བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཁ་སང་མ་ཎི་དུང་སྒྲུབ་ཀྱི་ཚོགས་མགོན་དུ་དབུ་བཞུགས་མཛད་སོང་། ཁ་སང་ཟླ་ ༥ ཕྱི་ཚེས་ ༡༧ སྟེ། བོད་ཟླ་བཞི་པ་ས་ག་ཟླ་བའི་ཚེས་ ༡ ཉིན་གྱི་སྔ་དྲོ་ཕྱག་ཚོད་ ༨།༣༠ ཡོལ་ཙམ་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བཞུགས་སྒར་༸རྒྱལ་བའི་ཕོ་བྲང་ནས་ཐེག་ཆེན་ཆོས་གླིང་གཙུག་ལག་ཁང་དུ་ཆིབས་བསྒྱུར་གྱིས་ས་ག་ཟླ་བའི་མ་ཎི་དུང་སྒྲུབ་ཀྱི་ཚོགས་མགོན་དུ་དབུ་བཞུགས་མཛད་གནང་སོང་། ཁ་སང་མ་ཎི་དུང་སྒྲུབ་ཀྱི་འདུ་འཛོམས་ཐོག་རྣམ་གྲྭ་ཕན་བདེ་ལེགས་བཤད་གླིང་གི་མཁན་སློབ་དགེ་འདུན་དང་། སེར་སྐྱ་མང་ཚོགས་སྟོང་ཕྲག་བརྒལ་བ་ནས་མཉམ་ཞུགས་གནང་སོང་། གཤམ་ལ་རྣམ་གྲྭ་ཕན་བདེ་ལེགས་བཤད་གླིང་གི་མཁན་རིན་པོ་ཆེ་དགེ་བཤེས་བློ་བཟང་བསམ་གཏན་ལགས་སུ་མ་ཎི་དུང་སྒྲུབ་ཀྱི་གོ་དོན་དང་ཚོགས་དམིགས་སོགས་དང་འབྲེལ་བའི་བཅར་འདྲི་ཁག་ཅིག་ཞུས་ཡོད་པས་གོང་གི་སྒྲ་སྒམ་ནས་གསན་ཐུབ། རྩ་བའི་ལོ་ལྟར་ས་ག་ཟླ་བའི་དུས་ཆེན་ནམ་ཡིན་ལ་༸རྒྱལ་བའི་ཕོ་བྲང་ནས་ཇོ་བོ་ཝ་ཏི་བཟང་པོའི་སྐུ་བརྙན་གཙུག་ལག་ཁང་དུ་གདན་འདྲེན་ཞུས་ཏེ་འཕགས་པ་སྤྱན་ལས་གཟིགས་ཀྱི་ཆོ་གའི་ཐོག་ནས་མ་ཎི་དུང་སྒྲུབ་གསོག་གནང་གི་ཡོད་པ་ལྟར།   ད་ལན་གྱི་མ་ཎི་དུང་སྒྲུབ་དེ་བཞིན་༸རྒྱལ་བའི་༸སྐུ་ཕྱྭའི་ཞབས་རིམ་གཙོས་པའི་བོད་བསྟན་སྲིད་སྤྱིའི་བདེ་ཐབས་སླད་དུ། ཁ་སང་ཕྱི་ཚེས་ ༡༧ བོད་ཟླ་ ༤ པ་ས་ག་ཟླ་བའི་ཚེས་པ་ ༡ སྟེ། ཕྱི་ཚེས་ ༡༧ ཉིན་དབུ་འཛུགས་ཀྱིས་ཕྱི་ཚེས་ ༢༣ བར་གཟའ་འཁོར་གཅིག་རིང་འཚོག་གནང་གི་ཡོད་པ་མ་ཟད། ས་ག་ཟླ་བའི་ཚེས་ ༨ ཉིན་སྨན་བླའི་གཟུངས་སྔགས་གསོག་སྒྲུབ་རྒྱ་གང་ཆེན་གནང་རྗེས་སེར་སྐྱ་མང་ཚོགས་རྣམས་ལ་དུས་རྒྱུན་ལྟར་མ་ཎི་རིལ་བུ་བགོ་འགྲེམས་གནང་གི་ཡོད་པ་རེད། The post ༸གོང་ས་མཆོག་མི་ཎི་དུང་སྒྲུབ་ཀྱི་ཚོགས་མགོན་དུ་དབུ་བཞུགས་མཛད་པ། appeared first on vot.

ཉེ་ཆར་ཨ་རིའི་སྲིད་འཛིན་རྒྱ་ནག་ལ་ལྟ་སྐོར་དུ་ཕྱིན་རྗེས་ཐའེ་ཝན་རང་བཙན་གནད་དོན་ཐད་རྒྱབ་སྐྱོར་མེད་ཚུལ་བརྗོད་ཡོད་པ་དང་། དེ་སྔོན་ཐའེ་ཝན་ལ་གོ་མཚོན་ཨ་སྒོར་ཐེར་འབུམ་༡༡ ཙམ་རིན་ཐང་འཚོང་རྒྱུའི་འཆར་གཞི་ཡོད་པ་རྣམས་འཚོང་མིན་མགྱོགས་པོ་ཐག་གཅོད་བྱེད་རྒྱུ་ཡིན་ཚུལ་བརྗོད་འདུག་པར་བརྟེན། ཐའེ་ཝན་གྱིས་ང་ཚོས་ཐའེ་ཝན་རང་བཙན་རྒྱལ་ཁབ་ཅིག་ཡིན་པ་བསྐྱར་དུ་གསལ་བསྒྲགས་བྱེད་དགོས་དོན་མེད་པ་དང་། གནའ་སྔ་མོ་ནས་མང་གཙོ་ལྡན་པའི་རང་བཙན་རྒྱལ་ཁབ་ཅིག་ཡིན་ཞེས་བརྗོད་འདུག The post ཐའེ་ཝན་གནའ་སྔ་མོ་ནས་རང་བཙན་རྒྱལ་ཁབ་ཡིན་ཞེས་ནན་བརྗོད་བྱས་འདུག appeared first on བོད་ཀྱི་བང་ཆེན།.

