ་ཆེན་པོ་མཆོག་ལ་དད་གུས་ཞུ་མཁན་ཞིག་ཡིན།

[དྷ་རམ་ས་ལར།] ཕྱི་ལོ་༢༠༢༦ ཟླ་༥ ཚེས་༤ ཉིན། འགྲོ་བ་མིའི་ཐོབ་ཐང་ལྟ་རྟོག་ཚོགས་པས་ (Human Rights Watch) The post རྒྱ་ནག་གིས་བོད་ཀྱི་སྐད་ཡིག་རྩ་མེད་དང་བོད་རིགས་རྒྱ་སྒྱུར་བྱེད་བཞིན་པ། appeared first on བོད་ཀྱི་བང་ཆེན།.

དེ་རིང་ཉིན་རྒྱབ་ཏུ་བལ་ཡུལ་ནས་ཕེབས་པའི་བློ་བཟང་ཚེ་རིང་ལགས་ཀྱིས། བོད་མིའི་ཁྲིམས་ལུགས་རིག་པ་བའི་ཁྲིམས་རྩོད་པ་བརྒྱུད། བལ་ཡུལ་མཆོད་འཇོར་མི་མང་ལ་དངོས་གཞི་འོས་བསྡུའི་ཐོབ་ཐང་འཕྲོག་པའི་གནད་དོན་དང་འབྲེལ་ནས། དབུས་འོས་བསྡུ་ལས་ཁང་ཆེས་མཐོའི་ཁྲིམས་ཞིབ་ཁང་ལ་ཁྲིམས་གཏུག་བྱས་སོང་། The post དབུས་འོས་བསྡུ་ལས་ཁང་ཆེས་མཐོའི་ཁྲིམས་ཞིབ་ཁང་ལ་གཏུགས། appeared first on བོད་ཀྱི་དུས་བབ།.

ཨ་རིར་རྟེན་གཞི་བྱས་པའི་འགྲོ་བ་མིའི་ཐོབ་ཐང་ལྟ་ཞིབ་ཚོགས་པས་རྒྱ་གཞུང་གིས་སྤྱི་སྐད་ཁྱབ་སྤེལ་གྱི་མིང་འོག་ནས་བོད་ཁུལ་ཡོངས་དང་བྱེ་བྲག་ཏུ་བུ་བཅོལ་ཁང་དང་སྔོན་འགྲོའི་སློབ་གྲྭ་ཁག་གི་བོད་ཕྲུག་བྱིས་པ་རྣམས་ལ་བཙན་གྱིས་སྐད་གཉིས་སློབ་གསོ་ཟེར་བ་ལག་བསྟར་གྱིས་བོད་རིགས་བྱིས་པ་ཚོས་བོད་སྐད་ཡིག་སློབ་སྦྱོང་བྱེད་རྒྱུར་བཀག་སྡོམ་ཙམ་མ་ཟད། སྔོན་འགྲོའི་སློབ་གྲྭ་ནང་གི་བོད་པའི་ལོ་ཆུང་བྱིས་པ་ཚོར་རྒྱ་ནག་དམར་ཤོག་ཚོགས་པར་དགའ་ཞེན་དང་ཡིད་ཆེས་འགྱུར་བ་མེད་པ་བྱེད་དགོས་སྐོར་གྱི་སློབ་གསོ་སྤེལ་བཞིན་པར་མངོན་གསལ་དང་འབྲེལ།  དེས་བོད་མིའི་ངོ་བོ་དང་ཆོས་རིག་བཅས་པ་རྩ་མེད་འགྲོ་ཉེན་ཡོད་པའི་བློ་ཚབས་ཆེས་ཆེར་གསལ་སྟོན་གནང་འདུག དེ་ཡང་ཨ་རི་ནང་ཡོད་པའི་འགྲོ་བ་མིའི་ཐོབ་ཐང་ལྟ་ཞིབ་ཚོགས་པས་ཁ་སང་ཕྱི་ཚེས་ ༤ ཉིན་རྒྱ་ནག་གིས་བོད་ཁུལ་གྱི་སྔོན་འགྲོའི་སློབ་གྲྭ་ཁག་གི་ནང་བཙན་ཤེད་ཀྱིས་སྐད་གཉིས་ཀྱི་སློབ་གསོ་ལག་བསྟར་བྱེད་བཞིན་པའི་གནད་དོན་ཐད་སྙན་ཐོ་ཤོག་གྲངས་ ༧༢ ཅན་ཞིག་འདོན་སྤེལ་གནང་ཡོད་པའི་ནང་། ཕྱི་ལོ་ ༢༠༢༡ ལོར་རྒྱ་ནག་ཤེས་རིག་ལྷན་ཁང་ནས་ Children’s Speech Harmonization Plan འམ་བྱིས་པའི་གཏམ་བཤད་མཐུན་སྒྲིལ་གྱི་སྲིད་བྱུས་ཟེར་བའི་འོག་བོད་ཚུད་པའི་གྲངས་ཉུང་མི་རིགས་ས་ཁུལ་གྱི་སྔོན་འགྲོའི་སློབ་གྲྭར་སློབ་ཁྲིད་བྱེད་པའི་བརྒྱུད་ལམ་ཚང་མ་རྒྱ་ཡིག་ཚད་ལྡན་བེད་སྤྱོད་གཏོང་དགོས་པའི་བཀའ་རྒྱ་བཏང་ཡོད་པར་མངོན་གསལ་དང་འབྲེལ། དེའི་རྐྱེན་པས་འདས་པའི་ལོའི་ནང་བོད་པའི་བྱིས་པ་རྣམས་བོད་སྐད་རྒྱག་མི་ཐུབ་པའི་གནས་སུ་ལྷུང་ཡོད་པ་མ་ཟད། རང་ཁྱིམ་དུ་ཡང་ཕ་མ་གཉིས་དང་མཉམ་དུ་བོད་སྐད་བཀོལ་སྤྱོད་ཐུབ་ཀྱི་མེད་པས་དེ་ནི་རྒྱ་ནག་གིས་བུ་བཅོལ་ཁང་དང་སྔོན་འགྲོ་སློབ་གྲྭ་ནས་འགོ་འཛུགས་ཀྱིས། བོད་ཕྲུག་རང་གི་སྐད་ཡིག་དང་སྲོལ་རྒྱུན་རིག་གཞུང་ནས་རྒྱང་ཐག་རིང་དུ་བཏང་སྟེ་རྒྱ་བསྒྱུར་གྱི་ལས་གཞི་རྒྱ་སྐྱེད་གཏོང་བཞིན་པའི་ཤུགས་རྐྱེན་ཡིན་པ་གསུངས་འདུག མ་ཟད། སྙན་ཐོ་འདི་ནི་རྒྱ་ནག་གི་ཁྲིམས་ལུགས་དང་སྲིད་བྱུས་ཀྱི་ཡིག་ཆ། དེ་བཞིན་མཐོ་སློབ་དང་གསར་འགྱུར་བརྒྱུད་ལམ་གྱི་ཡོང་ཁུངས་བཅས་ལ་དབྱེ་ཞིབ་ཐོག འགྲོ་བ་མིའི་ཐོབ་ཐང་ལྟ་ཞིབ་ཚོགས་པས་བོད་ཀྱི་ས་ཁུལ་དུ་དངོས་སུ་རྒྱུས་མངའ་ཡོད་པའི་བོད་མི་བདུན་དང་མཁས་པ་ཁག་གཅིག་དང་བཅར་འདྲི་བྱས་ཡོད་པས། སྙན་ཐོའི་ནང་གཙོ་བོ་སྲིད་བྱུས་དེའོ་འོག་རྒྱ་གཞུང་གིས་བོད་ཁུལ་གྱི་སྔོན་འགྲོའི་སློབ་གྲྭ་ནང་གི་བོད་པའི་ལོ་ཆུང་བྱིས་པ་ཚོར་རྒྱ་ནག་དམར་ཤོག་ཚོགས་པར་དགའ་ཞེན་དང་ཡིད་ཆེས། ཆབ་སྲིད་ཀྱི་ལངས་ཕྱོགས་བརྟན་པོ་འཛིན་དགོས་པ། དེ་བཞིན་བོད་ཕྲུག་རྣམས་ལ་མ་སྐུལ་དྭང་བླངས་ཀྱི་ཐོག་ནས་རྒྱ་ནག་རྒྱལ་ཁབ་གཅིག་འགྱུར་གྱི་འདུ་ཤེས་གོང་སྤེལ་དང་ལྷག་དོན་མི་རིགས་གཅིག་སྒྲིལ་གྱི་སྲུང་སྐྱོབ་བྱེད་དགོས་པའི་སློབ་གསོ་སྤྲོད་བཞིན་པ་དེས། བོད་ཕྲུག་དེ་དག་རང་ཉིད་རྒྱ་མི་ཡིན་པའི་འདུ་ཤེས་འཛིན་མཁན་གྱི་གང་ཟག་ཅིག་ཏུ་བཟོ་ཡི་ཡོད་པ་དང་ཆབས་ཅིག  དེས་ཕུགས་ལ་བོད་མིའི་ཆོས་རིག་དང་སྐད་ཡིག་བཅས་པར་རྩ་མེད་འགྲོ་ཉེན་ཡོད་པ་གསལ་སྟོན་གནང་འདུག དེ་བཞིན་ཚོགས་པའི་ཨེ་ཤེ་ཡ་སྡེ་ཚན་གྱི་འགན་འཛིན་གཞོན་པ་ Maya Wang ལགས་ཀྱིས། སྐད་ཡིག་སློབ་སྦྱོང་བྱེད་པར་ཧ་ཅང་གལ་ཆེ་བའི་ཕྲུ་གུ་ཆུང་ཆུང་གི་དུས་སྐབས་སུ་རྒྱ་གཞུང་གིས་བོད་སྐད་སློབ་ཁྲིད་ཚད་བཀག་བཟོས་པ་དེས་བོད་ཀྱི་སྐད་ཡིག་དང་རིག་གཞུང་རྩ་མེད་གཏོང་བའི་མྱུར་ཚད་དེ་བཞིན་ཇེ་མགྱོགས་སུ་གཏོང་བཞིན་ཡོད་པ་མ་ཟད། སྲིད་བྱུས་འདི་ནི་ཤེས་ཡོན་གྱི་སྤུས་ཚད་སྐོར་མིན་པར་བོད་མི་ཚོ་ལོ་ན་ཆུང་དུས་ནས་རྒྱ་རིགས་ཀྱི་གཙོ་བོར་བཟུང་བའི་རྒྱལ་ཁབ་ཀྱི་ངོ་བོ་ཞིག་ཏུ་བཙན་ཤེད་ཀྱིས་མཉམ་འདྲེས་བྱེད་དུ་འཇུག་རྒྱུར་དམིགས་ཡོད་པས། རྒྱ་ནག་གི་བཙན་ཤེད་རང་བཞིན་གྱི་སྐད་གཉིས་སློབ་གསོ་ཁྱབ་སྤེལ་དེ་ནི་རྒྱ་ནག་གིི་རྩ་ཁྲིམས་དང་འགལ་བ་མ་ཟད།  མི་རིགས་གང་ཞིག་གིས་རང་སྐད་གཙོར་འཛིན་བྱེད་དགོས་པའི་རྒྱལ་སྤྱིའི་ཁྲིམས་ཡིག་དང་ཡང་འགལ་ཡོད་པར་ལུང་འདྲེན་གྱིས།  སྐད་གཉིས་སློབ་གསོ་ལམ་ལུགས་འདི་ནི་མི་རིགས་མཐུན་སྒྲིལ་གྱི་ཐབས་ཤིག་མིན་པར་དེ་ནི་བོད་གཙོས་པའི་གྲངས་ཉུང་མི་རིགས་ཀྱི་སྐད་ཡིག་དང་རིག་གཞུང་བཅས་པར་སྔར་ལྷག་བཙན་གནོན་ཤུགས་ཆེན་ཐེབས་རྒྱུའི་བྱུས་ངན་ཡིན་པ་གསུངས་འདུག མ་ཟད།  རྒྱ་གཞུང་གིས་སྐད་ཡིག་ལས་འགུལ་བ་གཙོས་པའི་བོད་ཀྱི་སྐད་ཡིག་སྲུང་སྐྱོབ་བྱེད་འདོད་ཡོད་མཁན་གྱི་མི་ཚོ་ཡང་འཛིན་བཟུང་དང་བཙོན་འཇུག་བྱེད་ཀྱི་ཡོད་པ་འགྲེལ་བརྗོད་དང་འབྲེལ། ...