སྐབས་ ༡༧ པའི་ཡོ་རོབ་སྤྱི་འཐུས་སྐུ་ཞོགས་ཐུབ་བསྟན་དབང་ཆེན་ལགས་ལྷོ་ཨ་མི་རི་ཀའི་བོད་ཀྱི་སྐུ་ཚབ་དོན་གཅོད་དུ་བསྐོ་བཞག་གནང་བ་དང་འབྲེལ་སྤྱི་འཐུས་ནས་རྩ་དགོངས་ཞུ་མཚམས། དེ་རིང་ཡོ་རོབ་ཐོབ་ཁུངས་ཀྱི་སྤྱི་འཐུས་སྒུག་ཐོ་ཨང་དང་པོ་བཀྲ་ཤིས་བདེ་ལེགས་ལགས་ཀྱིས་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གི་དྲུང་ནས་སྤྱི་འཐུས་ཀྱི་ལས་འཁུར་དམ་འབུལ་ཞུས་སོང་། དེ་ཡང་ ༡༧ པའི་བོད་མང་སྤྱི་འཐུས་དང་བྷར་སི་ལོ་ནཱ་བོད་ཁང་གི་འགན་འཛིན་སྐུ་ཞོགས་ཐུབ་བསྟན་དབང་ཆེན་ལགས་ལྷོ་ཨ་མི་རི་ཀའི་བོད་ཀྱི་སྐུ་ཚབ་དོན་གཅོད་དུ་བསྐོ་བཞག་གནང་བ་དང་འབྲེལ། ཟླ་བ་འདིའི་ཚེས་ ༡༠ ཉིན་སྤྱི་འཐུས་ནས་རྩ་དགོངས་ཞུས་པའི་སྙན་ཞུ་འབྱོར་འཚམས། བོད་མི་མང་སྤྱི་འཐུས་ལྷན་ཚོགས་ཀྱིས་དབུས་འོས་བསྡུ་ལས་ཁང་ལ་དེ་འབྲེལ་ལམ་ལུགས་ལྟར་ཡིག་ཆུང་ཕུལ་ཏེ། དབུས་འོས་བསྡུ་ལས་ཁང་ནས་བཙན་བྱོལ་བོད་མིའི་བཅའ་ཁྲིམས་དོན་ཚན་ ༥༧ པའི་ནང་གསེས་ ༢ པའི་དགོངས་དོན་ལྟར། སྐབས་ ༡༧ པའི་ཡོ་རོབ་སྤྱི་འཐུས་ཀྱི་དངོས་གཞིའི་འོས་བསྡུའི་གྲུབ་འབྲས་ཁྲོད་སྒུག་ཐོའི་བང་རིམ་དང་པོ་བཀྲ་ཤིས་བདེ་ལེགས་ལགས་ནས་ཚོགས་དྲུང་ལས་ཁུངས་སུ་ལས་འཁུར་དམ་འབུལ་ཞུ་དགོས་པའི་བརྡ་ཐོ་བཏང་འབྱོར་བཞིན། དེ་རིང་ཚེས་ ༡༨ ཉིན་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་ཁང་དུ་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གི་དྲུང་ནས་སྐབས་ ༡༧ པའི་སྤྱི་འཐུས་ཀྱི་ལས་ཁུར་དམ་འབུལ་དང་དམ་འབུལ་མ་དེབ་ཐོག་མཚན་རྟགས་བཀོད་སོང་། འོན་ཀྱང་ཁོང་གི་ལས་ཡུན་དེ་ཕྱི་ཟླ་ ༥ ཚེས་ ༣༠ བར་ཟིན་གྱི་ཡོད་པ་རེད། འདི་ག་རླུང་འཕྲིན་ཁང་ནས་སྤྱི་འཐུས་བཀྲ་ཤིས་བདེ་ལེགས་ལགས་སུ་ལས་འཁུར་དམ་འབུལ་གྲུབ་མཚམས་བཀའ་འདྲི་ཞུས་པར་ཁོང་གིས། སྐབས་ ༡༧ པའི་ལས་ཡུན་ཉིན་གྲངས་ ༡༣ ལས་མེད་ཀྱང་འོས་བསྡུ་ལས་ཁང་གི་བཀོད་ཁྱབ་དང་བཙན་བྱོལ་བོད་མི་བཅའ་ཁྲིམས་བཅས་ལ་བརྩི་སྲུང་ཞུས་དགོས་གལ་ལ་གཟིགས་ནས་ལས་འཁུར་དམ་འབུལ་ཞུ་བར་ཕེབས་པ་ཞིག་ཡིན་པ་དང་། ལྷག་པར་ཡོང་རྒྱུའི་སྐབས་ ༡༨ པའི་བོད་མི་མང་སྤྱི་འཐུས་རྣམས་ལ་བོད་ཀྱི་རྩ་དོན་ཐོག་བཀའ་མོལ་གནང་རྒྱུ་དང་། ཆིག་སྒྲིལ།...

ཕྱི་ལོ་༢༠༢༦ ཟླ་༥ ཚེས་༡༨ ཉིན། བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་ཁང་དུ།ཚོགས་གཙོ་མཁན་པོ་བསོད་ནམས་བསྟན་འཕེལ་གྱི་མདུན་དུ། ཡུ་རོབ་དང་ཨ་ཕི་རི་ཀའི་ཁུལ་གྱི་བདམས་ཐོན་སྤྱི་འཐུས་བཀྲ་ཤིས་བདེ་ལེགས་ཀྱིས་སྐབས་༡༧ པའི་སྤྱི་འཐུས་ཀྱི་ལས་ཁུར་དམ་འབུལ་ཞུས་སོང་། ཡུ་རོབ་སྤྱི་འཐུས་ཐུབ་བསྟན་དབང་ཆེན་ལྷོ་ཨ་མི་རི་ཀའི་སྐུ་ཚབ་དོན་གཅོད་དུ་བསྐོ་གཞག་བསྩལ་དོན་ལྟར། ཕྱི་ལོ་༢༠༢༦ The post བཀྲ་ཤིས་བདེ་ལེགས་ཀྱིས་སྤྱི་འཐུས་ཀྱི་དམ་འབུལ་ཞུས་སོང་། appeared first on བོད་ཀྱི་བང་ཆེན།.

༢༠༢༦ ལོའི་རྒྱ་གར་རྒྱལ་ཡོངས་འཛིན་རིམ་ ༡༠ དང་ ༡༢ གཉིས་ཀྱི་ཡིག་རྒྱུགས་གྲུབ་འབྲས་ཁྲོད་བོད་པའི་སློབ་གྲྭ་ཁག་གི་ཁྱོན་ཡོངས་ཀྱི་བརྒྱ་ཆ་དེ་ ༩༧་༧༡ དང་ ༩༨་༥༨ སོ་སོར་ཆགས་ཀྱི་ཡོད་སྟབས། དེ་ནི་གྲུབ་འབྲས་ཡག་པོ་ཞིག་ཡིན་པ་གསུངས་སོང་། དེ་ཡང་ CBSE རྒྱ་གར་དབུས་འབྲིང་རིམ་ཤེས་ཡོན་ལྷན་ཚོགས་ཀྱིས་ཟླ་བ་འདིའི་ཚེས་ ༡༣ ཉིན་ ༢༠༢༦ ལོའི་འཛིན་རིམ་བཅུ་གཉིས་ཀྱི་རྒྱལ་ཡོངས་ཡིག་རྒྱུགས་ཆེན་མོའི་གྲུབ་འབྲས་གསལ་བསྒྲགས་བསྐྱངས་ཡོད་པ་དང་བསྟུན། དེ་རིང་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་ཤེས་ཡོན་ཚན་པའི་འགན་འཛིན་བསྟན་འཛིན་རྡོ་རྗེ་ལགས་སུ་དེའི་སྐོར་བཀའ་འདྲི་ཞུས་སྐབས་ཁོང་གིས། འདི་ལོའི་རྒྱལ་ཡོངས་འཛིན་རིམ་བཅུ་གཉིས་ཡིག་རྒྱུགས་ནང་བོད་པའི་སློབ་གྲྭ་ཁག་ ༡༣ ནས་སློབ་ཕྲུག་ ༩༡༨ མཉམ་ཞུགས་ཀྱིས་སློབ་ཕྲུག་ ༩༠༥ ཡིག་རྒྱུག་འཕྲོད་དེ་ཁྱོན་ཡོངས་ཀྱི་བརྒྱ་ཆ་ ༩༨་༥༨ ཡིན་པ་དང་། འཛིན་རིམ་ ༡༠ རྒྱལ་ཡོངས་ཡིག་རྒྱུགས་ཁྲོད། སློབ་གྲྭ་ ༢༢ ནས་སློབ་ཕྲུག་ ༡༠༠༥ མཉམ་ཞུགས་ཀྱིས་སློབ་ཕྲུག་ ༩༨༢ ཡིག་རྒྱུགས་འཕྲོད་དེ་ཁྱོན་ཡོངས་ཀྱི་བརྒྱ་ཆ་ ༩༧་༧༡...

༄༅། །ཕྱི་ལོ་ ༢༠༢༦ ཟླ་བ་ ༥ ཚེས་ ༡༨ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དྷ་རམ་ས་ལའི་བཞུགས་སྒར་ཕོ་བྲང་དུ་ཏཱ་ལའི་བླ་མ་ཧྥེ་ལོ་ལས་རིམ་ (The Dalai Lama Fellows Program) ཞེས་པས་གོ་སྒྲིག་འོག་རྒྱལ་ཁབ་ ༢༤ ནས་ཕེབས་པའི་༸གོང་ས་མཆོག་གི་དགོངས་བཞེད་ལྟར་བྱམས་བརྩེ་ལག་ལེན་བསྟར་ཕྱོགས་ཀྱི་བགྲོ་གླེང་གི་ཚོགས་བཅར་བ་ ༥༡ གིས་གཙོས་དད་ལྡན་མཇལ་བ་ ༣༨༠ ལ་མཇལ་ཁ་སྩལ་ཡོད། དེ་ཡང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་འཆར་ཅན་ལྟར་གཟིམ་ཆུང་ནས་མཇལ་འཕྲད་ཁང་གི་མདུན་ཐང་དུ་ཆིབས་བསྒྱུར་གྱིས་༸ཞབས་སྟེགས་སུ་འཁོད་མཚམས་རྒྱ་གར་གྱི་རྒྱལ་ས་ལྡི་ལི་དང་། ཀཤ་མཱིར། གུར་གའོན་སོགས་རྒྱལ་ནང་དང་། ཕྱིའི་རྒྱལ་ཁབ་ཁག་ནས་སླེབས་པའི་དད་ལྡན་མཇལ་བ་རྣམས་ལ་མཇལ་ཁ་དང་། དྲི་བར་བཀའ་ལན་སྩལ་སྐབས། ངོས་རང་ནང་པ་རེད། ཆོས་ལུགས་ཚང་མར་གུས་ཞབས་བྱེད་བཞིན་ཡོད། ཅེས་དང་། ཞི་བདེ་སོ་སོའི་སེམས་ནས་བཟོ་རྒྱུ་མ་གཏོགས་ཕྱི་ནས་བཟོ་རྒྱུ་ཁག་པོ་རེད། ཕྱི་ལོགས་སུ་གནས་ཚུལ་ཅི་ཞིག་ཡོད་ཀྱང་། སེམས་དངོས་གནས་ཞི་བདེ་བག་ཕེབས་ཐོག་སྡོད་ཐུབ་ན་འགྲིག་གི་ཡོད། ཅེས་སོགས་བཀའ་སློབ་སྩལ་དྲིན་སྩལ་ཡོད། མཐར་ཏཱ་ལའི་བླ་མ་ཧྥེ་ལོ་ལས་རིམ་གྱི་གོ་སྒྲིག་གནང་མཁན་དང་། ཚོགས་ཞུགས་པ་རྣམ་པར་མཇལ་ཁའི་ཐོག་མར་དགེ་བཤེས་ཐུབ་བསྟན་སྦྱིན་པ་ལགས་ཀྱིས་ལས་རིམ་འདི་བཞིན་ཕྱི་ལོ་ ༢༠༡༡ ལོ་ནས་དབུ་འཛུགས་མཛད་ཡོད་པ་༸སྙན་སེང་ཞུས་ཡོད་ཅིང་། མཇལ་ཁ་ལེགས་པར་གྲུབ་མཚམས་སྐུ་པར་ལྷན་སྒྲོན་དང་འབྲེལ་མགོན་པོ་གང་ཉིད་མཆོག་གིས་བཀའ་སློབ་སྩལ་དོན། བརྩེ་བ་ནི་ཧ་ཅང་གལ་ཆེན་པོ་རེད། སྤྱིར་བཏང་ཕལ་བ་ཚོ་འདོད་ཆགས་དང་འབྲེལ་ཡོད་ཀྱང་།...

དེ་རིང་ཕྱི་ཟླ་ ༥ ཚེས་ ༡༨ ཉིན་གྱི་སྔ་དྲོར་སྐབས་བཅུ་བདུན་པའི་བོད་མི་མང་ཡུ་རོབ་སྤྱི་འཐུས་བཀྲ་ཤིས་བདེ་ལེགས་ལགས་ནས་ལས་ཁུར་དམ་བཅའ་ཕུལ་ཡོད་པ་རེད། ཡུ་རོབ་དང་ཨ་ཧྥེ་རི་ཁའི་སྤྱི་ཟུར་ཐུབ་བསྟན་དབང་ཆེན་ལགས་ལྷོ་ཨ་མི་རི་ཀའི་སྐུ་ཚབ་དོན་གཅོད་དུ་བསྐོ་གཞག་གནང་ཡོད་སྟབས། དེ་རིང་ཕྱི་ཚེས་ ༡༨ ཉིན་གྱི་སྔ་དྲོར་ཡུ་རོབ་སྤྱི་འཐུས་ཀྱི་སྒུག་ཐོ་དང་པོ་བཀྲ་ཤིས་བདེ་ལེགས་ལགས་ཀྱིས། སྐབས་བཅུ་བདུན་པའི་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གི་དྲུང་ནས། སྐབས་བཅུ་བདུན་པའི་ཡུ་རོབ་སྤྱི་འཐུས་ཀྱི་ལས་ཁུར་དམ་འབུལ་ཞུས་སོང་ལ། ལས་ཡུན་རྫོགས་རྒྱུར་ཉིན་གྲངས་བཅུ་གསུམ་ལས་མེད་པ་རེད།  གནད་དོན་དེ་དང་འབྲེལ་ནས་སྐབས་བཅུ་བདུན་པའི་ཡུ་རོབ་སྤྱི་འཐུས་ལས་ཐོག་བཀྲ་ཤིས་བདེ་ལེགས་ལགས་ཀྱིས། ང་ལ་ཕྱི་ཟླ་ ༥ ཚེས་ ༥ ལ་དབུས་འོས་བསྡུ་ལས་ཁང་གིས་འབྲེལ་བ་བྱས་སོང་། དངོས་གནས་བྱས་ན་ཉི་མ་བཅུ་གསུམ་ཙམ་མ་གཏོགས་ཡོད་མ་རེད། ངའི་སེམས་ནང་ཉིན་བཅུ་གསུམ་ལས་མེད་པས། ཐག་རིང་པོ་ཡིན་སྟབས་ཡོང་ནའང་འགྲོ་སོང་དང་ལས་ཀ་མེད་ལ། སྤྱི་འཐུས་གྲོས་ཚོགས་ཀྱང་འཚོག་རྒྱུ་མེད་པ་དྲན་སོང་ནའང་། དབུས་འོས་བསྡུ་ལས་ཁུངས་ཀྱི་གསུང་འཕྲིན་ནང་ལ་ཚེས་པ་ ༡༨ ཉིན་ལ་ངེས་པར་དུ་དམ་འབུལ་བྱེད་དུ་བཅར་དགོས་རྒྱུ། ཞེས་གསུངས་འདུག་པས། དེར་གདམ་ག་འདྲ་ཡོད་མ་རེད། དྲང་མོ་བཤད་ན་ང་ཚོའི་གཞུང་དེ་ཉམ་ཆུང་ཡིན་པས། སོ་སོའི་འདོད་པ་བཞིན་ཡོང་སྙིང་མ་བྲོ་ན་མ་ཡོང་ནའང་དམིགས་བསལ་ལབ་མཁན་ཅང་ཡོད་མ་རེད། ཡིན་ཡང་། ང་ཚོས་གཞུང་ལ་མ་བརྩིས་ན་ཁག་པོ་ཆགས་འགྲོ་ཡི་འདུག ཅེས་འགྲེལ་བརྗོད་གནང་བྱུང་།   ཡང་ཁོང་གིས། དབུས་འོས་བསྡུ་ལས་ཁང་གིས་བཙན་བྱོལ་བོད་མིའི་བཅའ་ཁྲིམས་དང་འོས་བསྡུའི་སྒྲིག་གཞི་སོགས་པ་ལུང་དྲངས་ནས་ངེས་པར་བཅར་དགོས་སྐོར་སོགས་གསུངས་འདུག ང་ཚོས་ངེས་པར་དུ་ཁྲིམས་དང་སྒྲིག་གཞི་བརྩི་སྲུང་བྱ་དགོས་རྒྱུ་དེ་གལ་ཆེན་པོ་རེད། ང་རང་སྔོན་མ་དང་པོ་སྤྱི་འཐུས་ཀྱི་འོས་མིར་ལངས་པའི་སྐབས་ལའང་། ངས་གཞུང་གི་འགྲོ་ལུགས་འགྲོ་སྟངས་ལ་བརྩི་སྲུང་བྱ་རྒྱུ་ཡིན་བསམས་ཡོད། ད་ལྟ་གཞུང་གིས་ཡི་གེ་འདི་འདྲ་བསླེབས་དུས་ངེས་པར་དུ་བཅར་དགོས་པ་ལས་མ་བཅར་ན། དེ་སོ་སོས་འགན་མ་ཁུར་བ་རེད་བསམས་སོང་། བྱས་ཙང་ད་ལན་བཅར་བ་ཡིན། ཞེས་དང་། མགྱོགས་པོར་ཕར་ཕྱིན་ནས་དོན་གཅོད་ལ་མཛད་རིམ་མང་པོ་ཞིག་ཡོད་སྟབས། ཉིན་གྲངས་བཅུ་གསུམ་ནང་ཆ་ཤས་ག་རེ་བླང་དགོས་འདུག་བལྟ་རྒྱུ་ཡིན་སྐོར་འགྲེལ་བརྗོད་གནང་བྱུང་། བོད་མི་མང་སྤྱི་འཐུས་ལྷན་ཚོགས་ཀྱི་དྲ་རྒྱ་ལྟར་ན། ཡུ་རོབ་སྤྱི་འཐུས་ལས་ཐོག་བཀྲ་ཤིས་བདེ་ལེགས་ལགས་ནི། ཕྱི་ལོ་ ༡༩ ལོར་བོད་མི་ཉག་ཏུ་སྐྱེས་ཤིང་། ཕྱི་ལོ་ ༢༠༠༢ ལོར་རྒྱ་གར་ལ་སྐྱབས་བཅོལ་དུ་བསླེབས་ནས་ཤེས་རབ་དགའ་ཚལ་སློབ་གླིང་དུ་སློབ་གཉེར་གནང་། ཞོར་དུ་སློབ་མ་གསར་པ་ཚོར་བོད་ཡིག་དགེ་རྒན་ཡང་གནང་། ཕྱི་ལོ་ ༢༠༠༧ ལོ་མཇུག་ནས་བོད་ཀྱི་བང་ཆེན་གསར་ཁང་དང་། ཨ་རིའི་བོད་སྐད་རླུང་འཕྲིན་ཁང་གི་གསར་འགོད་པ་གནང་། བཙན་བྱོལ་བོད་མིའི་ཁྲིམས་རྩོད་པའི་སྦྱོང་བརྡར་སྔ་ཕྱི་ཐེངས་གཉིས་ལ་མཉམ་ཞུགས་བྱས་ནས་བཙན་བྱོལ་བོད་མིའི་ཁྲིམས་དང་ལམ་ལུགས་ཀྱི་ཁྲིམས་རྩོད་པ་བྱས། ཕྱི་ལོ་ ༢༠༡༣ ལོའི་ལོ་མཇུག་ཏུ་སྦེལ་ཇམ་དུ་ཕྱིན་ནས། སྦེལ་ཇམ་བོད་ཀྱི་ཆོས་རིག་འཛིན་སྐྱོང་ཁང་གི་དྲུང་ཆེ་དང་ཤེས་ཡོན་འགན་འཛིན་གནང་། དེ་བཞིན་སྔར་རྒྱ་གར་ལྷོ་ཕྱོགས་སྦེལ་ཀོབ་ནས་ས་གནས་ཆུ་བཞི་སྒང་དྲུག་གི་ནང་ལ་ཕྱག་ལས་གནང་ཡོད་པ་དང་། ཁམས་པའི་སྨྱུག་ཚོགས་ཀྱི་སྐབས་དང་པོའི་དྲུང་ཆེའང་གནང་བ་སོགས་ཚོགས་པ་སྡེ་ཚན་མང་པོའི་ནང་ཕྱག་ལས་གནང་ཡོད་འདུག ཕྱི་ལོ་ ༢༠༢༠ དང་། ༢༠༢༥ ལོར་ཡུ་རོབ་དང་ཨ་ཧྥེ་རི་ཀའི་སྤྱི་འཐུས་སུ་ལངས་ཡོད་འདུག གསར་འགོད་པ། དཔལ་ལྡན། རྩོམ་སྒྲིག་བྱེད་མཁན། པདྨ་མཚོ། The post བཀྲ་ཤིས་བདེ་ལེགས་ལགས་ཀྱིས་སྐབས་བཅུ་བདུན་པའི་ཡུ་རོབ་སྤྱི་འཐུས་ཀྱི་ལས་ཁུར་དམ་འབུལ་ཞུས།  appeared first on བོད་ཀྱི་དུས་བབ།.

[དྷ་རམ་སར།] ཕྱི་ལོ་༢༠༢༦ ཟླ་༥ ཚེས་༡༥ ཉིན། ཨ་རིའི་རྒྱལ་ས་ཝ་ཤིང་ཊོན་དུ། ལོ་རྒྱུས་རང་བཞིན་ལྡན་པའི་བོད་རང་བཙན་གྱི་ཞུ་གཏུགས་ལས་འགུལ་ཐེངས་གཉིས་པ་དེ་མཇུག་སྒྲིལ་ཡོད་འདུག ཐེངས་འདིའི་ཞུ་གཏུག་ལས་འགུལ་ནང་བོད་རང་བཙན་འཐབ་རྩོད་པ་༢༡ མཉམ་ཞུགས་གནང་ཡོད་པ་དང་། The post བོད་རང་བཙན་གྱི་ཞུ་གཏུག་ལས་འགུལ་ཐེངས་གཉིས་པ་ལེགས་གྲུབ་བྱུང་འདུག appeared first on བོད་ཀྱི་བང་ཆེན།.

༧གོང་ས་༧སྐྱབས་མགོན་ཆེན་པོ་མཆོག་གིས་མ་ཎི་དུང་སྒྲུབ་ཀྱི་ཚོཊ་མགོན་དུ་དབུ་བཞུགས་མཛད་པ། བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ཐེག་ཆེན་ཆོས་གླིང་གཙུག་ལག་ཁང་དུ་མ་ཎི་དུང་སྒྲུབ་ཀྱི་ཚོགས་མགོན་དུ་ཆིབས་བསྒྱུར་བསྐྱངས་གནང་མཛད་སོང་། ལོ་ལྟར་བཞུགས་སྒར་རྡ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ་ས་ག་ཟླ་བ་འགོ་ཚུགས་པ་དང་བསྟུན། བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོའི་སྐུ་ཕྱྭའི་ཞབས་བརྟན་དང་། བསྟན་སྲིད་བདེ་ཐབས་ཀྱི་ཆེད་མ་ཎི་དུང་སྒྲུབ་གསོག་སྒྲུབ་གནང་གི་ཡོད་པ་བཞིན། ཕྱི་ཟླ་ ༥ ཚེས་ ༡༧ ཉིན་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་མ་ཎི་དུང་སྒྲུབ་ཀྱི་ཚོགས་མགོན་དུ་ཆིབས་བསྒྱུར་བསྐྱངས་གནང་མཛད་སོང་།

རྒྱ་ནག་གཞུང་གིས་པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་གར་ཡོད་གནད་དོན་གསལ་བཤད་བྱེད་རྒྱུའི་དུས་ལ་བབ་ཡོད་ཅེས་༧ཀུན་གཟིགས་པཎ་ཆེན་དགེ་འདུན་ཆོས་ཀྱི་ཉི་མ་མཆོག་བཙན་ཁྲིད་བྱས་ཏེ་ལོ་ངོ་ ༣༡ འཁོར་བའི་ཉིན་གསུངས་སོང་།༧ཀུན་གཟིགས་པཎ་ཆེན་སྐུ་ཕྲེང་ ༡༡ པ་དགེ་འདུན་ཆོས་ཀྱི་ཉི་མ་མཆོག་རྒྱ་གཞུང་གིས་བཙན་ཁྲིད་བྱས་ཏེ་ད་ཆ་ལོ་ངོ་སོ་གཅིག་ཧྲིལ་པོ་འགྲོ་བཞིན་ཡོད་ཀྱང་། ཁོང་གར་སོང་ཆ་མེད་ཀྱི་གནད་དོན་ཐད་གོ་རྟོགས་སྤེལ་རྒྱུ་དང་ལས་འགུལ་གང་མང་སྤེལ་རྒྱུ་ནི་ང་ཚོའི་ལས་འགན་ཞིག་ཡིན་པས། ལས་འགུལ་དེ་དག་མུ་མཐུད་གནང་རྒྱུ་ཡིན་པ་བོད་ཀྱི་གཞུང་འབྲེལ་མ་ཡིན་པའི་ཚོགས་པས་གསུང་གི་འདུགབོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཞོན་བཀྲ་ཤིས་རྟགས་རྒྱས་ལགས་ཀྱིས། རྒྱ་ནག་གཞུང་གིས་པཎ་ཆེན་རིན་པོ་ཆེ་མཆོག་བཙན་ཁྲིད་བྱས་ཏེ་མི་ལོ་ ༣༡ འཁོར་གྱི་ཡོད་ཀྱང་། ང་ཚོའི་ངོས་ནས་རེ་བ་བཟང་ས་ནས་བྱེད་དེ་ལས་འགུལ་རབ་དང་རིམ་པ...

རྩོམ་པ་པོ། ཆབ་མདོ་ངག་ཕུན། རྩོམ་ཁུངས། བོད་ཀྱི་དུས་བབ། དཀའ་ཚེགས་ལོ་ཟླའི་རྦ་རླབས་འཁྲུགས་ན་ཡང་།། མི་ཞུམ་བྱམས་པས་བུ་ཕྲུག་བརྩེ་བས་བསྐྱངས།། བྱམས་སེམས་ལྡན་པའི་བདག་གི་སྐྱེད་མ་ལ།། སྙིང་གི་དབུས་ནས་བཀའ་དྲིན་ཡང་ཡང་དྲན།། ཞེས་ཚིགས་སུ་བཅད་པས་སྔོན་བསུས་ཏེ། དེ་རིང་མི་རྣམས་ཀྱིས་”ཨ་མའི་དུས་ཆེན་”ཞེས་དྲན་གསོ་བྱེད་ཀྱི་འདུག ང་ཚོར་དེ་འདྲའི་དུས་ཆེན་སྲུང་བརྩི་བྱེད་པའི་གོམས་གཤིས་ཤིག་མེད་ནའང་། འདས་ཟིན་པའི་ལོ་རྒྱུས་ལ་ཕྱིར་དྲན་ཞིག་དང་འབྲེལ་ནས་རང་གི་དྲིན་ཅན་ཨ་མ་ལགས་དྲན་གསོ་བྱེད་འདོད་བྱུང་། ངའི་ཨ་མ་ནི་བོད་ཀྱི་གྲོང་གསེབ་ཀྱི་བུད་མེད་སྤྱི་མཚུངས་ལྟར་ལས་ལ་བརྩོན་ཞིང་། དུས་ཚོད་ཁོམ་པ་ནམ་བྱུང་ལ་མ་ཎི་བགྲང་བཞིན་ལས་ཀ་བྱེད་མཁན་ཞིག་ཡིན། ནང་ལས་རྫོགས་མཐའ་མེད་པ་བྱེད་དགོས་ཀྱང་། ཁོང་གིས་བྱས་ཡུས་དང་ངལ་བཤད་བྱེད་པ་ནམ་ཡང་མཐོང་མ་མྱོང་། ངའི་ཨ་མའི་ལུས་ལ་བོད་ཀྱི་ཕྱུ་པ་གྱོན་པ་ལས་གོས་ཐུང་གྱོན་པ་ནི་དེ་བས་ཀྱང་མཐོང་མ་མྱོང་ལ། ཁོང་ནི་ཕྱུ་པ་དང་གཏན་དུ་མ་བྲལ་བར་བཞུགས། ཁོང་གིས་དཀའ་ལས་ག་ཚོད་བརྒྱབ་ཡོད་མེད་ནི། ཕྱུ་པའི་ཕུ་ཐུང་དང་གོས་ཀྱི་མཐའ་ཁ་ཟད་ནས་ལ་མོའི་དར་ལྕོག་བཞིན་གྱུར་ཡོད་པ་དེས་མཚོན་ཐུབ། ཞོགས་པ་སྔ་པོ་ནས་བཞེངས་ཏེ་མེ་ཁ་གསོ་བ་དང་། ནོར་གནག་བཞོས་ཟིན་རྗེས་རི་ལ་གཏོང་བ། འོ་མ་དཀྲོག་པ་སོགས་བྱེད། བུ་ཕྲུག་རྣམས་ཉལ་ས་ནས་ལངས་དུས་ཞོགས་ཇ་གྲ་སྒྲིག་བྱས་ཟིན། ཁོང་ལ་དལ་ལྷོད་དུ་སྡོད་ལོང་མེད་པར་ཇ་འཐུང་ཞོར་དུའང་འོ་མ་དཀྲོག་དགོས། ནོར་གྱི་ལྕི་བ་རློན་པ་རྣམས་བསྒྲུགས་ཏེ་ལྷས་རའི་རྩིག་ངོས་སུ་ལེབ་ལེབ་བྱས་ནས་བསྐམས་དགོས། དེ་དག་ཚར་རྗེས་སླེ་པོ་རྒྱབ་ཏུ་འཁུར་ནས་འབུད་ཤིང་འཐུ་བར་འགྲོ། ཚུར་ནང་དུ་སླེབས་མ་ཐག་ཉིན་གུང་གི་ཞལ་ལག་གཡོ་སྐོལ་བྱེད་དགོས། ལོ་ཟླའི་འཁོར་མོ་དེའི་ནང་ཕྱི་ནང་གི་ལས་དོན་རྫོགས་མཐའ་མེད་པ་བྱེད་ཀྱི་ཡོད་མོད། བུ་ཕྲུག་ཚོས་ད་དུང་མ་རངས་པའི་རྣམ་འགྱུར་དུ་མ་ཞིག་ཨ་མར་སྟོན་གྱི་ཡོད། བུ་ཕྲུག་གིས་མ་འདོད་པ་ཇི་ཙམ་བསྟན་ནའང་། ཨ་མས་ནི་ཁ་ལག་ཞིམ་པོ་དང་གྱོན་ཆས་ལེགས་པོ་བྱུང་ཚེ། རང་གིས་ཟ་མི་ཕོད་པ་དང་གྱོན་མི་ནུས་པར་བུ་ཕྲུག་ལ་སྟེར་གྱི་ཡོད། ད་ཆ་དེ་དག་དྲན་དུས་དངོས་གནས་སེམས་ནང་གནོང་འགྱོད་ཆེན་པོ་སྐྱེ་དགོས་པ་ཞིག་རེད། སྤྱིར་བཏང་ཨ་མ་ནི་གཞན་གྱི་སྐོར་ལ་ཁ་ལྕེ་འཕེན་རྒྱུར་དགའ་པོ་གཏན་ནས་མེད། ཡིན་ནའང་ཨ་མས་བུ་ཕྲུག་རྣམས་ལ་རྟག་ཏུ་ཟ་འཐུང་འགྲོ་འདུག་གི་བསླབ་བྱ་ནན་པོ་རྒྱག་གི་ཡོད་པས། བུ་ཕྲུག་རྣམས་ཨ་མར་སུན་སྣང་སྐྱེ་གི་ཡོད། ཨ་ཕ་ནི་དེ་འདྲ་མ་རེད། དཔྱིད་ཀ་ཤར་བ་དང་།...

༧ཀུན་གཟིགས་པཎ་ཆེན་རིན་པོ་ཆེ་༧སྐུ་ཕྲེང་ ༡༠ ཆེན་པོ་སྐུ་འཚོ་བཞུགས་སྐབས་ཀྱི་སྐུ་ཚབ་གནང་གི་ཡོད་པ་ཨམ་མདོའི་ཨ་ལག་ཞེས་པའི་མཚན་གནས་བཞེས་མཁན་མང་ཆེ་བ་ཞིག་ལ་དྭགས་སྟག་མོ་ཁང་མཚན་ནས་ཆག་གི་ཡོད་པ་དང་དེ་དུས་དགེ་འདུན་པ་མང་པོ་ཨ་ལགས་གནང་རྗེས་ལ་དྭགས་སུ་ཕྱིར་ལོག་ཕེབས་སྐབས་ཨ་ལགས་གནང་རིང་གི་ཡིག་ཆ་གལ་ཆེན་གཙོས་སྐུ་ཆས་མང་དག་ཅིག་དགེ་འདུན་པ་རྣམས་ཀྱིས་མ་དགོན་སོ་སོར་སྐུ་གསུང་ཐུགས་རྟེན་མང་པོ་བསྣམས་ཕེབས་ཀྱི་ཡོད་པ་མང་པོ་ཞིག་དེང་སང་གི་དུས་སུ་ལ་དྭགས་ཀྱི་དགོན་པ་མང་པོའི་རྟེན་གཙོ་རྩ་ཆེན་ཀྱི་ཁྲོད་བཞུགས་ཡོད་པ་རེད་འདུག

༧གོང་ས་མཆོག་གིས་འཇར་མན་གྲོས་ཚོཊ་ཀྱི་འཐུས་མི་ཁག་ཅིག་ལ་མཇལ་ཁ་བསྩལ་བ། འཇར་མན་གྲོས་ཚོགས་ཀྱི་འཐུས་མི་ཚོར་མཇལ་ཁའི་སྐབས་༧གོང་ས་མཆོག་གིས་འཛམ་གླིང་ཞི་བདེ་དང་འབྲེལ་བའི་སྐོར་བཀའ་སློབ་བསྩལ་ཡོད་པ་དང་ཁོང་རྣམས་ནས་ཀྱང་། ༧གོང་ས་མཆོག་གིས་བཀའ་སློབ་ཕེབས་པ་གཞིར་བཟུང་ཕྱག་ལས་གནང་རྒྱུ་ཡིན་པ་སྙན་སེང་ཞུས་སོང་ཞེས། བོད་མིའི་སྒྲིག་འཛུགས་ཀྱི་མགྲིན་ཚབ་པ་བསྟན་འཛིན་ལེགས་བཤད་ལགས་ཀྱིས་གསུངས་བྱུང་།

—སྲིད་ཟུར་བློ་བཟང་སེང་གེ རྒྱ་ནག་ནི་གང་མགྱོགས་བཟོ་སྐྲུན་ལས་རིགས་ཀྱི་སྟོབས་ཆེན་རྒྱལ་ཁབ་ཅིག་ཏུ་གྱུར་ནའང་། ཁོང་ཚོས་སྐད་ཡིག་དང་རིག་གཞུང་། ཆབ་སྲིད་བཅས་གཅིག་མཐུན་བཟོ་བར་འབད་བརྩོན་བྱེད་བཞིན་ཡོད་པ་རེད། དེ་ནི་ཁོང་ཚོས་རྒྱལ་སྤྱིའི་སྤྱི་ཚོགས་ཀྱི་འབྲེལ་ལམ་ཐབས་བྱུས་ནས་ཉམས་ཆག་འགྲོ་ཉེན་ཆེ་བའི་ཞན་ཆ་ཞིག་ཏུ་འགྱུར་སྲིད།ད་ལྟ་རྒྱ་ནག་གིས་འཛམ་གླིང་གི་འགོ་ཁྲིད་བྱེད་འདོད་ཡོད་པ་རེད། ཁོང་ཚོའི་བཟོ་གྲྭ་ཚོས་འཛམ་གླིང་གི་ཐོན་རྫས་མཁོ་སྤྲོད་ཀྱི་འབྲེལ་ཐག་ལ་དབང་བསྒྱུར་བྱེད་ཀྱི་ཡོད་པ་དང་། བཟོ་སྐྲུན་པ་ཚོས་གྲུ་ཁ་དང་མེ་འཁོར་ལྕགས་ལམ། ཟམ་པ་སོགས་འཛུགས་སྐྲུན་བྱེད་ཀྱི་ཡོད། ཁོང་ཚོའི་བཟོ་སྐྲུན་གྱི་དམིགས་ཡུལ་དེ་ཉིད་ཨེ་ཤི་ཡ་ནས་ཨ་ཧྥི་རི་ཁ། དེ་ནས་ཡུ་རོབ་རྒྱལ་ཁབ་ཁག་ལ་སྲིང་གི་ཡོད་མོད། The post པེ་ཅིང་གིས་“གཅིག་གྱུར་”ལ་དམིགས་པའི་ཐབས་བྱུས་དེ་ནི་རྒྱ་ནག་གི་ཞན་ཆ་ཞིག་ཏུ་འགྱུར་རྒྱུ། appeared first on བོད་ཀྱི་བང་ཆེན།.

རྩོད་རྙོག་འདུམ་སྒྲིག་ཟེར་ན་མི་སྒེར་གྱི་བསམ་བློ་གཏོང་ཕྱོཊ་དང་འབྲེལ་བ་ཡོད་པ། བོད་ཀྱི་རྩོད་རྙོག་འདུམ་སྒྲིག་ལྟེ་གནས་ཁང་ཐོར་མར་གསར་འཛུགས་གནང་སྟེ་ལོ་ངོ་ ༢༥ འཁོར་བ་དང་བསྟུན། ལྟེ་གནས་ཁང་འདིས་ལོ་ངོ་ཉེར་ལྔ་རིང་ཕྱག་ལས་གནང་བའི་བརྒྱུད་རིམ་ཁྲོད། བོད་མིའི་སྤྱི་ཚོགས་ཙམ་མ་ཡིན་པར་མི་སྒེར་གྱི་འཚོ་བའི་ནང་བསམ་བློ་གཏོང་ཕྱོགས་སོགས་ཀྱི་ཐད་ལ་ཕན་རླབས་ཆེན་པོ་བྱུང་ཡོད་པ། ལྟེ་གནས་ཁང་དེ་དང་མཉམ་སྦྲེལ་གྱིས་ཕྱག་ལས་གནང་མཁན་ཁག་ཅིག་གིས་ཨེ་ཤེ་ཡ་རང་དབང་རླུང་འཕྲིན་ཁང་ལ་འགྲེལ་བརྗོད་གནང་བྱུང་།

ཕྱི་ལོ་ ༢༠༢༠༦ ཟླ་ ༥ ཚེས་ ༡༥ ཉིན་ཨ་རིའི་སྲིད་འཛིན་ཊམཔ་ཡིས་རྒྱ་ནག་གི་རྒྱལ་དོན་འཚམས་གཟིགས་མཇུག་བསྒྲིལ་ཏེ་པེ་ཅིང་ནས་ཉིན་རྒྱབ་ཨ་རིའི་ཕྱོགས་སུ་ཕྱིར་ཕེབས་ཐོན་གནང་ཡོད། རྒྱ་ནག་གི་འགོ་ཁྲིད་ཞི་ཅིན་ཕིང་དང་ལྷན་དུ་ཚོང་དོན་དང་ས་ཁུལ་གྱི་བདེ་འཇགས། ཐའེ་ཝན་གྱི་གནད་དོན་སོགས་ཀྱི་ཐོག་གླེང་མོལ་རྒྱ་ཆེན་པོ་བྱུང་སྐོར་སྲིད་འཛིན་ཊམཔ་ནས་གསུངས་ཤིང་། ཐའེ་ཝན་ལ་འཛིན་པའི་ཨ་རིའི་སྲིད་ཇུས་ལ་གཞུང་འཛིན་རིམ་པས་གཅིག་གྱུར་ཡིན་པ་བརྗོད་འདུག

༄༅། །ཕྱི་ལོ་ ༢༠༢༦ ཟླ་ ༥ ཚེས་ ༡༥ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་༸རྒྱལ་བའི་ཕོ་བྲང་དུ་ལྷོ་ཨ་ཧྥུ་རི་ཀའི་ཡི་ཤུའི་བླ་ཆེན་ཌེ་སི་མོན་ཊུ་ཊུའི་ཐེབས་རྩའི་འགན་འཛིན་གཙོ་བོར་གྱུར་པའི་མཇལ་བཅར་བ་སུམ་བརྒྱ་དྲུག་ཅུ་ལྷག་ལ་མཇལ་ཁ་སྩལ་ཡོད་པ་རེད། དེ་ཡང་མཇལ་ཁའི་སྐབས་སུ་ལྷོ་ཤར་ཨེ་ཤི་ཡའི་དད་ལྡན་མཇལ་བཅར་བ་ཞིག་གིས། བྱང་ཆུབ་ཀྱི་སེམས་ཉམས་ལེན་བྱེད་བཞིན་ཡོད། བྱང་སེམས་ཉམས་ལེན་གྱི་གནད་འགག་གཙོ་བོ་གང་ཡིན་ནམ། ཞེས་བཀའ་འདྲི་ཞུས་པར། མགོན་པོ་མཆོག་གིས་བཀའ་ལན་སྩལ་དོན། སྤྱོད་འཇུག་གི་གཞུང་ནི། བྱང་ཆུབ་ཀྱི་སེམས་ཀྱི་ཉམས་ལེན་སྐོར་གསལ་ཤོས་དང་ཡག་ཤོས་རེད། བྱང་ཆུབ་ཀྱི་སེམས་ཀྱི་ཉམས་ལེན་ནང་དུ་གཏོང་ལེན་གྱི་དམིགས་པ་དེ་བྱེད་བཞིན་ཡོད། གཞན་གྱི་སྡུག་བསྔལ་རང་གིས་བླངས། རང་གི་བདེ་སྡུག་གང་ཡོད་པ་གཞན་ལ་ཕུལ་གྱི་ཡོད། གཏོང་ལེན་གྱི་དམིགས་པ་དེ་ངོས་ཀྱིས་ཉིན་ལྟར་བྱེད་བཞིན་ཡོད། ཅེས་བཀའ་སྩལ།གཞན་ཡང་། དད་ལྡན་མཇལ་བཅར་བ་ཞིག་གི་གསོལ་འདེབས་དང་འབྲེལ་བཀའ་སློབ་སྩལ་དོན། བོད་ལ་ཏན་ཏན་སླེབས་ཀྱི་རེད། བོད་རང་བཙན་གཙང་མ་ཞིག་ཡོང་དང་མ་ཡོང་ནི་གནས་ཚུལ་ཁ་ཁ་རེད། དེ་མ་གཏོགས་གཞན་བོད་རྒྱ་ཆེའི་མི་མང་གི་ལྷག་བསམ་དང་དད་པ་གཡོ་བ་མེད་པ་དེའི་སྒོ་ནས་ངོས་རང་བོད་ལ་སླེབས་ནས་བོད་རྒྱ་ཆེའི་མི་མང་ཚོར་ཆོས་འབྲེལ་བྱེད་པ་ཅིག་ཏན་ཏན་ཡོང་གི་རེད། ངོས་ཀྱིས་སྨོན་ལམ་རྒྱག་གི་ཡིན། ཞེས་བཀའ་སློབ་བཀའ་དྲིན་སྩལ་བ་དང་། དེ་བཞིན། བལ་ཡུལ་ནས་ཕེབས་པའི་གཞོན་ནུ་མ་ཞིག་གིས། ད་ལྟ་སློབ་སྦྱོང་ཡག་པོ་བྱེད་བཞིན་ཡོད་པ་དང་། མ་འོངས་པར་སྤྱི་ཚོགས་ལ་ཕན་ཐོགས་ཡོད་པའི་མི་ཞིག་ཡོང་བར་ཐུགས་སྨོན་གནང་བའི་སྐྱབས་འཇུག་ཞུས་པར་བཀའ་སློབ་སྩལ་དོན། ཧ་ཅང་ཡག་པོ་འདུག རྒྱ་ཆེའི་མང་ཚོགས་ལ་ཕན་ཐོགས་ཆེད་དུ་སློབ་སྦྱོང་ཡག་པོ་ཞིག་བྱེད་ཐུབ་པ་ནི་ཧ་ཅང་ཡག་པོ་རེད། སློབ་སྦྱོང་བྱས་ནས་དངུལ་བཟོ་རྒྱུ་ཙམ་མ་ཡིན་པར་གང་ལྟར་སྤྱི་ཚོགས་ལ་ཞབས་འདེགས་སྒྲུབ་ཐུབ་པ་ཞིག་ལ་བསམ་བློ་བཏང་བ་ནི་ཧ་ཅང་ཡག་པོ་རེད། ངོས་ཀྱིས་རྗེས་སུ་ཡི་རང་ཞུ་རྒྱུ་ཡིན། ཞེས་བཀའ་གནང་།དེ་བཞིན་གཞོན་སྐྱེས་བུ་མོ་ཞིག་གིས་བསམ་བློ་གཏོང་རྒྱུ་མང་དྲགས་པའི་དཀའ་ངལ་འདུག དེ་ལྟ་བུའི་སྐབས་སུ་ཅི་བྱེད་དགོས་སམ་ཞེས་བཀའ་འདྲི་ཞུས་པར། བསམ་བློ་འདྲ་མི་འདྲ་འཁོར་བའི་སྐབས་སུ་ནོར་འཁྲུལ་ཡོང་གི་རེད། བསམ་བློ་འདྲ་མི་འདྲ་སླེབས་ཡོང་དུས་བྱང་ཆུབ་ཀྱི་སེམས་དང་སྟོང་ཉིད་ཀྱི་ལྟ་བ་སྒོམ་རྒྱུའི་ཐོག་ལ་ཤུགས་རྒྱག་ཐུབ་ན་བཟང་། གནས་སྟངས་གཞན་དག་ཙག་ཙིག་ལ་བསམ་བློ་མི་འགྲོ་བར་བྱང་ཆུབ་ཀྱི་སེམས་དང་སྟོང་ཉིད་ཀྱི་ལྟ་བར་བསམ་བློའི་ཤུགས་སྒྲིམ་ན་ཧ་ཅང་ཡག་པོ་ཡོད་པ་རེད།...

འདི་ལོའི་རྒྱ་གར་དབུས་འབྲིང་རིམ་ཤེས་ཡོན་ལྷན་ཚོགས་ཁྱབ་ཁོངས་བོད་སློབ་ཁོངས་ནས་འཛིན་རིམ་བཅུ་གཉིས་ཀྱི་སློབ་ཕྲུག་གྲངས་ ༩༡༨ རྒྱལ་ཡོངས་ཡིག་རྒྱུགས་ནང་མཉམ་ཞུགས་བྱས་ཏེ་སློབ་ཕྲུག་གྲངས་ ༩༠༥ ཡི་ཡིག་རྒྱུགས་འཕྲོད་པའི་བརྒྱ་ཆ་ ༩༨།༥༨ རེད་འདུག The post འདི་ལོ་བོད་པའི་སློབ་གྲྭ་ཁག་གི་ཡིག་རྒྱུགས་འཕྲོད་པའི་བརྒྱ་ཆ་ ༩༨།༥༨ རེད་འདུག appeared first on བོད་ཀྱི་དུས་བབ།.

དེ་རིང་བོད་ཀྱི་རྩོད་རྙོག་འདུམ་སྒྲིག་ལྟེ་གནས་ཁང་དབུ་བརྙེས་ཏེ་ལོ་ངོ་ ༢༥ འཁོར་བ་དང་༸སྐུའི་གོ་སྟོན་སྲུང་གཙིའི་དུས་ཆེན་མཉམ་འཛོམས་ཀྱི་མཛད་སྒོ་འཚོགས་སོང་། The post རྩོད་རྙོག་ཟེར་བ་དེ་བཟང་ཕྱོགས་སུ་བསྒྱུར་རྒྱུའི་ཐབས་ལམ་ཡོད། appeared first on བོད་ཀྱི་དུས་བབ།.

ལྷོ་ཨ་ཧྥི་རི་ཁའི་ཡེ་ཤུའི་ཆོས་དཔོན་ཞིང་གཤེགས་དམ་པ་ཌ་སི་མིན་ཊུ་ཊུ་མཆོག་གི་ཐེབས་རྩའི་དབུ་འཛིན་ནས་༸གོང་ས་མཆོག་ལ་མཇལ་བཅར་ཞུས། The post ༸གོང་ས་མཆོག་གིས་ཌ་སི་མོན་ཊུ་ཊུ་དམ་པ་དེ་ཉིད་སྙིང་ནས་བརྩེ་བའི་གྲོགས་པོ་ཞིག་ཡིན་གསུངས། appeared first on བོད་ཀྱི་དུས་བབ།.

༄༅། །ཕྱི་ལོ་ ༢༠༢༦ ཟླ་བ་ ༥ ཚེས་ ༡༥ ཉིན་སིམ་སྤྱི་ལྷག་པ་ཚེ་རིང་ལགས་ཀྱིས་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་སུཁ་ཝིན་དྷར་སིངྒ་སུ་ཀུ་ (Shri Sukhvider Singh Sukhu) མཆོག་དང་མཇལ་འཕྲད་ཀྱིས་ཕྱག་བྲིས་ཤིག་ཕུལ་བ་དང་འབྲེལ། བོད་མིའི་བདེ་སྡུག་ཁག་སྙན་གསེང་ཞུས་འབྲས་སུ། སྤྱི་ཁྱབ་བློན་ཆེན་མཆོག་གིས་རོགས་མགོན་གང་འོས་གནང་རྒྱུ་ཡིན་པའི་བཀའ་ཕེབས་ཡོད། དེ་བཞིན་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་མཆོག་གི་དྲུང་ཡིག་ཆེན་མོ་སན་ཇཱིབ་ཀཱུ་མཱར་ (Secretary to C.M, Shri Sanjiv Kumar Boudh) ལགས་དང་མཇལ་འཕྲད་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཕྱག་དཔེ་གསར་པ་བོད་དང་བོད་མིའི་མགྲིན་ཚབ་ཅེས་པ་ཕྱག་རྟགས་སུ་ཕུལ་ཡོད།།

༄༅། །ཕྱི་ལོ་ ༢༠༢༦ ཟླ་བ་ ༥ ཚེས་ ༡༤ ཉིན་ལས་བྱེད་འདེམས་བསྐོ་ལྷན་ཁང་གི་གོ་སྒྲིག་འོག་མ་སུ་རིར་རྟེན་གཞི་བྱས་པའི་ National Centre for Good Governance དུ་བོད་མིའི་སྒྲིག་འཛུགས་ཀྱི་ལས་བྱེད་རྒན་པ་ཁག་གཅིག་ལ་འགོ་ཁྲིད་ནུས་སྤེལ་གྱི་ཟབ་སྦྱོང་ཞིག་བསྐོང་ཚོགས་གནང་ཡོད། སྐབས་དེར་ཟུང་དྲུང་ནས་དྲུང་ཆེའི་གནས་རིམ་བར་གྱི་ལས་བྱེད་སྐྱེད་པ་ ༡༡ དང་བུད་མེད་ ༥ བཅས་ཁྱོན་བསྡོམས་ལས་བྱེད་ ༡༩ མཉམ་ཞུགས་གནང་ཡོད། ཟབ་སྦྱོང་དེ་བཞིན་སྔ་དྲོའི་ཆུ་ཚོད་ ༩།༣༠ ཐོག་འགོ་འཛུགས་ཀྱིས་ཐོག་མར་འབུམ་རམས་པ་ཨེམ་ཀེ་བྷན་དྷ་རི་ (M.K Bhandari) ལགས་ཀྱིས་ཕེབས་བསུའི་འཚམས་འདྲི་ཞུས་པ་དང་སྦྲགས། ཚོགས་བཅར་བ་རྣམས་ཕན་ཚུན་ངོ་སྤྲོད་ཀྱི་ལས་རིམ་ཞིག་བསྐོང་ཚོགས་གནང་ཡོད།དེ་རྗེས་སློབ་དཔོན་ཆེན་མོ་ཨེ་པི་སིངྒ་ (Dr. A.P. Singh) ལགས་ཀྱིས་སྦྱོང་བརྡར་བསྟི་གནས་ཁང་གི་བྱུང་རིམ་ལོ་རྒྱུས་ངོ་སྤྲོད་གནང་བ་དང་། སྦྱོང་བརྡར་བསྟི་གནས་ཁང་འདི་ཉིད་ལཱལ་བྷ་ཧཱ་དུར་ཤཱསྟྲི་རྒྱལ་ཡོངས་འཛིན་སྐྱོང་སྦྱོང་བརྡར་ཁང་གི་ (Lal Bahadur Shastri National Academy for...

ནང་པའི་ལྟ་གྲུབ་དང་དེང་དུས་ཀྱི་ཚན་རིག་གཉིས་ཀྱི་དབར་མཐུན་པ་དང་མི་མཐུན་པའི་ཕྱོགས་ཞེས་པའི་བརྗོད་གཞིའི་ཐོག་གསུང་བཤད་གནང་པ། སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་འདས་པའི་ལོ་ ༤༠ ལྷག་གི་རིང་ནང་པའི་ལྟ་གྲུབ་དང་དེང་དུས་ཀྱི་ཚན་རིག་ཐོག་ལ་མཛད་འཕྲིན་མང་དག་བསྐྱངས་དང་སྐྱོང་བཞིན་ཡོད་པ་ལྟར། ལྡི་ལི་བོད་ཁང་གི་འགན་འཛིན་༧གོང་ས་༧སྐྱབས་མགོན་ཆེན་པོ་མཆོག་གི་༧སྐུའི་གསུང་སྒྱུར་ཞབས་ཞུ་བསྒྲུབས་མྱོང་མཁན་དགེ་བཤེས་རྡོ་རྗེ་དགྲ་འདུལ་ལགས་ཀྱིས། སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་དབུ་བཞུགས་ཐོག་ཕྱི་ལོ་ ༡༩༨༧ ནས་འགོ་འཛུགས་ཀྱི་སེམས་དང་སྲོག་གི་ཚོགས་འདུ་ཞེས་ཚོགས་ཆེན་ཞིག་ལོ་རེ་བཞིན་ཐེངས་རེ་དང་མཚམས་རེ་ཐེངས་གཉིས་དང་གསུམ་འཚོགས་བཞིན་ཡོད་པ་རེད། ད་ལྟའི་ཆར་གནས་ལུགས་འདི་འཛམ་གླིང་ཁྱོན་ཡོངས་ལ་ཁྱབ་སྤེལ་ཇེ་ཆེར་སོང་སྟེ་འཛམ་གླིང་ནང་དེང་སང་སངས་རྒྱས་ཀྱི་བསྟན་པ་ཟེར་དུས་དམིགས་བསལ་...

ཨ་རི་དང་རྒྱ་ནག་གི་ཆེས་མཐོའི་དཔོན་རིགས་ཀྱི་གྲོས་མོལ་འདི་ཕྱི་ཟླ་ ༥ ཚེས་ ༡༤ ཉིན་དངོས་སུ་འགོ་བཙུགས་གནང་ཡོད་པ་དང་། རྒྱ་ནག་གི་སྲིད་འཛིན་ནས་ཚོང་དོན་གྲོས་མོལ་ཐད་ཡར་རྒྱས་འགྲོ་བཞིན་ཡོད་སྐོར་བརྗོད་ཡོད་རུང་། ཐའེ་ཝན་གྱི་གནད་དོན་ཐད་མི་མཐུན་པ་བྱུང་ཚེ། རྒྱལ་ཁབ་གཉིས་ཀྱི་འབྲེལ་བ་འདི་ཉེན་ཁའི་མཚམས་སུ་བསླེབ་སྲིད་པ་མ་ཟད། ཐ་ན་དམག་འཁྲུག་གི་ངོ་བོར་འགྱུར་སྲིད་པའི་ཉེན་བརྡ་བཏང་འདུག་ལ། ཡང་སྲིད་འཛིན་རྒྱ་ནག་ཏུ་མ་ཕེབས་སྔོན་རྒྱ་ནག་གཞུང་གིས་འཛིན་བཟུང་བྱས་པའི་ཇི་མེའི་སླའེ་ (Jimmy Lai) དང་མཆོད་དཔོན་ཅིན་（Ezra Jin ）གྱི་གནད་དོན་གླེང་རྒྱུའི་བཀའ་མོལ་ཡང་བྱུང་ཡོད་པ་རེད། ད་རེས་ཨ་རིའི་སྲིད་འཛིན་ཊམཔ་ཕྱི་ཟླ་ ༥ ཚེས་ ༡༣ དགོང་དྲོ་རྒྱ་ནག་གི་རྒྱལ་ས་པེ་ཅིང་དུ་ཕེབས་འབྱོར་བྱུང་ནས་ཕྱི་ཚེས་ ༡༤ ཉིན་དངོས་སུ་ཆེས་མཐོའི་དཔོན་རིགས་གཉིས་ཀྱི་གྲོས་མོལ་དབུ་བཙུགས་གནང་ཡོད། ཐོག་མར་རྒྱ་ནག་གི་མི་དམངས་ཚ...

ཊམཔ་དང་ཞིའི་དབར་གྲོས་མོལ་གནང་བཞིན་པའི་དུས་འདིར་སྲིད་སྐྱོང་མཆོག་གིས་ཨ་རིའི་བོད་དོན་ལངས་ཕྱོགས་བཟང་ཕྱོགས་སུ་སྐྱོད་བཞིན་ཡོད་པ་གསུངས་པ། ཨ་རིའི་སྲིད་འཛིན་དང་རྒྱ་ནག་གི་སྲིད་འཛིན་གཉིས་དབར་མཇལ་འཕྲད་འདིའི་ནང་། བོད་ཀྱི་གནད་དོན་སྐོར་གླེང་ཐུབ་མིན་གཤོད་ཚོད་ཐུབ་པ་དཀའ་ཡང་། ཨ་རིའི་གཞུང་གིས་བོད་དོན་ལ་འཛིན་པའི་ལངས་ཕྱོགས་ནི་བཟང་ཕྱོགས་སུ་སྐྱོད་བཞིན་ཡོད་པ་ཞིག་ཏུ་མཐོང་ཞེས། བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་ལགས་ཀྱིས་གསུངས་བྱུང་།